Revelation 5:1 - Ohiatonhseratokénti

¹ Ethò꞉ne wakatkáto ne saweientetákwen né꞉ne tsi niká꞉ien renskó꞉te nanitskwará꞉ne ne kahorhotakwenón꞉ni tsi kaiá꞉ton ne kaiatonhserá꞉kon tánon ne oná꞉ken nokwá꞉ti, kanakentó꞉ron ne tsá꞉ta niiorì꞉wake tsi nikasestá꞉ron;

Revelation 5:1 ပူးပေါင်းရင်းမြစ်များ

Isaiah 29:11

Ne iotenéstonh nakwékon kí꞉ken ne shonháke thóh nihiawénhon kwáh né꞉ne kanakentó꞉ronh kahiatónhsera, Tó꞉ka né enthonwénhnon nónkak aiekwéni nahiewenhnanhó꞉ten, nahonhwahnahtoktahkwen, “Sewahwenhnanhó꞉ten kí꞉ken,” enhonhníron, “Iáh thahiakwahkwéni, asèken kanakéntó꞉ron.”

Isaiah 34:16

Shésak tánon sewenhnanóten ne raohiatonhseráhkon ne Roiá꞉ner: Iáh nénska kí꞉ken thakanikonrénhʼen; iáh onhka ne iáh thahatikweʼkónhake ne tehatíteron. Asèken ne tsi rasakáronte ne Roiá꞉ner nón꞉we nishakoró꞉ri, tánon né꞉ne raonikónhra iakohiataróron.

Isaiah 8:16

Sewahwanerénkʼkon ne tetiontaterihwiʼiosténhnis, sewanekentó꞉renn ne karihonhnienhnítshera tsi rónhnes ne iaʼkwakwekonháties.

Daniel 8:26

Ki atetshénsera tsi nokwá ne orhonʼkè꞉ne ó꞉ni ne oʼkarahsnéha iáh thaón꞉ton naterennaienthatserá꞉kon tsi aonsakowatiaʼtátshaʼahate ne katshé꞉nen tsi né iontienʼkwaronniaʼtáhkhwa, tsi niiesaʼnikonhraientahtén꞉ni eh neniá꞉wenʼne. Nok seriʼwáhseht nón꞉wa, áseʼken eniónnise ne iakáhewe ne eh naiá꞉wenʼne.”

Zechariah 5:1

Shé꞉kon shakatkáto, tánon nón꞉wa wahkatkáto kahorotakwenón꞉ni kahiatónhsera kátsies tsi iówerahre.

Revelation 10:2

Rahá꞉we nikahorotáha tekatakwahrí꞉ton ne ratsá꞉nake. Ne saweientehtákwen nahashitáti thóh kaniatarakeʼkowá꞉ne iatehashitáhereh tánon ne sanekwá꞉ti nahashí꞉tate ohontsá꞉ke ne tehashitáhere,

Revelation 4:3

Tánon tsi niká꞉ien ne thóh renskwá꞉here ne teskaierón꞉tare tsi niwahshoʼkó꞉ten natʼthésa nikanenhióten tánon ne hioteherarónhnion, tánon ne tsi wanitskwaratsérote neh teiokwataséhton iorón꞉rote ne teskaieróntare ne teioshó꞉kwatʼte nohón꞉te.

Revelation 4:9

Tánon ne nó꞉nen ne ronónhne entontkáwe ne kaiatahnerakwáhtshera ó꞉ni ne tekarénhsaron ó꞉ni kanonweratón꞉tsheras tsi niká꞉ien ne renskó꞉te nanitskwará꞉ne, raónha ne ronhneón꞉we ne tsi nén꞉we ó꞉ni tsi nienhen꞉we,

Revelation 5:13

Ethò꞉ne onkathón꞉teʼne kwáh tsi niatehá꞉ti ne rononhné꞉nion thóh karonhiá꞉ke ó꞉ni nonwenhtsá꞉ke ó꞉ni ne ná꞉kon tsi ionwenhtsá꞉te ó꞉ni ne kaniatarakeʼkowáhne, tanon ratikwé꞉kon né꞉tho nón꞉we nihathì꞉teron, teonwarihwákwahse, “Tsi niká꞉ien ne thóh renskwáhere nanitskwaráhne ó꞉ni raonhà꞉ke ne teiotinaʼkaronhtón꞉ha owí꞉ra ne naonwashén꞉naien ó꞉ni taonwarénhsaron ó꞉ni rohiatanerákwat ó꞉ni roshatstenhserá꞉ien né꞉ne tsi nienhénwe tanon tsi nén꞉we enkénhake!”

Revelation 5:7

Thóh niahá꞉re tánon iahó꞉kwa ne kahorohtón꞉ni ne saweientetákwen tsi niká꞉ien thóh renskó꞉te nanitskwaráhne.

Revelation 6:1

Ethò꞉ne waí꞉ken ne teiotinaʼkaronhtónha owí꞉ra wathanhetsáke énska ne kanhekentó꞉ren, tánon waihiatón꞉teʼne saiá꞉ta ne rónhne kário iathohénrehte, kwáh thonihawenhnó꞉ten tsi ní꞉iót naʼká꞉wehre, “Káts!”

Revelation 6:16

ienhiahierón꞉nion tsi iononténion tánon tsi iostenhraréhnion, “Kasewatenontié꞉nent ontionhá꞉ke tánon takwaiatáset tsi rakonsón꞉te tsi niká꞉ien ne thóh renskwáhere nanitskwará꞉ne né꞉ne tó꞉sa asonkwáken tánon tsi natehaterhiatítʼkons né꞉tho teiotinaʼkaronhtón꞉a owí꞉ra;

Revelation 8:1

Nó꞉nen ne Teiotinaʼkarontónha owí꞉ra sathanhetsáke ne tsatá꞉khaton, kwáh sakthón꞉ton ne karonhiá꞉ke né꞉ne kák꞉non ne saʼtekawistí꞉hen nikarí꞉weskwe.