Revelation 3:4 - Ohiatonhseratokénti

⁴ Thosà꞉ne ní꞉se shé꞉kon toká꞉ra nihionkwè꞉takes thóh nón꞉we ne Sardis iáh aré꞉kho thateotitiónston ne raonhatierónhnias; ronón꞉ha kwáh skátne tenhiakwahtekháhakwe, ne enhonaʼtserón꞉niaton kará꞉ken, asè꞉ken teonhaténtion.

Revelation 3:4 ပူးပေါင်းရင်းမြစ်များ

1 Kings 19:18

Kwáh kíʼ ó꞉ni tsáta tewenhniawehetserásen nihionkwétakes iathenhwákenre nahiakónhnheke Nisraerʼró꞉nonke—né꞉ne tsi nikáien né rotirihwató꞉ken nakonháke tánon iáh thaʼtekonwathentʼtsotháni ne Baal khés ne tahotinonronhkwáhnionke ne rahohiatónhni.”

Esther 8:15

Mordecai tahaiá꞉kenʼne tsi rén꞉teron ronontí꞉io, ne rotstonhátie ronontí꞉io tsi nihohkweniò꞉ten, oròn꞉ia, karà꞉ken, tánon raoteweiá꞉ra né꞉ne kwáh tkaniaʼtarí꞉io arihwawaʼkonhnéha niwahsohkò꞉ten, tánon é꞉so tsi iohskáhts anòn꞉warore ohwistanó꞉ron. Tsi ká꞉ti iohaténion ne Susa, nón꞉kwe ronatshennón꞉ni tánon tehotihenrehtá꞉ne.

Psalms 68:14

Nó꞉nen ne Roshaststenhserowánen Rawenni꞉io wateshakoréniaʼte ne rontinontí꞉ios ne nón꞉we, thóh naháwenhne kwáh né꞉ne tehioniokwáhtase ne Zalmon.

Ecclesiastes 9:8

Tiotkonhónwe thóh nashiatoténhak nahisatʼtsenhnonhníhake ó꞉ni ahisathonhnárahke.

Isaiah 1:9

Tó꞉ka né Roiá꞉ner roshaststenserowanenkówa iáh thahothontátonke toká꞉ra nihionkwétake iathahonathaténhron, ne Jerusalem kwáh tokénʼen tsi akonwatóntonʼke, tsi kíʼ ní꞉ioht ne Sodom tánon ne Gomorrah tsi niʼiotihiatawénhon.

Isaiah 52:1

Í꞉i tie, I꞉i tie, né í꞉sast ne shashatsʼténsera, Ó Zion! Né saʼtserónhniat ne kwáh sakweʼní꞉ios, Ó Jerusalem, ne ionatatokénti í꞉ken; né iáh tehonwatiwarakwétaron tánon ne iáh teonatʼkwéniens iáh shé꞉kon tahonsaʼiesataweiáten.

Isaiah 59:6

Né raonáʼhares iáh thaʼhonton né꞉ne ahontakwenónhniaʼte; iáh thahatiʼkwéni né꞉ne ahonteróroksʼte tsi nahó꞉ten enhonnónhni. Né raotiʼiothénsera né꞉ne karihwaneraháktshera í꞉ken, tánon ne kahiothénhsera né꞉ne kaiatatón꞉tshera í꞉ken ne ratiʼtsaná꞉kes.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Isaiah 64:6

Iakwahkwé꞉kon thóh nahonkwahiátawen tsi ní꞉ioht nón꞉kak iáh teiakotʼkwéniens, tánon akwé꞉kon nonkwahrihwaʼkwahrihshión꞉tsheras ne kahioténhseras kwáh né꞉ne tehioniaʼtarátshon. Iakwahkwé꞉kon teiakwahthosokwahténies tsi ní꞉ioht né ónerahte, tánon nonkwahrihwaneraháktsheras, kwáh né꞉ne tsi iaóhte, iehionkwahiaténhas.

Leviticus 13:48

tó꞉ka ó꞉ni ne thènen akénhake noʼniatará꞉a tó꞉ka ó꞉ni okénha tó꞉ka ó꞉ni nhó꞉na tó꞉ka ó꞉ni né thènen nhó꞉na ahionhniáthonhke,

Matthew 10:11

Nok ne kakiok nonȣe tkanataien ienseȣatenatorenne, Seȣariȣisak onka iakorihonte naiesateȣeienton, etho oni tsiterontak tsi niiore onsesatenti neh nonȣe.

St. Mark 16:5

Nok nonen siiakonneȣe tsi iokaronte, ȣahonȣaken ranekenteron tsi kaȣeientetakon nahosonȣati renstskȣahere, kenrakenseroskon rostston, nok ȣahonatoronhienten.

Luke 20:35

Nok tanon tsiniiakon enhiakorihontake naonsaiontonnhete oni niahonsaiakonnheke neh nonȣe teȣenniserate iahse tetsiakoniakhe.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

Acts 1:15

Tohkára nónta onakènʼke wahontʼkenʼnísa ne thoʼnethákwens, kakʼnon ne énskat tewenʼniáwe tánon tewásen nihátikwe, tánon ne Tiér wahthátaʼne nahatáti.

2 Thessalonians 1:5

Kwáh akwékon kí꞉ken kariwahnírats ne Rawenni꞉io raohiatoretátshera tsi tkaiéri ó꞉ni ne enkarihónni tesewahténtion ne Raonakeráh꞉sera, tsi kwáh sewahtateweienʼnentáʼon ne akarihónni tsi aisewahronhiáken.

Jude 1:23

saietʼtsiniákenk nakorénsons tsi entsiehʼtsihiathótion notsirókon; tánon nakorénsons ietʼtsítenr nónhne tsi natehonanithonnién꞉ni tsi nihothì꞉terons, nok sewáson ne rahonatʼtserónniat, tsi ne tehiotiónston ne rahotiriwanerahatʼtsera ne tsi nihthonskanékskwe.

Revelation 1:11

watón꞉nions, “Shiá꞉ton thóh kaiaʼtonhserá꞉kon tsi nahó꞉ten waʼsatkáto tánon iaseiateʼniénten ne tsá꞉ta nikanónhsake ionterenhnaientáhkwas, thóh nón꞉we Ephesus, Smyrna, Pergamum, Thyatira, Sardis, Philadelphia, tánon Laodicea.”

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,

Revelation 19:14

Tánon ne konwaterí꞉iose ne karonhiá꞉ke, ne ronatseronhniáton ne waniatarí꞉ios, washokwará꞉ken tánon ioiá꞉nere, rahón꞉ha ronhwásere rotishaténhtse kanaskwará꞉ken.

Revelation 19:8

nakahón꞉ha iontahtá꞉wi ne ne ahiakotseronhniáton ne waʼniatarí꞉io, teiostʼwát꞉te tánon ioiá꞉nere”— ne waʼniá꞉tarí꞉io né꞉ne kéntons tsi raʼtiiotenhserí꞉ios ne roʼtiiatatokéntis.

Revelation 3:18

Ne kíʼ kí꞉ken aorí꞉wa wakoniatenikónron nasetní꞉non nowistanó꞉ron né꞉ne kwáh owistanorontseróskon í꞉ken né꞉ne notsí꞉rake iotohétston ne káti ní꞉se naón꞉ton aisakwasé꞉ne; tánon kará꞉ken waʼkó꞉ses aiesaseronhniá꞉te tánon tó꞉sa awenéston tsi sanhéhonk thí꞉ken ne tó꞉sa ónhka aiesá꞉ken; tánon né꞉ne ratináskwa aiesakaróhkaf ne kíʼ nahón꞉ton nasatkatóhseke.

Revelation 3:5

Tó꞉ka enshateshén꞉ni, ní꞉se kwáh thóh ní꞉iot tsi ensatierónhnike tsi ní꞉iot ne ronónha né꞉ne wakó꞉ses í꞉ken, tánon ní꞉i kwáh iáh thaonsakonhsenhnará꞉ko ne kaiatonhserá꞉kon ne iónhne; tánon ní꞉i kwáh enkeriwaní꞉rate ne sashén꞉na raohén꞉ton ne Rakeʼní꞉ha ó꞉ni raotihén꞉ton ne raoronhiakerononó꞉kons.

Revelation 4:4

Tsi teiokwatá꞉se ne tsi wanitskwaratseró꞉te thóh wanitskwaratseró꞉ton tewáhsen niwanitskwaratsherá꞉kes, tánon ne thóh ratitskó꞉tons tsi wanitskwaratseró꞉tons né꞉ne tewáhsen nihá꞉ti ratirihowá꞉nens ratirehtsá꞉rons, ne ronatseronhniá꞉tons ne kará꞉kens wakó꞉ses, owistanó꞉ron í꞉ken ne raonahnonwaró꞉res.

Revelation 6:11

Ne satiiatáktions taonwénhnon kará꞉ken atewehiá꞉ra tánon wahonwatiró꞉ri rontoríhsen shé꞉kon nikariwéhsa, tsi niió꞉re ienkaʼná꞉ne tsi nihá꞉ti ne rontenroshón꞉as ratinhá꞉tsheras ó꞉ni ronthatekenokónhas ó꞉ni rontenhnhosonhokónhas, ronónha ó꞉ni kwáh iostó꞉re tsi enhonwatinonwarià꞉kon.

Revelation 7:9

Shontóhetste kí꞉ken iakatkáto, tánon wakhé꞉ken kwáh í꞉ken tsi kanenhrowá꞉nen né꞉ne iáh thaón꞉ton nahonwanaséhte, né꞉ne kwáh tsi niateiakahontsá꞉ke, né꞉ne kwáh tsi niateiakotará꞉kes ó꞉ni nonkwehó꞉kons ó꞉ni nakoronkhá꞉tsheras, thóh ronhné꞉te ohén꞉ton tsi wanitskwaratseró꞉te ó꞉ni raohén꞉ton ne teiotinaʼkarontón꞉ha owí꞉ra, teonateweiá꞉here kará꞉ken, ne rathihawáhnion ne ionerá꞉tes onenhrashón꞉as.