Revelation 4:8 - Ohiatonhseratokénti

⁸ Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”

Revelation 4:8 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Psalms 91:1

Ónka kí꞉ken akénhake thóh nón꞉we nihiakonnhétie tsi niteshakónes ne kwáh éhʼneken tót꞉te ónhka kí꞉ken akénhake tsi nisakohiatanónstats ne roshaststenhseroʼwánen,

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Exodus 3:14

Ne Rawenni꞉io wahénron, “Í꞉i ne kwáh oriwi:io íken. Óʼnenk tsi enseró꞉ri: ‘Tsi nikáien nétho ronhwáiats Í꞉i tahakató꞉ri tsionhàke.’

Isaiah 13:6

Satsitówak, asèken ne rawenhnísera ne Roiá꞉ner ákta í꞉wes; tsi nènhtewe kwáh né꞉ne atkaronhniátsera thóh nitsawénon ne roshatstenhserowanénhke!

Isaiah 62:1

Asèken né꞉ne Zion aoriwá꞉ke tsi iáh sák thaʼkatatónhni, tánon né꞉ne Jerusalem aoriwáke tsi iáh thakatoríshen, tsi nió꞉re naoʼtesenhniéntshera thenhiostwá꞉theʼne kwáh tsi ní꞉ioht noronkéne, tánon naoʼhiatakenáhtshera kwáh tsi ní꞉ioht tsi iotékha ne iekatsiró꞉hare.

Ezekiel 1:18

Ne kaiéri nikahkakwénhtahkes iotiʼiénhton ne Ne tewahtkakwenhtanátstha tánon tekanonhwahraientʼthóhton; tánon ne tewahtkakwenhtanátstha tehiokwahtaséhton kwáh okaróskon thí꞉ken.

Ezekiel 1:5

Ne kwáh asénhnonh nónhwe ne tsi tehiowerahtáse thóh ní꞉ioht tsi wahkéken kaiéri niháti ronhnonhnhénion ne꞉ne ónhkwe rahthihiathonthákwen,

Ezekiel 1:6

ók kíʼ ne shaʼthihiatátʼtions kaiéri nihatikónhsonhte tánon kaiéri naʼtehatinerahontʼtsiónton.

Ezekiel 10:12

Ne rathiʼierónhkes, rathisónhʼnes, ronhtianáhkes, rathinerahontsakésons, tánon ne rahothikahkwénhtas ne karohrótʼtons nokárahs.

Joel 1:15

Oh tsi niiotakwaskwa ne tho entewenniserateke! Asè꞉ken ne rawenhní꞉sera né Roiá꞉ner ákta í꞉wes, tánon né꞉ne kaʼkaronhniá꞉tsheras tsi nénhtewe ne Roshatstenhserowanenhkó꞉wa rahonhà꞉ke.

Acts 20:31

Sewanikónrarak, káti, ó꞉ni seweiárak neh tsi wéso nokasí꞉ri, tsi niwenníseres ó꞉ni nokarasnéha, kwáh tsi sewahiatátʼtion kwarihonniénni nehne áhsen niʼioserá꞉ke.

2 Corinthians 6:18

tánon kwaienʼokón꞉ʼa enskénhake. Kwáh akwé꞉kon ne ronnón꞉kwe tánon ne konnón꞉kwe kheienʼokón꞉ʼa enskenhá꞉ke tsi I꞉ʼi khók Rawenni꞉io wakeʼshatstenhserowá꞉nen.”

1 Thessalonians 2:9

Orihwiʼioʼónwe sewahteriéntare, tewahtenrosónhas, tsi ní꞉ioht tsi ionkwahiotén꞉en tánon ioioʼtenhserahní꞉ron! Kontahsésons tánon asontakwékʼkons wahonkwaióten né꞉ne tóh꞉sa thènen takwahnikonráhren tsi enkwahteriwahnótʼthase ne karíhwí꞉ios tsi nitsawénon ne Ni꞉ióʼne.

1 Timothy 4:16

Satatennikonráren tánon satennikonráren ne sarihonniennítshera. Hiasatasónteren sahióten kí꞉ken nahorihoténsons, asèken tóhkaʼ thóh nénshiere, tesenitiáron ensesheniniáken꞉ne ó꞉ni tsi niháti ne iesatahónsathe.

2 Timothy 4:2

saterihwanóten naʼteriwahnotátsera, naʼsatsniénon nakarihowahnáton (tóhkaʼ kén ónen iehióhe tsi nikaháwi tóhkaʼ kén ó꞉ni iáh), iasenikonrénhaf, serehtiáron, ó꞉ni sehnikonranírat, tsi nen sanikonkátsʼteke tsi enserihónnien.

Hebrews 13:8

Ié꞉sos Kerístos seh né sahahiáta tsi niʼiohtón꞉ne ne theténre, tánon nónwah wenhniseráte, ó꞉ni ne tsi nén꞉we.

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 1:8

“Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

Revelation 11:17

teotirihwákwen, “Tekwanonwerá꞉tons, Saiá꞉ner Ní꞉io Shatstenhserowá꞉nen, í꞉se ne sonhnheón꞉we tánon tokonhónwe són꞉nhekwe, Asè꞉ken í꞉se washé꞉neste ne shatstenhserowanenhkó꞉wa tánon tashá꞉tasawen nasát꞉koraste.

Revelation 14:11

Tánon ne iohtékha ne rotironhiakéntha tsi nén꞉we tsi enhiotékhake. Iáh teká꞉ien naonhorisénhtane nenhtsekhè꞉ne khéks noʼkarasné꞉ha né꞉ne tsi nihá꞉ti ne ronón꞉ha ronwasenhná꞉ienskwe ne katsinonhiowá꞉nen tánon ne raoiatónhni tánon ne nónhka iakoiená꞉hon ne teonwatihiatónhkwen ne raoshén꞉na.”

Revelation 14:3

Tánon wahthatirihwàkwe orenhná꞉se ohén꞉ton tsi wanitskwaratseró꞉te tánon raotihénton ne kaié꞉ri nihá꞉ti ne ronhnonʼnheón꞉we ratironhiakeró꞉nons ó꞉ni raotihén꞉ton ne rotitstonhonkónha. Iáh ónhka thaónton nahieweientè꞉tane né꞉tho karén꞉na ne khók ne énska tewenhniá꞉we kaiéri-niwáhsen kaié꞉ri nateonenhiawehetseráhsen ronónha ne shonwahtiiatákwen ne tsi ionhontsá꞉te.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 15:7

Eʼthò꞉ne saiá꞉ta ne kaié꞉ri nihá꞉ti ratironhiakeró꞉nons tashaká꞉wen ne tsá꞉ta nihá꞉ti ratironhiakeró꞉nons tsá꞉ta nikatsá꞉kes nowistanó꞉rons í꞉ken kwáh ne kaná꞉non ne raoterhiatitkhóntsera ne Ní꞉io, tsi raónha ne ronhnhehón꞉we ne tsi nén꞉we tánon tsi nén꞉we enkénhake;

Revelation 16:14

Ne kí꞉kens ne rontʼkonseráksens í꞉ken, iatékon tehatiieronhnionhátons, tsik nonwéhsons niehonhnétha tsi thathì꞉teronh ne ronhtinontí꞉ios ne tsi ionwenhtsá꞉te, ne nasakotiiataró꞉roke nahonterí꞉io ne thóh entewenhniserá꞉teke ne wenhniserowá꞉nen ne Ní꞉io rawenhní꞉sera né꞉ne Roshatstenhserowanenhkó꞉wa.

Revelation 16:7

Tánon onkahonshón꞉kote thóh nontá꞉we ietsienharáhkwake wá꞉ton, “Hén, O Saiá꞉ner Ní꞉io, sashatstenhserowanenhkó꞉wa, ne sariwenhthá꞉tseras tsi tkariwaié꞉ri ó꞉ni ioiá꞉nere!”

Revelation 19:15

Thóh tsi raʼsakáronhte tkaiá꞉kens iosarotí꞉ie ne enshakoièn꞉te ne ronhnonhontsakeró꞉nons, tánon kwáh rahón꞉ha enshakokʼkoraste ne enráste ne teioteristakwenónhni; kwáh tenharatatséshon ne otsí꞉tsa kanekonhniátha né꞉ne raonakwáhtsera ne raoterhiatitkhóntsera ne Ní꞉io ne Roshatstenhserowanenhkó꞉wa.

Revelation 19:4

Tánon ne tewáhsen-nihá꞉ti ratiretsá꞉rons tánon ne rononhénion wahatiiatsenénhne tánon wahonwashén꞉naien Ní꞉io raón꞉ha renskó꞉te nanitskwá꞉rane, rontón꞉nions, “Eʼtho naiá꞉wenhne. Teonwanonwerá꞉ton Ní꞉io!”

Revelation 21:22

Iáh othenen tewakát꞉katon nononsatokenti ne kanatowanenhke, asé꞉ken naononsatokenti ne ne Roiá꞉ner Ní꞉io ne Roʼshaststenserowanenkó꞉wa tánon ne teiotinakarontón꞉ha owí꞉ra.

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko:

Revelation 4:4

Tsi teiokwatá꞉se ne tsi wanitskwaratseró꞉te thóh wanitskwaratseró꞉ton tewáhsen niwanitskwaratsherá꞉kes, tánon ne thóh ratitskó꞉tons tsi wanitskwaratseró꞉tons né꞉ne tewáhsen nihá꞉ti ratirihowá꞉nens ratirehtsá꞉rons, ne ronatseronhniá꞉tons ne kará꞉kens wakó꞉ses, owistanó꞉ron í꞉ken ne raonahnonwaró꞉res.

Revelation 4:6

tánon nohén꞉ton tsi wanitskwaratseró꞉te khaótenk thóh ká꞉ien kwáh né꞉ne kanià꞉taro ne ioniá꞉ton ne ió꞉kent otsí꞉sera kwáh né꞉ne ó꞉wise. Ákta ne tsi wanitskwaratseró꞉te, tánon ne skatí꞉shon nokwá꞉ti tsi wanitskwaratseró꞉te, thóh rón꞉nete kaié꞉ri nihá꞉ti ronónhne, okaróskon í꞉ken ohén꞉ton tánon rathishón꞉ne:

Revelation 4:9

Tánon ne nó꞉nen ne ronónhne entontkáwe ne kaiatahnerakwáhtshera ó꞉ni ne tekarénhsaron ó꞉ni kanonweratón꞉tsheras tsi niká꞉ien ne renskó꞉te nanitskwará꞉ne, raónha ne ronhneón꞉we ne tsi nén꞉we ó꞉ni tsi nienhen꞉we,

Revelation 5:6

Ethò꞉ne wakatkáto tsi natewanitskwaratserátereh tánon ne kaié꞉ri ronhnónnhe nikarhió꞉takes ó꞉ni ratiiatattóntie ne ratirehtsá꞉rons ne teiotinaʼkarontónha owí꞉ra í꞉rate tsi shí꞉ken ní꞉iot nahonwanonwarià꞉kon, tsá꞉ta nateonaká꞉ronhte tánon tsá꞉ta natehaká꞉ra, né꞉ne tsá꞉ta niwatonhnhetserá꞉ke ronwaiò꞉tenhse ne Ní꞉io thonwanateniéhton nonhontsakwé꞉kon.

Revelation 6:1

Ethò꞉ne waí꞉ken ne teiotinaʼkaronhtónha owí꞉ra wathanhetsáke énska ne kanhekentó꞉ren, tánon waihiatón꞉teʼne saiá꞉ta ne rónhne kário iathohénrehte, kwáh thonihawenhnó꞉ten tsi ní꞉iót naʼká꞉wehre, “Káts!”

Revelation 6:6

tánon onkathónhteʼne kwáh né꞉ne owén꞉na raotinenhrí꞉hen ne kaié꞉ri nihá꞉ti kíʼ ronhnón꞉nhe kárhios rontónh꞉nions, “Tekakontserá꞉ke onátsa eniakhoʼkarhiátse ne sewenhní꞉sera, tánon iá꞉iak nikakontserá꞉ke teiotikonstónhres eniakhoʼkarhiátse ne sewenhní꞉sera tsi eniakoiò꞉ten, ók tó꞉sa kíʼ enskarón꞉ni ne iakeniewáhtha karonhtas ó꞉ni ne watenenhariseres!”

Revelation 7:11

Tánon ratikwé꞉kon ne ratironhiakeró꞉nons ronhné꞉te teonakwataséhton tsi wanitskwahratseró꞉te tánon teowanakwataséhton ne rotikstenhokón꞉as tánon ne kaié꞉ri háti ronhnonhénion kahtsé꞉nens, tánon wahatiiatsénenhne tsahatikonsó꞉tane ohén꞉ton tsi wanitswaratseró꞉te tánon wahonwashén꞉naien Ní꞉io,

Revelation 7:15

Asè꞉ken ne kíʼ aorì꞉wa thóh rón꞉nete ohén꞉ton tsi rotenitskwaratseróte ne Ní꞉io, tánon ronwashénh꞉naiens tsi niwenhní꞉seres ó꞉ni tsi niwashón꞉tes raonónskon raononsatokentikó꞉wahne, ó꞉ni tsi niká꞉ien né꞉tho renskwáhere nanitskwaráhne kwáh enteshá꞉kone.