Romans 3:5 - Ohiatonhseratokénti

⁵ Nók éhthoh, tòhka-a nónen thènen teionkwaterientawénrie, nonkwesónha kwáh enwenéhake eniontʼkáto nenʼne neh Rawenni꞉io taiérits? Onhnahóten aihtewakwéni aihtewénron? Ne Rawenni꞉io tehaterientawénries nónen ensonkwaréwate? (Kíʼ kén꞉en éhʼtho ní꞉ioht tsi wáktare tsi ní꞉ioht tsi rontátis nonkwesónha.)

Romans 3:5 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Job Tánon ne Raoronhiakensera 8:3

Ne Rawenni꞉io thé꞉nenh ken renhtatsátha ne kahiáneren? Khés ne roshatstenhserowanenʼkó꞉wa thé꞉ken rentatsátha ne karihwakwahrihshióntshera?

Nahum 1:2

Rotekéf꞉fen tánon shakorehwátha Ní꞉io ne ne Roiá꞉ner, ne Roiá꞉ner sakorewátha tánon rotenakwawenhráti; ne Roiá꞉ner sakorewátha ne ronwáhsons sakonákwahse ne ronwáhsons.

Romans 12:19

Tóhsa nonwénton kanhakwatserákon tsi ahonsaskáriake, tewatenrosónhas, nók kek tseríhon Rawenni꞉io rahonhakwátsera írats. Asèken noriwatokénti wáton, “I꞉i kwáh se enshekáriaʼke tánon enshekeréwaʼthe, ráton ne Roiá꞉ner.”

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

Romans 3:19

Kén nónwa ionkwateriéntare kwáh oriwakwékon ne kaianerénsera niehéken tsi niháti ne thóh nónwe ne kaianerénsera ronastonhátie, neh akakwéni onhkwetaʼkwékon taiakótaste ne tóhsa ahonsahatirahiátakwe tánon nawéneste tsi Rawenni꞉io seh tenhaiatórete nohontsiakwékon.

Romans 3:7

Nók tòhka-a tsi iáh tewakeriwatóken roriwáwaʼse ne Rawenni꞉io rahohiataterítsera tsi iónnis ne rahoriwakwarisióntsera tsi akátake ó꞉ni sénha awenéhake? Onhniʼiohtiéren tsi sékon ní꞉i éhʼtho ní꞉ioht tsi aiontréwate tsi síken ní꞉ioht ne roriwáneren?

Romans 4:1

Nahóten ne Abraham neh thonwenʼhenthéston ahoriwakanónʼnike?

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

Romans 6:1

Nahóten káti aihtewénron, khére káti kén? Tehiothonwentióʼon iaihtewatasónteren kariwanerahaktserákon nón naihtsiónʼnheke ehnahontáwe ahontehiáron ne Rawenni꞉io rahoténrat?

Romans 6:19

(Neh kástha ne iáh tewatewennhatóres ne niatewenniseráke tsioríhwa tsi nihiotsihióha ne sewanikonraienthátesras.) Tewenniseráthekwe kwáh tokénhen wesewahtsiakwarísi tsi sewanáskwa kén꞉ne tsi nòkwati ne iáh tehiotkwéniens tánon ne wanontonniontserákʼsens neh꞉ne ahorihónniat ne kariwahétkens. Tánon kwáh satèhiot ónenk tsi kwáh tòken hen ensewatsiakwarísi tsi ní꞉ioht tsi sewanáskwa sewahiótens nahoténsons ne tkariwaiéris, nók ne sasewahióten ne iotokéntis ahoriwasónhas.

Romans 7:7

Nekáti kén aihtewénron, ne iatekaiáti ne kaianerénsera kwáh aóskon kariwáneren? Kwáh káti iáh thotèhiot! Nók kíʼ kaianerénsera onkehnésten nahóten nen꞉ne ne kariwáneren. Tóhka iáh ne kaianerénsera tahiáwen, “Tó꞉sa sehiaskà꞉nek nakorénhson nahó꞉ten ahiakoiéntake,” iáh nonwénton tahontienteráhon neh niwaskanektierhóten.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

Romans 9:30

Ne káti naihtewénron ne iáh tehatisitaeronons, tsi ronteniénthaskwe nahonsahonthaʼteriwaʼserónnien rahohénton ne Rawenni꞉io, tewéthakwe tsakoriwahseronniénʼni tsi natehóntere ne Rawenni꞉io;

1 Corinthians 15:32

Tóhka shí꞉ken, akénhake, waʼkhehiatatʼtsénri “kontírioh” kénʼen nónwe ne Ephesus ne theshatiweianatiéren nónkwe

1 Corinthians 9:8

Iáh tatehiotonwenhtsóʼon nahkatatheniéntʼtase ne tahontakatenáhkeraste ne niaʼtewenhniseráhke, tsoríwah ne kaianerénserah né non ne sáhka tsi nikéntons.

2 Corinthians 6:4

Akwé꞉kon kiʼ wé꞉ne iakenón꞉nis tsi Rawenni꞉io shakeniioʼténhse. Tiótkon thiionkenihrhá꞉re aséʼken niaʼté꞉kon tewé꞉tha ne iáh tetkaié꞉ri, ne ó꞉ni ne aieronhiá꞉ken tánon sewatié꞉rens ionkeniientehrhá꞉ʼon naionkenitén꞉taʼne.

2 Corinthians 7:11

Sewatkáhtho Rawenni꞉io tsi wáratste ne aonsesewatateriwáhsten, kwáh í꞉ken tsi tesewatonhontsó꞉ni ne aiesewarihwahnì꞉rate tsi iáh tesewahnì꞉kon. Sewanáhkhwenʼen, tisewatónʼne, tesewasterí꞉hens naiesewatkáhtho ne tkarihwaié꞉ri. Wesewarihwahní꞉rate tsi akwah tisewaieríthon tsi nisewaiéhrha.

Galatians 2:18

Toka hontakatasawen nahonsatieronhtonhni ne kaianerenhsera nètho wakeriwathonton, etʼthone wakatatiatotashi ne onkak te teháiaks kaianerensera.

Galatians 3:15

Tekanórons tewathatékens ó꞉ni tewatenósens, neh énkasthe tsi tenkeriwárasthe tsi niʼiáwens niaʼtewenniseráke tánon tsi nahóten ne Rawenni꞉io rohrahrátston: nónen ne tehionkwétake iathotiriwaiéntase noríhwa tánon wahiatatʼtsénnaren tsi wahiateriwaserónni, iáh ónhka taiekwéni ne tahonsahiéʼiake tóhkaʼ ó꞉ni knahótenk iahiéieste.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 18:20

Satonhná꞉heras, o karonhiá꞉ke, í꞉se ne sewaiatatokéntis tánon ne sewateriwanhótha tánon ne iesewahriwákens! Asè꞉ken ne Ní꞉io thokáwen ne kariwenhthátsera ní꞉se ahisewatʼkónten naón꞉ha.”