Revelation 8:9 - Ohiatonhseratokénti

⁹ Ne énskat náhsen-énkar ne kaniatarakeʼkó꞉wa onekwénhsa ónh꞉ton, énskat náhsen-énkar ne ronhnonhnénion kaʼtshé꞉nens ne kaniatarakeʼkowáhne wahonhní꞉heie, tánon énkat náhsen-énkar ne kahonweiowá꞉nens waʼkarihwénhtane.

Revelation 8:9 ပူးပေါင်းရင်းမြစ်များ

Psalms 48:7

Ó꞉ni tsi ní꞉ioht nó꞉nen ne ná꞉kon nentkawerénhawe tehionitskaronhtawéton ne kahonweiakówa.

Exodus 7:21

Ne kentsionshón꞉ʼa wahkonʼníheʼie, tánon thóh nióre tsi wahensehrákʼsenhʼne ne Egyptró꞉nons iáh teshoʼtikwénion nahonsahothʼiʼnikiráhtonʼke. Kwáh tsit nonhwéson ne Egypt tsi wahʼkanekwensóhten.

Isaiah 2:16

kwáh ó꞉ni enhanónwahien iekaníhare ne kwáh tkahoniowá꞉nens ne Tarshish nón꞉we, tánon ne kwáh tsioràse kahoniowánens.

Isaiah 23:1

Ne watewenhnakaratá꞉ton ne aorihwàke ne Tyre. Sewatewenhnó꞉ten, Ósewahhonweiaʼkowátshons ne Tarshish, asèken ne tesanatanákʼton watónhton. Iáh teská꞉ien ne ionrarókstha Nó꞉nen satonhtahónhne ne Cyprus wahónt꞉toke.

Zechariah 13:8

tánon kwáh tsi niionwénhtsia tehionkwè꞉tahke ne áhsen nihá꞉ti enhonhní꞉heie.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Revelation 12:4

Ne rentáhsake wahónhewe nasénhaton nieiotsistohkwarónhnions tánon ohontsá꞉ke wahtewatesénhniete. Ethò꞉ne ne rononwahrontsétha waʼthá꞉tane ahohénton ne iónkwe tsi niká꞉ien ne ó꞉nenh thó꞉wa aiowiraién꞉taʼne, ne káti nahón꞉ton ahononwarhià꞉khon ne roiénha kwáh tsi niiostó꞉re enrehnakerá꞉te.

Revelation 16:3

Ne tekeníhaton raronhiakeró꞉non tahá꞉weron ne rahó꞉tse thóh kaniatarakeʼkowáhne, tánon thóh naháwenhne tsi ní꞉iot ne akonekwénhsa ne iakawenhé꞉ion oierón꞉ta, tánon tsi nahó꞉ten ne konkonnheniónkwe ne thóh kaniatarakeʼkowáhne wakonhnihé꞉ie.

Revelation 8:10

Nasénhaton raronhiakeró꞉non wahahonrá꞉wahte, tánon teiotsistohkwahnonhiáni thonsénhne karonhiá꞉ke, iotsiró꞉tatse kwáh né꞉ne wanitonkohá꞉ra, tánon thóh iatewatasénhte énskat náhsen-énkar ne tsi kaniataré꞉nion tánon ne tsi tsonekó꞉ton.

Revelation 8:12

Ne kaierí꞉haton raronhiakeró꞉non wahahonrá꞉wate, tánon énskat náhsen-énkar ne karáhkwa watsiahón꞉ko, tánon énskat náhsen énkar notsistohkwashón꞉as, káti né꞉tho énskat náhsen énkar naoswathétshera taioká꞉rawe; énskat náhsen-énkar nentsekéne iáh thatetsowatsté꞉on, tánon ó꞉ni thóh nahá꞉wenhne noʼkarasné꞉ha.

Revelation 8:7

Ne tahatié꞉renhte raronhiakeró꞉non wahahonrá꞉wahte, tánon thóh nontá꞉we wahowí꞉sonti tánon ó꞉tsire, ne tekontséston onekwénhsa, tánon ne wationtesenhniá꞉te ohontsá꞉ke; tánon énskat náhsen-énkar nohontsá꞉ke onhtsá꞉hate, tánon énskat náhsen énkar ne tsi keríhtons ontsá꞉hate, tánon akwé꞉kon nohonteʼshón꞉as ontsá꞉hate.

Revelation 9:15

Káti ne kaié꞉ri nihá꞉ti ratironhiakeró꞉nons sahonwanaʼkawe, ronón꞉ha ronwatiienahwákonhne ne thóh nenhkahá꞉wike, nawenhní꞉sera, tsi nenhwenhnì꞉tarake, tánon tsi nenhioserá꞉teke, nenhsakotinonwahrià꞉kon énska énkar nonkwehó꞉kon.

Revelation 9:18

Kí꞉ken áhsen ní꞉kons kariwaiesátsheras énska énkar nonkwehó꞉kons wahakononhwarià꞉khon, né꞉ne otsí꞉re tánon oiénkwáhra tánon iontenatentástha tkontiiá꞉kens tsi ratisaká꞉ronhtes.