Romans 8:9 - Ohiatonhseratokénti

⁹ Nók iáh kíʼ owarón꞉ne non tesanikonrahnentákon; neh saháwi tsi nisaróris nonikónra, ne sehnèkwa, Rawenni꞉io rahonikónra saháwi. Ónhka kíʼ ók iáh teháhawe neh Kerístos rahonikónra iáh kíʼ rahónha tehahonkwéta.

Romans 8:9 ပူးပေါင်းရင်းမြစ်များ

Ezekiel 11:19

Kwáh áse tenhtekhéhion nawéri tánon áse nonikónhra. Kwáh ahérenh enkháwithe tsi nihonerhiashaníhron tsi ní꞉ioht nonénhia tánon né꞉ne werhiashí꞉io tenhtekhéhion.

Luke 11:13

Etho kati taeseȣaiatorete, seȣaȣeiente ise ne tsionkȣetaksens neioianere tsi naietsiiatierase ne ietsiienhokonha, toh kati onte senha nonshakaon ne Etsiseȣaniha Karonhiake thenteron ne raonikonratokenti onkaresson ronȣariȣanontonnis?

John 14:17

Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

John 3:6

Tsinikon noȣaronne tioientakon oȣaronk ki ihken, nok nʼonikonrake tioientakon onikonra ki ihken.

Acts 16:7

Siahónnewe tsi karistathátse ne Mysia, wahonteniénten niahontáwehiate ne Bithynia ahonakeraserákon, nók ne Rahonikonratokénti ne Ié꞉sos iáh tesakoriwáwi.

Romans 7:5

Tóhka thoʼní꞉ioht tsi entewathonʼnhaténti tsi nahitewanonwésekes ne iatethewaiáti, ne kaianerénsera hiontionniénʼnis naihtewariwánerake, káti kí꞉ken naskanéktseras neh enhiontiónnien nahitewénheie.

Romans 8:1

Iáh ónen thènen teskarewathatseráien tsi niʼiákon neh thóhʼnon niʼiakonʼnhétie skát꞉ne íken ne Kerístos Ié꞉sos.

Romans 8:11

Tóhka ne Rahonikónra ne Rawenni꞉io, tsi raónha shokhétskwen ne Ié꞉sos ne kenheiátʼne, seh nikwékon, éhʼtho káti tsi nikáien shokhétskwen ne Kerístos ne kenheiátʼne, neh káti ó꞉ni enrónʼnhete tsi nihiotsihióha sewaieróntas ne tsi niwéhne tsi sehwakwékon ne rahonikónra.

Romans 8:2

Asèken nahoianerénsera nonikónra, neh iontiónnhets tsi teionkwateriwahsóntere neh Kerístos Ié꞉sos, shatsiatotaríshon tsi nòkwa ne ahoianerénsera ne kariwáneren tánon ne kenhéion.

1 Corinthians 15:23

Ónk tionkwetátʼtion tsi entsiontʼkétsko kwáh entkaiérike tsi enkahkwahtákwenke: Kerístos, ne kwáh tiotierentáhkwen; ehʼthóhʼne, tsi ienkáhewe nónen téntʼre, tsi nihiákon ne rahónha rahonkwetasónha.

1 Corinthians 3:16

Oriwiʼiohónwe tsi sewateriéntare níse tsi Rawenni꞉io raononsatokénti íken tánon ne Rawenni꞉io Raonikónrah tsi shiatiénni!

1 Corinthians 6:17

Nók nónka Roiá꞉ner enhotiátarahse skanikónrat khók ienhiáton.

1 Corinthians 6:19

Iáh kén tesewateriéntare ne sewahiéronke né꞉ne raononsatokénti ne Ronikonratokénti, ne tionháke nónwe nihénteron tánon né꞉ne Rawenni꞉io tsi sewáhwi? Iáh í꞉se tesewahiatakweʼní꞉io ók kwáh Rawenni꞉io khók;

2 Corinthians 10:7

Kwáh ioianeréhak tsi tesewatatiaʼtó꞉ret. Tóka ísewehre tsonhá꞉ak sewakwé꞉kon ne Kerístos, shé꞉kon sasewanonhtonnión꞉ko. A꞉seʼken ó꞉ni ní꞉ʼi iakwakwé꞉kon ne Kerístos tsi kiʼ ní꞉se ní꞉ioht.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Galatians 4:6

Nawenéston tsi rahónha sonkwaienokónhas, Rawenni꞉io tahathéniethe ne Rahonikonratokénti ne Roiénha nahionkwatsiénhase nonkwerianésons, Nonikonratokénti rahónha ratátis, “Rákeni, Tatsiénha.”

Galatians 5:24

Tánon tsi niʼiákon ne Kerístos Ié꞉sos rahonkwéta íken konwárhio akwékon nakoronhiakénseras ó꞉ni nakoskanéktseras.

Ephesians 1:13

Tánon ó꞉ni Rawení꞉io rahonkwéta sewatónʼon neh nónen shesewatʼthóntene ne oriwihioʼónwe ahtheriwahnothátsera, ne kariwí꞉ios thisewahawitén꞉ni ne sewahiathakenákʼtsera. Thaʼtsisewétakwe ne Kerístos, tánon ne Rawenni꞉io wahatsíkwente neh tionhakéson tsi rahónha se rahonkwetaʼsónha ó꞉ni ne ne Ronikonriʼióston íken tsi nihorahráston.

Ephesians 2:22

Tsi tehionkwateriwahshón꞉tere ne keristos í꞉se ó꞉ni skát꞉ke sewaʼtón꞉on naʼkorén꞉shon nénskat khók tsi nón꞉we iehiotón꞉ʼon ne ne tsi nón꞉we nihénteron ne Rahonikonriʼiosthóntshera ne Rawenni꞉io.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Philippians 1:19

Ne aoríhwa tsi wakatheriéntare neh sewatherenʼnaienthátsera tanon tsi nitkáhas ne kaienawaséhtsera tsi nòkwa neh rahonikónraʼtokentithera ne Kerístos Ié꞉sos neh enwatsiathanónstate.

2 Timothy 1:14

Thóh rahosatsʼtenserákon ne Ronikonratokénti, ontionháke non nihéntenron, senónstat tsi nahorihoténsons neh niesaniahesháʼon.

1 Tiér 1:11

Ne Rahonikónra ne Kerístos tsi neh ronatsiénni ohénton tontʼróri ne rahoronhiakénsera ne Kerístos tánon ne kahiatanerakwátseras enhiononterátie.

1 Sawátis 3:24

Tsi niʼiákon ne iontewennarákwa tsi nihariwanóntons ne Rawenni꞉io thóh non nenʼiakonnhétie tsi tehonateriwasóntere ne Rawenni꞉io tánon ne Rawenni꞉io enhatikwekónhake ne ronnónha ne tsi rahónha tehonateriwasóntere. Tánon neh tsi nitesonkwáwi ne Rawenni꞉io nonikónra ionkwateriéntare ne Rawenni꞉io tsi tehionkwateriwasóntere.

1 Sawátis 4:13

Kwá oriwí꞉io tsi ionkwateriéntare tsi tehionkwateriwasóntere ne Rawenni꞉io tánon ó꞉ni ne ronnheʼónwe tsi kwá tehionkwateriwasóntere, Asèken tesonkwáwi ne kasatsʼténsera.

1 Sawátis 4:4

Nók Ní꞉io níse rahonkwéta, kwá hionʼokonha, tánon ietʼtsisénnion ne rothitokenʼsesheráksens, Asèken nonikónra ne sewakwékon sénha ne kasátsʼte tsi ní꞉ioht ne rahotinikonrasónhas ne tsi ionwentsiáte ahonkwetaʼsónhas.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 20:15

tánon ón꞉ka nakoshén꞉na iáh tekaktsénhrion nakahiátonke ne kahiatonserá꞉kon ne iónhnhe thóh iahonwatiiatónhti tsi kanià꞉taro nótsire.