Romans 10:2 - Ohiatonhseratokénti

² Enkwéni nakeriwahnírate neh tionháke kwáh íken tsi tehonathonwentsióni Rawenni꞉io ahonwahiótense; nók tsi ní꞉ioht tsi ronhnésaks nahonwahiótense ne Rawenni꞉io iáh neh teionʼniáton noriwí꞉io atʼthoʼkátsera.

Romans 10:2 ပူးပေါင်းရင်းမြစ်များ

2 Kings 10:16

ratón꞉nions, “Káts tsíteʼne tánon kwáh í꞉se ensatʼká꞉tho tsi niʼwakerihwatóken tsi nòkwah ne Roiá꞉ner.” Tánon wathatíta tsi niahotihonwísere ne Samaria niaháne.

Psalms 14:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Roiá꞉ner?

Proverbs 19:2

Tókaʼ serihwakaʼrí꞉tats nahò꞉ten iáh tshiekaié꞉ri tesaterién꞉tare iáh kiʼ teioiánere; tókaʼ iáh tesaʼnikonhrí꞉io tenhsaʼnikonhrhá꞉ren kiʼ.

Isaiah 27:1

Ne eʼtho entewennhniserateke ne Roiá꞉ner skát꞉ne ne raoniakátstensera tánon ne teotenonhianiton washá꞉rowahne kwáh enhá꞉rewate ne katsinón꞉iowanen ne iotekwenhá꞉tse oniá꞉re, ne ne katsinón꞉iowahnen tewatsiá꞉thatatseons oniá꞉re, tánon kwáh enhanonwa꞉riákon ne ionnonhwarón꞉tietha ne kaniatarakekó꞉wane í꞉wes.

John 16:2

Enhietsiiatekȣate tsi ronterennaientakȣa: ienkaeȣe oni nenhietsirio, ronhnere taiakȣariȣaierite tsi nonkati ne Niio.

Acts 21:20

Nónen sahonwatahonsatáko, ratikwékon waʼthonwanonweráton ne Rawenni꞉io. Ehʼthóhʼne wahonníron, “Tewatatéken Kór, satʼkáthos thóh naʼtewenniawehetserásen nihiákon ne Sitaeró꞉nons taʼiakétakwe, tánon tsi nihathiriwakweniénstha ne kahianerénsera.

Acts 21:28

“Sewahsitaeronons!” wathoʼthihénreʼte. “Takwaienáwas! Neh kí꞉ken ne rónkwe kwáh tsikʼnonwésons nierètha kwáh tsi niatehionkwétakes tsi sakorihonniénʼnis nahonwathíson ne Israerʼró꞉nons, ó꞉ni ne Mahís raoianerénsera, tánon kí꞉ken Ononsatokénti. Tánon ónen nónwa kwáh tasakohiathínionte ne iáh tehatiʼsitaeʼró꞉nons ne kén꞉en Ononsatokentíke ó꞉ni ahakarónni neh kén꞉en watenátaien!” (

Acts 22:22

Nonkwesónha ronwatahónsatheʼkwe ne Kór tsi nióre ne kí꞉ken sahénron; nók etʼthóhʼne tahontásawen kwáh tsi nihatiwénʼna tehothihenrétha, “Ahéren tsi sewahiatenháwit! Tsíʼsewanonwariákon! Iáh thatehoténtion narónʼnheke!”

Acts 22:3

“Ksitaeronon, Tarsus nónwe Cilicia aotonhontsake tewakenakeráton, nók kén꞉en Jerusalem wahkathehiáron Gamaliel non niʼwakateweiénston. Kwáh íken tsi ioníron tsi wakateweiénston ne ietʼthisotʼtahokonkén꞉en rahothihianerénsera ó꞉ni kwáh éhʼtho tsi niʼiʼriwakweniénstha ne Rawenni꞉io tsi kiʼniseʼní꞉ioht ne kén꞉en isewes꞉nónwa wenniseráte.

Romans 10:1

Tewahtorohsónhas, ohtsikwáh keriasakwékon tsi kaskáneks nah katatekénseras nahónton ahatiniákenʼne! Tsi nióre tsi wakhaterénʼnaien neh Rawenní꞉io꞉ke neh rahotiriwáke!

Romans 10:3

Nonkwesónha Iáh tehatiʼientériʼne nahóten ne Rawenni꞉io rahoriwakwarishióntsera nahonsahotiriwakwaʼtákwaʼse tsi natehóntere ne Rawenni꞉io, tánon kek neh wahonteniénten neh ronhnónha tsi nihatiweienʼnhóten neh áhonste, iáh tehothiʼienáon ne Rawenni꞉io rahoteweiénʼna nahonsahotiriwakwaʼtákwaʼse tsi natehóntere ne Rawenni꞉io.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

2 Corinthians 8:3

Kwáh ísi nón: nithatiiestháhkwe tsi nihotikwénion, ne tsi kwáh eh nithonskanékskwe.

Galatians 1:14

Í꞉i sénha wakeriwi ʼióstonne tsi nókwa ne Sitaeró꞉non kariwiʼiosthóntsera tsi ní꞉ioht ne ronátiakes ne Sitaeró꞉non ne saʼtetionkwáhionskwe, tánon kwáh wakakwísron tsi wakatheniénten nákʼsere noriwakaionnéha akeriwiʼiosthóntsera.

Galatians 4:15

Tsi nióre tsi sewatʼtsenonníhakwe! Kanieiawénon ne sewatonnharákʼtsera? Kwáh orihwí꞉io wakónni tsi kwáh tsík knahoténsonk ahontesewatatokʼtakwénni ní꞉i akeriwáke iekaníhare ó꞉ni ahisewatákwen ne sewakarasónhas tánon Í꞉i ahontaskwáwi.

Philippians 1:9

Wahkaterénnaien ne sewanonronkwátshera ne iakakóntakwe ahʼhontehiáron ó꞉ni kwá ahontakaiérike tsi aisewateriéntharake ó꞉ni aihsewanikonraiéntane.

Philippians 3:6

Tánon kwá éhtho tsiniwakathátre kwá iehióhe wathekenikónraʼne ne tsiʼionterennaienthákwa. Oriwakwékon ehnátiere tsi nihiótsate ne kahianerénsera ne ahonthahonwanikonraiérite ne Rawenni꞉io.

Colossians 4:13

Kwáh iatetiá꞉ti entkwé꞉ni nakeriwahnirá꞉te tsi nihokwísron tsi tsisewahiò꞉tense ne sáh꞉ka ó꞉ni ne Laodicea tánon ne Hierapolis.