Romans 3:2 - Ohiatonhseratokénti

² Éso, kwáh tokènʼen, tsíkʼnahontahiotiératon! Ne tiotierentákwen, Rawenni꞉io tesakówi ne Sitaeró꞉nons nahathinónstate ne rahoteriwanhotátshera.

Romans 3:2 ပူးပေါင်းရင်းမြစ်များ

Psalms 119:140

Tsi nahoténsons takarahrátstenhni kwáh í꞉ken tsi orihwí꞉io í꞉ken! Tsi niió꞉re tsi kerihwahnorónhkwah!

Isaiah 8:20

né꞉ne karihonhnienhnítshera tánon ne tionthateriwiʼiostenhnítha?” Orihwiʼiohónwe, tsi niiákon ne kí thóh ní꞉ioht tsi iontátis kwáh kí iáh tahiakoiéntahne nahiakórenhne!

John 5:39

Seȣatennikonraren tsi seȣaȣennanotons ne kaiatonseratokenti, nese ȣahi seȣaniahesen aheseȣanatonhase tsiniieiothahinon ne Karonhiake, neh oni kariȣanirasts nakeriȣasonha.

Acts 7:38

Rahónha rathikweʼkón꞉ne ne Israerʼró꞉nons ne kahentakekówa; thóh í꞉reskwe skátne nonkwasótʼtseras ó꞉ni ne raronhiakerónon tsi nikáien ne watʼnitháren tsi ionónte ne Sinai, tánon wahaiéna ne ionʼnheónwe ne Rawení꞉io rahoteriwanothátseras nahonsashonʼtsiohétsʼtase.

Romans 1:2

Rawenni꞉io wahónniʼse tsi náhe thoʼrharátsthon ne karihwí꞉ios tsi nithotíha neh rahonhatserasónhas ne iehatiriwákens, tsi nikahiatónʼnions neh ohriwatokentísons.

Romans 2:18

Sateriéntare tsi nahóten raskáneks ne Rawenni꞉io naihsahióten, tánon sateweniéston ne kaianerénsera nasataterákwase neh tkariwaiéri.

Romans 3:1

Sénha ontèken Sitaeró꞉nons ronatesenʼní꞉ios tsi ní꞉ioht ne iáh tehatisitaeronons, ethòne? Thènen onhtèken satèkena tsi iontatewarakwétarons?

Romans 3:3

Ónhkatine ní꞉ioht tòhka ótiake iáh tehotiriwatóken? Ne kén kéntons neh Rawenni꞉io iáh tahoriwatokenhake?

Romans 9:4

Rohnónha neh Rawenni꞉io rahonkwetaʼsónha; rahónha rohtewirahrákwen ó꞉ni washakawenésten ne rahohiatanerakwátsera; iathonteriwáieste tánon tasakáwen ne kaianerénsera, Rawenni꞉io wahsakonathónhaʼse tsi ní꞉ioht tsi ahonwasénʼnaien neh kwáh tkariwaiéri; wahathiʼiéna ne Rawenni꞉io tsi nihorarasthánions;

1 Corinthians 9:17

Tóhka thóh ní꞉ioht tsi ahontióten tsi kwák tahkatathewenhní꞉ioke, ne káti enwahkeráhreke nahonkatʼkáriase; nók tóhka thonéntiere tsi nahtehiotonwentióʼon; tsoríwah tsi Rawenni꞉io rahkeríhonthe kí꞉ken kahioténsera.

2 Corinthians 5:19

Tsi nahò꞉ten iakwén꞉tons ne Rawenni꞉io nikwékon ne Kerístos shakowískwe ne skén꞉nen ó꞉ni naonsahshakoʼnikónhrenʼse ne kén꞉ʼen ronnonhontsaʼkehró꞉non. Nok í꞉ʼi shonkwaioʼtenhserá꞉wi ne aiehthiiohetstháhse ne raoterihwahnotáhtshera tsi nonkwá ne skén꞉nen.

Galatians 2:7

Kék, wahontʼkátho ne Rawenni꞉io tsi í꞉i thakáwi nakateriwathéntiaʼte nakhehiateriwanót꞉thaʼse ne iáh tehatisitaerónons, kwáh tsi ní꞉ioht tsi thóʼwi ne Tiér nahatheriwaténtiathe nasakoteriwanót꞉thaʼse ne Sitaeró꞉nons.

1 Timothy 6:20

Timothy, senónstat tsi nahóten iesathakweniaiénni. Satiatatískwak ne kariwaiesátsera tsi nahiontáti ó꞉ni ne tehiotenonwaroríhtonte takariwakénen tsi nahóten ne iáh tetkaiéri nótsakes nónkwe ienáthonkwe “Atʼthokhátsera.”

Hebrews 5:12

Kwáh iaʼtekaiérihkwe tsi nishewahnatotaʼkwe nahietʼtsirihonniénnihke—nók kíʼ shékon teshewahtonwenhtióni nónkak ahetʼtsirihónnien ne tiotierentáhkwen ne Rawenni꞉io raoterihwahnothátshera. Tsi ní꞉ioht ne iohkhwahníron aíshewahke, shékon kíʼ onónhta sehwahnekírah.

1 Tiér 4:11

Nónka ionteriwahnótʼtha ónenk tsi ne enhionteriwahnóhten ne Rawenni꞉io rahotheriwanohtátseras; ónhka ne iakohióte ónenk tsi ne énhionste ne kasatsʼténsera ne Rawenni꞉io tesakówis, nekáti kwáh oriwakwékons nahónton rahonháke ne Ié꞉sos Kerístos tsi tahonwanonweráton ne Rawenni꞉io, rahonhatsíwak rahówenk ne kahiatanerakwátsera ó꞉ni kasatsʼténsera tsi nienʼhénwe ó꞉ni tsi nénwe. Éhʼtho naiáwen꞉ne.

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Revelation 22:6

Tánon wahaʼkenhá꞉se, “Kíʼ owenhná꞉okons kwáh kariwatokentitshera ó꞉ni oriwí꞉io, asé꞉ken ne Roiá꞉ner, ne ne Ní꞉io tesakó꞉niaró꞉taron ne rotitokenhse, thó꞉tenieton ne raorón꞉hiakeró꞉non nashá꞉konatonhase ne raonhatsherá꞉okons tsi nahó꞉ten ó꞉nenh kwáh iostore ehtho nenhiá꞉wenhne.”