Revelation 17:7 - Ohiatonhseratokénti

⁷ Ók ne raronhiakeró꞉non wahakénhase, “Nontié꞉ren tsi nisariwanerakó꞉on? Í꞉i kwáh enkonró꞉ri ne kariwashé꞉ton naorihwà꞉ke ne iónkwe, tánon ne katsinoniowá꞉nen ne tsá꞉ta niʼonhnontsístonte tánon noié꞉ri nateonakarón꞉te né꞉tho raiatenhá꞉wis.

Revelation 17:7 ပူးပေါင်းရင်းမြစ်များ

2 Thessalonians 2:7

Ne tehiotierónnion ne karihwahneraháktshera ónenk iohiotáties, nók tsi nieniáwenhne iáh ónenk thóh tahiáwenhne tsi nió꞉re tsi nikáien ne thóh ienawáhkon ahʼhéren enhonwahiatenháwithe.

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 12:3

Ethò꞉ne ó꞉ia áre ioriwanerákwat sontotá꞉si ne karonhiá꞉ke: rakowá꞉nen teotenhokwentáronhte rononwarontsétha, tsá꞉ta nionontsístonte tánon oié꞉ri naʼteonakáronte, tánon tsá꞉ta naʼteotenonwará꞉nen ne ranontsí꞉ne.

Revelation 17:8

Ne katsinoniowá꞉nen ne wátsken né꞉ne rónhnekwe, iáh kíʼ ó꞉nen tesrón꞉nhe, tánon ó꞉nen thó꞉wa ahontaharákten tsi nón꞉we ne iáh tetkanón꞉kware iosonwakáronhte tánon thóh nón꞉we nienhénre nahahiatá꞉ton. Ó꞉ni ne ratinákeres ne tsi ionwenhtsá꞉te, né꞉ne ronón꞉ha ne iáh tehatisénhnare ne kaiatonhserá꞉kon ne iónhne ne sonnitskwáren ne tsi ionwenhsá꞉te, kwáh enhotiriwanerá꞉ko nó꞉nen enhón꞉waken ne katsinoniowá꞉nen, tiorì꞉wa tsi nirónhnhekwe tánon iáh ó꞉nen tesrónnhe tánon kíʼ shé꞉kon ensewathó꞉tasi.

Revelation 18:1

Shontóhetste kí꞉ken sahí꞉ken ó꞉ia raronhiakeró꞉non tahosnentonhá꞉tie karonhiá꞉ke, kwáh í꞉ken tsi rokweniatserowá꞉nen; tánon ne tsi ionwenhtsá꞉te ne watsoswatéten tsi nihohiatanerákwat.