Romans 5:2 - Ohiatonhseratokénti

² Rahonháke non niʼionkwariwaienteráhon kí꞉ken ataniténron tsi nitsionʼnhétie, tánon onkwatsenʼnonniatserákon non niʼionkwathonʼnáhe꞉re nahitewaiéna ne Rawenni꞉io rahohiatanerakwátsera.

Romans 5:2 ပူးပေါင်းရင်းမြစ်များ

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 73:24

Sarihonhnienhnítshera waʼkenatónhnis tsi nihiohahóten akatʼthaʼhí꞉tha tánon ne tsi iehiotók꞉te kwáh í꞉se kaiataʼnerakwahtsherákon tsi enstiéna.

Proverbs 14:32

Nón꞉kwe ne rotirihwanerenʼákskon ronónha enhontatenòn꞉waien ne tsi karihwáksen tsi nihontiéhrha, nok ne tionkweʼtaié꞉ri enhotiiaʼtanónhstate ne tsi ronatonkweʼtakwaríhshion.

Habakkuk 3:18

Nek kik sáka enwakatonhnárake tánon enwakaʼtsenhnonhní꞉hake rahonhà꞉ke ne Roiá꞉ner; tiorì꞉wa ne Rawenni꞉io tsi thá꞉kenes.

Matthew 25:21

Nok ne Roianer ȣahenron: ioianere tsi seȣeienniio; kenh sane niioriȣaha nok ki taseriȣaierite eso kati enkonrihonten: satonnharen raotonnharatserakon ne Saianer!

John 10:7

Sekon kati ne Iesos ȣahenron: Oriȣiio akȣa oriȣiio tsi Ii ne tsi kannhokaronte tsi nonȣe nitkonnetta ne teiotinakarontonha.

John 10:9

Ii ne tsi kannhokaronte; onka iihne enhiontaȣeiate neh enhieniakenne, enhiontaȣeiate oni entsieiakenne nok enhiestsenri ne kakkȣiio.

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

John 5:24

Oriȣiio akȣa oriȣiio tsi kȣarori, onka kiok enhataonsatate nakeȣenna entretakȣe oni raosennakon ne thakatorion, roien naronnheke onȣe, iah oni tahorane ne kareȣatatsera, onen ok tanon tehotohestston ne kenheiatne tsinonkȣati tsi iensronnheke onȣe.

Acts 14:27

Hiahánewe ne Antioch, wasakothihiataróhroke nonkwesónha nononsatokentíke tánon wasakotiróhri tsi nahoténsons ne Rawenni꞉io wahsakohioténseron nahothihióten tánon ó꞉ni tsi nasakohahónnien ne iáh tehatiʼsitaeʼró꞉nons onhnaʼiáwenne nahontahonʼnétakwe.

Romans 11:20

Kwáh thókenske. Iotenatsiákon ne wakarihónʼni ne tsi iáh tethonethákwen, tsi náhe thóh non nensariwatokénhake neh tsi thisetákwen. Nók tóhsa senaiéhak; kék khók sateronʼníhek.

Romans 12:12

Sewaskanektserákon non nahisewathonnárake, sewanikonkástek tsi tesewanikónrahre, tánon tiókonte tsi sewaterenʼnaiéntat.

Romans 14:4

Iáh tesateriwaiénʼni ne taseiatórete nakorénson rahothinhátsera? Neh꞉ne ronwáhnhas iatenhotiriwaiéntase tóhkaʼ ken iatenhonnótʼten tóhkaʼ ó꞉ni enhothiʼriwanóron. Tánon kíʼ ó꞉ni enhonateriwaténtsiaʼse, neh tsi rokwénion ne Roiá꞉ner nasakohahónnien niatahonnhótʼten.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

Romans 3:23

Kwáh onhkwetaʼkwékon iakoriwáneren tánon aíhnon nióre thónʼnes ne Rawenni꞉io rahononsthatserákon.

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

Romans 8:1

Iáh ónen thènen teskarewathatseráien tsi niʼiákon neh thóhʼnon niʼiakonʼnhétie skát꞉ne íken ne Kerístos Ié꞉sos.

Romans 8:24

Asèken askanektserákon non nitsiawénon tsi tionkwaniakénʼen; nók tòhka aitewatkátho tsi nahóten tewaskáneks, kwáh káti iáh thènen askanéktsera tahonsakénhake, Asèken ónhka tsi nítsion tsi tewasʼkáneks nónen thènen iokwatʼkáton?

1 Corinthians 15:1

Tánon nónwah tewahkatonwenhtióni nahkwehiaráhkwen, tewatenroʼshónʼa, ne kariwí꞉ios tsi nikwahteriwahnótanis, tsi nisewahienáhon, tánon thóh nón nikárahthe tsi nihioníron tsi tisewehtákwen.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

2 Corinthians 4:17

Kí꞉ken niiorihwá꞉sas kwáh ionkwaweiennén꞉taʼs ne ionhnheʼón꞉we kaiaʼtaterihtshera knaʼ nenʼne akwé꞉kon nonkwaronhiakénhshera iáh thé꞉nen thaʼtaonsakaierontá꞉rake ne raoiaʼtateríhtshera.

Ephesians 2:18

Kwahse iatekakonte ne iorihonhniʼon ne Keristos tsi nioieren kwáh tewakwé꞉kon, tetsá꞉ron ne Sitaeró꞉nons ó꞉ni ne iáh tehatisitaeʼró꞉nons, enwá꞉ton ne rahiaták꞉ta ne Kaní꞉sera niaʼí꞉tewe kwáh ne shanihiáta ne Ronikonriʼióston.

Ephesians 3:12

Tsi tehionkwateriwasóntere ne Kerístos ó꞉ni teiahonkóton nonkwetakwéntsera rahonháke non nihionkwanikonratʼtsáni ne tsi hiahítewe ne rahohénton ne Rawenni꞉io tseʼwakwékon ne tewetákwen.

Ephesians 6:13

Nekáti ónen í꞉sewats ne Rawenni꞉io rahoriwasónha! Kwáh enskwéni tsi tentswenʼnaráko ne iáswens nónen entʼthiatiathónti; tánon nónen iatensenókten tsi tiaterí꞉io, séhkon kíʼ énstake.

2 Thessalonians 2:16

Aiáwens ne Sonkwahiáner Ié꞉sos Kerístos ó꞉ni ne Ní꞉io Sonkwahníha, tsi nikaíren ne sonkwahnorónkwahon tánon ó꞉ni ne raotenretserákon teshonkwáwi ne iáh tehionéronse kanikonrahnirátʼtshera tánon ne ioriwahníron arahrátʼtshera,

Hebrews 3:6

Nók ne Kerístos rorihwahtóken tsi nòkwah ne roʼníha tsi rohteriwahtentiáton ne Rawenni꞉io rahonón꞉sha. Í꞉i ne rahonónsha íken tóka ientewahtashónteren nonkwáh nikonranirátʼtshera ó꞉ni tsi tionkwetákwen nahóten tewaskáneks.

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,

Revelation 21:11

Ne ió꞉ien ne raoiatanerakwáhtshera ne Ní꞉io tánon teioswát꞉te kwáh né꞉ne waʼkenre owistanoronsónhas, tsi ní꞉iot ne washokwí꞉io ohón꞉te, tsi ní꞉iot ne natʼthésa nikanenhióten, ió꞉kenk tsi ní꞉iot notsishé꞉ra.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.

Revelation 21:3

Tánon onkathón꞉teʼne iowenhnakaré꞉ni thóh nontá꞉we tsi tewanitskwarahtseró꞉te watón꞉nions, “Satkáto, ne tsi ronónshote ne Ní꞉io thóh skátne nonkweʼó꞉kons. Ne Raónha thóh enhenterón꞉take skátne ne ronón꞉ha tsi ne raó꞉ti Ní꞉io enkénhake; ne ronón꞉ha raón꞉ha raonkweʼtashón꞉as enkénhake, tánon kwáh ne Ní꞉io raonhatsí꞉wa tsi enhatikweʼkónhake;

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.