Romans 5:1 - Ohiatonhseratokénti

¹ Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

Romans 5:1 ပူးပေါင်းရင်းမြစ်များ

Job Tánon ne Raoronhiakensera 21:21

Asè꞉ken nahó꞉ten shonsteristáhkwa tsi nokwáh ne raotihwá꞉tsire nó꞉nen ne ronónha ronienhé꞉ion, nó꞉nen ne tsi rónnhne iototʼtà꞉on?

Psalms 122:6

Sewaterénhnaien ne skénnenk takénhake ne Jerusalem: “Aiáwenhs tsi niʼiákon ne iesanorónhkwah aiakoianerástenh

Isaiah 27:5

Kes serí꞉hon naonkatsatanenhtát꞉ten ne nahontakene, kwáh kí skennon tionhni tsi nòkwah ní꞉ih, kwáh kí skennon tionhni tsi nòkwah ní꞉ih.

Isaiah 32:17

Tsi niʼiáwenhs ne karihwaʼkwahrihshióntshera kwáh skénnonk thenwá꞉ton, tánon tsi nenhiáwenhne ne karihwaʼkwahrihshiónhtshera, sák thenkénhake tánon entsiaʼkawethakwénhake tsi nénhwe enkénhake.

Isaiah 54:13

Ratiʼkwé꞉kon ne sehiohʼokónhas kwáh Roiá꞉ner né ensakorihón꞉nien, tánon thenhiotenonianítonhke tsi nenhotiʼkwahtshéhake ne sehiohʼokónhas.

Isaiah 55:12

Asèken tsi iensewaiá꞉kenhne ensewatonnarátie, tánon tsi nenhtietsiʼiatí꞉nionhte skénnonk thenkénhake; ne tsi ionhnontarónhnions ó꞉ni tsi ionhniarónhnions ne sewahén꞉tons í꞉ken thenhiotihénreʼte tsi nathenkontiríwaʼkwe, tánon akwé꞉kon ne karontaʼsónhas ne kahentákes iorontótons tenkonshá꞉rohke.

Habakkuk 2:4

Sehiatkátho ne ronhtatón꞉ni! Ne tsi rohnónh꞉nhe iáh tetkarihwaié꞉ri, ók ne tionkweʼtaié꞉ri thóh ne nón꞉we nironhnonhnhétse tsi nithanetákwen.

Zechariah 6:13

Kwáh raónha enshanonhsón꞉ni tánon enhaié꞉na ne kakweniensthátshera tsi ní꞉ioht ne Rononhtí꞉io, tánon enteshakoniarotáhrohke ne rahonkweʼtahshón꞉ʼa. Tánon ratsihénstahtsi enhoterihóntahke ne raononhthiiotsherá꞉kon, tánon tetiá꞉ron tsi enhothiiò꞉ten ne skén꞉nonh ó꞉ni shahothirì꞉wa enkénhake.’

Luke 19:38

Rontonnionne: Tahonȣanonȣeraton ne Ronontiio tare Raosennakon ne Raȣenniio! Skennen kenhak karonhiakon, nok ahonȣanenton Ehnekentsi!

Luke 19:42

Aiaȣens kenhas oni nise, arahona oni onȣa kenh ȣenniserate aesariȣaientereon, tsini karihotens tsi oni nonȣe aontakaientakȣe asetsenri ne skennen! Iah ki oh taonsaiaȣenne onense tesateronȣekon.

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

John 14:27

Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.

John 16:33

Aseken iakenikȣekon ne Rakeniha.

John 20:31

Nok tsi kaiaton ne kenh kaien, neh ki naonteseȣetakȣe tsi Keristos ne Iesos, Niio Roienha, nok tsi entihseȣetakȣe ne raosennakon enseȣaientane naetsionnheke onȣe.

John 5:24

Oriȣiio akȣa oriȣiio tsi kȣarori, onka kiok enhataonsatate nakeȣenna entretakȣe oni raosennakon ne thakatorion, roien naronnheke onȣe, iah oni tahorane ne kareȣatatsera, onen ok tanon tehotohestston ne kenheiatne tsinonkȣati tsi iensronnheke onȣe.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Romans 1:17

Asèken thóh í꞉wa ne raoriwakwahrishióntshera ne Rawenni꞉io tsi iawehnéston iatehiahotʼkáwen ne tewetáhkwen ne tewetáhkwen; tsi nikahiatónkwen, “Ne tionkweʼtaié꞉ri thóh ne nón꞉we nironhnonhnhétse tsi nithanetákwen.”

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Romans 10:10

Neh tsi tionkwetákwen ne tionkwariwiʼiosténʼnis tsi natethewátereh ne Rawenni꞉io; ne tsi nitewariwahnírats neh tionkwaniakéntha.

Romans 10:15

Tánon onʼní꞉ioht tsi akarihowanáthon thòka ne ronteriwahnótha iáh tiehonwanathórion? Tsi niwáton noriwatokénti, “Kwáh ioriwanerákwat tsi tahónʼne ne ronteriwanhóthas tsi niháti thatíhas ne kariwí꞉ios!”

Romans 14:17

Ne Rawenni꞉io rahoianerénsera iáh ne tatekeníneren noriwasónhas tsi tethewatskáons ó꞉ni tewanekíra, nók nehʼne kariwakwarisióntseras, skénnen, tánon natonnharátsera tsi nitatkáwas ne Ronikonriʼióston.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Romans 15:33

Nakaterénnaient ne Rawenni꞉io, nonkwaiatakweniʼiótsera ne skénnen, ákwe aihsewakwekónhake.

Romans 3:22

Ne Rawenni꞉io neh sesakotakwarisháta neh tsi tonwethákwen ne Ié꞉sos Kerístos. Rawenni꞉io thoʼnihaiérha tsi niʼiákon tonwethákwen ne Kerístos, asèken iáh noʼiáh tehioháhaien onʼnakaiéren nonkwesónhas nahonsahotiʼianerásten tsi natehónthere ne Rawenni꞉io.

Romans 3:30

Rahónhak khók ne Ni꞉io, kwáh ó꞉ni ensakotakwarísion neh Sitaeró꞉nons tsi natehóntere ne raónha neh entewanónton tsi nithonetákwen, neh nònʼne sháka ne iáh tehatisitaerónons.

Romans 4:5

Nók nónka ne rónkwe róien ne tewethákwen, iáh neh kahioténsera, Rawenní꞉ioke non nitawethákwen tsi nikáien ne rotʼróri neh iakoníkonh kwáh iáh othènen teiakosthónton, ne tsi thawetákwen thóhʼnon nihakenhénions ne Rawenni꞉io nek khók kakwénies nahonsahohianerásten tsi natehiátere.

Romans 5:11

Nók iáh kíʼ thók tèkon; ionkwatonʼnáhere neh tsi nihoiéren ne Rawenni꞉io rahonháke ne Sonkwaiáner Ié꞉sos Kerístos, rahónha ónen wasontiónʼnien ne Rawenni꞉io aionkwaténroke.

Romans 5:18

Ne kátiken, nètho énskat kariwáneren iakorewáthon nonkwetaʼkwékon, kwáh ne sákat nénskat kariwakwarishíontsera tiakówis nathatewennihiótseras nonkwesónha ó꞉ni tshiakahónʼnhets.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.

Romans 9:30

Ne káti naihtewénron ne iáh tehatisitaeronons, tsi ronteniénthaskwe nahonsahonthaʼteriwaʼserónnien rahohénton ne Rawenni꞉io, tewéthakwe tsakoriwahseronniénʼni tsi natehóntere ne Rawenni꞉io;

Galatians 2:16

Kati ionkwateriéntare nètho nónkwe kwahse entiakoianeraste tsi nòkwah ne Rawenniioke nek khók enkakwéni niataiotkawe tsi thonwetákwen ne Ié꞉sos Kerístos, iáh nonhwénhton ne tho nakaiehiere naoten ne kaianerenhsera kariwanonhtons. Í꞉i, ó꞉ni, tetsitewetákwen ne Kerístos Ié꞉sos neh nahónton aonsaonkwateriwakwaʼtákwase tsi naʼtethewátere ne Rawenni꞉io iataiotkawe nonkwetakwenhtsera rahonhà꞉ke ne Keristos, tanon tosa tho nakaieren tsi naoten ne kaianerensera kariwanonhtons. Asèken iáh onka tetiakoianerastenhnis tsi nòkwah ne Rawenniio neh thoʼnaiehiere tsi naoten ne kaianerensera kariwanonhtons.

Galatians 3:25

Ónen iakáhewe ne tewetákwen ónhwe, ne kaʼianerénsera iáh ónen tatetionkwaniarótaron.

Galatians 5:22

Nók neh Ronikonriʼióston tatʼkáwas ne kanonronkwátsera, atʼtsennónniat, skénnen, kanikonkasthéntsera, ahtaniténron, tkariwaiéri, ahiakoriwatokénhake,

Ephesians 2:7

Neh aoríwa thonihoiéren ne Rawení꞉io ne naréneste kwáh tiókonte ohiatʼtíʼio tsi nikowánen ne rahoténrat, kanoronkwatserákon nónwe nihsonkwenestʼtén꞉ni rahonháke ne Kerístos Ié꞉sos.

Philippians 3:9

ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.

Colossians 1:20

Rahonhá꞉ke ne Roiénha, káti non, ne Rawenni꞉io iathoriwahiéntase orihwakwé꞉kon ahonsahariwaseronhni ne rahónha raorihwà꞉ke. Kaiá꞉sake raonekwénsake ne Roiénha non skén꞉non wahrón꞉ni ne Rawenni꞉io, tánon káti orihwakwé꞉kon rahonhà꞉ke nón꞉we nathontáwe, kenikwé꞉kon nonwentsiá꞉ke oni ne tsi karonhiá꞉te.

Colossians 3:15

Tsi nihtatʼkáwas ne skén꞉non ne Kerístos neh naisaié꞉nawahse tsi ahisáhawe tsi ní꞉ioht tsi tensiatoretánion; asè꞉ken ne kí꞉ken ne skén꞉non ne Rawenni꞉io tsi skát꞉ke ietsisewaná꞉ton enkat ieiotón꞉on noierón꞉ta. Tánon tesewahtenonweratónsek.

1 Thessalonians 5:23

Aiáwens ne Rawenni꞉io tsi niká꞉ien teshonkwáhwis ne skénʼnon ahiaiatatéristhe kwáh tsík nahontahiotseráh꞉ton tánon ahanónstathe tiatakwékon—tsi sónnhe, satónnhets, ó꞉ni saierónta—kwáh tóh꞉sa thènen ahionitseraiéntake nónen téntre ne Sonkwaiáner Ié꞉sos Kerístos.

2 Thessalonians 3:16

Aiáwens ne kwáh rahonhatsíwah ne Roiá꞉ner, tsi nikáien ne rahiatakweʼní꞉io ne skénnon, tiotʼkonhónwe ahontáhion ne skénnon tánon kwáh tsík nahontahiotieráton. Ne Roiá꞉ner sekwahkwékon sekwakwekónhak.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.