Revelation 3:1 - Ohiatonhseratokénti

¹ “Tánon raonhà꞉ke ne Raronhiakeró꞉non thóh nón꞉we nononsatokenhtí꞉ke ne Sardis shiá꞉ton: Ne kíʼ ne raoteriwanhothátshera ne raónha tesakoniarotá꞉ron ne tsá꞉ta niwatonhnhetsherá꞉ke ne ronwahiò꞉tense Ní꞉io tánon raónha rahá꞉we ne tsá꞉ta nikatsistóhkwake: “Wakaterièn꞉tare ne sahioʼténhsera; wakaterièn꞉tare tsi ní꞉iot nashón꞉neke, ók senhé꞉ion.

Revelation 3:1 ပူးပေါင်းရင်းမြစ်များ

Luke 15:24

Aseken kehiken riienha raȣenheionne, onen shotonnhetonhatie, rotiatatonhonne nok onen saraȣe. Nok tahontasaȣen ȣahontonnharen nok ȣahontekhonni.

Luke 15:32

Teiotonȣentsiohonne ki aiontennioten oni aiontonnharen, neh kehiken ehtsekenha raȣenheionne, nok shotonnhetonhatie; rotiatatonhonne, nok onen saraȣe.

John 1:16

Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

John 1:33

Iah ki oni tethiienterine: rahonhaki ne iehakatorion akhenekȣahestana naȣenke raȣen: neh nenstsken enhotienhase ne Rotkon Roiatatokenti neh onsakohnekȣaheste nonikonratokentike.

John 20:22

Nok nonen saharihokten, raonnisera iasakorontate nok ȣahenron; seȣaiena ne Ronikonriioston.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Acts 2:33

Tsi sonwakétskwen neh꞉ne tsi raweienthetákwen nòkwati ne Rawení꞉io, ne Roʼníha, ne Rawení꞉io thó꞉wi ne Rahonikonratokén꞉ti, kwáh tsi nihorahrátston. Tsi nahóten nónwa sewatʼkáthos ó꞉ni sewarónkas nehne rahotathawítsera tsi nisonkwahiatanorónston.

Ephesians 2:1

Tsi nithisènon kwáh tsi shíken ní꞉ioht nahisenhéion tioríwa tsi iáh tesatewenʼnarákwakwe tánon waseriwánerake.

Ephesians 2:5

shé꞉kon kíʼ nonʼné꞉e nó꞉nen karihwanerahaktsherákon nónwe naionkwenhéionke, thonʼtashónʼtion nahtónnhets nó꞉nen sonshahokétsko ne Kerístos ne kenheiátʼne. Kwáh nek khók wahkarihónni tsi Rawenni꞉io thóh nontahanónwehne nahonshahianiákenthe.

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

1 Timothy 5:6

Onk ne ioteréhʼons neh iononwahróri ónenk nèn꞉ne iawenhéion iawerohátsien tsi séhkon nihiónnhe.

Ne꞉ne Sák Rohiaton 2:26

Éhʼtho nèn꞉ne, noierónta tóhka iáh thakaháwake nonikónra kwáh kíʼ iawenhéion, neh nòn꞉ne sáka tóhka iáh teiohiótens ne kahioténseras kwá kíʼ iawenhéion.

1 Tiér 1:11

Ne Rahonikónra ne Kerístos tsi neh ronatsiénni ohénton tontʼróri ne rahoronhiakénsera ne Kerístos tánon ne kahiatanerakwátseras enhiononterátie.

Jude 1:12

Tsi kwáh iáh othé꞉nen tehontéhens tsi rothinikhirenháties kwáh thóh nihatiʼiathóten tsi ní꞉ioht ne kwáh tehiótion aʼiorakwarake tsi skat꞉ne sewatetkwáhere. Kwáh ronnónhak khók rontatéiare. Thóh nihatihiatóten tsi ní꞉ioht ne hiotʼtsatáre tsi iahóte iakáhawe, nok iáh othé꞉nen tekakennoréstha. Thóh nihatihiatóten tsi ní꞉ioht ne iáh othé꞉nen tewahianihiontʼtha ne kehrite, ó꞉ni ne kaneʼnahke꞉ne, né kehrite ne iohtenaharóhtion tá꞉non kwáh iehiokontákwen iawenhéion.

Revelation 1:11

watón꞉nions, “Shiá꞉ton thóh kaiaʼtonhserá꞉kon tsi nahó꞉ten waʼsatkáto tánon iaseiateʼniénten ne tsá꞉ta nikanónhsake ionterenhnaientáhkwas, thóh nón꞉we Ephesus, Smyrna, Pergamum, Thyatira, Sardis, Philadelphia, tánon Laodicea.”

Revelation 1:16

Ne saweiententhákwen ne rahá꞉we tsá꞉ta nikatsistóhkwake, tánon tsi rashakáronte takaiá꞉kenhne ne iohiotí꞉ie, tetsarónhkwen tsi iohiotí꞉ie, tánon ne rakónhsake kwáh né꞉ne karáhkwa teiostwáte kwáh kashatstenhseraná꞉non.

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.

Revelation 2:19

“Wakaterièn꞉tare ne saioʼténhseras—ne sanoronkwáhtiera, tsi thishetákwen, sathatsiothénstha, tánon sanikonkátste. Wakaterièn꞉tare nonáhken tsi saioténhen tsi sénha kaioʼtenhserowá꞉nen tsi ní꞉iot ne shontontié꞉renhte.

Revelation 2:2

“Wakaterièn꞉tare tsi nisahioʼtenhseró꞉tens, tánon satakátstaton niatasotʼten. Wakaterièn꞉tare tsi iáh thasehiathakátsthate ne wahét꞉ken tsi nihontié꞉ra; ní꞉se waseiatenientén tsi niiá꞉kon né꞉ne ionthatenatónhkwa ionteriwanhótha ók iáh kíʼ neh tè꞉ken, tánon wahonwatiiaʼtatshén꞉ri rotinó꞉wenhs.

Revelation 2:9

“Wakaterièn꞉tare tsi ne saronhiakensera ó꞉ni ne sathentétshera, ethosà꞉ne tsi sakwátshe. Wakaterièn꞉tare tsi niieshasenhnatʼsatha tsi niiá꞉kon ne ne iónton ratishitaheró꞉nons tánon iáh kíʼ ronón꞉ha tè꞉ken, ók né꞉ne Ótkon raotióhkwakon.

Revelation 3:15

“Wakaterièn꞉tare ne saioʼténhseras; ní꞉se kakniká꞉ien aiowiostóhake khek naiotarihénhake. Kaská꞉neks né꞉tho ní꞉se kakniká꞉ien akénhake iowísto kheks ioʼtarí꞉hen.

Revelation 3:2

Í꞉tie, tánon sheshatsténhseron tsi nahó꞉ten iothaténron tánon ne skaʼnó꞉ronks iakenhé꞉ie, asé꞉ken iáh tewaketsén꞉ron ne sahioʼténhseras niaiotéshonke raohén꞉ton nakení꞉io.

Revelation 3:8

“Wakaterièn꞉tare ne saioʼténhseras. Satkáto, Wakonién꞉hase sahén꞉ton ne tekanonhóntion, né꞉tho iáh ónhka taiekwé꞉ni ahonsaienhó꞉ton. Wakaterièn꞉tare tsi kenk nishashatsténhsera, tánon kíʼ satienawátston nakewén꞉na ó꞉ni iáh tesatonhní꞉en natsén꞉na.

Revelation 4:5

Thóh nontaiawenonhátie tsi wanitskwahratsérote tewaktsiraríhkons tewaninekarawánions, tánon iowerenhá꞉ties tánon iorakaré꞉ni tsi iowéren, tánon thóh ohén꞉ton tsi wanitskwaratseró꞉te iotékha tsá꞉ta ní꞉kons ne iotón꞉kote wathaserothákwas, né꞉tho né꞉ne tsá꞉ta niwatonhnhatserá꞉ke ronwaiò꞉tenhse ne Ní꞉io;

Revelation 5:6

Ethò꞉ne wakatkáto tsi natewanitskwaratserátereh tánon ne kaié꞉ri ronhnónnhe nikarhió꞉takes ó꞉ni ratiiatattóntie ne ratirehtsá꞉rons ne teiotinaʼkarontónha owí꞉ra í꞉rate tsi shí꞉ken ní꞉iot nahonwanonwarià꞉kon, tsá꞉ta nateonaká꞉ronhte tánon tsá꞉ta natehaká꞉ra, né꞉ne tsá꞉ta niwatonhnhetserá꞉ke ronwaiò꞉tenhse ne Ní꞉io thonwanateniéhton nonhontsakwé꞉kon.