Romans 7:8 - Ohiatonhseratokénti

⁸ Nók tsi nikéntons natsiawenrátsera wahiotesenʼnaiénthaʼne ne kariwáneren ne tahonkenikonráren kwáh tsik nahorihohténson nahonkathetʼtséntake ó꞉ni nahonkaskanékten nakonháke. Nahiotáron ne kaianerénsera, ne kariwáneren kenhéion íken.

Romans 7:8 ပူးပေါင်းရင်းမြစ်များ

St. Mark 7:22

Kanenskȣen, aiontatkaronni nonkȣe kaserohensera, kanikonrhaton, askennhatsera, atatkenronniatsera, kanaiesera.

John 15:22

Iah tahotinnhitseraientake ne iah taontonkenon, iah oni takheiatatike, nok tanon nonȣa rotikete ne raotiriȣaneraaksera.

John 15:24

Ne ne iah eh taontieranionke rahotihenton tsinahoten ne iah onka nakoren eh teioieren, iah tahotiriȣaneraakseraientake; onen sane nonȣa ronatkathon nok sane sekon niionkhisȣens, ii nok oni ne Rakeniha.

Romans 3:20

Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

Romans 4:15

Ne kaianerénsera iewathihéntʼthos ne Rawenni꞉io rahonakwátshera; nók kahnónwe ne iáh thènen tekaianerenseráien, iáh kíʼ thahónton taontsiáke ne kaiahnerénsera.

Romans 5:20

Tsi tewatkáwen ne kaianerénsera nehʼne ahontehiáron ne aterientawenriétsera; nók tsi nónwe ne kariwáneren wahtewatsisá꞉sere, sénha iawehthowánen ne Rawenni꞉io rahoténrat tsi onhtehiáron.

Romans 7:11

Kariwáneren wahkatʼtsénri nahiotesenʼnaiéntaʼne, ó꞉ni tsi nikéntons nahtsawenrátʼtsera neh onkenikonráhten ó꞉ni onkerí꞉io.

Romans 7:13

Nók neh kén kéntons tsi nahóten ne ioiánere ne wakarihón꞉ni onkéʼrhiote? Iáh neh tekéntons! Kariwáneren thoʼnakásha; neh wakaniáhese ne ioiánereh, kariwáner en takáhawe ne kenhéion nakonháke, ehʼnahontáwe tsi niʼiorenʼnáhon ne kariwáneren nahiotáshon, Tanon káti, tsi nikéntons natsawenréhtsera kariwáneren wakonwéneste tsi sénha tehiotenonʼianíthon ioriwahtsáni.

Romans 7:17

Kwáh káti iáh iʼtèken kíʼ neh nitiérah; nekáti ne kariwáneren tsi nihión꞉nhe nakweriáne.

Romans 7:9

Í꞉i ne iatetiáti tewenniserátekwe thóhʼnon nikonnetiénekwe kwáh iáh thènen tèkenʼne neh kaianerénsera, nók sontsiatorén꞉ne neh ahtsawenrátsera, ne kariwáneren onthónʼnhete.

1 Corinthians 15:56

Ne kenhéion kariwahnerenhatʼtsherákon nónwe nitewétha nahiakokaréwahthe, tánon ne kariwáhneren ahoshahtsʼténsera kaianerenserákon ne nónwe nitewétha.