Revelation 3:8 - Ohiatonhseratokénti

⁸ “Wakaterièn꞉tare ne saioʼténhseras. Satkáto, Wakonién꞉hase sahén꞉ton ne tekanonhóntion, né꞉tho iáh ónhka taiekwé꞉ni ahonsaienhó꞉ton. Wakaterièn꞉tare tsi kenk nishashatsténhsera, tánon kíʼ satienawátston nakewén꞉na ó꞉ni iáh tesatonhní꞉en natsén꞉na.

Revelation 3:8 ပူးပေါင်းရင်းမြစ်များ

Proverbs 30:9

Tókaʼ só꞉tsi wé꞉so aontáhskon nón꞉wa, enkí꞉ron iáh thaʼteskoniatonhwentsó꞉ni. Nok tókaʼ wakí꞉ten, tókaʼ nón꞉wa enkenénhsko tánon enhiiatéhaʼte Akení꞉io.

Daniel 11:34

Tsi nikarí꞉wes ronwanaʼwénthos ne Rawenni꞉io raotióhkwa, enwatetshén꞉ri ohstónha enhonwatiié꞉nawaʼse, tánon ronatiohkowá꞉nen éhthoh ratiiá꞉tare, tsi enhontiá꞉taren ne tsi rononhastsí꞉wa khók rontatè꞉hiare.

Luke 12:9

Oni nenhakatonnhiiase nonkȣene, enshonȣatonnhiiase oni ne raonha rahotihenton ne Niio Raoronhiakeronon okon.

John 15:20

Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio. Toka ionkkenrenseronni enhiestsikenrenseronni ki oni nise; toka ionkeȣennarakȣen, enhiestsiȣennarakȣe ki oni nise.

John 17:6

Khetokatenni ne Sasenna tsinihati takonkȣetaȣi; ise sonkȣetakenha nok tontakaȣi; nok iesaȣennanoronston.

Acts 14:27

Hiahánewe ne Antioch, wasakothihiataróhroke nonkwesónha nononsatokentíke tánon wasakotiróhri tsi nahoténsons ne Rawenni꞉io wahsakohioténseron nahothihióten tánon ó꞉ni tsi nasakohahónnien ne iáh tehatiʼsitaeʼró꞉nons onhnaʼiáwenne nahontahonʼnétakwe.

1 Corinthians 16:9

Kwáh íken tsi wahtesénnahien ne kén꞉en ne kowáhʼne ó꞉ni iorihʼwí꞉io nahkaiotén꞉en, iawehrohátien tsi iakotiokowáhnen iontiotátis.

2 Corinthians 2:12

Nó꞉nen shiahá꞉kewe ne Troas ne iaʼkaterihwahnó꞉ton ne karihwí꞉io raorihwaʼshón꞉ʼa ne Kerístos. Ók ná꞉ʼa ne Roiá꞉ner shiaʼtehononhóntion oh naiá꞉wen ne aonterihwahtén꞉ti ne raoʼioténhsera ne tho nón꞉we.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Colossians 4:3

Ne ikénet takwaterennaiénhas nonkwatià꞉kes, ne káti ne Rawenni꞉io nahontashóntion nahionkwatesenní꞉ioháke naitewahteriwahnó꞉ten ne rahoterihwatothátshera tsi nitkarihwahsehtón꞉ne tsi nokwáh ne Kerístos. Asè꞉ken ne aorì꞉wa nón꞉wa ó꞉nen kehnó꞉ton.

1 Timothy 5:8

Onk tóhkaʼ ónhkak iáh tathesakotirihwásnieʼse ne rontátenons, sénha ne kwáh ronónha rahothiwáhtsireh, wahkonwathonníhase ne tewethákwen ó꞉ni sénha ronónha rathiweniennáksen tsi ní꞉ioht ne iáh tetiakawetákwen.

2 Timothy 4:7

Kwáh iaʼtewahkatatʼtshaʼháton tsi tewahkaréron, kwáh iaʼtewahkókte tsi tewahkaratháton, tánon wahkatienawástonʼne ne tewehtákwen.

Jude 1:4

Otsià꞉ke nonkweshónha ne iáh tehotiniioserá꞉ien tok thón tahón꞉ne nonkwanenrákon, tsi nihá꞉ti ne ronhnowénhtha nateriwanothátsera tsi nokwáh ne Rawenni꞉io rahoténrat ehnaʼontawe nahonthatiathotároh tsi nihathiweienʼnáksens, tánon ronwakenrón꞉ni ne Ié꞉sos Kerístos, kwáh raónha khók nónkwawenk Rahiatakweniio ó꞉ni Sonkwaiá꞉nere. Wahón꞉nise tsináhe tiotʼró꞉ri nohiathonseratokénti tsi nihothiienà꞉on ne karewathátsera.

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.

Revelation 2:2

“Wakaterièn꞉tare tsi nisahioʼtenhseró꞉tens, tánon satakátstaton niatasotʼten. Wakaterièn꞉tare tsi iáh thasehiathakátsthate ne wahét꞉ken tsi nihontié꞉ra; ní꞉se waseiatenientén tsi niiá꞉kon né꞉ne ionthatenatónhkwa ionteriwanhótha ók iáh kíʼ neh tè꞉ken, tánon wahonwatiiaʼtatshén꞉ri rotinó꞉wenhs.

Revelation 22:7

“Sát꞉kato, kwáh iostó꞉re tsi entkeiakotaskats ne tieiá꞉ta enhiontienawaste naowenhná꞉okons ne iekarí꞉wakens kí꞉ken kahiá꞉tonsera.”

Revelation 3:1

“Tánon raonhà꞉ke ne Raronhiakeró꞉non thóh nón꞉we nononsatokenhtí꞉ke ne Sardis shiá꞉ton: Ne kíʼ ne raoteriwanhothátshera ne raónha tesakoniarotá꞉ron ne tsá꞉ta niwatonhnhetsherá꞉ke ne ronwahiò꞉tense Ní꞉io tánon raónha rahá꞉we ne tsá꞉ta nikatsistóhkwake: “Wakaterièn꞉tare ne sahioʼténhsera; wakaterièn꞉tare tsi ní꞉iot nashón꞉neke, ók senhé꞉ion.

Revelation 3:10

Tiorì꞉wa ní꞉se tsi satienawátston nakewén꞉na ne ioʼnikonhkátste tekawishátste, Ní꞉i kwáh enkonhnónsthate nó꞉nen enwá꞉we ne tsi nikawistá꞉hets né꞉tho taionhnikón꞉raren tsi nontaiawenonhátie ohontsakwé꞉kon ne nahiakoteʼnién꞉ten ne ronhnonhontsakeró꞉nons.

Revelation 3:15

“Wakaterièn꞉tare ne saioʼténhseras; ní꞉se kakniká꞉ien aiowiostóhake khek naiotarihénhake. Kaská꞉neks né꞉tho ní꞉se kakniká꞉ien akénhake iowísto kheks ioʼtarí꞉hen.

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko: