Romans 9:4 - Ohiatonhseratokénti

⁴ Rohnónha neh Rawenni꞉io rahonkwetaʼsónha; rahónha rohtewirahrákwen ó꞉ni washakawenésten ne rahohiatanerakwátsera; iathonteriwáieste tánon tasakáwen ne kaianerénsera, Rawenni꞉io wahsakonathónhaʼse tsi ní꞉ioht tsi ahonwasénʼnaien neh kwáh tkariwaiéri; wahathiʼiéna ne Rawenni꞉io tsi nihorarasthánions;

Romans 9:4 ပူးပေါင်းရင်းမြစ်များ

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 17:10

Né kí꞉ken nakaterihwasehronniáhtshera, ó꞉nenk tsi enhsateweièn꞉ton, tsi naʼtetiátere tánon tsi nienhsathwatsí꞉rine ó꞉ni nó꞉nen ensenhé꞉ionke: Kwáh ratikwé꞉kon ne rotiskenʼrakéhte né꞉ne sesewentióhkwa í꞉ken ó꞉nenk tsi enhonwatiʼwahrakwé꞉taron.

Genesis 17:2

Tánon enkón꞉ni nakaterihwahseronniáhtshera tsi naʼtetiàtere Í꞉i tánon ní꞉se, tánon entkón꞉ion naesentiohkowáhnha tsi nienhsathwatsí꞉rine.”

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 32:28

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

1 Kings 8:11

né tehioswatʼthéton ne tehiokará꞉iak kaswatʼthétsera né tsi thóh í꞉res ne Roiá꞉ner, tánon iáh tehiothónhon né thóh niahonsahonénonhke nahotihióten ne rahotihioténhsehras.

Nehemiah 13:29

Sheiehiá꞉rak, á꞉ke Ní꞉io, tiorì꞉wa tsi wathatitiónste tsi ratitsihénstatsi nahatiiaʼtó꞉ten tánon ne raonaterihwasheronhniá꞉tsheras ne ratiʼtsihénstatsis ó꞉ni ne Levites.

Psalms 147:19

Thóh wis ne raowénhna ne Jacob, ne rahorihonhnienhnítsheras tánon ne raoianerénhseras ne Israeronónke.

Psalms 63:2

Ká꞉ti thóh nón꞉we nakonhiatísake Nononsatokentiʼkówaʼne, nakatʼkátho ne sashaststénhsera tánon ne sahiatanerakwáhtshera.

Psalms 73:1

Orihwiʼiohónwe ne Rawenni꞉io tsi torihwaʼiéri tsi nòkwah Nisraelró꞉nons né꞉ne tsi nihiákon nʼiakerhiaʼsí꞉io.

Psalms 78:61

Waʼsakoríhon ne ionkhíshons nahatiʼiéna Naterihwaseronniátshera Oneróhkwa, né waʼtenientensthakwen ne raoshaststenhsera tánon ne raoiatanerá꞉kwahtshera.

Psalms 89:3

Waʼshí꞉ron, “Wát꞉shon naterihwaʼseronniátshera skát꞉ne ne Táwit tsi rahónha rihiatará꞉kwen, tánon sénha ishiʼnónwe níken, waʼkerihwaniráton tsi enwaʼkerihwatókenhake ne rahonháke:

Psalms 89:34

Kwáh iáh tathá꞉tiaʼke nakaterihwasehronʼniátshera, khés ne tahonsatʼténi tsowénhna tsi nitewaʼkewenhnanikéhen né ksáke.

Psalms 90:16

Takwahríhon í꞉ih ne sanhatsherahókons, tánon ne iakihiohʼokónha kwáh ó꞉ni iakwatkátho ne iorihowáʼnens tsi nisatieránion.

Exodus 12:25

Nónen ienʼtsionhontsórenhne nètho Roiá꞉ner roʼrahrátston natsíʼtsion, ónenk tsi ètho nenhsewáieʼre noriwakáion.

Exodus 34:27

Ne Roiá꞉ner wahawénhase ne Mahís, “Shiá꞉ton kíʼ ken owenhnasónhas, tsioríwa tsi né kí꞉ken owenhnasónhas tkanonhkonhniáton tsi watsiaʼnerenseronhnihátie níʼseke ó꞉ni nIsraerʼró꞉nonhs.”

Exodus 4:22

Ethóne kí ó꞉nenk tsi entsró꞉ri tsi Í꞉i, ne Watiá꞉ner, káton, ‘NʼIsrael né꞉ne thakowáhnen rí꞉ienha.

Exodus 40:34

Ethòne otshá꞉ta wakarorókste natóhsehra tánon ne tehiohaseraswáʼthe wakánane tsi nónhwe nihénteronh ne Roiá꞉ner.

Isaiah 41:8

Ók ní꞉se, Israel, akenhá꞉tshera, Jacob, rahónha rihiatará꞉kwen, Abraham nón꞉we nitotʼwatsirínon, onhtiaʼténhro;

Isaiah 46:3

Takatahónsatat, Ó tsi niʼtisewatwatsiríhnon ne Jacob, ratiʼkwékon ne iaʼteonataténron nonkweshónhas ne Israerʼronónke, I꞉i konhiatíson né꞉ne kwáh sontasatón꞉ni, takonhiaténhawe ne tsi watewiraráhkwah nón꞉we;

Isaiah 5:2

Tsi ní꞉ioht ne tahathontáiake tánon waʼhanenhiaróhroʼke né waʼhaiéntʼtho né kwáh tekaiestáshion watenenharíseres; kwáh satekahetíhen ne watenenharíseres nón꞉we nahanikatóten, waʼhanatʼthaserónhnien tsi nón꞉we naháien ne tewahiaríhtha; rohrahrá꞉kwe ne kanenharí꞉io ahonenharaiéntaʼne, ók ne takáhawe ne karahkónha onénhare.

Isaiah 60:19

Né kará꞉kwah iáh shé꞉kon né thaʼtaonsesahswátheʼte né tsi niwenhníseres, iáh ó꞉ni tsi nateioswát꞉the nashonthenhnékha kará꞉kwah iáh né thatahonsesahswatʼthéten ne tsi niwashóntes ók né꞉ne Roiá꞉ner kwáh tsi nénhwe enkénhake tsi theniaswatʼthéten, tánon ne Saní꞉io kwáh né sahiaʼtanerakwáhtshera enkénhake.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Jeremiah 31:9

Nakonkwetahshón꞉a tsi enshón꞉neweh tenhonsentʼthósehke, roʼnahterennaʼienhthátie tsi niʼsehkheʼhiashá꞉rihne. Kwáh thóh nienʼkhehiaténhaʼwe tsi nónhwe ne watnekíne, tsi nónhwe ne iohahí꞉io ne ne iáh tahonthahonaʼshí꞉tsiaʼke. Thóh niwahkathatiéren tsi ní꞉ioht ne khehienhokónhas ne Israerʼró꞉nons, tánon ne Ephraim ne ne thaʼkowáhnenh rihién꞉a.”

Ezekiel 1:28

Kwáh tiosaháton ne rahiatakʼtóntie tsi tehioterónhronhte, tsi ní꞉ioht ne iorónhronhte teioswátʼte ne tsi iotsikerahrónhnions. Thóh kíʼ ní꞉ioht ne raohiatanerahkwáhtshera ne Roiá꞉ner tsi wahakathotáshiaʼse. Nónenh shakatkátho, kwáh tiekʼkonhskárahte tsi okenhráhke wahtiataiéntahne, tánon onhkathóntehne ónhkak ionhktharáhni,

Hosea 11:1

Ne shihatsáha Israel, rinorón꞉kwakwe, tánon Egypt nón꞉we iahí꞉naton ne riiénha.

Numbers 7:89

Nónen ne Mahís atohsehrákon niaháre ne Roiá꞉ner thaʼnitháren, wahothóntene ne Roiá꞉ner rotharáni thóh èhneken ne tsi iotenonhtékon Naterihwaʼseronhniátshera oneró꞉kwah, né tsi natehiátere ne teníhiase ne teninerahónhtsonhton tenironʼhiakeronnonhkówa.

Matthew 21:33

Seȣataonsatat sekon oiah tekariȣakentonkȣen; saiatat ne ronkȣe ȣahanenharaientho, ȣahatehenronni, oni tsi ienekonniata tanon tahanikatoten ne iononsaniron; ethone onen ȣasakoni ne ratinenharaienthos, nok ȣahatenti.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

John 1:47

Iesos iahoken Nathanael eh nontahaȣenonhatie, ȣahaȣenhase tsi ȣahenron: neh kehiken ne tokenske onȣe Israerhaka niah tekaien naienikonrhate.

Acts 2:39

Asèken ne Rawení꞉io tsi sewararatsʼtén꞉ni ó꞉ni ne ieʼtsiʼiohokónha, tánon ó꞉ni tsi niháti ne ahinónsherons tathinakeréhnion—kwáh tsi niháti ne Roiá꞉ner onkwaʼní꞉io ne raónha sakohonkaráwis rahonháke niá꞉ien.”

Romans 3:2

Éso, kwáh tokènʼen, tsíkʼnahontahiotiératon! Ne tiotierentákwen, Rawenni꞉io tesakówi ne Sitaeró꞉nons nahathinónstate ne rahoteriwanhotátshera.

Romans 8:15

Nonikónra nètho Rawenni꞉io thiáwi iáh neh tesonniénʼnis ne senáskwa akénhake ó꞉ni naihsónnien naihsaterónseke; khék nonikónra neh sonniénʼnis ne Rawenni꞉io iaiénha akénhake, tánon kíʼ nahosatsʼténsera nonikónra iontionniénʼnis natsitewaróhri ne Rawenni꞉io “Rákeni! Í꞉se Takwaiénha!”

Romans 9:6

Iáh neh tekáton tsi nihorahrátston ne Rawenni꞉io iáh ehteiawénhen; iáh ratikwékon nIsraelrónon Rawenni꞉io tehahonkwéta.

2 Corinthians 11:22

Tsi nihatinekwenhsò꞉tens rón꞉ton kenʼ Hebrew nahatiiaʼtò꞉ten? Í꞉ʼi kiʼ ó꞉ni. Tsi nonkwa ne karihwiióston Sitaeró꞉non kenʼ rón꞉ton? Í꞉ʼi kiʼ ó꞉ni. Abraham ken nón꞉we nithonathwatsirí꞉non? Í꞉ʼi kiʼ ó꞉ni.

Galatians 3:16

Neh, Rawenni꞉io tsi niʼohrahratsʼténni ne Abraham tánon saiáta ne rahowátsire. Noriwatokénti iáh tewástha ne “iakotiokowánen,” Kíʼ owénna “tionkwétak khók” rótons, tánon nètho rónkwe nehne Kerístos.

Ephesians 2:12

Né sontakahá꞉wi í꞉non tesewáʼterekwe ne Kerístos. Thí tsionʼhontsiáteʼkwe tánon ó꞉ni iáh í꞉se tèken ne Rawení꞉io sakoʼiatarákwen. Kwáh iáh othé꞉nen tesewaʼiátare nateriwahseronniatseráʼkon, tsi nón꞉we nikarahtás꞉thon tsi nisakorahrástenni ne Rawení꞉io rahotió꞉kwa, tánon kén tsi ionwentsá꞉te nón꞉we nitsonnhétie tánon kwáh iáh othé꞉nen tesewáʼraʼre ne othé꞉nen ahisewaʼhianerás꞉ten tánon iáh ó꞉ni tesewaʼkwé꞉kon ne Rawení꞉io.

Deuteronomy 14:1

“Í꞉se ne tsónhkwe ne Roiá꞉ner sewaNí꞉io rahonkweʼtashón꞉as. Káti nó꞉nen enieʼtsihiatsiónhnionhse ne iakawehié꞉hion, tó꞉sa sewatatreniá꞉nion tó꞉sa ó꞉ni sewathatenónhkaron, tsi nihatihié꞉ra notiàkes.

Deuteronomy 29:1

Ne kí꞉ken tsi nikawenhnó꞉ten nateriwaʼseronhniá꞉tshera né꞉tho Roiá꞉ner rohró꞉ri ne Mahís nahonhnón꞉ni ne Israerʼró꞉nons ne tsi wathonhontsá꞉ien ne Moab; ne kí꞉ken ne iehiowénhte nateriwaʼseronhniá꞉tshera tsi niká꞉ien ne Roiá꞉ner rotíson ne tsi tionónhte ne Sinai.

Deuteronomy 29:14

Iáh ki tionháhak kók tesewarihwá꞉ke ne Roiá꞉ner tsi rahonhnihátie kí꞉ken ateriwaʼseronhniá꞉tsheras ó꞉ni tsi nihiorihó꞉tens.

Deuteronomy 31:16

Ne Roiá꞉ner wahawénhase ne Mahís, “Kwáh iostó꞉re enshí꞉heie, tánon nó꞉nen ensenheiónhke nonhkweshón꞉a iáh tahonsahothiriwatokénhake nakonhà꞉ke tánon tenhatihiáke nateriwaʼseronhniá꞉tshera ne watʼson skátke ne ronhnónha. Enhionkatewenhthéte tánon ne enskonhwatishén꞉naien ne thikáhiont nihioʼokón꞉as ne tsi ionhontsá꞉ien ne ó꞉nen thóhwa thoniahón꞉ne.

Deuteronomy 4:13

Waʼtsisewahró꞉ri tsi ní꞉ioht tsi ó꞉nenk tsi ensewateweiénton ne ateriwaʼseronhniá꞉tshera ne tsi sewasenhén꞉ni—ó꞉nenk tsi ensewatewenhnarà꞉kwe ne oié꞉ri nikaianerenserakes, tsi nónhwe nihohiatónhnion ne tekentstèn꞉rake.

Deuteronomy 7:6

Tó꞉ki naʼsewáhier ne tsi Roiá꞉ner sewaNí꞉io ní꞉se rahonkweʼtashón꞉as. Tsi nihiakotióhkwa nonhkweshón꞉as ne tsi ionwenhtsá꞉te í꞉se watsisewahiatará꞉ko ne kwáh ahionkweʼthatokénhake raonkwè꞉ta ahisewá꞉ton.

Hebrews 9:1

Né tiotierentákwen kaianerénseras iohianerenseraiéntaʼkwe onhʼní꞉ioht tsi ahionterénnaien tánon ó꞉ni kakwahtákwenʼne tsi nónwe nenʼionterennaiénsehke

Hebrews 9:10

Tsi nék khók ne kákhwah, tánon ienekiráhtha, tánon ne tekontʼthihánion tsi ní꞉ioht tsi taiontenonwehráhton ne ahonsaiontonnakanónni. Kí꞉ken né꞉ne akwékon átsthe nòkwahti nakaianerenseráhti, thóh nék khók enkarihontáko nónen ne Rawenni꞉io oianerenseráse ensakwatáko.

Hebrews 9:3

Nonàken ne tekeníhaton ioʼniatarénton né wahtoseróhthe konwahnathónkwah Né Kwáh Iotokénti íken.

Hebrews 9:5

Éhneken ne tsi kanorohkwáhere níties né teninerahóntionthe káhrios né꞉ne Rawenni꞉io rahorihwáhke tsi thóh í꞉nes, ne rahotinerahhóntia tehotiʼthakahráwenh iohróron tsi nónwe ne karihwáhneren niskanikonrénʼen. Nók iáh kíʼ ónwah tiehió꞉eh nakahnikonrahientáton nakwékon tsi nihioteriwahtiéren.

Hebrews 9:6

Kén kíʼ ní꞉ioht ne thóh oriwahshónhas tsi karihwahserónni. Ne ratiʼtsihénstatsis kwáh niaʼtewenniseráke iehontawehiátha ne tiotierénton ionáktaien nahotihióten tsi nihotihiotenserótens,