Revelation 2:7 - Ohiatonhseratokénti

⁷ Ánion nónhkak ne tehionhontakáronhte iontahón꞉satat tsi nahó꞉ten ne Roʼnikonrí꞉ioston ratón꞉nions rononhà꞉ke ne tsi ionterennaientákwas. Ne ne tsi niiá꞉kon nenhiontesénhniete, Í꞉i kwáh enkerí꞉on ne tahiontskà꞉on tsi iorón꞉tote ne atón꞉nhets ne ne thóh nón꞉we tsi rothé꞉taien ne Ní꞉io.

Revelation 2:7 ပူးပေါင်းရင်းမြစ်များ

Genesis 2:9

Tho nonhwenhtsá꞉ke ne Rawenni꞉io niaʼtekarón꞉take waharontonniánion nahontaká꞉nio ne kwáh iorontaskatsténion ne nón꞉we naʼkontehiá꞉ron ó꞉ni nahontakáhawe ne kwáh wahí꞉ioʼs ne꞉ne kakkhwa akénhake. Ne kwáh shaʼtekahehtí꞉hen tho iorón꞉tote né꞉ne tiakó꞉wis naiakonhnhekeʼónwe, nó꞉ia karón꞉ta né꞉ne tiakó꞉wis nattokhátshera ne ioiánere tánon ne karihwáksen.

Proverbs 11:30

Tkarihwaié꞉ri tiakó꞉wis natónhnhets, nok ne ateriiohseraʼón꞉we akwé꞉kon ienskáhawe.

Proverbs 13:12

Nó꞉nen ahskanéktshera tewaskwaʼseronhkwen, awé꞉ri ki ó꞉ni enwaʼnikonhró꞉kten, nok nahskanéktshera eʼthó naiá꞉wenʼne thentká꞉raʼne natonhnharáhtshera.

Proverbs 15:4

Kawenní꞉ioʼs tkáhas natónhnhets, nok ne iotewennatská꞉rat nek nen né꞉ʼe naiakoʼnikonhrakaré꞉wahte.

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Ezekiel 28:13

Eden nónhwe nishiʼtherónhtahkwe, né꞉ne Rawenni꞉io rahohéthakon, né sátsthaʼkwe ne niaʼtekonhtʼthihánion ne kawisthanoronhtserí꞉ios: ne kwáh tetioshokwáhkaras onekwénhtarah nikanenhiótens tánon ne ionenhiákent ionenhianíron; tehiotʼtsinekwáhronhte nóhonte ónenhia, tehioterónhionhton nóhonte, ioteherahrónhnion onénhia tánon ne athéhsa nikanenhiò꞉ten; tehioterónhionthe onénhia, tehioshó꞉kwatʼthe nóhonte nikanenhiothe tánon ne ariwahkonhnhéha nikanenhiò꞉the. Shaiénthakwe ne kawistanoronhtserí꞉ios owistanóronhs. Í꞉se ieshasenhénhni; né꞉ne tewenhnisehráhtekwe saheshahiatónhni.

Ezekiel 31:8

Iáh nonenhthakwénte ne Rawenni꞉io rahohéthakon tahónton ne tahonthahiontenienténste. Iáh nonhetó꞉ia karónta nonhwénton et tehiotenenhráhkathe, Tánon iáh ne thiʼkáien ne karónhta eh náhonske. Iáh nó꞉ia karónta ne Rawenni꞉io rahohéthakon et tehioronhtaneráhkwat.

Matthew 11:15

Ionronk ne tenhionhontakarontake.

Matthew 13:43

Ethone onen ne tiakoriȣaieriton tenhionteronronten tsi niiot ne Karakȣa, raonakeraserakon ne Konȣaniha, onka tehahontakarontakȣen naharonkate, raronk.

Matthew 13:9

Onka tehaontakarontakȣen naharonkate, raronk.

St. Mark 4:9

Ionronk ȣahenron: nonka teionhontakarontakȣen naionronkate.

St. Mark 7:15

Tsinikon rennekȣanons ne ronkȣe iah othenon takakȣeni nahoiataksate ne ronkȣe; neh tanon tsinikon tkaiakens ne raonhake neh tohiken roiataksata ne ronkȣe.

St. Mark 7:16

Onka tenhionhontakarontakȣen naionronke, ionronk.

Luke 23:43

Iesos tontahoȣennaȣeron ȣahenron: oriȣiio akȣa oriȣiio tsi ȣakonrori tsi onȣa kenh ȣenniserate entenikȣekhene karonhiakon.

Luke 8:8

Nok otiake tsinonȣe niionȣentsiio iakakerontane, ȣakonteiaron nok ontonnisa otiake enskat teȣenniaȣe ȣatkananeta tsi onteiaron-ȣathohenrete tsi iaharihokten, ȣahenron: Ionronk ne teionhontakarontakȣen naionronkate.

John 16:33

Aseken iakenikȣekon ne Rakeniha.

1 Corinthians 2:10

Nók Í꞉i onkwahriwáhke ne Rawenni꞉io wahrotáshon ne raówenhk kariwahséton raohénton ne Ronikonratokénti. Ne Ronikonratokénti kwáh oriwahkwékon tsi rariwísaks, iekaríhare ne kwáh kanonkwáhke tsi ní꞉ioht tsi rohriwahshé꞉ton ne Rawenni꞉io.

2 Corinthians 12:4

Nok kiʼ tsi rotharatá꞉ton tánon karonhià꞉ke niahá꞉re. Tánon tho nón꞉we niaʼteiorì꞉wake iahothón꞉teʼne, neh꞉ne sótsi iorihwanehrakwahténion ne aiehtharáhkwe.

1 Sawátis 2:13

Ne aoriwa iakwahiatonse i꞉se ne kaniseras, ne tsi ehtsisewaienteri tsi nikáien ne rónnhekwe tsi tiotásawe. Iakwahiátonse í꞉se ne kén nithisewahiónsas, ne tioríwa tsi tsisewasénnion ne ranikonráksen.

Revelation 13:9

Ánion nón꞉ka teionhontakáronhte iontahón꞉satat:

Revelation 14:13

Tánon wakewenhná꞉ronhke thóh nontá꞉we karonhiá꞉ke watón꞉nions, “Shiá꞉ton kí꞉ken: Iakotáskats ne iakawenhé꞉ion ronón꞉ha kén꞉en ienwatáhsawen ronenhé꞉ion raonhà꞉ke ne Roiá꞉ner.” “Hen,” rá꞉ton ne Ronikonrí꞉ioston, “kwáh enhontoríhsen tsi nihonathatonhnakenà꞉on, Asè꞉ken tsi nihatiweienhó꞉ten enhotinonhtérane.”

Revelation 15:2

Tánon tsi nakatkáto tsi nahó꞉ten onhtotá꞉si kwáh né꞉ne kaniatarakeʼkó꞉wa otsishé꞉ra í꞉ken tekaiéston ótsire, tánon tsi niiá꞉kon ne ronwashén꞉nion ne katsinoniowá꞉nen tánon ne raoiatonhnishón꞉as tánon tsi niiothiáton ne raoshén꞉na, thóh rónhnete kaniatarák꞉ta ne kaniatarakeʼkó꞉wa ne otsí꞉sera í꞉ken ne ratihawáhions ne raonhowakó꞉wa ne karenshotaróʼkhons ne Ní꞉io.

Revelation 2:11

Ánion nónhka ne tehahontaká꞉ronhte ratahónshatat tsi nahó꞉ten ne Ronikonratokénhti sakoró꞉ris ne tsi ionterenhnaientákwas. Ónhka akénhake nahateshénhni kwáh kíʼ iáh tahokarónhniate ne tekéni há꞉ton kenhéiat.

Revelation 2:17

Ánion ne nónhka teionhontakáronhte iontahón꞉satat tsi nahó꞉ten ne Ronikonratokénhti ratónhnions ne tsi ionterenhnaientákwas. Ne nónhka ne rotesénhnion kwáh í꞉i enthí꞉ion ostón꞉ha ne washé꞉ton kanà꞉taro, tánon í꞉i kwáh enthí꞉ion ne kanenhiaráken, tánon thóh ne kanenhiará꞉kenʼne tsi kahiá꞉ton kaʼsénhnase ne né꞉tho iáh ónhka teiakoterénhtare ne khók rahonhatsí꞉wa tsi niká꞉ien nenhaié꞉na.

Revelation 21:7

Tsi niiá꞉kon nenhiontesénhni eniehié꞉na kíʼ naorihoʼténsons, tánon í꞉ih ne raoti Ní꞉io enkénhake tánon ronón꞉ha keienhokónha enhón꞉ton.

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.

Revelation 22:17

Ne Roʼnikonrí꞉ioston tánon ne ioniát꞉ke iá꞉ton, “Káts.” Tánon ahnion onkwé꞉takweʼkon nón꞉ka enhiakó꞉tonhtene ieron, “Káts.” Tánon ahnion ón꞉ka ne iakó꞉niatatʼtens káts. Ahnion ón꞉ka ne ionská꞉neks nahieiena noneká꞉nos ne ionnheón꞉we tsi enhionthá꞉ton.

Revelation 22:2

thóh iotohéston asénhnon tsi tekanatokenhátse ne kanatowanénke. Ne skhatisonʼs ne tsikaniataratátse thóh iorón꞉thoʼte natonnhest né꞉ne kahá꞉we tékeni iawénhre niatewahiákes, nahohikshón꞉as sewenhnitatʼtionʼs tsi niwahianihniónktha; tánon nahonerathashón꞉ahs ne tsi ioronhthó꞉te né꞉ne tsakotsiéntha ne ronhnonhontsakeró꞉nons.