Revelation 5:9 - Ohiatonhseratokénti

⁹ Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;

Revelation 5:9 ပူးပေါင်းရင်းမြစ်များ

Psalms 144:9

Kwáh orénhnase thenkonhrihwákwahse, Ó Sewenní꞉io; né꞉ne oiéri nikarenhshó꞉taron énkaste tsi enkonhiaterenhnót꞉thaʼse,

Psalms 149:1

Tehonwanonweráton ne Roiá꞉ner! Tetsisewarihwákwas ne Roiá꞉ner orénhnase, ne rahonnonweratónhtsera thóh tsi iakokkenhníson ne iakorihwatóken.

Psalms 33:3

Thetsisewaʼrihwákwas norénhnase; sarenhnahónhak tsi saterenhnóten ne karenhsotarók꞉kons, iorakareníhak.

Psalms 40:3

Waʼhakerihónhnien orénhnase tahonsakeríhwaʼkwe, né nahowenhnáshon ne wáʼton Sewenhní꞉io tsi natesatenonhianíton. Iakotiokowáʼnen enhiontkátho kí꞉ken owenhnashónhas né enhiakoronhkáten, tánon né enhiakahónhnien nahontahonwéʼtakwe ne Roiá꞉ner.

Psalms 96:1

Ó tetsisewaʼrihkwákwas ne Roiá꞉ner né norenhnáse í꞉ken; tetsisewaʼrihwákwas ne Roiá꞉ner, tionhontsaʼkwékon.

Psalms 98:1

Ó Tetsisewaʼrihwákwas ne Roiá꞉ner, ne norénhnaʼse, asèken iorihwanerakwahthénions tsi nihotieránions. Né꞉ne kwáh rahónha raoshaststénhsera tánon ne raoshaststenhseratokentítshera tsi sakosénhnion ne ronhwáʼsons.

Isaiah 42:10

Thetsisewarihwá꞉kwas ne Roiá꞉ner né norénhnase, né raohiatanerakwáhtshera né꞉ne tsi ioiotonhóh꞉tiokʼte iekaníharas! Ánion ne kaniatarakhekó꞉wane iorákarak tánon akwé꞉kon nètho nón꞉we natekontawénries, né tsi kawenhó꞉tons tánon né ienakekenion.

Daniel 3:4

Ne rarihowanáhtha tahahkwísron tsi wahatá꞉ti, “Takwatahónhsatat! Kwáh tsi niaʼteienekwénhsake ne ón꞉kwe, tsi niionhsohkó꞉ten, tánon tsi niiewennó꞉ten!

Daniel 4:1

Né ne Ronnontí꞉io Nebuchadnezzar roteriʼwaniehtonhátie. Kwáh tsi niaʼteiakahwentsiá꞉ke nonkwehshón꞉ʼa, tsi naionsohkoténhake, oh naiewennoténhake, ne tsi ionhwentsià꞉te: “Waʼtkwanonhweráton. Ne sewataʼkaritáhtshera kwáh iakaié꞉rike!

Daniel 5:19

Eʼtho niió꞉re tsi ronkweʼtowanén꞉nen kwáh tsi niaʼteiakaonhwentsià꞉ke nón꞉kwe, tánon tsi niaʼtehatinekwénhsake ó꞉ni tsi naiewennoʼténhake kwáh ronwatshániskwe ó꞉ni rotiiaʼtontawè꞉ton. Enhshakononwariákon tsik ónhka nénrehre nashakóhtonʼte. Enshakonónhstate tsi nenthanón꞉weʼne. Enshakokwénienste tókaʼ ó꞉ni enshakotéhaʼte tsi nénrehre.

Daniel 6:25

Shonteweienén꞉taʼne né ronnontí꞉io iashakohiá꞉tonʼse kwáh tsi niaʼteiakaʼonhontsà꞉ke ne onkwehshón꞉ʼa, tsi naienekwenhsó꞉ten, ó꞉ni tsi naiewennoʼténhake ne onhwentsià꞉ke: “Wé꞉so taontnaʼné꞉ta skén꞉nen né tsonhà꞉ke!

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

Matthew 26:28

Aseken neh kehiken nakenekȣensa, neh nonekȣensa nʼase Kariȣaniraststakȣen, kentiokoȣanen iontatenekȣensarise, naonsonterakeȣate tsi iakoriȣaneren.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

1 Corinthians 6:20

raʼónha rokariákon ne tsi sónnhe. Káti saierónta ísasts raohiataneráhkwahte ne Rawenni꞉io.

1 Corinthians 7:23

Rawenni꞉io rohníh꞉non ó꞉ni rohkariákon ne shariwáhke; kwáh káti tóhsa ieshathenaskónniat nónkwe.

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Ephesians 5:19

Nónen skátne ensewáton tesewariwakwánion, karennasónhas, orennathokéntis; tetsiʼsewariwáhkwas norennahʼthokentiʼokónhas ne Roiá꞉ner, kwáh seweriasaʼkwékon tsi sewathonʼnáhrak.

Colossians 1:14

né꞉ne rahonháke nón꞉we nitsitewahtatewenní꞉io, ne tsi, skanikonrén꞉en nonkwariwahneraháktsera.

Colossians 1:23

Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 11:14

Ónhka né tóh nikarihóten iónton kwáh teioswátʼtet tsi ronʼnéshas kanakeráhsera nahonnawenhkónwehke.

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

Revelation 10:11

Ethò꞉ne wahonkénhase, “Ní꞉se kwáh ahó꞉wenk tsi ensheserihotáshien shé꞉kon iakotiohkowá꞉nen nonkwehó꞉kons ó꞉ni iakahontsakeró꞉nons tánon tsi niionhronkhatseró꞉tens ó꞉ni rotinontí꞉ios.”

Revelation 11:9

Asè꞉ken áhsen nenhwenhtá꞉ke tsiatesewasénhnonh ne ratiiá꞉tarons nonkwehó꞉kons ó꞉ni ne roohtitióhkwas ó꞉ni ne raonharonkhátsheras ó꞉ni ne ronhnonhontsakeró꞉nons kwáh tsatenhotikarotáon ne iawenhé꞉ion raotiierón꞉tas tánon iáh thaontónhtate nahonwatirí꞉hon nahonwatiiatá꞉tha;

Revelation 13:7

Kwáh ó꞉ni wahonwarí꞉hon nasakoteriioserónhnien ne roʼtiiatatokéntis tánon nashakosénhni. Tsi thonwá꞉wi ne kaweniá꞉tshera ne entsakororókte niateiakotióhkwakes ó꞉ni nonkweshón꞉as ó꞉ni naronkhátsera ó꞉ni niakahontsakerónons,

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 14:6

Eʼthò꞉ne ó꞉ia wahí꞉ken raronhiakeró꞉non rátie shatekaronhí꞉ien, ne rahá꞉we ne tsi nén꞉we kariwí꞉io ne nahonwatiró꞉ri tsi nihiá꞉kon ne iakónnhe ne tsi ionhontsá꞉te—kwáh tsi niateienekwenhsá꞉ke ó꞉ni ne kentióhkwas ó꞉ni nakoronkhátsera ó꞉ni nonkwehó꞉kon.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 17:15

Tánon wahakénhase, “Nonekános ne wasatkáto, tsi nón꞉we ne wathokótha nikenskó꞉te, onkweʼó꞉kons iakó꞉ton tánon kanenhrowá꞉nenh tánon ne iakahontsakeró꞉nons ó꞉ni naronhkhá꞉tsheras.

Revelation 4:11

“Í꞉se ne kakwenienstháhtshera í꞉ken, Onkwaiá꞉ner ó꞉ni Ónkwa Ní꞉io, nashé꞉na ne kaiatanerakwáhtshera ó꞉ni ne tekarénhsaron ó꞉ni kaʼshatsténhsera, asè꞉ken í꞉se norihwakwé꞉kon shasahánion, tánon né꞉ne tsi nitisanikonhrí꞉ioʼon kwáh wakaién꞉taʼne ó꞉ni ontón꞉nhete.”

Revelation 5:12

teotiriwákwens kwáh ratiwenhnakwé꞉kon, “Teoténhtion ne teiotinaʼkaronhtónha owí꞉ra tsi niká꞉ien ne ronwanonhwarià꞉khon ne nahaié꞉na ne kaʼshatsténhsera oni naokwahsétsera ó꞉ni naototkhátshera ó꞉ni kaʼshatsténhsera nasakoiathaté꞉riste ó꞉ni tasakorénhsaron ó꞉ni kaiatanerakwáhtsera ó꞉ni naonwashén꞉naien!”

Revelation 5:6

Ethò꞉ne wakatkáto tsi natewanitskwaratserátereh tánon ne kaié꞉ri ronhnónnhe nikarhió꞉takes ó꞉ni ratiiatattóntie ne ratirehtsá꞉rons ne teiotinaʼkarontónha owí꞉ra í꞉rate tsi shí꞉ken ní꞉iot nahonwanonwarià꞉kon, tsá꞉ta nateonaká꞉ronhte tánon tsá꞉ta natehaká꞉ra, né꞉ne tsá꞉ta niwatonhnhetserá꞉ke ronwaiò꞉tenhse ne Ní꞉io thonwanateniéhton nonhontsakwé꞉kon.