Romans 2:2 - Ohiatonhseratokénti

² Ionkwatheriéntare ne Rawenni꞉io tsi taiérits nónen tensakoiatórete nonkwesónha tsi niháti neh kén nienhothiʼiéren kiʼ nahorihótens.

Romans 2:2 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Job Tánon ne Raoronhiakensera 34:23

Asè꞉ken iáh teshakorahkwén꞉ni ne kawistáhets ne tsit ónhka akénhake niá꞉ien ne raohénton ne Rawenni꞉io nashakorihwénhte.

Psalms 145:17

Né Roiá꞉ner akwékon tkarihwaiéris ne raoweiénhnas, tánon thorihwaiéri akwékon tsi nihatseránions.

Psalms 9:4

Asèken í꞉se wahsaterihwathéntsate naʼkerihwakwahrihshióntsera tánon nakerihwáke tsi nikerihwanóntons; sanitskwáhrane nitewètha ne tkarihwaiéri karihwenhthátsera.

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Isaiah 45:19

Iáh othènon tewakatatíhon notsahonskwáhkon, thóh tsi ionhontsáien ne tetsiókaras; Iáh tekheiénhni tsi nitotʼwatsiríhnon ne Jacob, “Takwahiaʼtísak ne tsikʼtshiewátion nón꞉we.” I꞉i ne Watiá꞉ner né katróris norihwí꞉io í꞉ken, Né kenéstha tsi nahó꞉ten ne tkarihwaiéri í꞉ken.

Isaiah 45:21

Tesewariwát꞉tet tánon tsiotá꞉si né sewarihwasónha; ánion skát꞉ne ratiʼtsiénhaien! Ónhka kí꞉ken iakokʼróri ne wahónhnise tkènhne? Ónhka iakorihotáshion norihwakáion? Iáh kén Í꞉i tèken, né Watiá꞉ner? Iáh kén ónhka né Ní꞉io akénhake tsi nó꞉kwah ní꞉i, né꞉ne roiánere Ní꞉io tánon Sakoiatákwas; iáh ónhka nó꞉ia tekáien ne ók ní꞉i.

Jeremiah 12:1

“Saiá꞉ner, tó꞉ka tahithiniriwakéna nakeriwahsón꞉a, ensehriwanírathe tsi khaiéri. Shé꞉kon kíʼ ónenhk tsi enkeriwahnónhton tsi nòkwah ne ateriwakwarishióntshera ahoriwahshón꞉a. Nonhtiéren ne rononhkwetaʼhétkens tsi nihotiʼhianerasténnis? Nohtiéren ne rathinikonhrátha tsi ronateriwahthentsiénnis?

Ezekiel 18:25

“Ók ní꞉se shá꞉ton, ‘Tsi nihatiéra ne Roiá꞉ner iáh tetkaiéri.’ Takatahónshatat, ní꞉se Israerʼró꞉non. Ísere onhtèken tsi nikeweiennhóten tsi nitseráhnions iáh tetkaiéri? Í꞉se saweiénhna iáh tetkariwahiéri.

Ezekiel 18:29

Tánon ní꞉se Israerʼró꞉nons sehwáton, ‘Tsi nihatiérah ne Roiá꞉ner iáh tetkariwahiéri.’ Í꞉se séhwehre nakewehiénhna iáh tetkariwaiéri, né kén ísereh? Í꞉se sawehiénhna iáh tetkariwahiéri.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Zephaniah 3:5

Ne Roiá꞉ner ahotióhkwakon í꞉res kwáh rorihwakwahríhshion; kwáh iáh tahóthen thatahaterientawénhrie. Niatehioronhketsherá꞉ke iáh taorihwanó꞉ron naontahátkawe ne raorihwenhtátshera, Ók ne iáh tehiakoiánere iáh teierihwaienté꞉ri onhní꞉ioht nahiontéhen.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Romans 2:1

Níse ontiaténro, tehietʼtsiʼiatorétha kén nakorénsons? Kwáh iáh othènen tesáien nasaterahiátakwe. Áseh kén nónen tensehiatórete nakorénsons, nók thonishéra tsi nihatiʼhiéra, í꞉seʼkhók wasatatréwaʼte.

Romans 2:3

Nók í꞉se ontiaténro, kwáh iatesháti ehnisaieránion tánon kíʼ kwáh nènne iaʼteseiatoréton nakorénsons! Ísere ontèken ensehseniákenʼne neh Rawenni꞉io rahoiatoretátsera?

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

Romans 9:14

Ne káti kén aihtewénron nètho Rawenni꞉io iáh tehoriwatóken? Kwáh iáh thènen ne tenkéntons.

Revelation 16:5

Tánon wahihiathón꞉teʼne ne raronhiakeró꞉non ne tehatnekanónhne wahén꞉ron, “Í꞉se ne tisariwá꞉ieri, O Saiatatokénti, í꞉se nón꞉we í꞉ken, tánon tsi titkénhne, asè꞉ken í꞉se tesaiatoretánion kíʼ nahorihoʼténhsons:

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”