Romans 4:2 - Ohiatonhseratokénti

² Tóhkaʼ ahonsaonwatakwarísion rahohénton ne Rawenni꞉io, ahoientakéki knahótenk tahathaterénsaron. Nók iáh kíʼ tahakwéni tahataterénsaron rahohénton ne Rawenni꞉io.

Romans 4:2 ပူးပေါင်းရင်းမြစ်များ

Genesis 12:18

Ká꞉ti ne Pharaoh iahó꞉nonke ne Abram tánon wahén꞉ron, “Nahó꞉ten kí꞉ken tsi nahstié꞉raʼse? Oh nontié꞉ren tsi iáh tehsekhró꞉ri tsi ne ne tesení꞉teron í꞉ken?

Genesis 12:20

Tánon ne Pharaoh wahshakorihón꞉ten ne raoʼnhatsheraʼshón꞉ʼas tsi nonkwá ne Abram, tánon sahonwaté꞉kwahte, skátne ne ró꞉ne, tánon akwé꞉kon ne raoientáhtsheraʼs.

Ezekiel 8:9

Wahakró꞉ri, “Iashatáwehiat tánon satkátho ne kariwáksen, tsi nihioteriwahtéhas tsi nihontieráhnions ne thóh.”

Romans 15:17

Tsi teiakeníkʼken ne Kerístos Ié꞉sos, nekíʼ, enkʼkwé꞉ni nakenaiéhake tsi rihiótense ne Rawenni꞉io.

1 Corinthians 1:29

Ne náh꞉ti kí꞉ken kén꞉tons iáh ónhka thaiekwéni ne taiontaterénsaron raohénton ne Rawenni꞉io.

1 Corinthians 1:31

Káti, tsi niwáhton norihwahtokénti, “Ónhka áienre tahiontaterénsaron ónenk tsi né teierénsaron tsi nihohiotén꞉en ne Roiá꞉ner.”

1 Corinthians 4:7

Ónhka ietsihionniénni ne sénha ahontesewátʼtehke tsi ní꞉ioht nahkorénshon? Iáh kén Rawenni꞉io tetʼhiáwi tsi nahoténshon sháh꞉ien? Ánion, káti, onhʼní꞉ioht tsi askwéni tahshahtaterénsaron, tsi shí꞉ken ní꞉ioht nahóten sáien ne iáh taiesháh꞉wi?

1 Corinthians 9:16

Iáh tewahtianerenseráien ne takatatherénsaron tsoríwa tsi kateriwahnótʼtha ne kariwí꞉ios. Asèhken, hionkenáhon né nátiereh. Tánon tsi nikariwáksen nahkeriwáhke ne iáh tahkateriwahnóten ne kariwí꞉ios!

2 Corinthians 11:12

Ienkatahsónteren tho nenwatierenhátie tsi nón꞉wa nikatiéhrha, ne akakwé꞉ni ne ronatiaʼkéhshon ne iáh tehonterihwahnotahtsherí꞉ios ne tóhsa ahonatehsennaién꞉taʼne ne tahontaterénhsaron tánon ahontónheke neh shaʼonkwaioʼténhsera.

2 Corinthians 11:30

Tóka iáh thiá꞉tiere ne takataterénhsaron, neh kiʼ tenkerénhsaron tsi nahò꞉ten wakeʼnestén꞉nis tsi iáh tekéhsatste.

2 Corinthians 5:12

Iáh shé꞉kon teiakwateʼnién꞉tha ne énska khók shé꞉kon iaonsaká꞉ienhte ne taiakwataterénhsaron. Nok teionkwatonhontsó꞉ni ní꞉se askwakweniénsthake, ne nó꞉nen skátne ísewes ne iáh tehotirihwató꞉ken, ó꞉ni tehonataterénhsaron onʼnaiohtónhake tsi ahonwananonhtonnión꞉sheke ne otiaʼkéhshon.

Galatians 3:22

Nók nʼoriwatokénti wáton kwáh ohontsiakwékon thóh iakohiathotaréʼon ahosatsʼtenserákon ne kariwáneren; káti tsi nahóten ne Rawenni꞉io sakorahratsʼténni entesakáwen tóhkaʼ enthonwétakwe ne Ié꞉sos Kerístos.

Philippians 3:9

ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.

Joshua 24:2

Ne Joshua kwáh rahthikwekon nonhkweshón꞉ʼa washá꞉kahwenhase, “Ken ki nahó꞉ten ne Roiá꞉ner, ne Rawenni꞉io ne Israerʼró꞉nonhke, rohien nahenron: ‘Wahonniseh tsi nahe tkenʼne ne ietʼtsisotʼthonkonkenʼen ihseh nahkaniatarahti ne Euphrates rahthinahkerehkwe tánon né꞉ne óia niiohokonhas rahthisennaienskwe. Ne shá꞉hiata ne kahsotʼtsera né꞉ne Terah, né roiénha ne Abraham tánon ne Nahor.