Romans 2:5 - Ohiatonhseratokénti

⁵ Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

Romans 2:5 ပူးပေါင်းရင်းမြစ်များ

2 Chronicles 30:8

Tó꞉sa sewatenontsistatʼsat tsi né niʼiohtónhne ne roʼnónha, ók tsisewahwénhnarak ne Roiá꞉ner. Tá꞉sehwe Nononsatokentkokowane ne Jerusalem nón꞉we, tsi nikáien ne Roiá꞉ner Sewahní꞉io né꞉ne tsi nénhwe iotokénti rahonniáton, tánon tsi sewahsénhnaien né ká꞉ti ne tó꞉sa shé꞉kon ahonshatsisewanákwahse.

2 Chronicles 36:13

Né Zedekiah waʼhonenhrót꞉thaʼse ne Ronnontí꞉io Nebuchadnezzar, né꞉ne thóh nontónhni tsi rorihwaniráhton Rawenni꞉io raosénhnakon tsi enhorihwatokénhake. Kwáh kíʼ wahatenonhtsistanírahte tsi iáh tehothontáton ne ahonsahotatrewáton tánon Roiá꞉ner nòkwahti niahonsahawénonke, né Sakoní꞉io Nisraeʼró꞉nons.

Job Tánon ne Raoronhiakensera 21:30

Ne ronhnonkweʼtahétkens ronwatinónstats ne tsi tewenhniséronte ne atkaronhniátshera; entonwatiiaʼténhawe nentewenhniserá꞉te ne kanakwáhtshera.

Psalms 110:5

Né Rawenni꞉io né꞉ne Roiá꞉ner tsi sehseweienhtethákwen í꞉rate ronhnontí꞉io í꞉ken; kwáh kíʼ thensakokʼtókwahte ne rontinontí꞉ios nenhtewenhniseráteke enhonákwen.

Psalms 95:8

Tó꞉sa sewathenontsistanírat, tsi né nihiawénhen ne Meribah nón꞉we, ne tewenniseráteʼkwe ne iahonwenhtsatʼthénke nón꞉we né Massah nón꞉we.

Exodus 14:17

Thóh nióre tsi enʼkhenontsisʼtanírahʼte ne Egyptró꞉nons kwáh thóh nienhónhne nahonwatísehʼre, tánon ne tenkathéntsa ne kaʼkweniensʼtátshera tsi enhiʼsènhni ne ronhnonhtí꞉io, ó꞉ni ne rahonkwetashón꞉ʼas ronhterí꞉ios, ó꞉ni ne rahosehreʼshón꞉ʼas ne konhterí꞉ios otsiónkwas, ó꞉ni ne rahonkweʼtashón꞉ʼas ne sakonató꞉res ne koshá꞉tens.

Exodus 32:34

Wáhs kíʼ ó꞉nen, sehhéntes nonhkweshón꞉ʼa né tsi tewatenáhtaien tsi ní꞉ioht tsi konhró꞉ri. Sehiárak akeronhiaʼkerónonh enhiaʼhéntenhse, ók ienkáhewe nónen kwáh enkheréwathe kí꞉ken onhkweshón꞉ʼa tsi nihotiriwáneren.”

Exodus 8:15

Nó꞉nen ne Ronhnonhtí꞉io sahatʼkátho nʼotskwà꞉rhes roʼnenhéion, sók àhre sahatenonhtsistaʼnírahʼte tánon, kwáh kíʼ tsi thitháwenh ne Roiá꞉ner, ne Ronhnonhtí꞉io iáh kíʼ tasahkotahónsahʼtaʼthe ne Mahís ó꞉ni ne Aaron.

Proverbs 1:18

Ne ká꞉ti shá꞉ka né꞉ʼe niionkweʼtò꞉tenʼs nahonterístaien ronnónha enhotiié꞉na tánon tho nón꞉we nenhonníheie.

Proverbs 11:4

Kakwahtshéhsera iáh oʼthé꞉nen thaiehsaiaʼtakéhnha nó꞉nen entewenhniserá꞉teke tensáhkwaʼte kenhé꞉ion, tókaʼ sarihwakwaríhshion ensaʼniá꞉kenhte tsi sónhnhe.

Proverbs 28:14

Tiótkon tshewén꞉narakhwak ne Roiá꞉ner tánon enhsatonhnhá꞉rake. Tókaʼ seriahsahní꞉ron, wé꞉so kiʼ ensáhtonʼse.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Ecclesiastes 12:14

Rawenni꞉io kwáh oriwakwékon tehahiatórehthe tsi nenhtewátiere, ahioianeréhake khóni nahonhetkéntahke, iehióhe tsi nahionkwatiérenhke nathaséhtonhke.

Isaiah 48:4

Né aoríhwa waʼkateriéntaraʼkwe tsi niʼsewahtenikonrakʼsáton, tánon ne sewahniá꞉rake karisthá꞉tsi sewahtsinonʼiátare tánon ne sewahkenkwaráke otsínekwar niʼkaristó꞉ten í꞉ken,

Jeremiah 40:3

tánon ónenh éhthoh naháhiere tsi niháwenh. Àhkwe kíʼ tsi naháwenhne ne tsioríwah ne shonkwethashón꞉a tsi rotirihwáhneren tsi nòkwah ne Roiá꞉ner ó꞉ni ronwahwenhnónhtion.

Ezekiel 11:19

Kwáh áse tenhtekhéhion nawéri tánon áse nonikónhra. Kwáh ahérenh enkháwithe tsi nihonerhiashaníhron tsi ní꞉ioht nonénhia tánon né꞉ne werhiashí꞉io tenhtekhéhion.

Ezekiel 3:7

Ók kwáh iáh ónhka nonhkweshón꞉ʼa ne Israerró꞉nonhke nahonnérehke nahonthahónsahthaʼte; akwé iáh ní꞉ih tehionkatahónshatats. Rahtikwékon rothinonhtsistaníronhs tánon iáh tehontewenhnahráhkwah.

Daniel 5:20

Oʼk ne tsi wahatatón꞉niʼne, wahatenontsistáksaʼte, ó꞉ni wahateʼniakátstate, Rawenni꞉io eʼtho nahá꞉sa, tsi nontahaiá꞉tenʼne ne raorenhsarónhtshera kwáh ehk thónhton.

Hosea 13:12

Ne Ephraim ahorihwaneraháktsheras karehniónhni; ne rahorihwaneraháktshera wateweiénton tsi ieientháhkwa.

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

Romans 1:18

Rawenni꞉io rahonakwátsera kwáh iotenéston tsi nitiosénʼen ne karonhiáke tsi nihiotkónte oriwakwékon ne kariwáneren ó꞉ni tsi niʼienikonrahétkens nónkwe ne tsi niʼhathiweienʼnáksens rathiʼhiótats neh kariwakwarishióntsera nakatokénʼen.

Romans 11:25

Kwáh seh kariwasetánion naʼteriwakwarisióntshera, tewatenrosónhas, tsi nahóten ne kwáh tewakathonwentió꞉ni naihsewateriéntaraʼne, asèken neh ensewanónstate ne tóhsa aihsewathatenontónʼnionse tsi nahisewakthókhake. Tsi nihonatenontsistaniráton ne Israerʼró꞉nons iáh kíʼ tsehiotkontákwen, nók thóh khók nikaríwes tsi nióre ne iáh tehatisitaeronons tekaiatoreton tonihati ne Rawenní꞉ioke nienhón꞉ne.

Romans 9:22

Tanon kwáh neh sáka tsi niʼioriwhí꞉io tsi nihoiéren ne Rawenni꞉io. Wáhʼrehre naréneste ne rahoʼnhakwátsera tánon nharotáshi ne rahosatsʼténsera. Nók kwáh íken tsi rohnikonkátsʼtekwe sakothakastáton tsi niháti ne tensakoiatórete ne rahonhakwatserákon thóhʼnon niahonenonhátie ne kariwaiesatserákon.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

Deuteronomy 32:34

“Ne Roiá꞉ner rehiáre tsi nihonatiéren ne tehontà꞉tsons; rorá꞉re ne kwáh entkaié꞉rike tsi nenhiowistáheke nenhsakorewáthe.

2 Thessalonians 1:5

Kwáh akwékon kí꞉ken kariwahnírats ne Rawenni꞉io raohiatoretátshera tsi tkaiéri ó꞉ni ne enkarihónni tesewahténtion ne Raonakeráh꞉sera, tsi kwáh sewahtateweienʼnentáʼon ne akarihónni tsi aisewahronhiáken.

Hebrews 3:13

Khekhók, naiotónʼon tóhsa ónka tsiʼnítion ne kariwáhneren aisewahnikonráhten ó꞉ni aisewahtenikonrákshaʼte, ónenk tsi tesewahtatiénawashe kwáh niatewenniseráhke, kwáh tsi nikaríwes nowénhna “Nonwawenniseráte” nohiatonseratokentíke í꞉i ionkwáhtiaʼte.

Hebrews 3:15

Kén nahòten wáhton noriwahtokénti: “Tóhka ensaʼthóntene ne Rawenni꞉io raowénhna nónwah wenhniseráte, tóhsa satenikonráksat, tsi né niotiʼiéren ne shesoʼthonkonhkén꞉en nónen tehonwahwennaráhkwen ne Rawenni꞉io.”

Hebrews 4:7

Né kí꞉ken iawehnéston tsi kwáh orihwí꞉io nètho Rawenni꞉io tsi ó꞉ia shawenhnisherahrákwen, né konwanaʼthónkwah “Ónhwah wenhnisehráthe.” Wéso iosehráke onakènke né shotharáhkwen raonháke ne Táwit né orihwahtokentíke nónwe ónenk watʼró꞉ri: “Tóhka ensathón꞉teʼne ne Rawenni꞉io raowénhna nónwah wenhniseráthe, tóhsa sathenikonráksat.”

Ne꞉ne Sák Rohiaton 5:3

Ne sewáwenk owistanórons ó꞉ni ne kawistarákens oskénra nèn꞉ne iotheróron, tánon kí꞉ken oskénra ne ensanontánakʼte tánon ó꞉ni thóh ní꞉ioht tsi ensawárake tsi ní꞉ioht nótsire. Sentonʼhionniá꞉nion nahtiokowátseras kíʼ nonàken iotenʼniseroehsthákwen.

Joshua 11:20

Ne Roiá꞉ner iasakoʼnikonhrakónhthakwe nahonterí꞉io Nisraerʼró꞉nons, ne káti nahonwatiré꞉waʼthe né꞉ne kwáh tokén꞉en ahonwatikarón꞉ni tánon ratikwé꞉kon enhonwatinonhwarià꞉kon né꞉ne iáh othé꞉nen teká꞉ien nataniténron. Thóh ki ní꞉ioht ne Roiá꞉ner tsi rohró꞉ri ne Mahís.

2 Tiér 2:9

Tánon káti ne Roiá꞉ner rohteriéntare onní꞉ioht tsi ahsakonónstate ne rohtiniʼioseráien tsi ní꞉ioht tsi tehonwanaskótanis ó꞉ni tsi ní꞉ioht tsi ensakorewátake ne ionkwetahétkens kwáh tsi nióre Entewenníseráh꞉teke ne tenhonwatihiatórente,

2 Tiér 3:7

Tánon nónwa nikaháwis ne tsi karonhiáte ó꞉ni ne tsi ionwentsiáte kwáh kanónstaton tánon ó꞉ni ne sáka tsi ní꞉ioht tsi rotennáʼon ne Rawenni꞉io, neh tsi ótsire enkariwátonte. Neh aoríhwa kanónstaton neh tewenniserónte nónen ne iáh teiakoniʼioseráien teiontatiatórete ó꞉ni enhiontatháthonte.

Jude 1:6

Saietʼtsiiehiárah thiratironhiakeró꞉nons tsi niháti ne iáh thónon tehonataténron nahonátsthon ne rahothishasʼténshera tsi natehiothonwentioʼon꞉ne, nok kek wahontewénthete tsi non nihatiteróntakwe: tsi nénwe oronkwása rathinerénkston tsi nónwe ne kwáh tetiokaraskó꞉wa nonʼontiokon, tsi nónwe ne Rawenni꞉io iesakotʼkáwen ne thóh nónwe entewenniserateke nónen enʼonwathirewate.

Revelation 2:21

Kerarahtiéskwe nahonshontatré꞉waʼte, ók onteraiá꞉takwe nahonshontatré꞉waʼte ne tsi kenhnikaién꞉ha.

Revelation 6:17

asè꞉ken ne teiahonhniseranón꞉hiani tsi natehonterhiatítʼkons iaʼkáhewe, tánon ónhka naiekwé꞉ni naionthakatstá꞉te?”

1 Samuel 6:6

Onnontié꞉ren ní꞉se tsi ahisewatʼterhiaʼsanírate tsi neh ní꞉iot ne Egyptró꞉nons tánon ne Pharaoh wahonteriasahní꞉rate? Ne nó꞉nen ne Ní꞉io shahshakononhwaroriʼtón꞉ni, iáh kénh tehonwahnatkáwen nonkweʼókon, tánon éhren waʼhónneʼte?