Romans 7:7 - Ohiatonhseratokénti

⁷ Nekáti kén aihtewénron, ne iatekaiáti ne kaianerénsera kwáh aóskon kariwáneren? Kwáh káti iáh thotèhiot! Nók kíʼ kaianerénsera onkehnésten nahóten nen꞉ne ne kariwáneren. Tóhka iáh ne kaianerénsera tahiáwen, “Tó꞉sa sehiaskà꞉nek nakorénhson nahó꞉ten ahiakoiéntake,” iáh nonwénton tahontienteráhon neh niwaskanektierhóten.

Romans 7:7 ပူးပေါင်းရင်းမြစ်များ

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

2 Samuel 11:2

Thóh neh kíʼ eʼnahá꞉wenhne ne shiʼiokárah iotohetstenʼnénhtie, nó꞉nenh ne Táwit shathátane ne raonitskwára ne wanitskwará꞉tseres tánon waʼhatentiónko thóh ne raoronhkweʼná꞉kes ne ronnontí꞉io tsi rononshó꞉te, éhʼtho karonhkweʼnáke ehʼtá꞉ke iahatkátho tánon tsiontonwísen wahá꞉ken watá꞉wenhs; ne tsiotonhwísen kwáh í꞉ken tsi watkathotserí꞉io.

Psalms 119:96

Wakatkáton orihwahkwekon niehiotíhien ne tsi iehiotót꞉te nahoténshons ne watonhnisáhas, ók ne sahtsiawenhrátsera iáh nenhneé tsewatót꞉tha.

Exodus 20:17

“Tó꞉sa saskaʼnékset nakóren rónhkwe tsi roʼnónhsohte; tó꞉sa sheʼiaskáʼnek ne ró꞉ne, ne raoʼnhatsheraókons, ne rahotsenenhókons nahontonakonwatiʼnonhtatáko, ne raotsenenhókons tewahóntes, tó꞉ka ó꞉ni nohiásons nahoténson ahoiéntake.”

Micah 2:2

Nó꞉nen enhonskáneke nahatiié꞉na ne kahentaʼshón꞉a, tánon kíʼ enhontsiatakweʼní꞉ioste; ne nónhne sá꞉ka ne kanonsahshón꞉as, enshakotíkwah; thensakonanonhnaríhkon ne tsi ratiwaʼtsirakérons tánon ne tsi rotinonshó꞉tons, nonhkweshón꞉as o꞉ni ne raotiienthátsheras.

Matthew 5:28

Katon kati nii, ok satekariȣaneren neneok oni takonȣakanerake ne tsiothonȣisen nakonȣaskanek-sekʼe.

Luke 12:15

Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

Luke 20:16

Tentre, nok enhatennhane enhonȣanaȣentho tohiken ratinenharaienttos, nok akoren ensesakohnenharani. Nok ne rononha tahonniron: iah ki onte eh teiaȣensere!

Acts 20:33

Iáh thènen tatewakathonʼontsónikwe nónkak akotsokowátsera tóhkaʼ ó꞉ni natʼtserónniat.

Romans 13:9

Ne kaianerénseras, “Tó꞉sa shatenaʼkwaié꞉sat; tó꞉sa shehiá꞉set; tó꞉sa senénhsko; tó꞉sa sehiaskà꞉nek nakorénhson nahó꞉ten ahiakoiéntake,” oriwakwékon kí꞉ken, tánon ó꞉ni nohiásons sékon akénhake, akwékon tkakwékton nénskat atsiawenrátʼtsera, “Senorónkwak ne tesanonsanéken tsi níse nisathatenorónkwa.”

Romans 3:20

Asèken iáh ónhka ne rónkwe neh tahotakwarísi rahohénton ne Rawenni꞉io neh naháiere tsi nikarihwanóntons ne kaianerénsera; tsi nikaiérha ne kaianerénsera nahahónnien ne rónkwe nahaiénterene tsi roriwáneren.

Romans 3:5

Nók éhthoh, tòhka-a nónen thènen teionkwaterientawénrie, nonkwesónha kwáh enwenéhake eniontʼkáto nenʼne neh Rawenni꞉io taiérits? Onhnahóten aihtewakwéni aihtewénron? Ne Rawenni꞉io tehaterientawénries nónen ensonkwaréwate? (Kíʼ kén꞉en éhʼtho ní꞉ioht tsi wáktare tsi ní꞉ioht tsi rontátis nonkwesónha.)

Romans 4:1

Nahóten ne Abraham neh thonwenʼhenthéston ahoriwakanónʼnike?

Romans 4:15

Ne kaianerénsera iewathihéntʼthos ne Rawenni꞉io rahonakwátshera; nók kahnónwe ne iáh thènen tekaianerenseráien, iáh kíʼ thahónton taontsiáke ne kaiahnerénsera.

Romans 5:20

Tsi tewatkáwen ne kaianerénsera nehʼne ahontehiáron ne aterientawenriétsera; nók tsi nónwe ne kariwáneren wahtewatsisá꞉sere, sénha iawehthowánen ne Rawenni꞉io rahoténrat tsi onhtehiáron.

Romans 6:15

Nahóten, káti ónen? Ahitewariwaneráke kén, tsioríhwa tsi iáh kaianerénsera thehionkwaiatóron, nók Rawenni꞉io rahoténrat ionkwaiatóron? Iáh neh thekéntons!

Romans 7:11

Kariwáneren wahkatʼtsénri nahiotesenʼnaiéntaʼne, ó꞉ni tsi nikéntons nahtsawenrátʼtsera neh onkenikonráhten ó꞉ni onkerí꞉io.

Romans 7:13

Nók neh kén kéntons tsi nahóten ne ioiánere ne wakarihón꞉ni onkéʼrhiote? Iáh neh tekéntons! Kariwáneren thoʼnakásha; neh wakaniáhese ne ioiánereh, kariwáner en takáhawe ne kenhéion nakonháke, ehʼnahontáwe tsi niʼiorenʼnáhon ne kariwáneren nahiotáshon, Tanon káti, tsi nikéntons natsawenréhtsera kariwáneren wakonwéneste tsi sénha tehiotenonʼianíthon ioriwahtsáni.

Romans 7:5

Tóhka thoʼní꞉ioht tsi entewathonʼnhaténti tsi nahitewanonwésekes ne iatethewaiáti, ne kaianerénsera hiontionniénʼnis naihtewariwánerake, káti kí꞉ken naskanéktseras neh enhiontiónnien nahitewénheie.

Romans 7:8

Nók tsi nikéntons natsiawenrátsera wahiotesenʼnaiénthaʼne ne kariwáneren ne tahonkenikonráren kwáh tsik nahorihohténson nahonkathetʼtséntake ó꞉ni nahonkaskanékten nakonháke. Nahiotáron ne kaianerénsera, ne kariwáneren kenhéion íken.

1 Corinthians 15:56

Ne kenhéion kariwahnerenhatʼtsherákon nónwe nitewétha nahiakokaréwahthe, tánon ne kariwáhneren ahoshahtsʼténsera kaianerenserákon ne nónwe nitewétha.

Ephesians 5:3

Tsi Rawenni꞉io níse rahonkwéta sewatenathónkwen, iáh tetkariwaiéri ne thènen ne kanakwaiesátseras ó꞉ni ne iáh tehiotkwéniens tóhkaʼ ó꞉ni ne askenátsera akatarákwen tsi natesewátere.

Deuteronomy 5:21

“‘Tó꞉sa sehiaskà꞉nek nakò꞉renh rón꞉kwe ró꞉ne; tó꞉sa saská꞉nek ne tsi ronónhsote, raonhóntsa, rahonà꞉tsheras, rahotshenenó꞉konhs tioronhnónskwarons, raotshenenhó꞉kons tewahòn꞉tes, tó꞉ka ni ó꞉ni nohiásons nahó꞉ten roién꞉ton.’

Colossians 3:5

Ó꞉nenk tsi ensewéntho, é꞉thoh káti, ne owentsiakékha askanéktsheras tsi iohiotáties ne tionhákes, né꞉ne kentéhseras kanakwaieshátshera, iáh teiotʼkwéniens, tahiontathaskanék꞉se, kariwáksen askanéktsheras, tánon iakotetʼtsien (né꞉ne satetiotʼte ne kahiatón꞉ni akonwashén꞉naien).

1 Thessalonians 4:5

iáh né꞉ne tahontakaráh꞉ke kentétshera nahiontataskáneke, tsi ní꞉ioht ne iáh tethonetákwen iáh tehonwahientéri ne Rawenni꞉io.

Hebrews 7:19

Asèken ne Mahís raoianerénsera iáh tewáhtonskwe né thènen ahontakarihwahiérithe. Tánon kiʼnónwah ónen sénha iohiánere tsi tionkwáhrare tsi nikakwahtákwen né꞉ne ákta aítewehthe rahonháke ne Ní꞉io.

Joshua 7:21

Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”