Revelation 6:2 - Ohiatonhseratokénti

² Iakatkáto, tánon thóh í꞉rate kanaskwaráken! Ne roʼshe rahanénhawe; anonwaró꞉re taʼón꞉ion, tánon iahaiá꞉kenhne ne tsi karón꞉iate ne nahatesénhniete tánon nahateʼshénhni.

Revelation 6:2 ပူးပေါင်းရင်းမြစ်များ

Psalms 110:2

Né Roiá꞉ner Zion nón꞉we tahaténieʼte ne kasháste sáhnia. Né énshaste nasehiatkóraste ne ieshá꞉shons.

Psalms 76:7

Ók í꞉se Saiá꞉ner ne onhkwetakwé꞉kon iesatʼtsánis! Iáh ónka taiekwéni naiétake ne sahénton nó꞉nen sanakwénhen?

Psalms 98:1

Ó Tetsisewaʼrihwákwas ne Roiá꞉ner, ne norénhnaʼse, asèken iorihwanerakwahthénions tsi nihotieránions. Né꞉ne kwáh rahónha raoshaststénhsera tánon ne raoshaststenhseratokentítshera tsi sakosénhnion ne ronhwáʼsons.

Isaiah 25:8

Eʼthó꞉ne ne Roiá꞉ner Ní꞉io kwáh ensakokaseró꞉keʼwe tsi niaʼteiekonsákes, tánon ne raonatehénseras ne rahonkwetaʼshón꞉has kwáh akwé꞉kon enren enshaháwiʼte ne tsi ionwenhtsáte, asèken né꞉ne Roiá꞉ner thoʼwenhninekénʼen.

Zechariah 1:8

Wakhéken ónhkak iakoshaténtie onekwénhtara nihashokó꞉ten ne koshá꞉tens. É꞉tho nón꞉we nahthatáhne tsi karontaienthóhseron ne myrtle norónhwakon, tánon ne rahshón꞉ne thikanaskwaténions kón꞉nes—onekwénhtara, iothirahkwahrón꞉nions, tánon konthiráhken.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

1 Corinthians 15:25

Asèken ne Kerístos ónenk tsi entaniaróhtaroke tsi nío꞉re ne Rawenni꞉io enshakosénni ratikwékon ne ronwáhsons tánon rahshitókon nónwe nenhonataténronhke.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 11:18

Ne ronhnonhontsakeró꞉nons waonatenakwahwenhrát꞉tse, ók saterhiatitkhóntsera ón꞉we, tánon iaʼká꞉hewe ne tasheiató꞉rehte ne ronenhé꞉ion, Asè꞉ken ne nasekariatseniónhase ne sanhatseraó꞉kons, ne ne rotitokénhse ó꞉ni ne rotiiatatokéntis tánon ratikwé꞉kon ne ratikweniénstha sasénhna, tetsá꞉ron né꞉ne kenk naiesenhnáske ó꞉ni naiesenhnowanénhake, tánon ne naseiatón꞉te tsi niiá꞉kon ne iakohetkénton tsi ionwenhtsá꞉te.”

Revelation 14:14

Eʼthò꞉ne iakatkátho, tánon thoiotsikerá꞉re katsikeraʼrá꞉ken, tánon ne renskó꞉te notsikerá꞉ke ne teshiatié꞉ren Ronwaiénha nónkwe, owistanó꞉ron í꞉ken rononwaró꞉ron, tánon ne ne hioiotí꞉ie iontkwirhiástha rahá꞉we!

Revelation 15:2

Tánon tsi nakatkáto tsi nahó꞉ten onhtotá꞉si kwáh né꞉ne kaniatarakeʼkó꞉wa otsishé꞉ra í꞉ken tekaiéston ótsire, tánon tsi niiá꞉kon ne ronwashén꞉nion ne katsinoniowá꞉nen tánon ne raoiatonhnishón꞉as tánon tsi niiothiáton ne raoshén꞉na, thóh rónhnete kaniatarák꞉ta ne kaniatarakeʼkó꞉wa ne otsí꞉sera í꞉ken ne ratihawáhions ne raonhowakó꞉wa ne karenshotaróʼkhons ne Ní꞉io.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:14

Tánon ne konwaterí꞉iose ne karonhiá꞉ke, ne ronatseronhniáton ne waniatarí꞉ios, washokwará꞉ken tánon ioiá꞉nere, rahón꞉ha ronhwásere rotishaténhtse kanaskwará꞉ken.

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.

Revelation 9:7

Tsi nihatiiathó꞉tens ne tsistarare ne teshontsérens ne koshá꞉tens ronatakweniáhere nahonterí꞉io. Ne ratikwenká꞉rakes nahionʼkáto kwáh né꞉ne iehiohonronkóhare owistanó꞉ron í꞉ken; ne rathikónsakes kwáh né꞉ne ónhkwe tahonsakaierónhtarake,