Revelation 8:3 - Ohiatonhseratokénti

³ Ó꞉ia raronhiakeró꞉non ne rahá꞉we ne owistanó꞉ron kát꞉tse iontsienkwaronhniatháhkwa tánon thóh ierá꞉te ákta tsi ietsienharáhkwa; ne thonwá꞉wi iawetowá꞉nen ne wenhnekerá꞉kon nahatsienʼkwaronhniátakwe né꞉ne iahá꞉tate ne nasakoterienhnaién꞉hase ne ratikwé꞉kon roʼtiiathatokénhtis thóh eʼné꞉ken ne owistanó꞉ron í꞉ken ietsienharáhkwake né꞉ne ohén꞉ton káhien tsi wanitskwaratseró꞉te.

Revelation 8:3 ပူးပေါင်းရင်းမြစ်များ

1 Kings 7:50

ne tehiontnekhonthákwahs kát꞉tses, Ne kahásehras waswá꞉tas, nakerasónhas, ne wateksarákwah ne ionhtienhkwahronhniathákwas, tánon ne onhtatkʼsónhas né iehástha ne ioswenhthataríhens; tánon ne watenohanihionthákwas ne tsi nónhwe ne kwáh iotokénti íken tánon ne ástste nòkwahti ionohentónhnion Nononhsatokentiʼkówaʼne. Akwékon kí꞉kens ne kanónskon tsi niʼiéiens akwékon owistanó꞉rons ionhniáton.

Psalms 141:2

Satóntat tséna nakaterénhnaient né shón꞉niat tsi ní꞉ioht ne wenhnekerákon wakahtsienkwahronniatákwen ne sahénton, tánon ó꞉ni ashé꞉na tsi niwakanenhtsaʼkaratáton tsi niwakaterénhnaien tsi ní꞉ioht tsi tsénas nokarasné꞉ha iontsienkwahronhniáta ne sahénton.

Exodus 40:26

Atohserákon iahahiónthe ne owistanóron ietsienharáhkwa, ohénton ne tsi iohniaʼtarénton wahá꞉ien,

Isaiah 6:6

Ethó꞉ne saiáta ne seraphs thontaháthen tsi nón꞉we níkes, ioskwenhthataríhen ráhawe né꞉ne ietsienharákwahke nontaháhawe ne wáratsʼte tèkeni ne teietsirorahrakstha.

Ezekiel 41:22

óiente í꞉ken ne ietsienharáhkwah. Wísk niwashí꞉thake nitiótʼte tánon kaiéri niwashí꞉thake natewahthakáron. Né tekahiósaien kanawahathó꞉tons tsiʼkárahte, tánon ne akthónties akwékon óiente ionhniáton. Ne rónhkwe wahakénhase, “Né kí꞉ken nathekhwáhra ohénton íkathe raohénton ne Roiá꞉ner.”

Amos 9:1

Wahí꞉ken ne Roiá꞉ner ákta í꞉rathe ne tsi ientsienharáhkwake, tánon wahèn꞉ron: Sewaientanion ne tsi karasestánion ne eʼnékens tsi kanawaható꞉tons nononsatokentikówane tsió꞉re ne tsitkenskwáhere enwatoriáneron, tánon thóh iatewát꞉toko ratinonhtsiné꞉sons nonkweshón꞉as; tánon tsi nihá꞉ti ne iathenhonátatere kwáh kí enkenonwarià꞉kon asareʼkó꞉wa enkátsʼte; iáh ne saiá꞉ta tahatéko, iáh ne saiá꞉ta tahaniá꞉kenhne.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Numbers 4:11

Nó꞉ia né nónhwa enshaʼtiróroksʼte norónhia niwasohkóten oniatará꞉ha ne owistanó꞉ron íken ientsienharákwah, é꞉neken enthohnáti ne kwáh kenhní꞉io nahonteróroks꞉te, tánon ethòne enhatiʼnakarorók꞉khon nahontsiónhthaʼkwe.

Luke 1:10

Nok nonkȣeokon astste ens neneh nakannhohati iakoterennaien nonen ionkaheȣe tsini iontienkȣaronniatha.

Romans 8:34

Ónhka káti ónhte, ahiekwéni nahonwathiríwente? Kwáh iáh ónhka taiekwéni nahonwathiríwente, Kerístos Ié꞉sos rahónha neh rawenhéionʼne, tánon kíʼ áhre, tsi nikáien neh sonwakhétskwen tsi srónʼne tánon tsi raweientethákwen ne Rawenni꞉io ísrhes. Í꞉i onhkwariwáke tsi roniténthaʼse neh Rawenni꞉io rahohénton!

Hebrews 7:25

Tánon káti rohkwénion, nónwah ó꞉ni tiókonte, nashakoniákente tsi nihiákon né rahonháke nónwe nién꞉ien rahohénton ne Ní꞉io, tioríhwa tsi ronnhehónwe nahoniténtase ne Rawenni꞉io ne rahotirihwáhke.

Hebrews 9:4

Thóh káh꞉ien ne owistanóron ietsienharáhkwah nónen enhontsáhathe ne kaienkwahrákon ó꞉ni thóh káien ne Ahteriwahseronniátshera Onehróhkwa owistanóron nahóten karorótʼthon tánon thóh íwah ne owistanóron kátʼtshe ne kanátaro thóh íwah, Aaron raónia né iohnerathontáʼon, tánon tehʼkenstenráhke naʼtiawenhráhtsheras thóh nón nikahiatónnion.

Revelation 10:1

Tánon wahí꞉ken nó꞉ia rashátste raronhiakeró꞉non tahosnenhtonhátie karonhiá꞉ke, ne teotwanát꞉tonh notsá꞉ta, ioronró꞉te teioʼkwatá꞉se ne ranontsí꞉ne; ne rakón꞉sake thóh ní꞉iót kwáh né꞉ne karáhkwa, tánon ne rashinakéhsons thóh ní꞉iot kwáh né꞉ne iotón꞉kote.

Revelation 14:18

Eʼthò꞉ne ó꞉ia raronhiá꞉keró꞉non thontahaiá꞉kenhne ne tsi ietsenharáhkwake, né꞉ne raronhiakeró꞉non tehatsenhanónhne, tánon iathohénrehte tsi nihawénhna raonhà꞉ke ne rahá꞉we ne iosarothí꞉ie iontʼkwirhiástha, “Í꞉shatste ne iohiothí꞉ie shá꞉sare iontʼkwirhiástha tánon sheró꞉rok ne ionhorhokwenhtónhnions ne watenenharíseres ne tsi ionwenhtsá꞉te, Asè꞉ken ne naonenhá꞉res kwáh ionhó꞉rari.”

Revelation 5:8

Ne nó꞉nen shiháhawe ne kahorohthakwenón꞉ni, ne kaié꞉ri nihá꞉ti ne ronón꞉nhe kárhios tánon ne tewáhsen nihá꞉ti ratirehtsá꞉rons wahatiiataién꞉taʼne raohénton ne teiotinaʼkaronhtón꞉ʼa, satiiatátions ratí꞉hawe ne onhowakó꞉wa tánon nowistanó꞉rons aké꞉ra titkáhereh wenhnekerá꞉kon, né꞉ne raonaterén꞉naient ne rotiiatatokéntis.

Revelation 6:9

Nó꞉nen shathaʼnhétsiake ne wiskhá꞉ton, wakatkáto nà꞉kon ne tsi ietsenharáhkwake ne raonatónhnhets tsi niká꞉ien ne ronón꞉ha ronhwatinonhwarià꞉khon ne iorihónhnion ne raowén꞉na Ní꞉io tánon tsi nihotiriwahnirá꞉ton tsi nihonatró꞉ri;

Revelation 7:2

Wahí꞉ken ó꞉ia raronhiakeró꞉non thóh nontahawenonhátie tsiʼkarahkwí꞉nekens, ne rahá꞉we ne ratsikwentáhkwa ne ronhnheón꞉we Ní꞉io, tánon wahatewenhnhowá꞉nate tsi iasakoná꞉ton ne kaié꞉ri nihá꞉ti ratironhiakeró꞉nons né꞉ne ronónha thonwaná꞉wi ne kaʼshatsténhsera ne ahatikarónhni tsi ionwenhtsá꞉te o꞉ni ne kaniatarakeʼkowáhne,

Revelation 8:4

Tánon naoién꞉kwara ne wenhnekerá꞉kon, skátne ne ronwanaterienhnaién꞉ni ne rotiiatatokéntis, onʼtharátate raohén꞉ton ne Ní꞉io thóh nontá꞉we ratiá꞉nake ne raronhiakeró꞉non.

Revelation 8:5

Ethò꞉ne ne raronhiakeró꞉non wátrakwe ne iontsienkwaronhiatáhkwa kát꞉tse tánon thonthahatsirá꞉rate tsi nathatsí꞉rakwe ne ietsienharáhkwake tánon ohontsá꞉ke iahó꞉ti; tánon tsi niiorakaré꞉ni wakawé꞉re, iowerenháties, tewaninekarawá꞉nions, tánon teiahontsisónkwa.

Revelation 9:13

Ethò꞉ne ne iáh-iak kháton raronhiakeró꞉non wahatátiste ne raówenk iehonrawátsta, tanon wakewenhnáronke thóh nontá꞉we ne kaié꞉ri nikanakárake ne owistanó꞉ron í꞉ken ietsienharáhkwake raohén꞉ton ká꞉ien ne Ní꞉io,