Revelation 22:2 - Ohiatonhseratokénti

² thóh iotohéston asénhnon tsi tekanatokenhátse ne kanatowanénke. Ne skhatisonʼs ne tsikaniataratátse thóh iorón꞉thoʼte natonnhest né꞉ne kahá꞉we tékeni iawénhre niatewahiákes, nahohikshón꞉as sewenhnitatʼtionʼs tsi niwahianihniónktha; tánon nahonerathashón꞉ahs ne tsi ioronhthó꞉te né꞉ne tsakotsiéntha ne ronhnonhontsakeró꞉nons.

Revelation 22:2 ပူးပေါင်းရင်းမြစ်များ

Genesis 2:9

Tho nonhwenhtsá꞉ke ne Rawenni꞉io niaʼtekarón꞉take waharontonniánion nahontaká꞉nio ne kwáh iorontaskatsténion ne nón꞉we naʼkontehiá꞉ron ó꞉ni nahontakáhawe ne kwáh wahí꞉ioʼs ne꞉ne kakkhwa akénhake. Ne kwáh shaʼtekahehtí꞉hen tho iorón꞉tote né꞉ne tiakó꞉wis naiakonhnhekeʼónwe, nó꞉ia karón꞉ta né꞉ne tiakó꞉wis nattokhátshera ne ioiánere tánon ne karihwáksen.

Psalms 147:3

Sesakotsientonhátse ne teiakaweriasaríhon, tánon sakokentorónhnions tsi nihotikarewátons.

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Isaiah 6:10

Shenikonrónhnien kí꞉ken onkweókons ne tahotiʼnikonhrihiókete, tánon tesehiahontákwent, tesekará꞉set, ne káti ne tó꞉sa ahatikwé꞉ni ne tahatiʼkaneráke, tánon nahontahonsatáte, tánon nahonthaʼtenikonraientáten, tánon tahonsahontkaráteni tánon ahonsahonwatítsienhte.”

Jeremiah 17:14

Saiá꞉ner, saskétsient tánon kwáh tohʼkénʼen tsi ensehwaʼkatakarítehke; sastiatháko tánon kwáh tohʼkénʼen tsi ensehwaʼkeniaʼkénʼen. Sonháʼa khók tekonhnonhweráhtons!

Ezekiel 47:1

Ne rónhkwe thóh nionsahakashá꞉rine tsi iehionthawehiatákwa Nononsatokentiʼkówane. Nonèka thóh tionékothe náhkon ne tsi iehionthawehiathákwa tánon tsitʼkarahkwínekens nokwáhti niahawenonhátie, tsi niehiotseráhton Nononsatokentiʼkówa. Thóh tionekénʼen nàkon ne entiéne nokwáhti í꞉ken Nononsatokentiʼkówahne ehʼiotohétston ne entiéne nokwáhti ne ietsienharáhkwa.

Hosea 14:4

Kwáh ensehkhetsénthe tsi níhia tehotirihwató꞉ken; Kwáh iáh othé꞉nen thatakeninerénhke tsi enkhenorónhkwe, asè꞉ken nakenakwáhtshera tetsiotʼton ne rononhà꞉ke.

Zechariah 14:8

Nó꞉nen énwahwe né꞉tho enhní꞉sera, ne kahnekí꞉io Jerusalem nón꞉we nénhtewe, ashén꞉non Dead Sea nienhénwe tánon nó꞉ia ashén꞉non Mediterranean ne nienhénwe. Kwáh oserahkwé꞉kon tsi enhionekótahke, nó꞉nen iokennátʼten ó꞉ni nó꞉nen ionahná꞉wenh.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Luke 4:18

Iakenikȣekon ne Raȣenniio rahonikonra, aseken rakiatanoronston; neh ahoriȣa thakatorion nʼakherionnien ne iakotent, nok aonsakhetsiente niakaȣeriasanonȣaks.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

Revelation 2:7

Ánion nónhkak ne tehionhontakáronhte iontahón꞉satat tsi nahó꞉ten ne Roʼnikonrí꞉ioston ratón꞉nions rononhà꞉ke ne tsi ionterennaientákwas. Ne ne tsi niiá꞉kon nenhiontesénhniete, Í꞉i kwáh enkerí꞉on ne tahiontskà꞉on tsi iorón꞉tote ne atón꞉nhets ne ne thóh nón꞉we tsi rothé꞉taien ne Ní꞉io.

Revelation 21:21

Tánon ne iotenhenrá꞉karonhtons iotenhenrentonnions tekeni neh iawenhre níkons onekó꞉ras, ne sewatenhenrát꞉tions skanekó꞉ratʼtions ió꞉ien, tánon ne tsi tekanatokenserons kwáh owistanhó꞉ronhtseroskons í꞉ken, thóh niió꞉kens tsi niiót notsisera.

Revelation 21:24

Ne ronnón꞉hontsakeró꞉nons kwáh thóh nón꞉we natenhón꞉tekhahakwe nahoswát꞉thetshé꞉rakon, tánon ne rontinontí꞉ios ne tsi ionwenhtsá꞉te enthatihá꞉we ne raotiiá꞉tanerakwahtsheras ne nón꞉we.

Revelation 22:1

Eʼthó꞉ne ne raronhiakeró꞉non wahakenatónhase tsi kaniataratátie nonekanos ne natónnhest í꞉ken, thóh natehiostwá꞉te tsi ní꞉ioht ne teiostahrát꞉te otsishé꞉ra, thóh nontahionehnonhátse raohitskwáhrane ne Ní꞉io tánon ne teonakarontón꞉ha owí꞉ra

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.

Revelation 22:19

Tó꞉ka ón꞉ka éhren enhiehá꞉wite nahowenhnahó꞉kons ne kahiatónhsera ne kén꞉en iekariwákens, Ní꞉io kwáh éhren ensakohawitháse tsi naiakoién꞉take ne tsi iorón꞉tote naʼtón꞉nhets ó꞉ni noná꞉tatokentike, ne tsi niwák꞉ró꞉ris ne kenʼen kahiá꞉tonhsera.