Revelation 8:2 - Ohiatonhseratokénti

² Tánon wakhé꞉ken ne tsá꞉ta nihá꞉ti ratironhiakeró꞉nons ronón꞉ha thóh rón꞉nete raohénton ne Ní꞉io, tánon tsá꞉ta ní꞉kons tahonwénhnon iehonrawátsta.

Revelation 8:2 ပူးပေါင်းရင်းမြစ်များ

Matthew 18:10

Seȣanikonrarak, tosa ietsikenron ne niieksatasa, aseken ȣakȣarori: kehiken raotironhiakeronon, tiotkon onȣe tehonȣakonsakanere ne Rakeniha karonhiake thenteron.

Matthew 24:31

Nok entesakotori ne raoronhiakorononokon, neok nenthatihonraȣate tsi ensakotiiataroroke ne Sakoiataȣen tetsiaronkȣen tsi ieiotonȣentsiokta nihon.

Luke 1:19

Nok ne Raronhiakeronon Tontahenron: II ne Kabriel rahohenton ne Niio ihkete, nok neh tionkatoriatakȣen ne tahetenitharen, oni nakonrori neh nikariȣiios.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

1 Thessalonians 4:16

Kwáh enwahtewenʼnótahke, ne raronhiakerononkówah raowénna, enkontáti ne Rawenni꞉io rahówenk iehonrahwátstha, tánon ne Roiá꞉ner kwáh iatehahiáti entʼtátsnente ne karonhiáke. Tsi nihiákon ne iakawenhéion ne thonwetákwenʼne ne Kerístos neh tentiehénte tentiontʼkétsko nahonsahiontónnhete;

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 15:1

Eʼthò꞉ne ó꞉ia sakatkáto tsi niwatieronhníststa ne karonhiá꞉ke, teiotenonhianì꞉ton tánon ioriwanerá꞉kwat tsá꞉ta nihá꞉ti ratironhiakeró꞉nons ne ronatienawáston ne tsá꞉ta ní꞉kons kanratariné꞉tsheras, né꞉tho ne nonakénkha í꞉kens, Asè꞉ken tsi nokwáh ne ronón꞉ha ne raoterhiatitkhóntshera ne Ní꞉io iahontók꞉ten.

Revelation 16:1

Eʼthò꞉ne iowénhte wakewenhná꞉ronhke thóh nontá꞉we ononsatokentikó꞉wane iakoró꞉ris ne tsá꞉ta nihá꞉ti ratironhiakeró꞉nons, “Wáhs tánon tasewawéhron ne tsi ionwenhtsá꞉te ne tsá꞉ta nikatshetákes ne raoterhiatitkhóntshera ne Ní꞉io.”

Revelation 8:13

Ethó꞉ne wakʼkatʼkathónhnionwe, tánon wahiwenhnáronhke á꞉kweks rawenhnó꞉te tsi nihawénhna tsi nihá꞉tse ne satekaronhí꞉ien, “Rotitenhtasere, rotitenhtásere, rotitenhtásere ne ratinakeréhnion tsi ionwenhtsá꞉te, tsi nontewenhnó꞉ten nó꞉ia iehonrawátsta né꞉tho áhsen nihá꞉ti ratironhiakeró꞉nons ó꞉nenh thó꞉wa ahatihón꞉rawate!”

Revelation 8:6

Ó꞉nen ne tsá꞉ta nihá꞉ti ratironhiakeró꞉nons ne ronón꞉ha ratihá꞉we ne tsá꞉ta ní꞉kons iehonrawátsta wahatiweienénhtane nahatihonráwahte.

Revelation 9:1

Tánon ne wískʼkhaton raronhiakeró꞉non wahahonrá꞉wate, tánon wakatkáto otsísto ne tsosénhen karonhiá꞉ke ohontsá꞉ke ieioienhtà꞉on, tánon raónha thonwá꞉wi nahonontónhkwa ne iosonwakáronhte né꞉ne iáh tekanón꞉kwahre;