Revelation 4:9 - Ohiatonhseratokénti

⁹ Tánon ne nó꞉nen ne ronónhne entontkáwe ne kaiatahnerakwáhtshera ó꞉ni ne tekarénhsaron ó꞉ni kanonweratón꞉tsheras tsi niká꞉ien ne renskó꞉te nanitskwará꞉ne, raónha ne ronhneón꞉we ne tsi nén꞉we ó꞉ni tsi nienhen꞉we,

Revelation 4:9 ပူးပေါင်းရင်းမြစ်များ

Psalms 47:8

Rawenni꞉io seh sakonontí꞉io nonkweshón꞉ha; ne Rawenni꞉io thenskwáhere ne raonitskwaratsheratokentíke.

Psalms 48:14

Nètho né꞉ne Rawenni꞉io í꞉ken, né nonhkwaNí꞉io í꞉ken tsi nienhénwe tánon tsi nénhwe enkénhake. Rahónha enshonkwaʼsárihne né꞉ne tsi nénhwe enkénhake.

Exodus 15:18

Í꞉se, Saiá꞉ner, kwáh ensanontí꞉ioʼke tsi nienhénwe ó꞉ni tsi nènhwe.”

Isaiah 6:1

Né sihʼoserátekwe sarénheie nètho Ronnontí꞉iokwe Uzziah, waʼí꞉ken ne Roiá꞉ner. Renskwáhere anitskwaraʼtsheratokentíke, é꞉neken tiótʼthe tánon kaharatáhton; tánon ne tsi tetkakwá꞉ton ne wahkó꞉ses raotserón꞉niat kwáh né wakanonsikʼthe Nononsatokentikówane.

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Deuteronomy 32:40

Kwáh tsi nihiorihwí꞉io tsi konhnhehónwe Ní꞉io, kanenʼtsakará꞉tats tánon karahrátstha

Hebrews 7:25

Tánon káti rohkwénion, nónwah ó꞉ni tiókonte, nashakoniákente tsi nihiákon né rahonháke nónwe nién꞉ien rahohénton ne Ní꞉io, tioríhwa tsi ronnhehónwe nahoniténtase ne Rawenni꞉io ne rahotirihwáhke.

Hebrews 7:8

Tsi nòkwa ne ratsihénstatsis noieríhaton ne karóhron né tsi niháti ne ronnónkwe ónen ronenhé꞉ion; nók ne Melchizedek noieríhaton tsi karóron né꞉ne sékon ronònnhe, tsi niwáhton noriwahtokénti.

Revelation 1:18

tánon ne kónhne. Wakihé꞉ionhne, tánon satkáto, shón꞉nhe ne ne tsi nén꞉we enkénhake tánon tsi nienhénwe; tánon í꞉i ítkhawe nahonontónhkwa ne kenhé꞉ion tánon ne tsi tionhontsá꞉ien ne kenhé꞉ion.

Revelation 10:6

tánon wahorarátsten tsi niká꞉ien ne ronhnheón꞉we ne tsi nén꞉we enkénhake, tsi raónha ró꞉shon ne tsi karonhiá꞉te tánon tsi nihioteriwátserens tsi karonhiá꞉te, ó꞉ni tsi niioteriwatséren ne tsi ionhonhtsá꞉te, ó꞉ni ne kaniatarakeʼkó꞉wa tánon tsi niioteriwatséren né꞉ne kaniatarakeʼkowáhne: “Thóh nón꞉we kwáh ó꞉nenh iáh tahonshontenhniskwáhton,

Revelation 15:7

Eʼthò꞉ne saiá꞉ta ne kaié꞉ri nihá꞉ti ratironhiakeró꞉nons tashaká꞉wen ne tsá꞉ta nihá꞉ti ratironhiakeró꞉nons tsá꞉ta nikatsá꞉kes nowistanó꞉rons í꞉ken kwáh ne kaná꞉non ne raoterhiatitkhóntsera ne Ní꞉io, tsi raónha ne ronhnhehón꞉we ne tsi nén꞉we tánon tsi nén꞉we enkénhake;

Revelation 21:5

Tánon tsi niká꞉ien ne thóh renskó꞉te nanitskwará꞉ne wahén꞉ton, “Satkáto, Ní꞉i wakonhnihá꞉tie orihwakwé꞉kon á꞉se.” Kwáh ó꞉ni wahén꞉ron, “Shiá꞉ton kí꞉ken, asé꞉ken kí꞉ken owennaʼsónhas né꞉ne aontaiaketákwe tánon orihwí꞉io í꞉ken.”

Revelation 4:2

Kwáh oksaók tsi ní꞉iot tonkasátenhne, tánon thóh karonhiá꞉ke wanitskwaratsérote, saiá꞉ta thóh renskwá꞉here nanitskwárane!

Revelation 4:8

Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”

Revelation 5:1

Ethò꞉ne wakatkáto ne saweientetákwen né꞉ne tsi niká꞉ien renskó꞉te nanitskwará꞉ne ne kahorhotakwenón꞉ni tsi kaiá꞉ton ne kaiatonhserá꞉kon tánon ne oná꞉ken nokwá꞉ti, kanakentó꞉ron ne tsá꞉ta niiorì꞉wake tsi nikasestá꞉ron;

Revelation 6:16

ienhiahierón꞉nion tsi iononténion tánon tsi iostenhraréhnion, “Kasewatenontié꞉nent ontionhá꞉ke tánon takwaiatáset tsi rakonsón꞉te tsi niká꞉ien ne thóh renskwáhere nanitskwará꞉ne né꞉ne tó꞉sa asonkwáken tánon tsi natehaterhiatítʼkons né꞉tho teiotinaʼkaronhtón꞉a owí꞉ra;

Revelation 7:15

Asè꞉ken ne kíʼ aorì꞉wa thóh rón꞉nete ohén꞉ton tsi rotenitskwaratseróte ne Ní꞉io, tánon ronwashénh꞉naiens tsi niwenhní꞉seres ó꞉ni tsi niwashón꞉tes raonónskon raononsatokentikó꞉wahne, ó꞉ni tsi niká꞉ien né꞉tho renskwáhere nanitskwaráhne kwáh enteshá꞉kone.