Romans 5:6 - Ohiatonhseratokénti

⁶ Neh꞉ne sékon iáh sitewasátsʼte, Kerístos wasakawenhé꞉iaʼse ne iakoriwáneren shakáhewe tsi nihorákwen ne Rawenni꞉io.

Romans 5:6 ပူးပေါင်းရင်းမြစ်များ

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

Romans 4:25

Ónhkwa riwaneraháktsera iorihonʼni꞉on iehonwatiakwarísion nahrénheie, tánon ó꞉ni shonʼionnhéton ne thoʼnahontáwe aonsaionkwaianeráke rahohénton ne Rawenni꞉io.

Titus 2:12

Nètho kenténrat ionkwahrihonniénnis nahitewatiakwarísi nahóten ne iáh tehioriwi꞉iostontseraien tsi ionkwatenniseratenion ó꞉ni ne tsi ionwentsiates ahoskanektseras, tánon tsi nihionkwatenniserathenions titewahniarotarok, ionkwatonkwetakwarishiónhak, tánon aionkwahrihwiʼióstonhke tsi tiónnhek ne kén꞉en ionwentsiáte

Romans 4:5

Nók nónka ne rónkwe róien ne tewethákwen, iáh neh kahioténsera, Rawenní꞉ioke non nitawethákwen tsi nikáien ne rotʼróri neh iakoníkonh kwáh iáh othènen teiakosthónton, ne tsi thawetákwen thóhʼnon nihakenhénions ne Rawenni꞉io nek khók kakwénies nahonsahohianerásten tsi natehiátere.

Hebrews 9:26

asè꞉ken ónenk tsi wéso iorihwáhke ahonsahoronhiakénʼen tsi náhe tiotonhontsí꞉shon. Khèʼkhok, nónwah ónen norihwakwékon ákta íweh ne tsi iehiótokʼte, énskak khók iehototáshion, nahonsaharáhkeʼwe ne kariwáhneren ehnahóntawe tsi rahonhatsí꞉wah roronhiakén꞉en.

Galatians 4:4

Nók nónen shiaʼhontenniseríhewe ne Rawenni꞉io shiatoriwaiéntase, tahothéniethe ne Roiénha. Tsi wáraʼwe iakónkwe kanisténsera wahónton neh ronwaiénha waháton tsi warennákerathe, tánon neh skátʼke rathiteróntakwe nehne thoʼnethákwen ne Sitaerononké꞉ha kaianerénsera.

1 Timothy 1:9

Ónenk tsi enwehiárake, kwáh kíʼ nèn꞉ne, tsi kahsahánions ne kaianerénseras, iáh né꞉ne tionkwetaiéris tehiakoriwáhke, nók né꞉ne thehatí꞉iaks ne kaianerénseras ó꞉ni ne sohnateriwahtheʼwáton, neh꞉ne iáh tehotinihioseráien ó꞉ni rohtiriwáhneren, asèken tsi nihiákon ne iáh tehiakoriwiʼiostontseráien tóhka ó꞉ni iáh tehiakoriwiʼióston, nónka nenhononwahrhiákon ne rohníha tóka ó꞉ni ne sakotinisténha, rohnónha ne sakohnashé꞉tha,

1 Thessalonians 5:9

Rawenni꞉io iáh ne teshonkwahiatarakwáton ne rahonakwahtsherákon nónwe naitewahronhiáken, nók nahionkwahiéntake ne kaiatakenátshera rahonháke ne Sonkwaiáner Ié꞉sos Kerístos,

1 Tiér 1:20

Rawenni꞉io roiatarákwen ne neh ohénton sontontonwentsiónni tánon onterihotashiónko kí꞉ken nonàken wenniseraténions níse sewariwá꞉ke.

Jude 1:4

Otsià꞉ke nonkweshónha ne iáh tehotiniioserá꞉ien tok thón tahón꞉ne nonkwanenrákon, tsi nihá꞉ti ne ronhnowénhtha nateriwanothátsera tsi nokwáh ne Rawenni꞉io rahoténrat ehnaʼontawe nahonthatiathotároh tsi nihathiweienʼnáksens, tánon ronwakenrón꞉ni ne Ié꞉sos Kerístos, kwáh raónha khók nónkwawenk Rahiatakweniio ó꞉ni Sonkwaiá꞉nere. Wahón꞉nise tsináhe tiotʼró꞉ri nohiathonseratokénti tsi nihothiienà꞉on ne karewathátsera.

Jude 1:15

nakwé꞉kon tasakotiʼiatorete, rathikwé꞉kon enhonwathirewáte ne tsi iáh Rawenni꞉io tehohioténseras tehothihioténhen tánon akwékon ne kawennatʼsens ne rothirihwanéren ahonwènni!”

2 Tiér 3:7

Tánon nónwa nikaháwis ne tsi karonhiáte ó꞉ni ne tsi ionwentsiáte kwáh kanónstaton tánon ó꞉ni ne sáka tsi ní꞉ioht tsi rotennáʼon ne Rawenni꞉io, neh tsi ótsire enkariwátonte. Neh aoríhwa kanónstaton neh tewenniserónte nónen ne iáh teiakoniʼioseráien teiontatiatórete ó꞉ni enhiontatháthonte.

Romans 11:26

Kén kíʼ ní꞉ioht tsi ensatiniákenʼne ne Israerʼró꞉nons. Tsi niwáthon neh Kahiatonseratokén꞉ti, “Ne Shakoiathákwas Zion non néntʼtre tánon enháthonte ne kariwaneraháktseras tsi nithoʼtwatsirínon ne Jacob.

Daniel 11:15

Eʼthó꞉ne ne ronnontí꞉io ne Syria oʼkénra enhatenontonniánion nahsonhtaktóntie ne tekanatanhákton né nahontiesénhake iatahontawènrate ne ronterí꞉iohs raonkweʼtaʼshón꞉ʼa tánon enhatiaʼtakweʼní꞉iohste. Ne Egypt aonkweʼtaʼshón꞉ʼa ronterí꞉iohs iáh thiahontahshónteren ne ahonterí꞉io; shé꞉kon ne kwáh thonnonkweʼtí꞉ios iáh ki thiatekaié꞉ri tsi naonsahatiʼshátsteke.

Psalms 1:1

Iakotáskat tsi nihiákon iáh né tehiésehre tsi nishakonatenikonráhwis ne ronhnonkwetahétkens, khés né꞉ne ahiontʼthaítha né rotirihwáneren raonaháha, khés ó꞉ni nahonwanahtiatárahse tsi nihiákon ne kaierónhsera ronhiónhnis ne Rawenni꞉io.

Lamentations 1:6

Ónen iáh thènen ne tèsken tsi niʼiohnatanerakwáthonʼne ne Jerusalem. Nahonkwetaʼsónhas nohénton iehonnéton ne tesshontiérens tsi ní꞉ioht noskenónthon tsi nihiotsiʼióha ne tsi niwathonkárias, Skanórons ahonteshastenserókten tsi nihonatekweʼháties tsi nòkwah ne rontórats.

Jude 1:18

Wahetsiróri, “nó꞉nen enʼwahwe noʼnáken tewenniseráh꞉te, enhontotashon nónkwe ne taietʼtsiʼieron, ne nónkwe ne rathísere tsi nihonskáneks nok iáh tehonwaiathi꞉saks ne Rawenni꞉io.”

Romans 5:7

Kwáh íken tsi wateriwentóre nónkak ahiontathihéiaʼse neh iakoriwakwaríshon. Sékons ó꞉ni tòhka ónhkak áienreh ahiontathihéiaʼse ne ionkwetí꞉io.

Romans 8:32

Sékon ó꞉ni neh kwáh roiénha iáh kih tehonónsthaton ne tóhsa aharoniáken, nók wahahónnien nahonthasónkwaʼne! Tsi wahshóntion neh Roiénha—iáh káti onhtèken ó꞉ni kwáh skenénstsi tsi entesóntion nohiáshon nihiorihoténsons?

Romans 8:34

Ónhka káti ónhte, ahiekwéni nahonwathiríwente? Kwáh iáh ónhka taiekwéni nahonwathiríwente, Kerístos Ié꞉sos rahónha neh rawenhéionʼne, tánon kíʼ áhre, tsi nikáien neh sonwakhétskwen tsi srónʼne tánon tsi raweientethákwen ne Rawenni꞉io ísrhes. Í꞉i onhkwariwáke tsi roniténthaʼse neh Rawenni꞉io rahohénton!

Galatians 2:20

Nakonhatsíwa iáh ónen teskónnhe, nók Kerístos akonháke non nisrónnhe. Kí꞉ken atónnhets nónwa tsi konnhétie, tsi konnhétie ne tsi thiʼietákwen ne Rawenni꞉io Roiénha, tsi nikáien ne rakenoronkwáʼon tánon rotʼkáwen ne tsi rónnhe nakeriwáke.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Hebrews 8:3

Kwáh niatehatitsihénstatsis tsi ronwahiataráhkwen nahaterihwatsʼterístake nahotatstse ne Ní꞉io ó꞉ni nashakoteskóntʼthake ne kaʼtshé꞉nens tsi nòkwah ne Rawenni꞉io, tánon káti nonkwahtsihenstowáhnen ónenk tsi knahótenk enshakáh꞉wen.