Romans 1:7 - Ohiatonhseratokénti

⁷ Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Romans 1:7 ပူးပေါင်းရင်းမြစ်များ

Psalms 60:5

Tasát꞉kaf natesenhniétshera ne sesehweientethákwen, tánon teskwahrihwaʼserákwas, ne káti nahónton tsi niʼiákon ne senonrónhkwah ahiontateniákenʼte.

Song of Songs 5:1

Táke nakhétakon, tiatenósen, aktsikhéta, waʼkatateróʼrohkse ne wenhienaʼnórons skane ne wenienaʼkonhonson, wáʼkehke nakáʼwenk ohtskeréwak skátʼne naʼkahónha nakʼtsikéta, wakʼnekíra naʼknéka onenharákeri skátʼne nonónhta. Tesewatskà꞉on, O ateróhseras, tánon sewanekí꞉ra; sewanekí꞉ra wesóhak, O sewaténros!

Numbers 6:25

Aiáwens ne Roiá꞉ner ahontaʼhorihwaiérike tánon ahtsiʼsehwénhtenhre;

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Acts 15:23

Tánon ken nikawennóten tsi iahonwathihiátonse: “Í꞉i ne iakwateriwanótʼtha ó꞉ni ne rathiretiárons, sewatatekenokónhas, kwáh shewakwékon nonkwatatekénseras ne iáh tehatiʼsitaeʼró꞉nons tsi ronahnakeráton tehiakhiʼnonwerátons tsi niháti neh thoʼnónwe nihatinákere ne Antioch ó꞉ni ne Syria ó꞉ni ne Cilicia.

Acts 9:13

Ananias watariwaseráko, “Saia꞉ner, iakotiokowánen hionkʼróri tsi nókwa kí꞉ken rónkwe ó꞉ni tsi natehiotenonhianíton tsi nisakoiéraʼse ne sonkwetaʼsónhas ne Jerusalem nónwe.

Romans 1:6

Í꞉se ó꞉ni thosewaiátareh tsi nítion neh Rome nónwe nisewanákereh, ónhka ne Rawenni꞉io iesakoʼnháton ne Ié꞉sos Kerístos rahonkwéta aiónton.

Romans 5:1

Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

Romans 8:39

tánon iáh ó꞉ni tsi nahóten ne éhneken iothohetsʼtákwen ne tsi ionwentsiáte tòhka ó꞉ni nahóten ne nàkon iothohetsʼtákwen ne tsi ionwentsiáte takakwéni ne tahionkwakʼkháshion ne rahononronkwátsera ne Rawenni꞉io neh tsi Ié꞉sos Kerístos Sonkwaiáner sonkwasenhénʼni.

Romans 9:25

Kén ní꞉ioht tsi ráwen neh kahiatonserákon ne Hosea: “Nonkwesónha iáh í꞉i tewakonkwéta thekèn꞉ne neh henkhenátonkwe ‘Ihi akonkweta.’ Ne rahotiʼtiókwa iáh thekhenoronkwákwe neh enkhenáthonkwe ne, ‘Tekanhóron.’

1 Corinthians 1:24

ónk tsi niháti ne Rawenni꞉io ieshahkonáton, tetsáron ne Sitaeró꞉nons ó꞉ni ne iáh tehatiʼsitaeʼró꞉nons, kí꞉ken ateriwahnotátshera Kerístos seh shahʼkwahteriwahnótani, rahónha ne Rawenni꞉io raoshatsʼténsera ó꞉ni ne raototʼkhátshera ne Rawenni꞉io.

1 Corinthians 16:23

Ne raoténrat ne Roiá꞉ner Ié꞉sos senikwekónhak.

Galatians 6:18

Aiáwens ne raoténrat ne Sonkwaiare Ié꞉sos Kerístos sewakwékon ahisewakwekónhake, tewatenrosónhas. Éhʼtho naiáwenʼne.

Ephesians 1:2

Aiá꞉wens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skén꞉nen.

Ephesians 6:23

Aiáwens ne Rawenni꞉io ne roʼníha ne Roiá꞉ner Ié꞉sos Kerístos nahontasakáwen tsi niʼiákon ne iakoriwihióstons skénnen ó꞉ni kanoronkwátshera skátne ne tewethákwen.

Deuteronomy 33:12

Tsi nokwáh tsi ratiʼtá꞉raien ne Benjamin wahèn꞉ron: “Ne kí꞉ken ne kentá꞉raien ne Roiá꞉ner shakonorónhkwa ó꞉ni teshakónes; Shakohiaʼtanonhnáties tsi niwenhniseréhsons, Tánon rahothinenhrí꞉hen rèn꞉teron.”

Philippians 1:2

Aiá꞉wens ne Rawenni꞉io sonkwaní꞉ha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skén꞉nen.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Philippians 4:20

Nenahónton ne Rawenni꞉io ne Sonkwaníha nahonwhasennaiénseke tsi nienhénwe tánon tsinénwe. Ethonaiawenhne.

Philippians 4:23

Nakatherénnaient neh Sonkwaiáner Ié꞉sos Kerístos nahontahoriwhaiérike ne tsiʼnatesewáthere tánon ahahiathatériste tsiʼtiónʼnhe!

Colossians 1:2

Ne Rawenni꞉io rahonkweʼtashónha thóh nón꞉we ne Colossae, ronónha ne kwáh rohtiriwahthó꞉ken nonkwatorohserashónhas tsi tehonateriwasóntere ne Kerístos: Aiá꞉wens ne Rawenni꞉io Sonkwaní꞉ha ahontáhion ne kenténrat ó꞉ni skén꞉non.

Colossians 3:12

I꞉se ne Rawenni꞉io rahonkweʼtashón꞉a; wahʼhianó꞉ronkwe tánon waʼhiaiatará꞉ko ne rahonhatsí꞉wa rahonkwè꞉ta ahsáton. Kwáh káti, ó꞉nenk tsi ne ensewahiatóronke ne weriasí꞉io, ahontesewariwahié꞉rike, ataniténron, tóhsa sewahní꞉ronk, tánon sewahnikonkástet.

Colossians 3:15

Tsi nihtatʼkáwas ne skén꞉non ne Kerístos neh naisaié꞉nawahse tsi ahisáhawe tsi ní꞉ioht tsi tensiatoretánion; asè꞉ken ne kí꞉ken ne skén꞉non ne Rawenni꞉io tsi skát꞉ke ietsisewaná꞉ton enkat ieiotón꞉on noierón꞉ta. Tánon tesewahtenonweratónsek.

1 Thessalonians 1:1

Kór, Silas, tánon Timothy nón nitsawénon— Ne onkwesónha ne tiakawetákwen ne Thessalonica nónwe, tsi nihiákon ne Rawenni꞉io ne Kanísera rahonkwetaʼsónhas ó꞉ni ne Roiá꞉ner Ié꞉sos Kerístos: Ne kenténrat ó꞉ni ne skénnon aisewahwenkónweke.

1 Thessalonians 1:3

Asèken rahohénton ne Sonkwaní꞉io ó꞉ni ne Kanisera tsi iakwehiare tsi nisewahioténston tsi nitisewetákwen, tsi nitsionniénni ne sewanoronkwátsera iahisewátrehke tsi wesewahióten, tánon ó꞉ni ne sewaskanéktsera tsi nihioriwahníron thóh rahonháke ne Sonkwaiáner Ié꞉sos Kerístos.

1 Thessalonians 1:4

Ionkwaterientare nètho Rawenni꞉io tsitsewanoʼronkwa, tekanorons tewatatekens tanon tewatenosenhas, oni nètho í꞉se tsisewahiatarakwen neh kwáh rahónha rahonkwetaʼsónhas aesewaton.

1 Thessalonians 4:7

Rawenni꞉io iáh tieshonkwenʼnónkon ne thóh nón naitiónnheke ne kanakwahieshatsherákon, nók thóh nónwe naitiónnheke noriwahtokentitsherákon.

1 Thessalonians 5:28

Ne raoténrat ne Sonkwahiáner Ié꞉sos Kerístos naisewahkwekónhake.

2 Thessalonians 1:2

Aiá꞉wens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

2 Thessalonians 3:16

Aiáwens ne kwáh rahonhatsíwah ne Roiá꞉ner, tsi nikáien ne rahiatakweʼní꞉io ne skénnon, tiotʼkonhónwe ahontáhion ne skénnon tánon kwáh tsík nahontahiotieráton. Ne Roiá꞉ner sekwahkwékon sekwakwekónhak.

2 Thessalonians 3:18

Aiáwens ne raoténrat ne Sonkwaiáner Ié꞉sos Kerístos sewahkwékon aisewahkwekónhake.

1 Timothy 1:2

Ne Timothy, ne kwáh riʼiénha ehʼnónwe ne tewetákwen: Aiáwens ne Ní꞉io Kaníhsera ó꞉ni Kerístos Ié꞉sos Sonkwaiáner nahontáhion ne kenténrat, ataniténron, ó꞉ni skénnon.

1 Timothy 6:2

Neh rohtiriwiʼióstons neh ronnonkwetaʼiénton ne rathináskwas iáh thatehiothonwentióʼon nahonwahtikénron, asèken thonnhetákwen sehnónnehe. Khék, sénha aioianeréhake tsi nahonwahnatiérase, tioríhwa tsi niháti neh꞉ne rohtihiatakénas tsi nihotihiótens ne rathináskwa kwáh nònʼne thoʼnhetákwen ó꞉ni sakotinorónkwa. Ónenk tsi enserihónnien tánon saterihwanóten kíʼ nahorihoténsons

2 Timothy 1:2

Timothy, konhnóron rihiénha: Aiáwens ne Ní꞉io ne Kanísera ó꞉ni Kerístos Ié꞉sos sonkwaiáner entʼión ne kenténrat, ahtaniténron, ó꞉ni skénʼnon.

2 Timothy 4:22

Ne Roiá꞉ner senikweʼkónhak tsi sónnhe. Ne Rawenni꞉io rahoténrat sewakwékon sewakwekónhak.

Titus 1:4

Í꞉seh Titus iakonhiátonshe, rohriwahtóken riʼiénha tsi nókwa ne tewetákwen né sateionkeníriwahke. Aiáwens ne Rawenni꞉io ne Kanísera ó꞉ni ne Kerístos Ié꞉sos Sonkwaiatákwas nahontáhion kenténrat ó꞉ni skénnon.

Philemon 1:25

Ne Raoténrat ne Sonkwaianer Ié꞉sos Kerístos sehwakwé꞉kon sehwahkwekónhak.

Philemon 1:3

Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Ne꞉ne Sák Rohiaton 1:1

Sák kíʼ nón nitsawénon, Rawenni꞉io rohiótense tánon ne Roiá꞉ner Ié꞉sos Kerístos: Thekenonweráthons kwáh rathikwékon ne Rawenni꞉io rahonkwetaʼsónha tsatehonariénion tsi ionwentsiáte.

1 Tiér 1:15

Khék, iotokentíhak tsi nahoténsons ensewateriwathéntiate, kwáh tsi ní꞉ioht ne Rawenni꞉io tsi rahónha ietsisewanáton kwáh nènʼne rotokénti.

1 Sawátis 3:1

Satkátho tsi niʼiawetatsáni ne Kanísera sonkwanoronkwáʼon! Tohʼnióre tsi tehiotenonnianíton ne rahononronkwátsera thóh ní꞉ioht tsi ionkihientéri Rawenni꞉io sonkwaienhokónha—tánon kíʼ kwá tóhʼkenske thoʼ ní꞉ioht. Neh kíʼ aoríwa ne ronnonwentsiakerónon iáh tehionkiʼientéri: iáh tehonwaientheráʼon ne Rawenni꞉io.

2 Sawátis 1:3

Aiá꞉wens ne Rawenni꞉io ne Kaʼní꞉sera ó꞉ni ne Ié꞉sos Kerístos, ne Kaʼní꞉sera roiénha, ahontashóntsion ne kenténrat ó꞉ni ne skén꞉nen; aiá꞉wens i꞉i ahionkwawénhake ne tkariwaié꞉ri oni ne kanoronkwáhtsera.

Revelation 2:1

“Raonhà꞉ke ne raronhiakeró꞉non ne tsi ionterennaientáhkwa thóh nón꞉we Ephesus shiá꞉ton: Ne kí꞉ken ne raowenhnaó꞉kons ne raónha rahá꞉we ne tsá꞉ta nikatsistóhkwakes thóh saweiententáhkwen, raónha thóh nón꞉we natehatekhahákwa tsi natekóntere ne owistanó꞉rons wathasherotákwas:

Revelation 2:12

“Tánon ne raronhiakeró꞉non ne tsi ionterenhnaientáhkwa ne Pergamum nón꞉we shiá꞉ton: Ne kí꞉ken ne raʼowenhnaó꞉kons tsi niká꞉ienh rahá꞉we ne tetsá꞉ronhkwen nokwá꞉ti tsi iosarothí꞉ie:

Revelation 2:18

“Tánon raonhà꞉ke ne raronhiakeró꞉non ne Thyatira nón꞉we shiá꞉ton: Ne kí꞉ken raowenhnashón꞉as ne Ní꞉io Roién꞉ha, ne rakarakéhsons kwáh né꞉ne otónhkwa otsí꞉re, tánon ne rashì꞉takes kwáh ne ne tekastarathè꞉ton kwé꞉nis:

Revelation 2:29

Áhnion ónhka ne teionhontaká꞉ronhte iontahonsátat tsi nahó꞉ten ne Roʼnikonrí꞉ioston ratónhnions ononhà꞉ke nononsatokénhtis.

Revelation 2:8

“Tánon raonhà꞉ke ne raronhiakeró꞉non ne tsi ionterennaientáhkwa nón꞉we ne Smyrna shiá꞉ton: Ne kí꞉ken ne raowenhnaó꞉kons ne thóh tierénhton tánon ne oná꞉kenkha í꞉ken, raónha ne rawenhé꞉ionhne tánon sahatónhnete:

Revelation 22:21

Ne raoténrat ne Roiá꞉ner Ié꞉sos tsi kwáh ratikwekónhak ratikwé꞉kon ne rotiiatatokéntis. Eʼthó niiá꞉wenh.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Revelation 3:22

Ánion nónhka tehionhontakaron꞉te naiakothonhtè꞉ne tsi nahó꞉ten ne Ronikonriióston saʼkawénhnis ne tsi ionterenhnaientáhkwas.”

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko: