Romans 6:3 - Ohiatonhseratokénti

³ Kwáh oriwihioʼónwe sewateriéntare kí꞉ken ne setewahtenekwáheste iehionkwakwékton neh Kerístos Ié꞉sos, tsi ionkwatenekwahéston iehiokwékton tsi rawenhéion.

Romans 6:3 ပူးပေါင်းရင်းမြစ်များ

Matthew 28:19

Ȣasene kati, nok ietsirionnien, akȣekon nonkȣe, ietsinekȣahest raosennakon ne Roniha, nok Roienha neoni ne Ronikonriioston.

Acts 19:5

Neh sahónronke kí꞉ken, wahontenekwáheste thóh rahosénʼnakon ne Roiá꞉ner Ié꞉sos.

Acts 2:38

Tiér wasakawénhaʼse, “Ónenk tsi kwáh tsi sewahiatát꞉tion theʼtsisewatʼkarathé꞉ni tsi nókwa nesewariwanerahákʼtsheras ó꞉ni ensewathenekwáheste rahoʼsénnakon ne Ié꞉sos Kerístos, neh nahonsakanikonrén꞉en ne sewariwanerahákʼtsheras; tánon ensewaiéna ne Rawení꞉io rahotathawítshera, neh꞉ne Ronikonratokén꞉ti.

Acts 8:16

Asèken ne Ronikonratokénti iáh àrok ónhka teshakotsién꞉ni; ónhwak khók neh tsi ronatenekwahéston thóh rahosénnakon ne Roiá꞉ner Ié꞉sos.

Romans 6:16

Oriwhihioʼónwe tsi sewahteriéntare nónen ensewahtiakwarísi ne hiatesewaiáti naietʼtsinaskón꞉ni nónkak akóren aietʼtsiwenʼnarákwe, íseh ne kwáh thóʼkenske sewahnáskwa wesewáton tsi watsisewawenʼnahrákwe neh wahtsisewatsiathakwenihiósten—kaknikáien khék ne kariwáneren ensewawénʼnarakwe, neh kíʼne tkáhas ne kenhéion, tòhka ó꞉ni Rawenni꞉io tsisewahwénʼnarak neh꞉ne tkáhas nahonsehsewahiáneren꞉ne neh rahonháke.

Romans 6:8

Tóhka Kerístos skát꞉ne ionkwenhéion, tsionkwethákwen tsi ó꞉ni skát꞉ne entsitsiónʼnheke.

Romans 7:1

Kwáh thoʼkén꞉en ensanikonraiéntaʼne tsi nahóten enkíron, tewatenrosónhas, ne tsi sewakwékon sewaianerenseraʼientéri. Ne kaianerénsera tokʼkhók nióre iakotiatakweniʼióstha nonkwesónhas tsik nikaríwes iakónʼnhe.

1 Corinthians 10:2

Tsi iotsikerahrónnions ó꞉ni kaniatarahkekówah nónwe nahontenekwáhesthe ne tsi Mahís ronnwahnonteráhtiesʼkwe.

1 Corinthians 12:13

Kwáh ne sáka, tewahkwékon, tóhkaʼ Sitaeró꞉nons tóhkaʼ ó꞉ni iáh tehatiʼsitaeʼró꞉nons, tóhkaʼ ienáskwah tóhkaʼ ó꞉ni iontatewenhní꞉io, iontatenekwahéston eh skátʼke ne skaierónta né꞉ne sakanikónrat, tánon énskak khók nonikónra tionkihiáwi nahitewahnekíra.

1 Corinthians 15:29

Nónwah, ónhne ní꞉ioht tsi niháti né꞉ne ronahtenekwahétston ne kenhéion? Ónh ní꞉ioht tsi ahotiráhrehke nahʼonahterihwaténtiaʼse? Tókenske, tsi nihónton ne ótiakes, né rohnenhéion iáh nènʼne tahonshahonwahtiʼkétsko nahonshahonnónnhene, ónh niʼiohtséren thí꞉ken onhkwesónha tsi ne rohnahtenekwahétston ne kenhéion?

1 Corinthians 3:16

Oriwiʼiohónwe tsi sewateriéntare níse tsi Rawenni꞉io raononsatokénti íken tánon ne Rawenni꞉io Raonikónrah tsi shiatiénni!

1 Corinthians 5:6

Iáh tetʼkariwahiéri nahisewahtatonníheke! Sehwahteriéntare tsi niwáhton, “Kénk níkon ne iontʼtenkwáhtha kahkwénies nosherahkwékon ahontènʼko.”

1 Corinthians 6:19

Iáh kén tesewateriéntare ne sewahiéronke né꞉ne raononsatokénti ne Ronikonratokénti, ne tionháke nónwe nihénteron tánon né꞉ne Rawenni꞉io tsi sewáhwi? Iáh í꞉se tesewahiatakweʼní꞉io ók kwáh Rawenni꞉io khók;

1 Corinthians 6:9

Oiwiʼiohónwe sewateriéntare ne ionkwetahétkens tsi iáh tahatihiatakwení꞉ioke ne Rawenni꞉io raonakeráhsera. Tóhsa sewahtatenonwahroritónnien; nónkwe né ieweiennákʼsen tóhkaʼ ó꞉ni kaiatónni konwahsénnahiens tóhkaʼ ó꞉ni iontenahkwaiesátha tóhkaʼ ó꞉ni rotinónwahs tohʼtinikonráhtion

1 Corinthians 9:13

Oriwiʼiohónwe sewahteriéntare né rónkwe nononsatokentíke rohióthe thóh nitáhas ne rahókwah tánon nónka tiontkáwas ne kahienawahséhtshera ne tsi ientsienharáhkwah iehiénas ne kahriwiʼiosehokónhas.

1 Corinthians 9:24

Oriwiʼiohónwe tsi sewahteriéntare rohnatiokowáhnen ne tehonráhtats rontsiátara tsi tenhonréhron, ónk saiátak khók enroharáhko ne kakahrhiatsheróhare. Teshahráhtat, káti, thóh niʼiohtónhak né꞉ne ahshoharáhko ne kakahrhiatʼtsheróhare.

2 Corinthians 13:5

Kwáh tokénʼen sewatatkaʼén꞉ion sók eh néntewe ensewarihwatshén꞉ri tóka kenʼ kwáh sewarihwató꞉ken tsi Kerístos ehtshisewaioʼténhse. Orihwiioʼón꞉we sewaterién꞉tare tsi tsonhà꞉ke nón꞉we nihèn꞉teron! Kwáh seh tho rèn꞉teron, nek kiʼ tóka kenʼ iáh thaisewarihwanorón꞉se tsi ní꞉ioht tsi tensewatatiaʼtó꞉rehte.

Galatians 3:27

Tsi sewatenekwahéston wathisewateriwasónteren ne Kerístos, ónen káti watisewatewehiáren, nahiaiéron, neh tsi rónnhe ne Kerístos rahonhatsíwa.

Ne꞉ne Sák Rohiaton 4:4

Ne iáh teiakoriwatóken nónkwe! Iáh kén tesewateriéntare né꞉ne ahisewaténroke né tsi ionwentsiáte ne kéntons tensewaterohserák꞉sen ne Rawenni꞉io? Tóh꞉ka íhsere neh ahisewaténrohke ne tsi ionwentsiáte, wahsathatónnien natsisewáshon ne Rawenni꞉io.

1 Tiér 3:21

Neh ioieronnítston iehiótsate naʼtenekwahestátsera, tsi neh ónen tsi sanónstats. Iáh nehne tsi ahonsashenóhare tsi taisahiatationtónhake, nók neh tsi ronwarahratsʼténni ne Rawenni꞉io tsi nihiakonikonrí꞉io. Tsi saniakéntha rahonháke ne Ié꞉sos Kerístos tsi shotonnhéton,