Romans 1:1 - Ohiatonhseratokénti

¹ Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

Romans 1:1 ပူးပေါင်းရင်းမြစ်များ

1 Chronicles 23:13

Né takowánen roiénha né꞉ne Amram, né sakohiohokonkénʼen ne Aaron tánon ne Mahís. (Ne Aaron tánon tsi nienhatwatsírihne né ronhwatiríhonte nahontenhnikonráhren ne iotokéntis nahoténsons né꞉ne tsi nènhwe enkénhake, rohnón꞉ha enhontsaháthaʼke ne kanetanóron tsi enhonwasénhnaien ne Roiá꞉ner, tsi enhonwahiótenhse, tánon tsi ensakotiʼiatatérisʼte nonkweʼshón꞉as ne raosénhnakon.

Isaiah 49:1

Takwatahónsatat, Ó kawenótons, sewatahónsatat, í꞉se ne tsiónkwes naʼinónsons nió꞉re tisewenhterón꞉tons! Né Roiá꞉ner ratiaʼtarákwen nohénton sakennákerate, shé꞉kon akenisténha tsi iewirarákwah shiʼtiáti wahatiataráko.

Jeremiah 1:5

“Í꞉i konhiatahráhkwen nohénton shontahkónhion nahtónnhets, tánon nohénton sahsennáhkerahte wahkonhiatahráhko nahishatokenséhakwe tsi nòkwah ne onhkweshón꞉a.”

St. Mark 1:14

Onen sihonȣannhoton ne Saȣatis, Kalilene sonsaraȣe ne Iesos Sakorihonniennihatie ne Niio rahonakerasera.

John 12:26

Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

John 15:15

Iah kannhatsera teskȣanatonkȣa, aseken ne rannhatsera iah tehoterientare tsini hatierha ne raiatakȣeniio: onkȣatenro tanon kȣanatonkȣen, aseken akȣekon niiekȣanatonni tsinikon Rakenineha teȣakaronken.

John 15:20

Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio. Toka ionkkenrenseronni enhiestsikenrenseronni ki oni nise; toka ionkeȣennarakȣen, enhiestsiȣennarakȣe ki oni nise.

Acts 13:9

Ethò꞉ne ne Saul—neh nónne tehasennásere ne Kór—kwáh rahiatanánon ne Ronikonratokénti; kwáh hiathotʼkáneren ne tehatserónnions

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 21:40

Ne raterihioserakweʼní꞉io wahoríʼon, sók kíʼ ne Kór tsi ierahtasthákwa wahtáthaʼne tánon wahthanentʼtsateníʼon ne nónkwe tathahionthóʼtate. Nónen sakʼthónton, Kór nehne Hebrew nakawennóten wasakotháraʼse:

Acts 22:21

‘Wáhs,’ ne Roiá꞉ner wahakénhase, ‘Asèken ahínon nióre ienkonʼiathénieʼte tsi tathinákeres ne iáh Tehatisitaerónons.’”

Acts 22:7

Ohontsiáke watsiataiéntaʼne ó꞉ni onkaonshónkoʼthe hionktaráni, ‘Saul, Saul, onhʼnihiotséren tsi takeronhiakéntha?’

Acts 26:1

Agrippa wahawénhase ne Kór, “Saianerenseráien ne kwáh iatesiáti asatathatiá꞉se.” Kór wahanentʼtsakwarishiónko tánon ken ní꞉ioht tsi tahatáteʼne:

Acts 26:14

Iakwakwékon ohontsiáke iahakwahiatiénen꞉ne, tánon onhkahonshónkote tsi wahonkénhase ne Hebrew nakawennóten, ‘Saul, Saul! Nontiéren tsi takeronhiakéntha? Ísek khók satatʼkarewátha tsi thisanákwens, tsi ní꞉ioht ne tehotinakáres tsi ronraséntʼtos ne rahotsenenhókons rahonakáreh.’

Acts 27:23

Asèken tiokarása ne Rawenni꞉io raoronʼiakerónon tsi nikáien ne raónha rahonkwéta ni꞉i tánon ó꞉ni tsi nikáien ne risénnaiens wahatiatórenne

Acts 9:15

Ne Roiá꞉ner wahawénhase, “Wáhs, tsioríhwa riʼhiatarákwen nahatiótense, nahakʼsennówanaʼte tsi nòkwa ne iáh tehatiʼsitaeʼrónons ó꞉ni ne Rontinontiʼiósons tánon ó꞉ni nonkwesónhas thóh nónwe ne Israeronónke.

Romans 1:16

Asèken iáh tekatéhense ne kariwiʼiósthotsera; neh ne raotsténsera íken ne Rawenni꞉io ne naʼkoʼienawahséntsera nonkweʼtakwékon ne iakóien tewetáhkwen, ne ne ratisitaʼero꞉nons entʼthontiérenhte ethoʼne ne iáh tehatisitaeronons.

Romans 1:5

Rahonháke non ne Rawenni꞉io tahákon natatewennihiótsera neh꞉ne akateriwanhóten ne Kerístos rahoriwáhke, Neh nahontáwe nakehéntense ne kwáh tsi niateʼiakahóntsiake nahontaʼiakétakwe tánon naiontewénʼnarakwe.

Romans 1:9

Rawenni꞉io seh rakeriwanirátis tsi nahóten káthons tsi oriwíhiose—rahónha ne Rawenni꞉io tsi nikáien rihiótense neh kwáh akeriasakwékon tsi ní꞉ioht tsi kateriwanhótha ne karihwí꞉ios tsi nòkwati neh Roiénha. Rawenni꞉io rotheriéntare tsi kweʼiáre.

Romans 11:13

Ónen í꞉se ne iáh tesewasitaeronons kwatará꞉ni; tsi náhe ne Í꞉i enkheiateriwanothaníhake ne iáh tehatisitaeronons, kwáh íken tsi enkenaiéhake tsi niwatsiotenseróten.

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

Romans 15:29

Nónen ienkwáken, wakateriéntare tsi kwáh enkanánon enkháwi ne Kerístos rahohiataterítsera.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

Romans 16:25

Ánion tsi tewasénnaien ne Rawenni꞉io! Rokwénion nahiónnen nasesátsʼteke tsi tisetákwen, tsi ní꞉ioht tsi kateriwanhóta ne karihwí꞉ʼios ne Ié꞉sos Kerístos rahoriwáke ó꞉ni ne karihotasiónkwen tsi nikariwashétonʼne ne tkariwaiéri tsi nitsawénon.

1 Corinthians 1:1

Kór kíʼ nón nitsawénon tsi iehonwahnáton né tsi thóh nitonikonriʼióʼon ne Rawenni꞉io nahoteriwahnótʼtáse ne Kerístos Ié꞉sos, tánon nonkwáh naʼthatekénsera Sosthenes ó꞉ni ki non nitsawénon.

1 Corinthians 9:1

Iáh kén tekatatewenní꞉io? Iáh kén tekateriwahnótha? Iáh kén tehíken ne Ié꞉sos Sonkwaiáner? Tánon iáh kén ó꞉ni iséh꞉ke teiawenéʼon tsi rihiótense ne Roiá꞉ner?

2 Corinthians 1:1

Kór ki tánon natateʼkénsera Timothy non nitiohaʼwiton, iateriwahnótha, ronwateriʼwanothani ne Ié꞉sos Kerístos, ne tsi eh tho nithoʼnikonhriió꞉ʼon ne Rawenni꞉io. Tánon tsi niiá꞉kon ne tiakawehtákwen thó꞉non ne Corinth, rohnatiaʼtarò꞉ron ronwahsén꞉naiens ne Rawenni꞉io, tánon ó꞉ni tsi niiá꞉kon ne Rawenni꞉io raonkweʼtashón꞉ʼas tsi watonhontsá꞉ien ne Achaia.

2 Corinthians 11:5

Í꞉kehre kwáh ónhte eh tho niwakkwénion tsi ní꞉ioht thí꞉ken ne kwáh ronterihwahnotaʼtsheráksens ne shakonathaharakwá꞉tha.

2 Corinthians 11:7

Tewakaterienʼtawénrieʼon ónhte kenʼ tsi ehtà꞉ke wakatatón꞉ni tánon tsi naʼkwakwénienste tsi waʼkaterihwahnó꞉ten ne Rawenni꞉io raoterihwahnotáhtshera? Ne kwáh iáh thé꞉nen teiokáraien!

2 Corinthians 12:11

Kwáh í꞉ken tsi teiotenonhwarorí꞉tonte tsi nikatiehrháhkwe. Nok í꞉se iahshékreke ne nátiere. Í꞉se aowenʼkén꞉en ne ahskwatatiá꞉se. Tóka ní꞉ʼi iáh ónhka thé꞉nen teionkón꞉ni, shaʼté꞉ioht kiʼ tsi tho niwakkwénion tsi ní꞉ioht ne kwáh thonátte ne ronterihwahnó꞉tha.

2 Corinthians 2:12

Nó꞉nen shiahá꞉kewe ne Troas ne iaʼkaterihwahnó꞉ton ne karihwí꞉io raorihwaʼshón꞉ʼa ne Kerístos. Ók ná꞉ʼa ne Roiá꞉ner shiaʼtehononhóntion oh naiá꞉wen ne aonterihwahtén꞉ti ne raoʼioténhsera ne tho nón꞉we.

2 Corinthians 4:5

Iáh í꞉ʼi teiakwataterihwahnotá꞉nis. Nonkwaterihwahnotáhtshera ne tho Ié꞉sos Kerístos, raónha ne Roiá꞉ner. Raónha ó꞉ni iahshonkwató꞉ri nakwaioʼténhse.

Galatians 1:1

Kór kí꞉ken nón nitsawénon, ronwanháhon nahateriwanóten iáh onhkwéne nón tetsawénon iáh ó꞉ni ónhkwe teiakorihónni, nók Ié꞉sos Kerístos nónwe nitsawénon tánon ne Ní꞉io nehne Kaníhsera, tsi rahónha shokétskwen ne Ié꞉sos ne kenheiátʼne.

Ephesians 1:1

Kór kí꞉ken nón nitsawénon, neh tsi éhʼthoh nithonikonróten ne Rawenni꞉io nahoteriwahnóthase ne Kerístos Ié꞉sos— Ne Rawenni꞉io rahonkweʼtashónha thóhnon ne Ephesus, neh tsi nihothiriwathóken tsi naʼtehonateriwasóntere ne Kerístos Ié꞉sos:

Ephesians 1:13

Tánon ó꞉ni Rawení꞉io rahonkwéta sewatónʼon neh nónen shesewatʼthóntene ne oriwihioʼónwe ahtheriwahnothátsera, ne kariwí꞉ios thisewahawitén꞉ni ne sewahiathakenákʼtsera. Thaʼtsisewétakwe ne Kerístos, tánon ne Rawenni꞉io wahatsíkwente neh tionhakéson tsi rahónha se rahonkwetaʼsónha ó꞉ni ne ne Ronikonriʼióston íken tsi nihorahráston.

Ephesians 4:11

Rahónha wáhi iatékon tsi ní꞉ioht tsi sakoiatarakwenháton nonkwesónha; ótiakes natiriwakarenieseke, ótiakes niahatiriwakénseke, ótiakhes tahonteriwaré꞉niate, ótiakhes rathitsihénstatsis tánon ó꞉ni sakothiriʼhonniénnis.

Deuteronomy 10:8

Ne tsi tionónhte ne Roiá꞉ner washakohiaʼtarakwenhá꞉ton ne ronhnónkwe né꞉ne tsi ratiʼtá꞉raien ne Levi nahontenhnikónhraren nateriwaʼseronhniá꞉tshera oʼneró꞉kwa, né꞉ne tsi ahonwahiò꞉tenhse tsi rotikhá꞉res í꞉ken, tánon nahatirihowanáhthake ne kaiataterí꞉tsheras rahosénhnakon. Tánon shé꞉kon nón꞉wa thóh nihotihioʼtenhseró꞉ten.

Philippians 1:1

Ne thonathásawen ne Kór tánon ne Timothy, ronwahiotenséhakwe ne Kerístos Ié꞉sos— Kwáh tsi niháti ne Rawenni꞉io rahonkwetasónha ne tohonatiriwasontere ne Kerístos Ié꞉sos thóh nón ne Philippi, thóh ratiiá꞉tare ne ononsatokentí꞉ke nohén꞉ton iehonhnéton ó꞉ni ne rontsniénons:

Philippians 2:11

Tánon kwáh tsi niaʼtewenhnáhsake tsi enkariwahniráton nètho Ié꞉sos Kerístos tsi raʼónha ne Roiá꞉ner, tóh nètho raohiatanerakwatsherákon ne Ní꞉io Kaníhsera.

Colossians 1:1

Kór ki non nitiawé꞉non, ne tsi nithonikonriió꞉on ne Rawenni꞉io nahoteriwahnót꞉thase ne Kerístos Ié꞉sos, tánon ó꞉ni nón kwatatekénha Timothy nónhne non nitiawénon—

Colossians 1:25

Tánon Rawenni꞉io rahkenahtserón꞉ni tsi nokwáh ne tiakawetákwen, raónha taká꞉wi kí꞉ken kahiò꞉tense nahontió꞉ten ne sewahriwáh꞉ke. Né꞉ne kahioténsera kwáh akananónhake ahontroriháke ne rahoteriwahnotátsera,

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

1 Thessalonians 2:8

Tioríwa ne tsi nikwahnorónkwah ionkwahtateweienʼnentahónk taitewahiéna iáh nek tèken ne kariwí꞉ios tsi nitsiawenón ne Ni꞉ióʼne ónk tsi iatiónnhe ó꞉ni. Tsi nióʼre tsi kwahnorónkwahkwe!

1 Thessalonians 2:9

Orihwiʼioʼónwe sewahteriéntare, tewahtenrosónhas, tsi ní꞉ioht tsi ionkwahiotén꞉en tánon ioioʼtenhserahní꞉ron! Kontahsésons tánon asontakwékʼkons wahonkwaióten né꞉ne tóh꞉sa thènen takwahnikonráhren tsi enkwahteriwahnótʼthase ne karíhwí꞉ios tsi nitsawénon ne Ni꞉ióʼne.

1 Timothy 1:1

Kór nón nitiawénon, rohteriwahnotáni ne Ié꞉sos Kerístos tsi nihonháʼon ne Rawenni꞉io Sonkwaiathákwen ó꞉ni Kerístos Ié꞉sos nonkwarahrátʼtshera—

1 Timothy 2:7

tánon neh aoríhwa iehionkatheniéton tsi kateriwanótʼtha ó꞉ni kheʼrihonniénni ne iáh tehatisitaerónon, nahkateriwanóten ne tewetákwen ó꞉ni norihwí꞉io. Iáh tekanowéntha; Orihwí꞉io tsi nahóten katróris!

2 Timothy 1:11

Rawenni꞉io ratiatarákwen nakateriwahnótʼthake ó꞉ni nakerihowáhnathe ne karihwí꞉ios,

Titus 1:1

Kór nón nitiawénon, Rawenni꞉io rihiótense tánon rihiateriwanotánis ne Ié꞉sos Kerístos. Iontiatarákwen ó꞉ni iehionkateniéhton nahkesniénon ne thoʼnethákwen ne Rawenni꞉io sakohiatarákwen tánon nakhehéntense ne kariwahkwarishiontserákon tsi nihionkwaweientetáʼon nonkwariwiʼiostóntshera,

Hebrews 5:4

Iáh ónhka ne iatehaiáti nahatateráhkwahshe ne kakweniensthátshera nahatsihenstowahnénhahke. Kwáh iekénhak tsi Rawenni꞉io enhonáton nètho rónkwe nahatsihenstowáhnah—kwáh tsi niiawén꞉en ne Aaron.

Hebrews 7:26

Ié꞉sos, káti, ne ratsihenstowáhnen né teshonkwáhwis tsi naʼteionkwahtonwenhtió꞉ni. Rohiatatokénti; iáh tahóten tatehaterientawénhries iáh ó꞉ni tekénteron ne kariwáhneren ne rahonháke; tehonwahkháshion tsi nòkwah ne rotiriwáhnerens tánon ronwahiatakaratáton è꞉neken tsi karonhiátes.

Ne꞉ne Sák Rohiaton 1:1

Sák kíʼ nón nitsawénon, Rawenni꞉io rohiótense tánon ne Roiá꞉ner Ié꞉sos Kerístos: Thekenonweráthons kwáh rathikwékon ne Rawenni꞉io rahonkwetaʼsónha tsatehonariénion tsi ionwentsiáte.

1 Tiér 4:17

Ónen iakáhewe ne kaiatoretátsera nahonthontasáwake, tánon nehne Rawenni꞉io rahonkwetaʼsónha entatihénte ne tahonwatihiatórete. Tóhkaʼ I꞉i entitewatiérente onhní꞉ioht tsi ienwatókten tsi niʼiákon ne iáh tetiakawetákwen ne kariwí꞉ios tsi Rawenni꞉ióke nonwe tiohawiton?

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Revelation 1:1

Ne karihotáshion raonhà꞉ke ne Ié꞉sos Kerístos, né꞉ne tsi nahó꞉ten ne Ní꞉io thó꞉wi nashakahotáshiase ne raonhatsherahó꞉kons ne ne tsi nahò꞉tens kwáh iostó꞉re tsi thóh nenhiá꞉wenhne; raónha thóh nihawenéston tsi thoteniéton ne raoronhiakeró꞉non raonhà꞉ke ne raonhá꞉tshera Sawátis.

Revelation 22:6

Tánon wahaʼkenhá꞉se, “Kíʼ owenhná꞉okons kwáh kariwatokentitshera ó꞉ni oriwí꞉io, asé꞉ken ne Roiá꞉ner, ne ne Ní꞉io tesakó꞉niaró꞉taron ne rotitokenhse, thó꞉tenieton ne raorón꞉hiakeró꞉non nashá꞉konatonhase ne raonhatsherá꞉okons tsi nahó꞉ten ó꞉nenh kwáh iostore ehtho nenhiá꞉wenhne.”

Revelation 22:9

ók wahá꞉kenhase, “Tó꞉sa thóh naʼtiereh! Í꞉i ne skát꞉ne ionkeniiote ní꞉se tánon ne sathá꞉tekenhseras ne rotitó꞉kense, ó꞉ni tsi niiá꞉kon nenhiontienawaste naowenhná꞉okons kí꞉ken kahiatónhsera. Ronwasenhná꞉ien Ní꞉io!”