Revelation 7:3 - Ohiatonhseratokénti

³ rontónhnions, “Tó꞉sa sewakarónhni ne tsi ionwenhtsá꞉te khéks ne kaniatarakeʼkó꞉wa khéks ne tsi keríhtons, tsi niió꞉re tenhiatkhiiá꞉ton ne raonhatserahó꞉kons nonkwáh Ní꞉io tsi enhiakhitsikwénhte ratikenkwahrá꞉kes nón꞉we.”

Revelation 7:3 ပူးပေါင်းရင်းမြစ်များ

Exodus 12:13

Nonekwénhsa né tsi tehiosohtátie tsi iononhkáronhte kwáh né enkaieronhtsitsʼtákwen ne kanónsohthe tsi nónhwe nisehwénhteron. Nó꞉nen enkatkátho nonekwénhsa, Éneken nenkatoʼhétsthe tsi nónhwe nisewénhteron tánon iáh takwakaréwahthe nónen enhʼkheréwahthe ne Egyptró꞉nons.

Exodus 12:23

Nó꞉nen ne Roiá꞉ner enható꞉hetsʼte ne Egypt nasakononhwarhiákon ne Egyptró꞉nons, kwáh enhakʼkátho ne tsi tehiosáthare tánon iáh thahoʼríhon ne Raronhiakeró꞉non ne kenhéiat niaʼhatá꞉wehiaʼte sewanónskon tánon naʼtsisewanonhwaʼrhiákon.

Isaiah 27:8

Tsi wahétsirekwahte, wahehtsinientó꞉rahkwen ne rohnón꞉ha; ne ne raowé꞉rashatstensera tsi éh꞉ren washá꞉kohiathenhawite nètho wenhniserá꞉teʼkwe ne tsit karakwinekens nontakawerenhawe.

Isaiah 54:17

Iáh thaʼhóthen ne ionteriʼiostákwah ne kasahá꞉nion nahonteshatsiatónhti nahionhianerásthen, tánon kwáh sakʼthensehiónhni ne niaʼtewenhnásake ne tahontahatítaʼne naʼiesahnontánaʼke ne kariwenhthatsherákon. Né kí꞉ken ne raoʼnawenhkónwe ne raonhaʼtserashón꞉has ne Roiá꞉ner tánon né꞉ne raoʼnatesenhniétshera tsi nitsawénon nakonháke, rá꞉ton ne Roiá꞉ner.

Isaiah 6:13

Iekaníhare ne shé꞉kon tionkwéta ne oiéri nihionkwétake thóh iatahonsahiakotaténhronhke ne tsi ionwenhtsá꞉te, kwáh kí shé꞉kon ensewát꞉tsa, kwáh tsi ní꞉ioht ne karíhton khéhs ne kwáh karontashastste nah otsináhara thóh kàniote nónenh iorieniénhen.” Naotsinaharákon ne ne iotokénti kànenh enkénhake.

Isaiah 65:8

Né kí꞉ken aoríhwa rá꞉ton ne Roiá꞉ner: Tsi ní꞉ioht né onenhará꞉keri tsi katʼtshénrion né tsi ionerhiokwenhtónhnion, tánon rónhton, “Tó꞉sa sewátont, asèken kahiaʼtaterihtsherénhaʼwe nètho,” ká꞉ti èhʼthoh nénhtiere né꞉ne nakenhatserashónhas raotirihwáke, tánon iáh akwékon thaʼkàtonhte.

Ezekiel 9:4

“Wáhs akwékon nonhtáset ne kanatowahnénhne ne Jerusalem tánon rahtikenkwaráhke teshehiáton tsi nihiákon tiakonikonhrénʼen tánon ne tehiakonikónhrareh tioríhwa tsi nihioriwáke ne ioteriwahtéhas tsi kahieráhnion ne kanatowakénke.”

Ezekiel 9:6

Sehnonwarhiákon ne rotiksténhas, nithohtiʼiónhsa, nitiotihiónsa, kanisténseras, tánon ratiksahokónhas. Ók tó꞉sa kén niasèier nónhka ne tehonaʼtenkwaʼrenhiáton. Kénʼen Akenonhsatokentiʼkówahne iasathá꞉sawenh.” Sók kíʼ ne tahontashawénhkwe ne sakothihéntenseh ne thóh ronhnéthonkwe NʼOnonsatokentiʼkówahne.

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Daniel 3:26

Sók ne Nebuchadnezzar kanhohákta niahá꞉re ne teioʼthónhkwakwen karístatsi tanon iashakoná꞉ton, “Shadrach! Meshach! Abednego! Etshisewaioʼténhse ne kwáh thoʼsatstenhserowá꞉nen Rawenni꞉io! Tasewaiá꞉kenʼt!” Tánon kwáh óksaʼk tahatiiá꞉kenʼne.

Daniel 6:16

Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Zephaniah 2:3

Tsi sewahiatí꞉sak ne Roiá꞉ner í꞉se seweriasí꞉ios ne tsi nionhontsá꞉te, ronónha ratísehre ne raorihwataʼtsheras; sewésak ne karihwakwahrihsónhtsheras; sewésak ne skén꞉non nonhtié꞉rek kwáh enietsihiataséhte nenhtewenhniseráteke ne Roiá꞉ner.

Malachi 3:18

Eʼthó꞉ne shé꞉kon énska iensewáteratsteʼ kwáh ensewatkáhtho tsi naʼtetiattíhen ne iakoiánere tánon ne iakonkweʼtahétken, tsi naʼtetiattíhen nónhka ronwaioʼténhse ne Rawenni꞉io tánon ne iáh tehonwaioʼténhse.

Matthew 24:22

Neh oni ne iah taontahaȣenniserokeri neh niȣenniserotens iah onka tahioniakenhon; neh tanon ne iontatiatarakȣen akoriȣake, enȣenniserokeri noh niȣenniserotens.

Matthew 24:31

Nok entesakotori ne raoronhiakorononokon, neok nenthatihonraȣate tsi ensakotiiataroroke ne Sakoiataȣen tetsiaronkȣen tsi ieiotonȣentsiokta nihon.

John 12:26

Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

John 3:33

Nok onka rotaonsatati, roriȣaniraton ki tsi Niio ihken ne Niio.

Romans 6:22

Nók kíʼ nónwa ónen tsi sewathotaríshion ne kariwanerenhákʼkonke, tánon kíʼ ónen thóhʼnon nitsisewanáskwa tsi nòkwati ne Rawenni꞉io. Enkanánon natónʼnhets tensewaténtsa tsi nensewariwatóken꞉ke ne rahonháke, tánon ne iehiokwékton natonʼnhes ne ionʼnheónwe.

Revelation 13:16

Kwáh ó꞉ni ne iakokaronhniátha onkweʼtakwé꞉kon, tetsá꞉ron kenknaiesénhnaske ók kheks aiesenhnowanénhake, tetsá꞉ron aiakokwatseháke kheks aiakotentónhake, tetsá꞉ron aiontatewenhní꞉ioke khéks ienáskwah akénhake, ne theniakokiátonke ne tieweientetá꞉kwen nahekenkwará꞉ti,

Revelation 13:17

ne káti ne iáh ónka tahón꞉ton ne thé꞉nen aiení꞉non kheks naiontenhní꞉non tsi niká꞉ien ne iáh tatehiakók꞉iaton, né꞉ne, raosénhna ne katsinonió꞉wanen kheks noiatónhkwah ne raosénhna.

Revelation 14:1

Ethò꞉ne iakatkáto, tánon thóh í꞉rate teonakarontónha owí꞉ra tsi ionón꞉te ne Zion! Tánon ne ratikwé꞉kon ne énska tewenhniáwe kaiéri niwáhsen-kaié꞉ri niwenhniaweheʼtseráhsen nihá꞉ti né꞉ne rahónha tánon ne roʼní꞉ha raotishén꞉na ne tehonwatiiatónkwen ratikwenhká꞉rakes.

Revelation 14:9

Eʼthò꞉ne ó꞉ia raronhiakeró꞉non, ne nasénhaton, washakononteratséshon nó꞉ia tenihiáse, tehaséntʼtos tsi nihawén꞉na, “Tsi niiá꞉kon nónhka enhonwashén꞉naien ne kaʼtsinoniowá꞉nen tánon ne raoiatónhni, tánon roʼtiiená꞉on tsi tehonwatikenkwaraiá꞉ton khóks ne satiweientetákwen rontsá꞉nake,

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”

Revelation 20:4

Eʼthó꞉ne wakatkáto anitskwáras, tánon tsi niká꞉ien né꞉tho ratitskó꞉tons thonwaná꞉wi ne kakweniá꞉tsera ne tahatiiatórehte. Kwáh ó꞉ni waʼkéken tsi nihá꞉ti ne ronwaʼtiniaʼrhiát꞉khon ne tsi nihonwariwanirá꞉ti ne Ié꞉sos tánon ne raowenhnaó꞉kons ne Ní꞉io. Ne ronón꞉ha iáh ne tekonwashén꞉naien ne kaʼtsi noniowá꞉nen raohiatónhni tánon iáh teotiiená꞉on ne tahonwatikenkwaraiá꞉tonhke khóks ó꞉ni ne rontsá꞉nakes. Sahontonnhéte tánon waontkoráste tsi ní꞉iot ne ronhnontí꞉io skátne ne Kerístos ne énska tewenniawehetseráhsen niioserá꞉ke niká꞉ris.

Revelation 22:4

kwáh enhonwakonsáken, tánon ne raosén꞉na thóh enkahiatón꞉ke rathikenkwarákes.

Revelation 6:6

tánon onkathónhteʼne kwáh né꞉ne owén꞉na raotinenhrí꞉hen ne kaié꞉ri nihá꞉ti kíʼ ronhnón꞉nhe kárhios rontónh꞉nions, “Tekakontserá꞉ke onátsa eniakhoʼkarhiátse ne sewenhní꞉sera, tánon iá꞉iak nikakontserá꞉ke teiotikonstónhres eniakhoʼkarhiátse ne sewenhní꞉sera tsi eniakoiò꞉ten, ók tó꞉sa kíʼ enskarón꞉ni ne iakeniewáhtha karonhtas ó꞉ni ne watenenhariseres!”

Revelation 7:1

Sontóhetste kí꞉ken Wakhé꞉ken kaié꞉ri nihá꞉ti ratironhiakeró꞉nons thóh ronhné꞉te ne kaié꞉ri natekaiosá꞉iens ne tsi ionwenhtsá꞉te, skonwaktátha ne kaié꞉ri nikawerá꞉kes ne tsi ionwenhtsá꞉te ne káti ne tóhsa othé꞉non nowé꞉ra nahón꞉ton takaweratá꞉se ne tsi ionwenhtsá꞉te khéks kaniatarakeʼkowáhne khéks ne tsi ioronthótons.

Revelation 7:2

Wahí꞉ken ó꞉ia raronhiakeró꞉non thóh nontahawenonhátie tsiʼkarahkwí꞉nekens, ne rahá꞉we ne ratsikwentáhkwa ne ronhnheón꞉we Ní꞉io, tánon wahatewenhnhowá꞉nate tsi iasakoná꞉ton ne kaié꞉ri nihá꞉ti ratironhiakeró꞉nons né꞉ne ronónha thonwaná꞉wi ne kaʼshatsténhsera ne ahatikarónhni tsi ionwenhtsá꞉te o꞉ni ne kaniatarakeʼkowáhne,

Revelation 9:4

Ronwahtiró꞉ri ne tó꞉sa ahatikarónhni nohonteʼshón꞉as ne tsi ionhontsá꞉te khéks ne thé꞉nen nohón꞉te ní꞉iot khéks ne tsitʼnikarontó꞉ten, ók ne khók thí꞉ken nonkwehó꞉kon tsi niká꞉iens ne iáh tehonwathitsikwénhton rathikwenhká꞉rakes.