Romans 2:8 - Ohiatonhseratokénti

⁸ Ótiakhes ne ronʼnónkwe ronatétʼtsen tánon ratiriwásons ne tkariwaiéris, neh enhathísere neh kariwáksen; rathiʼiátake ne Rawenni꞉io entʼtáweron ne rahonahkwáhtsera.

Romans 2:8 ပူးပေါင်းရင်းမြစ်များ

2 Chronicles 6:23

O Saiá꞉ner, tashatahónsatat thóh karonhiáke tánon tesheiatóret ne sanhátsheras. Seréwat ne rotiníkons tsi naʼtehonaténhtion tánon sahsehiatotaríhsi ne iáh tehiakoníkon.

Job Tánon ne Raoronhiakensera 24:13

“Ne ronhnonkweʼtahétkens ronónha ne ratí꞉sons ne kaswaʼthé꞉tshera; ronónha ne iáh tehatirihwaienté꞉ri tsi nikaweienhnó꞉then, tánon iáh thóh nón꞉we tehonthahitá꞉as nohohá꞉hake.

Psalms 90:11

Ónhka iakoteriéntare tsi nikashástste ne sanakwáhtshera? Nó꞉nen ne Rawenni꞉io ronakwénhen tsi nikarihwahét꞉kens nonkweshón꞉has tsi nihiontseránions.

Proverbs 11:23

Tiótkon tkáhahs ne ioiánere tsi nahò꞉ten tehonatonhwentsó꞉ni ne thotirihwaié꞉ri; nok ne iáh tethotirihwaié꞉ri oʼthé꞉nen enhatiié꞉na onkweʼtakwé꞉kon eniakoná꞉khwen!

Proverbs 13:10

Ne wanonhthonnionhtsheráksen nek tkáhas taionʼnikonhrhá꞉ren. Ne sénha wattokhahtsherí꞉io nahseriʼwanón꞉ton naiesaʼnikón꞉ron.

Isaiah 50:10

Ónhka ne tsi nítsion tsiʼsewakweniénstha ne Roiá꞉ner tánon sewatewenhnará꞉kwah ne raoʼwenhnaókons ne raonhá꞉tshera, ónhka thóh nón꞉weh niien ne tsi tetiókaras tánon iah teiakóien ne kaswathétshera, né kí tsakétat thóh raosénhnakon ne Roiá꞉ner tánon ne ronhwaniá꞉hes ne akoʼNí꞉io?

Jeremiah 34:18

Ne ronahterihóntons ne Judah nónhwe ó꞉ni ne Jerusalem nónhwe, skátke ne kanonhtiʼiotsherákon ronahterihóntons, ne rotikháres, ó꞉ni ratiʼkwékon ne sakothihéntenʼse, ionkwahteriwahsehrónni tsi thóh nónhwe nenhonténti tsi nahtetsiátereh ne tehonwahiatsákhon ne tionʼnónhskwahron rátsinn. Ók kíʼ tehothihiákon nètho ateriwahsehronniátshera tánon iáh tehonatsenawáston tsi nikahriwahnónhtons. Káti thóh nenhkheiérahse kí꞉ken onhkweshón꞉a tsi nihonwahiérahse nètho tionʼniónhskwahron rátsinn.

Ezekiel 22:31

Káti ienkátʼkaʼwe nakenahkwáhtshera ne rononháke, tánon tsi ní꞉ioht nótsire kwáh enkhehiáthonthe ne tsi nihonahtiéren.” Ne Ronhnontí꞉io Roiá꞉ner wahatáti.

Nahum 1:6

Ónhka aiekwé꞉ni taietá꞉ne ohén꞉ton ne ranakwáhtshersa? Ónhka aiekwé꞉ni naionthá꞉katstate ne ioʼtarí꞉hen raonakwá꞉tshera? Ne raoterhiatitkhóntshera tewawéron tsi ní꞉iot ne ótsire, tánon raónha nosténras teorí꞉tons kenk ní꞉was.

Romans 1:18

Rawenni꞉io rahonakwátsera kwáh iotenéston tsi nitiosénʼen ne karonhiáke tsi nihiotkónte oriwakwékon ne kariwáneren ó꞉ni tsi niʼienikonrahétkens nónkwe ne tsi niʼhathiweienʼnáksens rathiʼhiótats neh kariwakwarishióntsera nakatokénʼen.

Romans 10:16

Nók iáh onhkwetaʼkwékon teiakoienáhon ne kariwí꞉ios. Kwáh ó꞉ni rahónha ne Isaiah ráwen, “Roiá꞉ner, rahónwa tawethákwen nonkwateriwanhothátsera?”

Romans 15:18

Entewakenikonrahkontákwen ó꞉ni nek khók enkatróri tsi nihoiéren ne Kerístos nakonháke nakheiasáriʼne ne iáhʼtehatiʼsitaeronons neh꞉ne ahonwawénnaraʼkwe ne Rawenni꞉io. Neh iorihónʼni tsi nikawennhóten wakathatíhon ó꞉ni nakeweiénʼna,

Romans 6:17

Nók tahonwanonweráhton ne Rawenni꞉io! Iawerohátien tewenniseráthekwe kariwáneren ahotshé꞉nen kén꞉ne, kwáh káti seriasakwékon tsi wasatewennarákwe, ó꞉ni washéna ne tkariwaiéris ne washetʼtsénri tsi nahesarihónnien.

Romans 9:22

Tanon kwáh neh sáka tsi niʼioriwhí꞉io tsi nihoiéren ne Rawenni꞉io. Wáhʼrehre naréneste ne rahoʼnhakwátsera tánon nharotáshi ne rahosatsʼténsera. Nók kwáh íken tsi rohnikonkátsʼtekwe sakothakastáton tsi niháti ne tensakoiatórete ne rahonhakwatserákon thóhʼnon niahonenonhátie ne kariwaiesatserákon.

1 Corinthians 11:16

Nók tóhka ónka íʼienre né taieriwahkénahthe, thók khók níkon wáhtien nahkíron tóhkaʼ kén nontionhahak ó꞉ni nahkorénsons ne rotiriwiʼiosthénions taionkwaienahon noriwahkaionʼnéha tsi ní꞉ioht tsi ahonterennaiénʼsehke.

2 Corinthians 12:20

Thiwákterons nó꞉nen téntke tóka iáh shaʼonkwaʼnikòn꞉ra thakénhake. Thiwakteronʼón꞉we sewatiaʼkéhshon tensewarihwatirón꞉take, tensewatateʼnósha, tóka ó꞉ni tensewatatenahkhwá꞉se, tóka ó꞉ni ensewatehtshén꞉hake, tóka ó꞉ni taisewatatenowenhtaniónhahse, tóka ó꞉ni aisewatshokentonníhake tánon taisewatateʼnikonhrakaré꞉wahte. Kwáh ó꞉ni thiwákterons nontié꞉renk aisewanaiéhake sók eh naitsonhnhoténhake tsi ní꞉ioht ne tehatinenhrahrí꞉tha.

Galatians 5:20

konwatisénnaiens kaiatonnisónhas ó꞉ni iontenénnaras. Nonkwesónhas tenhotiriwaráseron ó꞉ni enhonterihioháton; tánon enhatinosháseke, enhotinakwenhénhake, ó꞉ni enhonatetʼtséntake. Enhonnitiokonniánion;

Philippians 1:17

Nók tsi niháti neh ionkhinósas iáh thotiriwatóken. Kwá nek khók rónnereh naionkentorásten tsi nikaríwes enkenóthonke.

Philippians 2:3

Tóhsa shenosásek tóhka ó꞉ni asatatonníheke, nók kíʼ tasariwaiérik tanon iaseieʼhiáran notsiakéson tsi sénhase roʼnónha rathiriwhásta tsi níʼioht neh sewátsiake.

2 Thessalonians 1:8

enhiotonʼiotátse, ne nasakoréwahte tsi niháti ne ronwahkenronní꞉on ne Rawenni꞉io ó꞉ni tsi niháti ne iáh tehonatewennarákwen ne kariwí꞉ios tsi nòkwa ne Sonkwahiáner Ié꞉sos.

Titus 3:9

Nók tsiotárho ne tehiotenonwahrorítonte ahterihotaróktsheras, nakarahwisthésonke naiesennarónnionke ne kasótʼtsheras, tekariwahtíronthe, ó꞉ni ne ionteriʼiosthákwa ne kaianerénsera. Kwáh iáh thènen tekástha iáh ó꞉ni thènen tehioríhonte.

Hebrews 10:27

Khé꞉kenk, thotʼkhók níkon tiotatenron nahitewahterahráthe katerontierakon ne táh꞉we kahiatórethatshera tánon ne kahtienhowá꞉nen nen iakothonthe tsi nihiakon ronwahshóns ne Rawenni꞉io!

Hebrews 11:8

Tewehtákwen seh wahahónnien ne Abraham nahatewénhnaraʼkwe tsi nahóten ne Rawenni꞉io rohróhri tsi tkanakerahseráien niáre tsi nihorahratsʼténni ne Rawenni꞉io enháwenh. Wahatewénhtethe ne raonakeráhsera iáh tehotheriéntare kah nónwe niahawehnonhátie.

Hebrews 5:9

Tsi ónen watatónkothe, raónha ne kashatsténshera waháton ne ionnhehónwe kaiatahkeʼnhátshera né꞉ne tsi niiá꞉kon nenhonwahwénnarahkwe,

Ne꞉ne Sák Rohiaton 3:14

Nók tóhka ne seriá꞉ne ne iónnis nasatekéf꞉fa, asonkwetaʼtsénhake, ó꞉ni satétʼtsen, tóhsa ne seriwanérat né tkariwaiéri tsi natasathaterénsaron ne satʼthokhátsera.

Ne꞉ne Sák Rohiaton 3:16

Kanónwe ne kanhosátsera tánon naskeʼnátsera, tánon ó꞉ni iáh thènen tehioʼianerenseráien kwá káti tsík nahoténson tsiewahétken.

1 Tiér 3:1

Kwáh ne sáka í꞉se ne sewaniákon tsisewathonwísen ónenk tsi enietʼtsiwénnaraʼkwe ne sewaniákons, ne káti tóhkaʼ ónhka tsi niháti ne iáh tethonethákwen ne Rawenni꞉io rahowénna, saweiénna kíʼ enkarihónni nahontahonnétakwe. Iáh káti tatehiotonwentióʼon ne tiowénna asíron,

1 Tiér 4:17

Ónen iakáhewe ne kaiatoretátsera nahonthontasáwake, tánon nehne Rawenni꞉io rahonkwetaʼsónha entatihénte ne tahonwatihiatórete. Tóhkaʼ I꞉i entitewatiérente onhní꞉ioht tsi ienwatókten tsi niʼiákon ne iáh tetiakawetákwen ne kariwí꞉ios tsi Rawenni꞉ióke nonwe tiohawiton?

Revelation 14:10

kwáh ó꞉ni ronón꞉ha enhatinekí꞉ra ne notsí꞉tsa né꞉ne Rawenni꞉io raoterhiatitkhóntshera, tewawéhron kwáh iáh thatekanekaiéston ne kák꞉sakon ne raonakwáhtshera, ne ronón꞉ha kwáh enhon꞉watironhiákente ó꞉tsire enwátston tánon iontenathentásta thóh raotihén꞉ton ne roʼtiiatatokénhtis ratironhiakeró꞉nons tánon raohén꞉ton ne teonakarontónha owí꞉ra.

Revelation 16:19

Ne kanatowanénke watewatekhá꞉si áhsen ní꞉kon iahón꞉ton, tánon ne ronhnonhontsakeró꞉nons raotinatakónshons watewaré꞉ni. Ne Ní꞉io sharehiá꞉rane ne teiotenonhianì꞉ton Babylon tánon tá꞉ron ne otsí꞉tsa-teiontnekontáhkwah né꞉ne raotenakwahwenhrhá꞉tsera ne raoterhiatitkóntshera.