Revelation 9:2 - Ohiatonhseratokénti

² wahanonhtón꞉ko ne iosonwaká꞉ronte ne iáh tekanonkwáhre, tánon thóh tsi iosonwakáronhte takaienkwahrinekénhne thóh nikaienkwahró꞉ten tsi ní꞉iot ne karistowá꞉nen, tánon ne karáhkwa ó꞉ni ne tsi ió꞉werare tahiokárawe né꞉ne tsi iosonwahká꞉ronhte tiohʼhawihtonh.

Revelation 9:2 ပူးပေါင်းရင်းမြစ်များ

Genesis 15:17

Nó꞉nen shiaʼtewatshéntho tánon tetió꞉karahs, ne kaienʼkwararíhtha ón꞉tak ó꞉ni ne iotsí꞉rote, thontaiawénhstsi waʼokétohte tánon thóh ʼontóhetste tsi naʼtetiatewahrá꞉tere tsi nón꞉we nikaké꞉ron né tehonwatiiatià꞉kon katshé꞉nen.

Genesis 19:28

tánon thóh nokwá꞉ti Iaʼthatká꞉neren tsi tkanataièn꞉tahkwe ne Sodom ó꞉ni ne Gomorrah ó꞉ni tsi nokwá꞉ti nakwé꞉kon tsi iohontsakwènhtare tánon wahatkáhthoh, tsi niioién꞉kwarote nonhwentsá꞉ke thóh níiʼioht tsi ní꞉ioht nó꞉nen kwáh ioièn꞉kwarote ne teiotsenhanón꞉iani tsi iotékha.

Exodus 19:18

Ohnonhthakwékon ne Sinai tehioienkwaráien, tsioríwa ne Roiá꞉ner tsi thóh nónhwe nathatásenhthe òtsire nikwekonhátie. Noʼiénkwahra thóh ní꞉ioht tsi onhtharátate tsi ní꞉ioht ne karístakon iohienkwarahkéthothe, tánon onhkwetakwékon tehiotenonhianíton tsi ní꞉ioht tsi wahakohiatísonʼkwe.

Isaiah 14:31

Satewenhnóten, Ó tsi iotenhenrakáronhte; tesewasént꞉tho, Ó kanatowanénke; sewawistanáwen tsi nisewáterons, Ó Philistia, kwáh sewakwékon! Asèken othorèke nón꞉we nentkaienhkwarénhaʼwe, tánon iáh ónhka tehotsianenhtónkwen tsi nihotinénhra.

Daniel 3:6

Ónhka ne iáh thaʼtaiontshá꞉kete ne akonwahsénnaien ne kaiaʼton꞉ni kwáh óksaʼk ieniontatiaʼtón꞉ti tsi tiotékha ne teiotsenhanòn꞉niaʼni.”

Joel 2:10

Watsahontsíshonkwe ne raotihén꞉ton, asè꞉ken ne tsi Rawenni꞉io wahá꞉wake ne tsi karonhiá꞉te. Ne karáhkwa tánon nasonthenhné꞉kha karáhkwa enwaterakwáhton, tánon ne tsi iotsistohkwarón꞉nion iáh ó꞉nen thatahonsakaswát꞉thete.

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Joel 2:30

Kwáh enkenéste ne iorihwanerakwahté꞉nions ne tsi karonhiá꞉te tánon né tsi ionwenhtsá꞉te, onekwénhsa tánon ó꞉tsire tánon enkaienkwahrotónhnion.

Acts 2:19

Kwáh enkenéste ne iorihwanerakwahté꞉nions ne tsi karonhiá꞉te tánon né tsi ionwenhtsá꞉te, onekwénhsa tánon ó꞉tsire tánon enkaienkwahrotónhnion.

Revelation 14:11

Tánon ne iohtékha ne rotironhiakéntha tsi nén꞉we tsi enhiotékhake. Iáh teká꞉ien naonhorisénhtane nenhtsekhè꞉ne khéks noʼkarasné꞉ha né꞉ne tsi nihá꞉ti ne ronón꞉ha ronwasenhná꞉ienskwe ne katsinonhiowá꞉nen tánon ne raoiatónhni tánon ne nónhka iakoiená꞉hon ne teonwatihiatónhkwen ne raoshén꞉na.”

Revelation 16:10

Ne wiská꞉ton raronhiakeró꞉non tahá꞉weron ne rahó꞉tse thóh rahonitskwará꞉ne ne kaʼtsinonhiowá꞉nen, tánon ne raotenhatakweniiotserakén꞉en iatewanonwetsaweronhtáne tsi tetioʼkaraskó꞉wa; nonkwehó꞉kon wahontatenhnasá꞉rike tsi nahatironhiá꞉ken,

Revelation 8:12

Ne kaierí꞉haton raronhiakeró꞉non wahahonrá꞉wate, tánon énskat náhsen-énkar ne karáhkwa watsiahón꞉ko, tánon énskat náhsen énkar notsistohkwashón꞉as, káti né꞉tho énskat náhsen énkar naoswathétshera taioká꞉rawe; énskat náhsen-énkar nentsekéne iáh thatetsowatsté꞉on, tánon ó꞉ni thóh nahá꞉wenhne noʼkarasné꞉ha.

Revelation 9:1

Tánon ne wískʼkhaton raronhiakeró꞉non wahahonrá꞉wate, tánon wakatkáto otsísto ne tsosénhen karonhiá꞉ke ohontsá꞉ke ieioienhtà꞉on, tánon raónha thonwá꞉wi nahonontónhkwa ne iosonwakáronhte né꞉ne iáh tekanón꞉kwahre;

Revelation 9:11

Rotinón꞉tiiotseraien ne tesakoniarotáron í꞉ken ne iáh tekanonkwáhre ne iosonwahkaronhte; ne raoshén꞉na ne Hebrew né꞉ne Abaddon, tánon ne Greek né꞉ne ronwanatónhkwa Apollyon.

Revelation 9:17

Tánon thóh kíʼ niní꞉iot tsi wakhé꞉ken ne koshá꞉tens nakeserenhtá꞉kon ne rothisaténtie ne ronátston ne rontentskwenorókta thóh niwahshokó꞉ten tsi ní꞉iot notsí꞉re tánon ne teioterón꞉ronte kanenhianhó꞉ron tánon ne iontenatentástha; ne ratinontsí꞉nes ne koshá꞉tens kwáh né꞉ne kénreks onón꞉tsi, tánon otsí꞉re tánon iontenatentástha takontiʼiá꞉kenhne tsi ratisakarón꞉tes.