Romans 12:3 - Ohiatonhseratokénti

³ Ne ahoríwa ne Rawenni꞉io tsi nithakáwi ne kenténron kwáh tsi sewahiatátʼtsion enkwaróri; Tóhsa sóhtsi éhneken tsi ní꞉ioht tsi aihsewatatenontónnionse tsi naʼtehiothonhontiónha. Sewatenʼnikonráren ne sewanonthonnióntsera, tánon neh tesewatatiatóret tioʼianénhaf tsi níkon káhawe ne tewetákwen ne Rawenni꞉io thiáwi.

Romans 12:3 ပူးပေါင်းရင်းမြစ်များ

Proverbs 25:27

Só꞉tsi wé꞉so ne otsiʼnahkontahkwá꞉ne oʼtsikheta iáh teioiánere ne sarihwà꞉ke. Ók ó꞉ni tókaʼ ahsateʼnién꞉ten ne wé꞉so taiesarénhsaron, iáh teioiánere.

Proverbs 26:12

Nónhka ne kwáh tehotenonhwarorí꞉tonte ráonha sénha ioiánere raorihwà꞉ke tsi ní꞉ioht ne ónhka rón꞉nehre ronttókha tánon iáh tho té꞉ioht.

Ecclesiastes 7:16

Káti tó꞉sa sóhtsi sahiá꞉nerek tó꞉ka ó꞉ni ashatenikonhratʼthókʼkhake—nonhtiéren tsi ahsathatenonhwarhiákon?

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Luke 18:11

Ihrate ne Pharisian nok raton tsi roterennaien: O Niio! tekonnonȣeratons tsi iah eh tekiatoten nii tsiniiot notiake nonkȣesonha, ratinenskȣas, iah tethotiriȣaieri, ratinakȣaiesen, tsi oni niiot ne kenh rakarotasions.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Romans 1:5

Rahonháke non ne Rawenni꞉io tahákon natatewennihiótsera neh꞉ne akateriwanhóten ne Kerístos rahoriwáhke, Neh nahontáwe nakehéntense ne kwáh tsi niateʼiakahóntsiake nahontaʼiakétakwe tánon naiontewénʼnarakwe.

Romans 11:20

Kwáh thókenske. Iotenatsiákon ne wakarihónʼni ne tsi iáh tethonethákwen, tsi náhe thóh non nensariwatokénhake neh tsi thisetákwen. Nók tóhsa senaiéhak; kék khók sateronʼníhek.

Romans 11:25

Kwáh seh kariwasetánion naʼteriwakwarisióntshera, tewatenrosónhas, tsi nahóten ne kwáh tewakathonwentió꞉ni naihsewateriéntaraʼne, asèken neh ensewanónstate ne tóhsa aihsewathatenontónʼnionse tsi nahisewakthókhake. Tsi nihonatenontsistaniráton ne Israerʼró꞉nons iáh kíʼ tsehiotkontákwen, nók thóh khók nikaríwes tsi nióre ne iáh tehatisitaeronons tekaiatoreton tonihati ne Rawenní꞉ioke nienhón꞉ne.

Romans 12:16

Satehiothónhak tsi naʼthahisewathatsatakéna tóhsa sewanaiéhak, nók ahkwékon satahisewahiotenseroténhake; Tóhsa satatenonthónnions nasatʼthókhaʼke.

1 Corinthians 15:10

Ónk né tsi Rawenni꞉io raoténrat thóh nitiatóten tsi kíʼ nitiatóten, tánon ne kenténrat tahkáwi iáh tehioiesháhon. Khèʼkok, sénha wahkakwísron tsi ontióten tsi ní꞉ioht ne rohnáhtiakes ne ratikwekónne, éhʼtho sáne iáh í꞉i thóh tewákʼshon, ónk né꞉ne Rawenni꞉io raoténrat tsi ioiotáties nahkónhahke.

1 Corinthians 3:10

Né wahʼkatstonhátie tsi nithakáwi ne Rawenni꞉io, thóh ní꞉ioht tsi wahtiotén꞉en tsi ní꞉ioht né kwáh tanonsaweiénʼon ne ranonshón꞉nis tánon tewahkatenonkónni tsi ahkenskwahráhke, tánon akorénstsi thóh tahʼhiontenonshónni. Nók tsi sewahiatátʼtion ónenk tsi ensewahnikonráhrake tsi ní꞉ioht tsi ensewahtenonshónni.

1 Corinthians 7:17

Tsi sewahiatátʼtion ioterwíson naitiónnheke tsi ní꞉ioht tsi thiáwi ne Roiá꞉ner, tánon tsi niʼshiatótenʼne shianaiáton ne Rawenni꞉io. Ne kíʼ thóh ní꞉ioht tsi kheʼrihonniénnis noriwahshónʼhas tsi ienakerénion ne iakoriwiʼióstons.

2 Corinthians 10:13

Iáh thé꞉nen nahò꞉ten thataiakwataterénhsaron tóka iáh thé꞉nen teió꞉ien ne aiakwathróriaʼte. Né꞉ʼe khók iakwathroriá꞉tha tsi nikaioʼtenhserò꞉tens ne Rawenni꞉io tehshonkwatenniehtén꞉ni, eh tho ó꞉ni ní꞉se sewaià꞉tare.

2 Corinthians 12:13

Oh ní꞉ioht tsi sénha í꞉se waʼkwakarenráhtshe tsi ní꞉ioht ne ronatiaʼkéhshon ne thonehtáhkwens, kwáh thok khók ní꞉kon tsi iáh tekwariʼwanontón꞉ni naskwakáriaʼkse? Aisewathontátsheke aonsaskwaʼnikónhrenʼse tsi iáh ní꞉ʼi tetewatierí꞉ton.

2 Corinthians 12:7

Orihwiioʼón꞉we ó꞉nen né꞉ʼe enktharáhkwe ne iorihwanerahkwahténions wakatkáhthon. Ne aorí꞉wa shaiá꞉ta ne ranesonróhnon raonkwé꞉ta tahotó꞉ri nahakeronhiá꞉kenʼte, neh naontá꞉we tóhsa sótsi akatatonníheke.

Galatians 6:3

Tóhkaʼ ísere onkakʼkówa níse nók kwáh iáh thènen satesenatèken, kwáh íken tsi satatenikonrahténni.

Ephesians 3:2

Oriwihioʼónwe tsi sewariwarónken thóhʼnon rahotenretserákon ne Rawení꞉io thakáwi kí꞉ken kahioténsera nahontióten níse ahisewahianerásten.

Ephesians 3:4

Tóhkaʼ ensehwenʼnaʼnhóten tsi nahóten wakʼkhiáthon, enskwéni nasatéweienste tsi nih ní꞉ioht tsi wakenikonraiénthas tsi nihorihothashónkwen ne Kerístos.)

Ephesians 4:16

Tsi rahónha thoniarótaron akwékon tsi natekontʼtihánions noierónta kwáh íken tsi tkariwaiéri tsi natekakʼkhánion, tánon ne oierontakwékon tsi níkon teiostóntere tsi tehionatatienawákon tsi nikasahánion. Neh káti nónen neh skátʼtion tsi ní꞉ioht tsi enhiotiʼióten tsi natehiothonwentióʼon, kwáh oierontakwékon tsi enwateiáron ó꞉ni enwatathónnien ne entkáhawe ne kanoronkwátshera.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Colossians 1:29

Nakáshon kí꞉ken wahtióte ó꞉ni tewakniotátie, wahkatstónhatie ne kasatstenhserowá꞉nen ne Kerístos takáwis tánon akonhá꞉ke nón꞉we niiohiò꞉te.

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

1 Timothy 1:14

Tánon ne Sonkwaiáner iawehtatʼtsáni tahákon ne kenténrat ó꞉ni tahákon ne tewehtákwen ó꞉ni neh kanoronkwátsera tsi í꞉i onhkwáwenk ne tsi tehionkwateriwahsóntere ne Kerístos Ié꞉sos.

1 Timothy 2:15

Nók kíʼ ne tiotʼthonwísen neh entsioniákenthe tsi enhiowiraiéntaʼne, tóhkaʼ ienwahtashóntenre ne tehwetákwen ó꞉ni ne kanoronkwátsera tánon nahioriwiʼiostónhake, kwáh ahontatʼkweniénstahke.

1 Timothy 2:9

Tánon ó꞉ni tewahkathonwentió꞉ni ne tsionatʼthonwísen nakontatʼkweniénstake tánon tkariwaiérik tsi ní꞉ioht tsi akontʼtserónni; tóhsa nahiotikotsihióseke tóhsa ó꞉ni nowistanoronsónhas tóhkaʼ ó꞉ni nonekóras tóhkaʼ ó꞉ni ne kwáh wahtsatawitseranórons ahionátsʼton,

Titus 2:12

Nètho kenténrat ionkwahrihonniénnis nahitewatiakwarísi nahóten ne iáh tehioriwi꞉iostontseraien tsi ionkwatenniseratenion ó꞉ni ne tsi ionwentsiates ahoskanektseras, tánon tsi nihionkwatenniserathenions titewahniarotarok, ionkwatonkwetakwarishiónhak, tánon aionkwahrihwiʼióstonhke tsi tiónnhek ne kén꞉en ionwentsiáte

Titus 2:2

Serihónʼnien ne thoʼtèions ne tóhsa ahatinekakátsʼtahke, ahontatkweniénstahke, tánon thoʼnatateniarótaron; nahioriwíʼioke tsi thoʼnetákwen, ne rahotinonronkwatsherákon, ó꞉ni tahathiwisátsʼtheke.

Titus 2:4

Tsi naiáwenʼne tsi ahkonwatirihónnien ne kén nitiotihiónsa nahonwatinorónkwake ne iotiniákʼkons ó꞉ni ne akotiʼiohokónha,

Titus 2:6

Né nòn꞉ne sáka ietʼtsiretsáron ne kén nithotihiónsa nahontahontateniarótaroke.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.

1 Tiér 4:11

Nónka ionteriwahnótʼtha ónenk tsi ne enhionteriwahnóhten ne Rawenni꞉io rahotheriwanohtátseras; ónhka ne iakohióte ónenk tsi ne énhionste ne kasatsʼténsera ne Rawenni꞉io tesakówis, nekáti kwáh oriwakwékons nahónton rahonháke ne Ié꞉sos Kerístos tsi tahonwanonweráton ne Rawenni꞉io, rahonhatsíwak rahówenk ne kahiatanerakwátsera ó꞉ni kasatsʼténsera tsi nienʼhénwe ó꞉ni tsi nénwe. Éhʼtho naiáwen꞉ne.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Tiér 5:8

Sathateweiennentahónhak, thasaráhrek! Ne iáshons, ne ótkon, tehathawénries tsi ní꞉ioht ne kénreks, thoʼhatʼthónties ónhkat asakowéntho.

3 Sawátis 1:9

Nihionsa iakheiatónse tsi tionterennaientáhkwa; nok Diotrephes, ranónwes nohénton akénhake, kwáh iáh thé꞉nen tehothononsatáton tsi niká꞉ton.