Romans 2:7 - Ohiatonhseratokénti

⁷ Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

Romans 2:7 ပူးပေါင်းရင်းမြစ်များ

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Psalms 37:34

Roiá꞉ner nòkwah shariwahnirónhak tánon shatewénhnarak ne raotiawenráhtshera; enhiakwéniensthe tsi éntʼthion nonwéntsia, tánon enshé꞉ken ne rotiʼriwahneraʼákskon tsi enhonwaʼnátonhte.

Ezekiel 18:17

Kwáh iáh tehatʼthóntats ne ahohióten ne kariwáksen; tánon iáh tehatwistaníhas nahatwisthónniaʼte. Rotienawásthon natianerénhsehra tánon ratewenhnaráhkwah nakeriwahtátʼtseras. Iáh ne tahorhióte ne꞉ne akarihónhni ne roníha rahoriwahneraháktsheras, ók kwáh kíʼ tohkénʼen tsi enrónhnheke.

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

Luke 21:19

Kanikonriiotserakon tsionnhetie.

Luke 8:15

Nok kenh kaien ne tsinonȣe niionȣentsiio niiokerontaon, neh neneh iakoton ne konȣaȣennaronken, akaȣeriane iakaȣeten oni iakoteȣeienton, nok kanikonriiotserakon enkanorari.

John 4:36

Tehonȣariȣaserakȣenni ne raienthokȣas, nok raroroks tsini iotonnison tsi nonkati ne tsiniienhenȣe aionnheke; eh naontaȣe ok sataiatonnharen ne raienthos tsiniiot ne raientȣakȣas.

John 5:44

Oh nah oni naiaȣenne naonteseȣetakȣe, ise neneok seȣesaks nonkȣesonha akorensarontsera, nok iah neh teseȣesaks ne Niio okʼ raorensarontsera?

Romans 2:10

Nók Rawenni꞉io entʼthátkaʼwe ne kahiataterítsera, kakwenienstátsera, tánon ne skén꞉nen tsi nihiákon ne eniakohióten neh iohiánere, nehʼne Sitaeró꞉non entatihénte, tánon thóne ne iáh tehatisitaerónons.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.

Romans 8:18

Watʼtiatórete tsi niʼionkwaronhiakénʼen tsi nióre nónwah iáh tahónton nehʼne tahontahionteniéntenste neh kahiatanerakwátsera nen ionkhirihotáshase

Romans 9:23

Tánon ó꞉ni reraʼkwe narotási tsi niʼiókwas ne rahohiatanerakwátsera, ostónha thesonkwáwi kíʼ kahiatanerakwátsera tsi nísonkwe nesténʼni ne kenténrat.

1 Corinthians 15:42

Thóh kíʼ nenhiotónhake nónen ne iakawenhéion entiontatkétsko nahonshahiakónnheke. Nónen noierónta enkonwaiatátha, kwáh kíʼ iawenhéion; nónen enskahkétskwenke, kwáh entionnhehónwe.

1 Corinthians 15:50

Tsi nahóten kítons, tewatenroʼshónʼa, né tsi nahóten nowáhron ionniáton ó꞉ni nonekwénsa iáh tahónton nahontiátaren ne Rawenni꞉io rahonakeraserákon, tánon tsi nahóten ne kenhéions iáh táhonton nahkaiéna ne ionnhehónwe.

1 Corinthians 15:58

Éhʼtho káti, akwateroserahnórons, sewahriwaníronk ó꞉ni sewariwatokénhak. Tiotkonhónwe sewahtatiotenstónhak ne Roiá꞉ner rahoriwáhke, tsi ónenk sewahteriéntareh tsi nahóten ensewahióten ne Roiá꞉ner raoioténsera iáh nènne nonwénhton tsakaiéshia.

Galatians 6:9

Thoʼsa káti tethewawísenhe nahionkwaʼióten ne ioiánere; tóhkaʼ iáh tahitewanikonrókten, ienkáhewe tsi entewaientʼtwáko.

Ephesians 6:24

Ne Rawenni꞉io rahoténrat ahathikwekónhake tsi niháti ronwanorónkwa ne Sonkwaiáner Ié꞉sos Kerístos akenikwekónhake ne iáh tekenhéions kanoronkwátshera.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

2 Timothy 1:10

Onk nónwah hionkwatenesténni tsi nitawénon ne Sonkwaiathákwas, Kerístos Ié꞉sos. Tehotáston nahosatsʼténsera ne kenhéion tánon tsi nitióha ne kariwí꞉io iawenéston ne ionnhehónwe atónnhets.

Hebrews 2:7

Tsi shehiatíson kénk nikaríwes iáh tóh tethonátʼthekwe tsi ní꞉ioht ne ratironhiakerónons; ne waʼsehianonhwaró꞉roke ne kahiatanerahkwáhtsera tánon ne tekarénhsaron,

Hebrews 6:12

Iáh tateionkwahtonwenhtió꞉ni ne tarohtáro aisewáhton, ónk thóh nahtionʼnoténhak tsi ní꞉ioht ne tohnetákwen ó꞉ni rohtinikonkátsthe, tánon nahónton aisewahiéna tsi nahoténshons ne Rawenni꞉io rohrahrátsʼtons.

Hebrews 6:15

Ronʼnikonkátsthekwe ne Abraham, tánon káti wahaiéna tsi nahóten rohrahrátston ne Rawenni꞉io.

1 Sawátis 2:25

Kén káti ní꞉ioht tsi sonkwararasténni ne kwá rahónha ne Kerístos entesóntion ne ionnheónwe.