Romans 2:4 - Ohiatonhseratokénti

⁴ Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

Romans 2:4 ပူးပေါင်းရင်းမြစ်များ

Psalms 10:11

Í꞉rehre, “Né Rawenni꞉io iáh othènon tehatsterístha, rotkonsahséhton, iáh nonwénhton thatehakánere.”

Psalms 104:24

Ó Saiá꞉ner, tsi niʼiaweʼtowánen sahiothénhen! Satʼthokhaʼtsherákon nón꞉we nitsawénon tsi nahothénson akwékon shasahánionʼ ne tsi ionhontsáte titʼthatíhere né ronhnonnhénion sehiaʼtíson.

Psalms 31:19

Ó tsi nikananónkʼkons ne sáhwenk iohiáneres né꞉ne sehiateweienhtónhni kowánen kaiathateríhtsera tsi nihiákon ne teiesarénhsarons; tánon wé꞉so tsi nisehiatiérase tsi niʼiákon nʼisèke néntien nahiontásehte, né꞉ne kwáh onhkwetakwékon enhiontkátho!

Psalms 78:38

Ók kíʼ shé꞉kon ne rahónha, tsi rotanitenhrátskon, sasakonikónhrenhse ne raotirihwanerahát꞉tshera, tánon iáh kíʼ tesakotón꞉ton; iotkáthatse tenshá꞉taste ne raonakwáhtshera, tánon iáh tsehotkáwen ne raonakwáhtshera.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Ecclesiastes 8:11

Onhnontiéren nonhkweshón꞉ʼa tsi nihiakotateweienhnentáhon ne kariwahétken tsi nahióntiere? Tsoríwa tsi iáh óksak tehonwatirewáhtha ne kariwahétken rotihióthe, iáh kíʼ ónhka né tehionhnonhthónhnions né thé꞉nen ahonhetkénthake tsi nahióntiere ne kariwahétken.

Isaiah 30:18

Ne ó꞉ni waónhni ne Roiá꞉ner roráhre nahontahiarihwaiéritʼtse; ne ó꞉ni waónhni kwáh thenthá꞉tane nahréneste naʼtanitenhrátsera shonhake. Asèken ne Roiá꞉ner né꞉ne Rawenni꞉io ne roterihwaʼkwahríshion; iakotáskats nonkwetaʼkwékon ne rahónha ronhwará꞉re.

Jeremiah 7:10

Né et nishé꞉rah tsi nahó꞉tens ne íksons, ó꞉ni táhse akʼkénton wahtésthaʼne, ne kwáh í꞉i akenonhsatokentíke, tánon sáton, ‘Ionkwaniakénʼen!’

Ezekiel 11:19

Kwáh áse tenhtekhéhion nawéri tánon áse nonikónhra. Kwáh ahérenh enkháwithe tsi nihonerhiashaníhron tsi ní꞉ioht nonénhia tánon né꞉ne werhiashí꞉io tenhtekhéhion.

Ezekiel 16:63

Kwáh enskonhnikónhrense akwékon tsi nateshaterientawénhrie, ók kíʼ kwáh ensehiárahke tánon sóhtsi enshatehénsehke ne thasaskwéksi.” Ne Ronhnontiio Roiá꞉ner wahatáti.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

Numbers 14:18

‘Í꞉i, ne Watiá꞉ner, iáh tewatiésenh nahonkenákwen, tánon kenéstha kowánen kanoronhkwátshera ó꞉ni tokenhskeʼónwe tánon nahonshakeʼnikónhrenhse ne karihwáneren tánon ne taienenhrá꞉rihte. Ók kíʼ ó꞉ni iáh thaʼhonkerihwanóron naʼkeréwathe ne ratiksahokónhas ó꞉ni ne sakonaterehokónhas tsi nióre nasénhaton ó꞉ni kaieríhaton niaʼtehioteresehráne né rahotiʼrihwanereháktsheras ne ronhwatiʼiohʼokónhas rahotirihwaneraháktsheras ahonthakarihónhni.’

Romans 10:12

Kwáh tsik ónhka kíʼ iakóthons, Asèken kwáh iáh thènen thateontʼthíhen neh Sitaeró꞉nons tánon ne iáh tehotiriwiʼióstons; Rawenni꞉io kwáh ónhkwe takwékon tsi Sakoiánere ó꞉ni kwáh wahtsokowatserowánen sakohiataterísta tsi niháti ne ienhonwanáthon.

Romans 11:22

Kénhen tewatkáthos tsi nithoriwaiéri tánon ó꞉ni tsi nihaniakátste ne Rawenni꞉io. Kwáh íken tsi sakoteniakastátis tsi niháti ne rhothiriwáneren, nók thoriwaiéri nisèke—tòhka iensatasónteren tsi nòkwati ne rahononronkwatserákon. Nók tòhka iáh, í꞉se ó꞉ni eniahiákse.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

Romans 3:25

Rawenni꞉io wahatenikonrísa neh tsi rawenheión꞉ne thoʼnahontáwe tsi niʼiawénhon nètho nonkwesónha ahonsaionthatenikónrense nakoriwaneraháktsera, neh tsi rahonháke non nithonethákwen. Rawenni꞉io thoʼnihóson thoʼnahontáwe nahariwanírate ne rahoriwakwarisióntsera. Tsi nitsawénon, rothakastáton tánon iáh tehokenhenʼiónʼon nakoriwaneraháktsera nonkwesónhas.

Romans 6:1

Nahóten káti aihtewénron, khére káti kén? Tehiothonwentióʼon iaihtewatasónteren kariwanerahaktserákon nón naihtsiónʼnheke ehnahontáwe ahontehiáron ne Rawenni꞉io rahoténrat?

Romans 6:15

Nahóten, káti ónen? Ahitewariwaneráke kén, tsioríhwa tsi iáh kaianerénsera thehionkwaiatóron, nók Rawenni꞉io rahoténrat ionkwaiatóron? Iáh neh thekéntons!

2 Corinthians 8:2

Ehthó꞉saʼne wentorátie tsi ní꞉ioht tsi ronatenhniseraténion, ó꞉ni kwáh í꞉ken tsi rotí꞉ten, nok kiʼ kwáh ronatonhnháhere tsi niiaweʼtowá꞉nen thatiiéstha.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Ephesians 2:4

Nók kíʼ ne Rawenni꞉io rahoténrat tsi nikowánen, tánon tsi naʼtehiotenonhianíton sonkwanorónkwa,

Ephesians 2:7

Neh aoríwa thonihoiéren ne Rawení꞉io ne naréneste kwáh tiókonte ohiatʼtíʼio tsi nikowánen ne rahoténrat, kanoronkwatserákon nónwe nihsonkwenestʼtén꞉ni rahonháke ne Kerístos Ié꞉sos.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Philippians 4:19

Nakatherénnaient neh Rawenni꞉io ahontháhion akwékon tsi natesathonwentió꞉ni neh akenikwékon ne kahiatanerakwátshera ne Kerístos Ié꞉sos tatʼkáwas.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

1 Timothy 1:16

ónk Rawenni꞉io kwáh wahakhìtenre eh nahontáwe ne Kerístos Ié꞉sos nontiérenk ahréh꞉nesthe tsi kwáh rohnikonkátsʼthe tsi nihatiérase, né꞉ne kwáh tewahkenonkwísen sénha tsi ní꞉ioht ne kwáh rotiriwáhneren, tewathenienthénston tsi niháti nonakènke entʼthonwétakwe tánon enhatiʼiéna ne ionnheʼónwe atónnhets.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

1 Tiér 3:20

Neh kí꞉ken natónnhets tsi niháti ne iáh tehonwawennarákwen ne Rawenni꞉io tsi nioʼnikonkátstekwe wasakoteráhrate tsi wentaténionskwe nètho Noah sihatʼthonionníhakwe ne rahonʼonwéia. Ne tóhkaʼra nihionkwétake ne kahónwakon wahontítha—satékon nihátikwe—shotiniakén꞉en tsi nòkwa ne onéka,

2 Tiér 1:11

Kén kíʼ ní꞉ioht entietsíhion ne kwá aisewahianerenseraiéntake niaʼisewatáwehiate ne ionnheʼónwe Rahonakeraserákon ne Sonkwaiáner ó꞉ni Sonkwaiatákwen Ié꞉sos Kerístos.

2 Tiér 3:15

Neh thesatʼkáneren tsi nihonikonkátsthe ne Sonkwaiáner tsi nihiatesennáwis nahonsaseniáken꞉ne, kwáh tsi ní꞉ioht nonkwaterohseraʼnóron Kór ietsisewahiatónni, ne rótston natʼthokhátseta ne Rawenni꞉io thóhʼwi.

2 Tiér 3:3

Ne tiotserentákwen, kwáh teiontonwentióʼon naisewahnikonraiéntaʼne nonàken tewenniseráthes ótiakes enhontotashiónko ne tsi ronnónhne ne tiakoniarótaron ne kariwahétken ahskanéktshera. Kwáh ténʼiet tsi ieron

2 Tiér 3:9

Ne Roiá꞉ner iáh tehohiatakenhéion ne thóh naháiere tsi nihorahrátston, tsi ní꞉ienre nótiakes. Kék, iárare, tsioríhwa tsi iáh tatehotonwentióni nónka aiehiatáton, nók neh tehotonwentióni ne tahonsahiontkaraténi tsi nihiakoriwáneren.

Revelation 2:21

Kerarahtiéskwe nahonshontatré꞉waʼte, ók onteraiá꞉takwe nahonshontatré꞉waʼte ne tsi kenhnikaién꞉ha.

Revelation 3:20

Satahón꞉satat! Thóh í꞉kete tsi kanonkáronhte, wakenhoháien; tó꞉ka ensathón꞉teʼne nakewén꞉na tánon tensanonhónti, Kwáh ní꞉i ienkoniatawehiáten tánon tentiatónhte, ó꞉ni ní꞉se skátne ní꞉i.