Revelation 4:3 - Ohiatonhseratokénti

³ Tánon tsi niká꞉ien ne thóh renskwá꞉here ne teskaierón꞉tare tsi niwahshoʼkó꞉ten natʼthésa nikanenhióten tánon ne hioteherarónhnion, tánon ne tsi wanitskwaratsérote neh teiokwataséhton iorón꞉rote ne teskaieróntare ne teioshó꞉kwatʼte nohón꞉te.

Revelation 4:3 ပူးပေါင်းရင်းမြစ်များ

Exodus 24:10

tánon wahonwá꞉ken ne SakoNí꞉io ne lsraerʼró꞉non. Ne tsi nónhwe niháʼrahte tsi í꞉ken ní꞉ioht ne akanetakwentáronke ne ohrónhia niwashoʼkóten ne kanenhianóron sapphire konwanatónkwa, kwáh ohrónhia ní꞉ioht tsi ní꞉ioht ne tsi iotsíkerahre.

Exodus 28:18

ne tekeníhaton tehiotinenráton, né꞉ne tehiosohkwátʼte nóhonte, né tehioterónhʼhionte, né ionenhiákent ionenhianíron;

Exodus 39:11

ne thehiotinenhrakéhaton, né꞉ne tehioshokwá꞉the nóhonte, tehioterónʼhionte, ionenhiákent ionenhianíron;

Isaiah 6:1

Né sihʼoserátekwe sarénheie nètho Ronnontí꞉iokwe Uzziah, waʼí꞉ken ne Roiá꞉ner. Renskwáhere anitskwaraʼtsheratokentíke, é꞉neken tiótʼthe tánon kaharatáhton; tánon ne tsi tetkakwá꞉ton ne wahkó꞉ses raotserón꞉niat kwáh né wakanonsikʼthe Nononsatokentikówane.

Ezekiel 1:26

Éhnekenh ne tsi karonhiáte ne꞉ne éhnekenh ne tsi ronahtenonhtsistatónhnions knahótenk tsi shí꞉ken ní꞉ioht nahtniskwáhra ne꞉ne tehioterónhionte onénhia nahóten ionhniáton, tánon ne atnistskwáhrahne renskwáhere teskaierónhtare ne ónhkwe akénhake.

Ezekiel 1:28

Kwáh tiosaháton ne rahiatakʼtóntie tsi tehioterónhronhte, tsi ní꞉ioht ne iorónhronhte teioswátʼte ne tsi iotsikerahrónhnions. Thóh kíʼ ní꞉ioht ne raohiatanerahkwáhtshera ne Roiá꞉ner tsi wahakathotáshiaʼse. Nónenh shakatkátho, kwáh tiekʼkonhskárahte tsi okenhráhke wahtiataiéntahne, tánon onhkathóntehne ónhkak ionhktharáhni,

Ezekiel 10:1

Ethòne wakʼkenhén꞉ion, tánon wakatkátho ne tsi karonhiáte ne꞉ne é꞉neken tsi ronatenonhtsístates ne niʼnikonhrare iotokentis, thóh onhténeste é꞉neken tsi rónhnes tehioterónhionte onénhia, tsi nikaieronhthó꞉ten teskaierónhtare ne anitskwáhra.

Ezekiel 28:13

Eden nónhwe nishiʼtherónhtahkwe, né꞉ne Rawenni꞉io rahohéthakon, né sátsthaʼkwe ne niaʼtekonhtʼthihánion ne kawisthanoronhtserí꞉ios: ne kwáh tetioshokwáhkaras onekwénhtarah nikanenhiótens tánon ne ionenhiákent ionenhianíron; tehiotʼtsinekwáhronhte nóhonte ónenhia, tehioterónhionhton nóhonte, ioteherahrónhnion onénhia tánon ne athéhsa nikanenhiò꞉ten; tehioterónhionthe onénhia, tehioshó꞉kwatʼthe nóhonte nikanenhiothe tánon ne ariwahkonhnhéha nikanenhiò꞉the. Shaiénthakwe ne kawistanoronhtserí꞉ios owistanóronhs. Í꞉se ieshasenhénhni; né꞉ne tewenhnisehráhtekwe saheshahiatónhni.

Revelation 10:1

Tánon wahí꞉ken nó꞉ia rashátste raronhiakeró꞉non tahosnenhtonhátie karonhiá꞉ke, ne teotwanát꞉tonh notsá꞉ta, ioronró꞉te teioʼkwatá꞉se ne ranontsí꞉ne; ne rakón꞉sake thóh ní꞉iót kwáh né꞉ne karáhkwa, tánon ne rashinakéhsons thóh ní꞉iot kwáh né꞉ne iotón꞉kote.

Revelation 21:11

Ne ió꞉ien ne raoiatanerakwáhtshera ne Ní꞉io tánon teioswát꞉te kwáh né꞉ne waʼkenre owistanoronsónhas, tsi ní꞉iot ne washokwí꞉io ohón꞉te, tsi ní꞉iot ne natʼthésa nikanenhióten, ió꞉kenk tsi ní꞉iot notsishé꞉ra.