Ruth 1:1 - Ohiatonhseratokénti

^1-2 Wahón꞉nise ne tho nón꞉ shontakahá꞉wi ohén꞉ton tsi niió꞉re ne Israel shahotiién꞉taʼne ne Ronontí꞉io, iáh tesewatennaʼ tsheranákere. Kí꞉ken rón꞉kwe Elimelech ronwá꞉iats tho nón꞉ nihaiá꞉tare tsi nihotiʼtarò꞉ten ne Ephrath tánon tho nón꞉ nihanakeréhkwe tsi nón꞉ tkanátaien Bethlehem ne Judah, wà꞉ne káti ne ró꞉ne Naomi tánon tehniiáhse rotiskenʼrakéhte shakotiienʼokón꞉ʼa Mahlon tánon Chilion ronwatí꞉iats. Kenʼnikarihwéhsa káti tho nón꞉ iahatinákerate tsi tionhwentiá꞉te ne Moab. Tsi káti nikarì꞉wes tho nón꞉ shihatinákere,

Ruth 1:1 ပူးပေါင်းရင်းမြစ်များ

Genesis 12:10

Ó꞉nen kíʼ waʼontonhkariá꞉khon ne tsi ionhwentsá꞉ien. Ká꞉ti ne Abram Egypt niahá꞉re, iáh kíʼ tekarí꞉weʼs tho tshiahré꞉sheke, aseʼkénh natonhkariá꞉kon kwáh í꞉ken tsi teiotenonhianíhton né nón꞉we niiohontsá꞉ien.

Genesis 26:1

Shé꞉kon ó꞉ia natonhkariá꞉kon kaièn꞉tahkwe ne tsi ionhwenhtsá꞉te kwáh tshiehská꞉te natonhkariá꞉kon tsi nitiohtón꞉ne ne sihotenhniseraténionhskweʼ ne Abraham. NʼIsaac Gerar neʼ nón꞉we niahá꞉re, tsi thén꞉teron ne Abimelech, ne shakonontí꞉io ne Philistiaró꞉nons.

Genesis 43:1

Nón꞉wa natonhkariá꞉kon tsi naʼteiotenonhianíhton ne tsi ionhontsá꞉ien.

2 Samuel 21:1

Nón꞉wa neh nón꞉we wahontonhkárhiake tsi nihotenhniseraténionkwe ne Táwit ne náhsen niʼioseráke nikarí꞉weskwe, kwáh iateioseráke; ó꞉ni ne Táwit tsi enhoriwanónhtonhse ne Roiá꞉ner. Ne Roiá꞉ner enhénron, “Kwáh ronekwensarónhnion ne Saul tsi nihoníkon ó꞉ni ne raowátsire, tsioríwa tsi sakononwarhiakhónhnion ne Gibeonró꞉nons.”

1 Kings 18:2

Káti ne Elijah thóh niahá꞉re. Nathonkarhiákon ne Samaria nónhwe ónenh kwáh tsononkwísen iotónhon,

1 Chronicles 2:51

né tekeníhaton roiénha í꞉ken né꞉ne Salma rahónha ronatát꞉tsheron ne Bethlehem, ók nasénhaton niéraʼte ne roienéha Hareph raónha nénh꞉ʼne rotenatónhni ne Bethgader.

1 Chronicles 2:54

Né Salma, né ronatát꞉tshenron ne Bethlehem, né꞉ne ronhwasok kenʼen nonkweʼshón꞉as ne Netophathró꞉nons, né Atroth Beth Joab, ó꞉ni ne Zorʼró꞉nons, né꞉ne shotitára í꞉ken né tekentárake ne Manahathró꞉nons. (

Psalms 105:16

Nó꞉nen shontahaténieʼte natonkarhiákon ne tsi ionwenhtsáte, akwékon waʼhahiá꞉ke tsi nihotiʼientʼthó꞉seron nonátsia,

Psalms 107:34

né kwáh tiohontsí꞉ios kwáh kíʼ káiase ienhwáʼton né entioróhroʼke ne iotenatentásta tánon tsioiótsis, tsioríhwa né nón꞉we nihatinákere tsi nihonhnonkwetahétʼkens.

Jeremiah 14:1

Ne Roiá꞉ner wahakénhase tsi nòkwah ne iahonwenhtsátʼten,

Ezekiel 14:13

“Rónhkwe iaiénha,” wahénron, “Tó꞉ka ne kanakeráhsehra akarihwánerahke tánon iáh tehiorihwahtó꞉ken nakonháke, Iatenhkanenhtsháthaʼte tánon enkhéhiatse tsi ní꞉ioht tsi rothikwahiéntas. Ienkaténieʼthe nahthonkarhiákon tánon enhothinonhwahrhiákhon nonhkweshón꞉ʼa ó꞉ni ne katʼtshénenhs.

Ezekiel 14:21

Kén kíʼ nahó꞉ten ne Ronhnontí꞉io Roiá꞉ner ratónhnions: “Kwáh ienkaténieʼte ne kaiéri nihiorihwáhke ne kwáh tewahétken ne karewahthá꞉tshera ahonháke ne Jerusalem—aterihiósehra, athonkarhiákon, konhtírhios, tánon kannrahtharinhétshera—nahiakóthonte nonhkweshón꞉ʼas ó꞉ni ne katʼtshénenhs.

Leviticus 26:19

Kwáh kíʼ théntsiaʼke tsi nishanonhtsistaníron tsi nishehʼnáie; kwáh iáh tahiokénhnoʼre, tánon ne sonhontsáke thóh nenhioníronhke tsi ní꞉ioht ne karísthatsi.

Amos 4:6

Í꞉ʼi tewákha natonhkariá꞉kon akwé꞉kon tsi ní꞉kon sanataièn꞉tons, tánon wahsatekhókten akwé꞉kon tsi nón꞉we nisanakerahserá꞉ien, nek kiʼk shá꞉ka iáh akonhá꞉ke thaʼtetisé꞉non, rá꞉ton ne Roiá꞉ner.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Deuteronomy 28:38

“Kwáh wé꞉so enshiéntho nonenhaʼshón꞉as, ók kentní꞉kon enshientwá꞉ko, tiorì꞉wa ne tsistá꞉rare ne enhonteʼkwí꞉sa ne saienʼthó꞉tsheras.

Judges 12:8

Né teshonathasonhterákwen ne Jephthah, ne Ibzan né꞉ne Bethlehem nónhwe nithawénon ne shasakohénthenhse nʼIsraerʼró꞉nons.

Judges 17:7

Thóh siʼkaháwiskwe thóh ranákerekwe nithohiónha Leviró꞉nons etʼiehanákereʼkwe tsitʼkanáthaien ne Bethlehem né꞉ne Judah ahothonhontsáke nónhwe.

Judges 17:8

Sahanakeráko ne Bethlehem né nahatenathisáke natʼthenónhwe iahonsahathatíteron. Tsi náhe tehostikafenhátieʼne, thóh iaháraʼwe tsi thoʼnónhsohthe ne Micah né tsi iononhtharónhnion kanakeraseráien ne Ephraim.