Romans 7:4 - Ohiatonhseratokénti

⁴ Ne aoríwa thonónnise ní꞉ioht ne tionhakéson, tewatatékens. Tsi shíken ní꞉ioht naihsewenhéion, tsi nióre iekéntons ne kaianerénsera, ne tsi éhʼtho sewahiatanentánon ne raiatátake ne Kerístos; ónen káti rahónha rahonkwéta sewatónʼon tsi nikáien ne sonwákheskwe ne kenheiátne ehnahontáwe khnahótenk aihtewarihontáko natsitewahiótense ne Rawenni꞉io.

Romans 7:4 ပူးပေါင်းရင်းမြစ်များ

Isaiah 54:5

Asèken ne Iaiatíson né꞉ne teseníteron í꞉ken, ne Sakoiá꞉ner ne ratiʼronhiakeró꞉nons né kí raoʼsénhna í꞉ken; Né꞉ne Roʼiatatokénti Énska í꞉ken NʼIsraerʼronónke né꞉ne shiaʼiatákwen, né Rawenni꞉io í꞉ken nonhontsaʼkwékon né ronhwanatónhkwah.

Isaiah 62:5

Asèken kwáh tsi ní꞉ioht ne kentiʼthohiónha rónkwe wahatateniát꞉then ne kén nitsohiónha iónkwe, né kí nón꞉neʼe ó꞉ni ne iesanonsonhniénhnis wesewaniáke, tánon tsi ní꞉ioht né roniákon rotonnáhere ahonhàke ne rotiʼniá꞉kon, káti né Rawenni꞉io enhiaʼtonhnahéraʼse nonníse.

Matthew 26:26

Nok tsinikariȣes tehonastskaon, Iesos ȣatrakȣe kanatarok nok ȣahaiatateriste oni ȣathaiake nok iasakaon ne raotiokȣa, nok ȣahenron: Seȣaiena iseȣak nehkehiken nakieronta.

St. Mark 4:20

Kenh tanon kaien ne tsi nonȣe niionȣentsiio ieiokerontaon, neh iakoton nʼionronkas noȣenna, nok taiakoteȣeientontie, oni ȣateiarons: enskat asen niȣasen, iaiak niȣasen, nok noiah enskat teȣenniaȣe.

John 15:8

Neh enhasennoȣanatakȣe ne Rakeniha nʼeso enseȣateiaronhase, nok ethone akitiokȣa enseȣaton.

John 3:29

Onka teniiase ne rone neh ki ȣahi neh rone: nok tanon ne ronatenro roȣennarakȣa oni rotahonsate, nok neh ratonnharakȣa tsi roȣennaronkas; eh kati oni nii niiot, onen tokenske ȣakahnane tsi ȣakatonnhahere.

John 6:51

Ii ne kanatarok ne ionnhe, nehne karonhiake nitiaȣenon; toka onkakiok neh enhanatarake henronnheke onȣe, nok ne kanatarok nenthiion neh nakȣa ii akeȣaronk, neh oni ne kheiaȣire naiakonnhekȣen nonkȣe okon.

Romans 6:11

Kwáh éhʼthoh ní꞉ioht tsi aihsewatatenonthónʼnionse tsi síken ní꞉ioht naihsewenhéion, tsi nhióre ne kariwáneren ahwérheke, nók tionʼnhétiek ó꞉ni sewakwekónhak ne Rawenni꞉io rahonháke ne Kerístos Ié꞉sos.

Romans 6:14

Ne kariwáneren iáh thatehiotonwentióhon naihsewatsathakweniʼiósten; níse iáh kaianerenserákon non thetionnhétie nók neh꞉ne Rawenni꞉io rahotenratserákon nón nitionʼnhétie.

Romans 6:2

Oriwihioʼónwe iáh! Ionkwenhéion tsi nióre ne kariwaneraháktsera ahioriwaiéntake, onʼní꞉ioht tsi ahónton ne iaihtewatasónteren ne kariwáneren non naihtsionʼnhétie.

Romans 6:22

Nók kíʼ nónwa ónen tsi sewathotaríshion ne kariwanerenhákʼkonke, tánon kíʼ ónen thóhʼnon nitsisewanáskwa tsi nòkwati ne Rawenni꞉io. Enkanánon natónʼnhets tensewaténtsa tsi nensewariwatóken꞉ke ne rahonháke, tánon ne iehiokwékton natonʼnhes ne ionʼnheónwe.

Romans 7:3

Nekáti, tòhka ohiaʼtheshiatsiásete ne rónkwe neh sékon rhothiniákon neh róhne, ne enkonwanathónkwaʼke watenakwaiesátha; nók kíʼ tòhka enrénheie ne róhne, kwáh kaiatanánon sontatewenní꞉ioʼne tánon iáh ó꞉ni teioriwanerahakténnis ne kaniáktsera tòhka óia ensewatateniátʼten.

Romans 7:6

Nónwa, tsi niʼiáwenhe, Rawenni꞉io sesonkwanerénshon, neh tsi aionkwenhéion tsi nióre ne kaianerénsera aoriwáke, neh ionkwaneréktonʼne. Iáh ónen thóhʼnon thetionkwataténron noriwakáion tsi nikahiatónʼnionkwe ne kaianerénsera, nók neh nonikonráses.

Romans 8:2

Asèken nahoianerénsera nonikónra, neh iontiónnhets tsi teionkwateriwahsóntere neh Kerístos Ié꞉sos, shatsiatotaríshon tsi nòkwa ne ahoianerénsera ne kariwáneren tánon ne kenhéion.

1 Corinthians 10:16

Ne kátse tewátstha ne iehiatarástha ó꞉ni tsi tentsitewahnonweráhton ne Rawenni꞉io; nónen entewahnekírahthe, wetewahtiátaren ne Kerístos raonekwensákon. Tánon ne tentewahnahtáh꞉rhiake; éntewahke, wetewahtiátaren ne Kerístos raiéronke.

2 Corinthians 11:2

Kwáh í꞉ken tsi teiohnó꞉tes tsi ní꞉ioht tsi tewakaʼnikónhrare ní꞉se sewarihwà꞉ke. Nakenoronhkhwátshera tho nitiótte tsi kiʼ nihianorónhkhwa ne Rawenni꞉io. Tewakatonhontsó꞉ni ne iaisewatahsón꞉teren, kwáh ne khók ne aisewarihwatokénhake tsi nonkwa ne Ié꞉sos Kerístos. Kwáh tsi ní꞉ioht ne iakón꞉kwe tsi iakorihwató꞉ken tsi nonkwá ne rón꞉kwe ronwaraʼsestén꞉ni tsi enhotí꞉niake, tánon ó꞉ni shé꞉kon iáh teienahkwaienté꞉ri tsi niió꞉re iaiakó꞉niake.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

Galatians 5:18

Nók kíʼ nónen ne Ronikonriʼióston iahenténse, iáh ónen tatetiotonwentióʼon nahonsahsatewénnarakwe ne kaianerénsera.

Ephesians 2:15

Tsi raʼhierónke nón꞉we naʼhariwáhthonthe ne Sitaeró꞉nons rahotiʼianerén꞉sera keʼnikweʼkonhátie natsawenrá꞉ʼtseras ó꞉ni tsi nihotiʼianerenserótens, ne nahón꞉ton ne tekentiókwake nénskat khók á꞉se ahonshasakotsiokónnien tsi tahonateriwaʼshón꞉teraʼke ne rahónha, ne kí enkakwé꞉ni ne skénʼnen ahón꞉ton.

Philippians 1:11

Ié꞉sos Kerístos thenhiaweiennaráhte ne ensaióhten ne kaiohtenserí꞉ios ne iewathihénthos ne kahiatanerakwátshera ó꞉ni ne aʼhonwasén꞉naien ne Rawenni꞉io.

Philippians 4:17

Iáh neh thèkere thóka kén knahótenk kwanekénnis, nók neh tewakatonwentió꞉ni naisewaiéna ne kahiataterítsera tsi nihtkáhas nahiontáthon.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 1:22

Nok nón꞉wa, tsi niateioné꞉non ne raierónke tsi rawenhé꞉ion ne Roiénha, Rawenni꞉io wahiónʼnien sehʼsewatenró꞉ne, neh nahónton ahontesáhawe, iotokénti, sariwahtokénhak, ó꞉ni thosa thé꞉nen aisaní꞉kon, ne rahohénton.

Colossians 1:6

Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

Colossians 2:14

saharáh꞉kewe tsi nihionkwasennatʼsáthakwe ne hionkwatʼkarotákwe tsi nihkanerenstónhne ne kaianerénhseras tánon kwáh aʼhé꞉ren wahahá꞉wite tsi niahanonwahró꞉ten ne kaiásake.

Colossians 2:20

Skátke senihé꞉ion ne Kerístos tánon áhre tsi satatewenhniió꞉on tsi nihiorihoʼténhsons tsi nokwáh ne tsi ionwentsá꞉te. Nontié꞉ren, káti, thóh ní꞉ioht tsi sonhnhétie tsi sí꞉ken ní꞉ioht ne tsi ionwentsá꞉te ní꞉se ahonkwè꞉ta? Nontié꞉ren tsi satewenhnaráhkwa ne nikaianerenhseró꞉ten

Hebrews 10:10

Tioríhwah ne Ié꞉sos Kerístos thóh nioié꞉ren tsi nateotonwenhtioníhaʼkwe ne Rawenni꞉io, tewakwékon tionkwahtonʼnakanón꞉ni tsi nòkwah ne karihwáhneren né tsi nihoʼtahtatʼkáwenh ne tsi rónnhe énskak khók iehioiénton.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

Revelation 19:7

Á꞉nion ionkwahtshennonníhak tánon ionkwatonhnhárak, tánon tetshí꞉tion ne kahiataterakwátsera, asè꞉kenh ne raoniák꞉tshera ne teiotinaʼkarontón꞉ʼa owí꞉ra ón꞉we, tánon ne ró꞉ne iakotateweiennenhtá꞉ʼon;

Revelation 21:9

Eʼthó꞉ne saiá꞉ta ne tsá꞉ta nihá꞉ti ratironhiakeró꞉nons ne raón꞉ha raksenhá꞉we ne tsá꞉ta nikák꞉sakes titkaʼhere ne tsá꞉ta níkons nonakénkha kanhratariné꞉tsheras tá꞉re tánon wahakénhase, “Káts, kwáh enkonnatónhase ne iakónkwe, ne ró꞉ne waʼtón꞉sere ne teiotinaʼkaronhtónha owí꞉ra.”