Revelation 7:16 - Ohiatonhseratokénti

¹⁶ Kwáh iáh nonhwén꞉ton shé꞉kon tahonsahontonhkárahke, tánon iáh shé꞉kon tahonsahotinisatákʼten; ne entieʼnekhéka karáhkwa kwáh iáh tahiakokaronhniá꞉te, khéks ne khahó꞉tent ne kwáh iotsataʼtsáhat;

Revelation 7:16 ပူးပေါင်းရင်းမြစ်များ

Psalms 121:5

Roiá꞉ner seh ne ianonhnáhtses; ne Roiá꞉ner tsaták꞉ta í꞉rahte ne nahontahiáʼne.

Psalms 121:6

Né tsi niwenhníseres nó꞉nenh kwáh iohrahkwataríhen iáh kí tahisarahkhoktserárahne, tánon nahsontthenhne karahkwah iáh othènen tahí꞉sakaronhniate.

Psalms 143:6

Iatkanenhtsá꞉thate ne shonháke; nakatónnhets ioniatatʼthéntha í꞉sehke kwáh tsi ní꞉ioht ne iahonwenhtsiatʼténhake tsi ioniatátʼtens nahiokénhnore. Selah

Psalms 42:2

Kwáh tsi ní꞉ioht ne rónhkwe tsi nihoniatátʼtens nahanekíra nonékanos kwáh thóh natekonhiatonhontsóni Sewenní꞉io, né꞉ne ronnhehónwe Ní꞉io. Kátʼke ahontáke nakatkáto ne tsi rakonshón꞉te ne Rawenni꞉io?

Psalms 63:1

Ó Sewenní꞉io, í꞉se nakeNí꞉io í꞉ken, konhiatísaks, nakatónnhets ioniatátʼtens í꞉se saská꞉neks; thóh nió꞉re tsi konhiaskáneks thóh ní꞉ioht tsi katʼtókas enwaʼkenikonhrá꞉ton, tsi ní꞉ioht ne iahonwenhtsatʼténhen tánon iáh othènen teskariwástha ne tsi nón꞉we iáh othènen teionekáien.

Song of Songs 1:6

Tó꞉sa teskatkáneren tsioríhwa tsi nikhón꞉tsi, tsioríhwa ne karákwah tsi niwakatenhararítkhon. Nakenisténha akonekenterahtiónhas ionkenakwáhsehne; thontaionkanóntonse tsi wahonkerihón꞉ten ne tsi kanenharaientʼthóseron, ók ne kwáh í꞉i wakenenharaientʼthóseron iáh thaʼtewaksnié꞉on!

Isaiah 25:4

Asèken í꞉se sehiatewehién꞉ton ne iakóten, í꞉se sehiénawase ne tehontʼkárhias thóh tsi natehonanikónrahre, ronaskwáhere nó꞉nenh iokenhnó꞉ron tánon ronterakwahwerostákwah nó꞉nen iorakwahtaríhen. Nó꞉nenh tehonateraʼnekarénhni ne iáh tehotí꞉ien nataniténron thóh niʼiohtónhne kwáh né꞉ne koseràke nó꞉nen iowisónhtion,

Isaiah 32:2

Né satihiaʼtatʼtshons thóh nenhatiʼhiathothénhake kwáh né꞉ne tsi nónwe nihiontasehtákwah tsi nitsiowerénha, hiakotaséhton tsi naʼtehioweratáse, kwáh né꞉ne watnekíne tsi nón꞉we niʼhiahontsaʼthen, kwáh né꞉ne iorakwahweʼróston ne katsthenrowánen thóh tsi ahonhontsióskon í꞉ken.

Isaiah 41:17

Nó꞉nenh ne iakóten tánon ne tehiontkárias enienekí꞉shaʼke, tánon iáh kanèka tekanekáien, tánon ne ronhnenhnásake iostáthen tánon rotiniatáʼthens, í꞉i ne Watiá꞉ner kwáh tenkheriwasehrá꞉kwahse, í꞉i ne KheʼNí꞉io NʼIsraerʼronónke kwáh kí iáh takhehiatanikónren.

Isaiah 49:10

kwáh iáh tahontonkárhiake khés nahotiniatákʼthen, iáh ne iowerataríhen khés ne kará꞉kwah thaʼtahiakowisenhéiate, asèken tsi nikáien né tesahkoró꞉ton kwáh né ensakohéntenhse, tánon ákta tsi kaionhatáties nonèkanos nón꞉we nenhsakohénthenhse.

Isaiah 65:13

Eʼtho káti ráton ne Roiá꞉ner Rawenni꞉io: Nakenhá꞉tsera ónenk tsi thenhaskáhon, ók ní꞉se kwáh kí ensatonhkáriaʼke; nakenhá꞉tsera ónenk tsi enhanekíra, ók ní꞉se kwáh kí ensaniatatʼthénhseke; nakenhá꞉tshera kwáh kí enhotonhnhárake, ók ní꞉se kwáh kí eniesatehaʼte;

Jonah 4:8

Ne ó꞉nen shitiorakwinekén꞉en, ne Rawenni꞉io iahatén꞉niehte tsi tkarahkwí꞉nekens naʼontakawerénhawe ne kwáh ioweratarí꞉hen, tánon ó꞉nen ne Jonah skanó꞉rons nahoʼnikonhráhton tsi niiorahkwataríhen tsi teiaó꞉ien ne ranontsì꞉ne. Sók kiʼ wahaská꞉neke narénheie. Wahén꞉ron, “Sénha ne ioiá꞉nere akíheie tsi ní꞉ioht nakónhnheke.”

Matthew 13:21

Iah tanon teioteronte ne rahonhake, ne se ȣahonni iah tatekaȣishastste: kaȣenniioʼkʼȣahorane kanikonraksensera, atatkenronniatseraʼsʼoni, akarionniate nʼoȣonna akȣaʼsoksa ȣahatatenikonrotako.

Matthew 13:6

Nok nonen sontakarakoten ȣakontiatastsa; nok tsi iah nakon tetioteronte akȣaki onstsa.

Matthew 5:6

Iakotaskat ne tkariȣaieri iontonkariakta oni iakoniatathata: aseken enhiontatatahten.

St. Mark 4:17

Nok tanon tsi iah tetiakaȣetakon iah ki tatekaȣishastste; ne ȣaonni kaȣenniioki ȣahakorane ne kanikonraksensera oni kakenronniatsera ahorionniat noȣenna akȣa oksaok tsiontateriȣastani.

St. Mark 4:6

Nok tanon ontsa nonen sontakarakoten oni onstathen aseken iah ki eso teioteronte.

Luke 1:53

Sakotatenni ne iontonkariakskȣe; kententetserakon sesakotorion ne iakotsokoȣa-kenhne.

Luke 6:21

Seȣataskat ise nonȣa seȣatonkariaks: Aseken hentsiseȣahtane: Seȣataskat ise nonȣa teseȣasenthos: Aseken hentsiseȣanikonriione.

John 4:14

Nok tanon nenhanekira nenhinekanonte iah nonȣenton tiiahonsahoniatathen, aseken ok nehe nenhinekanonte ienȣatnaȣeronni ne rahonhake ne iah taonsteske tiotkon tanon enhiohnekotake tsi niienhenȣe.

Ne꞉ne Sák Rohiaton 1:11

Nentkarakóten tsi nenwataríhate né enhiotsiatátʼtsiahaʼte; enkatsitsén꞉ne, tánon tsi niwatkathotsenríhio꞉ne hioriwentáʼon. Kwáh né sahoríwa ne rohthikwatsénion enhonwanátonte tsi ní꞉ioht tsi ronateriwatentiathonhties.

Revelation 21:4

raón꞉ha kwáh tsi niateiokaserá꞉kes tsi enshakokaseró꞉kewe. Ne kenhé꞉iat iáh tahonsakaién꞉take; naiontiónhnion tánon ne taionsénhto ó꞉ni naieronhiá꞉ken iáh taonsakaién꞉take, asè꞉ken ne tsionatserénhton ionatohéston.”