Romans 13:4 - Ohiatonhseratokénti

⁴ neh kíʼ tsi Rawenni꞉io rahonkwetaʼsónhas í꞉se sariwáke tsi rotihióte. Nók tokáha kariwáksen tsi nensátiereh, ehʼthóhʼne kíʼ setʼtsanísek, Asèken neh rahothisasténsera kwáh íken tsi hioníron nensakotiréhwaʼte. Rawenni꞉io seh rahonkwethasónhas tánon Rawenni꞉io rahorehwahthátsera rónstha nónka ensakotiréhwaʼte ne kariwáksen tsi nenhóntiereh.

Romans 13:4 ပူးပေါင်းရင်းမြစ်များ

1 Kings 10:9

Tehonwanonweráton ne Roiá꞉ner Saní꞉io íken! Warénesʼthe tsi nihawerienhtí꞉ios tsi nòkwah níse ne tsi wahianonhtí꞉iosʼthe Nisraerʼró꞉nonhke. Né wakarihónhni Nisraerʼró꞉nonke tsi né nènhwe tsi enhanorónhkwahke, í꞉se ne raotinonhtí꞉io wahiónhni ne káti nahónton ne tiókonhte nahisatienawastónhake ne kaianerénhsera ó꞉ni naʼterihwakwahrihshiónhtseras.”

2 Chronicles 19:6

tánon kwáh washakotiawenhrát꞉tie: “Sewaʼnikonráhrat tsi nenhsewarihwenhthánion; iáh né tesewahióte nónhkwe akohianerénhsera, ók né꞉ne Roiá꞉ner raoʼianerénhsera í꞉ken, tánon kíʼ sewakwé꞉kon né rahónha nó꞉nen thènen ensewarihwénhte.

Proverbs 16:14

Nónhka ionttokhahtsherí꞉io enionteʼnién꞉ten nahotonhnhá꞉rake ne ronontí꞉io. Tókaʼ enhoná꞉khwen ne ronontí꞉io, tókaʼ nón꞉wa ónhkaʼk eniaíeheie.

Proverbs 20:2

Etshetshahní꞉shek ne ronontí꞉io nó꞉nen ronaʼkhwén꞉ʼen tsi ní꞉ioht tsi nihawennò꞉ten ne kèn꞉reʼks; enhtshenaʼkón꞉ni ne shaʼté꞉ioht ne ahsatatáhtenonwarhiakon.

Proverbs 20:26

Ronontí꞉io ne raʼnikonhraweiénhon enharihwatshén꞉ri nónhka karihwahétken tsi nihatiéhrha, iáh thahó꞉tenhre tsi ni꞉iot tsi enhohré꞉wahte.

Proverbs 20:8

Ronontí꞉io tehshakoiaʼtoréhtha tánon roterién꞉tare nó꞉nen enhatkáhtho iáh tetkariwaié꞉ri.

Isaiah 1:17

sewatéweienst thóh nasewáier ne ne ioiánere; sewésat kaiáneren, saietʼtsiniákent ne iontateronhiakéntha, ietsiʼiénawas ne iáh tehiakonísen, taiétsine ne ionateré꞉ons.

Jeremiah 5:28

nonhtiéren tsi ronahrésenhs ó꞉ni kwáh ioiánere tsi tehonskáhons. Iáh tiehiotókʼte tsi nihatiweiennákʼsens. Iáh tetheshakonáhwis ne tehionthonnahkárhias ne raothihianerénsehras khés nahonnénesʼthe ne tkarihwaiéri tsi nòkwa ne sahkotiwihsáhtha.

Ezekiel 22:27

Ne kakorahsehráhkon ronahterihónton thóh nihatihiathótens tsi ní꞉ioht nokwáho ratiwahrahratiónkwas ne kárhio konhwáhrhio. Sakonahséhtha onhnahiáwenhne nahothikwátsene.

Ezekiel 25:14

Nakonhkwetashón꞉ʼa Israerʼró꞉nons enskonhwahkárhiakse ne Edom nakeriwáhke, tánon enkhonhiónnien ne Edom nahóntʼtoʼke nakenahkwahwenhráhtshera. Edom enhioteriéntarahne tsi nahó꞉ten kéntons noriwahsónhas tsi ensetkárhiake.” Ne Ronhnontí꞉io Roiá꞉ner wahatáti.

Micah 3:9

Sewatónhtet kí꞉ken, í꞉se ne sewaʼkóras tsi ronónshote ne Jacob tánon ne sewaterihón꞉tons ne raotinóns꞉kons ne Israerʼró꞉nons, tsi ratí꞉sons ne kaiáneren tehatiwátases nahò꞉ten ne ioterihwakwaríhshion í꞉ken,

Romans 12:19

Tóhsa nonwénton kanhakwatserákon tsi ahonsaskáriake, tewatenrosónhas, nók kek tseríhon Rawenni꞉io rahonhakwátsera írats. Asèken noriwatokénti wáton, “I꞉i kwáh se enshekáriaʼke tánon enshekeréwaʼthe, ráton ne Roiá꞉ner.”

Romans 13:6

Neh kíʼ aoríwa sewakáriaks ne kaienthátseras, Asèken neh rathikorásons Rawenni꞉io ronwahiótense nónen enhatiriwaiériʼte ne rahotihioténseras.

1 Thessalonians 4:6

Kí꞉ken nahorihóten, káti, kwáh iáh ónhka tsi níh꞉tion tateiotonwentióʼon ne thóh ní꞉ioht tsi taisewahterientawénrieh tsi nòkwa ne ótiakes rotirihwiʼióstons thó꞉ka ó꞉ni ne tahontaietʼtsihianóntonse. Ónen kí꞉ken tiotserénton kwahróri, tánon kwáh íken tsi kaʼsátsthe tsi wakwahronkáten nètho Roiá꞉ner ensakoréwahte nón꞉ka ne thóh niʼieweiennóten.

Joshua 20:5

Tó꞉ka tsi niká꞉ien ne ratesenhnanónhwaks nahonsahakáriaʼke tánon thóh nón꞉we nienhiásehre, nonhkweshón꞉as ne tsi kanatowanénhke iáh tehiówenk niaieshatiaʼkwaríhsi ne rahonhà꞉ke. Ó꞉nenk tsi entiesá꞉ne tiorì꞉wa tsi iáh teshaʼnikonhrón꞉ni tsi wasehnonhwarià꞉kon tánon iáh kanakwahtsherá꞉kon tsi thóh teiawénhen.

Joshua 20:9

Ne kí꞉ken ne kanatowá꞉nens ne hiotekwasenhthákwa í꞉ken ne karakwáhton nonhkweʼthakwé꞉kon akorihwà꞉ke ne Israerʼró꞉nonhke tánon nónhka ne tihiakahontsáte ne skátke ratinákere. Ónhka ne iáh tehiakoʼnikonhrón꞉ni tsi tsakoterihwathewá꞉ton enwá꞉ton ne nón꞉we iahiontekwáhhsen né꞉ne tó꞉sa ashakohiaʼtatshén꞉ri ne ratesenhnanónhwaks nahonsahakháriaʼke; iáh thahónton nahionthatenonhwarià꞉kon tsik onhkwè꞉thake niá꞉reʼkwe enhontó꞉hetste tsi thahionthatiaʼtó꞉rethe.

1 Tiér 2:14

tánon tsi nòkwa ne ratikorásons, tsi rahónha sakohiatarákwen nasakotiréwate ne ronnonkweʼtáksens tánon ne tahonwatirénsaron ne ioiánere tsi nihontiérah.