Revelation 17:4 - Ohiatonhseratokénti

⁴ Ne iónkwe ne iotseronhiá꞉ton arihwaʼkonhné꞉ha tánon onekwénhtara niwashokó꞉tens, tánon ne iorasestánion ne owistanó꞉ron tánon owistanoronshón꞉as tánon onekó꞉ras, ne kahá꞉we ne watsá꞉nake ne owistanó꞉ron teiontʼnekontáhkwa titká꞉here ne kariwástons ó꞉ni ne teiótions né꞉ne ahón꞉ha ahó꞉wenk kentétsera:

Revelation 17:4 ပူးပေါင်းရင်းမြစ်များ

1 Kings 14:24

Sén꞉ha kíʼ iesewahétʼken, né꞉ne ronhnón꞉kwe ó꞉ni konhnón꞉kwes né ronaterihwaʼthenhtsáton ne ierihwahiathátons tsi nón꞉we nihionhterenhnaienthákwas. Nonhkweshón꞉as ne Judah nónhwe akwékon né thóh nihatiʼiéraʼkwe ne ioterihwathehasónhas né nonhkwesón꞉has tsi nikáien ne Roiá꞉ner theshakohiatinekénʼen ne tsi ionhwénhtsaien né nohénton Nisraerʼró꞉nons sahón꞉newe tsi kanakeraseráien.

2 Kings 21:2

Né waʼhá꞉sere ne ioterihwaʼtéhas tsi niontséras ne onkweʼshón꞉as tsi nikáien ne Roiá꞉ner tesahkoiatinekénʼen ne tsi iohontsáien tsi niaʼhónhne ne raonkwetaʼshón꞉as, ne Manasseh wahaʼrihwánerake tsi nòkwah ne Roiá꞉ner.

Ezra 9:11

né teskwahwí꞉hon rononhà꞉ke ne shonkweʼthashón꞉as, ne rotitokénhse. Wahonkhiró꞉ri né꞉tho tiohontsá꞉ien ne ienhiakwahtienawásthe tsi iáh tehiotkwé꞉niens tiorì꞉wa nonhkweshón꞉as ne thóh ratinákereʼkwe tehiahontsihiá꞉kon tsi ne rotinahnóntston ne ioterihwatehashón꞉as, tehioweienátsons.

Isaiah 66:3

Ónhka akénhake nahononwarhiá꞉kon né tionhnónskwahron teonákares tsi ní꞉ioht náh né nón꞉kak wahonthatenonwarhiá꞉kon ónkwe; ónhka akénhake nahionteskónthen né teiotiʼnakaronhtónha owí꞉ra, tsi ní꞉ioht náh nónkak watonwaniá꞉rhiake éʼrhar; ónhka akénhake nahontahiéhaʼwe onátsa ahontahiéiesʼte, kwáh né꞉ne ónhkak tahiéiesʼte kwésʼkwés onekwénhsa; ónhka akénhake né arónhniaʼte né iontatehiarastákwah tsi ahontahá꞉ieste né kanetanó꞉ron, akwáh thóh ní꞉ioht né nónkak kaiatónhni akonwaiataʼtérisʼte. Né kí꞉ken né akahónha iakotaterakwénhni tsi nihieweienhnó꞉tens, tánon thóh raonatehenserákon ronatonhnáhere;

Jeremiah 51:7

Ne Babylon thóh nikahiató꞉tenhne tsi ní꞉ioht ne owistanóron kátʼtse ne Roiá꞉ner rahtshanáhke ráhaweh, nètho kátshe ne꞉ne róhson nohontsakwéhkon ahatinekírahthe tánon ienhothinahkónhniaʼthe.

Lamentations 1:9

Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

Ezekiel 20:30

Ónen ietʼtsiró꞉ri ne Israerʼró꞉nons tsi nahó꞉ten katónhnions: Nonhtiéren tsi né kwáh ethohʼní꞉ioht tsi ahisehwariwáhnerahke tsi nihotiʼiéren ne ietʼtsisotʼthonkonhkénʼen tánon ne wahitsísehre ne raothihiatónhnis?

Ezekiel 24:11

Ónen notsínekwar karísthatsi onhàk nonahtsiókonk iésken oswenhtháke ísren tánon seríhon ne kwáh onekwénhtara naiáwenhne tsi nahiotaríhen. Ethòne nontàk kwáh shé꞉kon tsi nitiorenhnáhonʼne enskanatsíhioʼne nónenh ne oskénrah enwahtsahathónhake,

Ezekiel 24:13

Jerusalem, tsi natehiótsion tsi niseweienʼnhótens ne teshahiathatsiónton. Ethosáne wahkatheniénten ne ahonsakonhionʼnahserónhni, iaskónhtakwe wateshathatsathátsionte. Iáh shé꞉kon tahonshasatsiató꞉hare tsi nióre iensátʼtoke ne kwáh kashastsʼtenserahnáhnon nakenahkwáhtshera.

Ezekiel 28:13

Eden nónhwe nishiʼtherónhtahkwe, né꞉ne Rawenni꞉io rahohéthakon, né sátsthaʼkwe ne niaʼtekonhtʼthihánion ne kawisthanoronhtserí꞉ios: ne kwáh tetioshokwáhkaras onekwénhtarah nikanenhiótens tánon ne ionenhiákent ionenhianíron; tehiotʼtsinekwáhronhte nóhonte ónenhia, tehioterónhionhton nóhonte, ioteherahrónhnion onénhia tánon ne athéhsa nikanenhiò꞉ten; tehioterónhionthe onénhia, tehioshó꞉kwatʼthe nóhonte nikanenhiothe tánon ne ariwahkonhnhéha nikanenhiò꞉the. Shaiénthakwe ne kawistanoronhtserí꞉ios owistanóronhs. Í꞉se ieshasenhénhni; né꞉ne tewenhnisehráhtekwe saheshahiatónhni.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Daniel 11:38

Ne aonaktá꞉ke, ne enhokwénienhste ne thikaniiohtsherá꞉te ne thánnhehs ne notsténra tekanatannhákton. Ohwistanó꞉ron, kahwistarà꞉ken, niaʼtekahwistanoronʼtsherá꞉ke, tánon oiá꞉shon nihiohtánion ne kakweniáhtshera enhótatshe ne thikaniiohtsherá꞉te í꞉ken né ne shakohsothokonkénhen iáh nonwén꞉ton tetkonwahsénnaien.

Hosea 9:10

Kwáh tsi ní꞉ioht ne karakónha onénhare, thóh ní꞉ioht tiatatʼtsénhron Nisrael. Tsi ní꞉ioht ne tontiérenhte onhiári ne tionhnionwarontonhakó꞉wa, ne tontiérenhte ionhianihiónten, khéken ne sesothonkonhkén꞉en. Baal-peor nón꞉we niahónhne, tánon ne wahonterenhnaiéntakwe tsi nahò꞉ten ne atehénsera í꞉ken, tánon thóh ní꞉ioht tsi wathontatsatatiónste kwáh tsi ní꞉ioht tsi nahò꞉ten ratinón꞉wes.

Deuteronomy 29:17

Wesewatkató꞉serons ne ioteriwatehashón꞉as rahotihiatonhniʼshón꞉as né꞉ne ó꞉iente ó꞉ni onén꞉ia ionhniátons, kawistará꞉kens, tánon nowistanoronhshón꞉as.

Revelation 14:8

Eʼthò꞉ne ó꞉ia raroniakeró꞉non, né꞉ne tekenihá꞉ton raroniakeró꞉non, wahononterátse ne thotierénhton, ratón꞉nions, “Tehiohiosheniénhen, tehiohiosheniénhen se ne Babylon ne konwakowá꞉nen! Ahón꞉ha iakahonhnién꞉ni ratikwé꞉kon ne ronhnonhontsakeró꞉nons ratinekí꞉ra notsí꞉tsa ne tsi natehioterhiatitkónskon naón꞉ha tsi nihionhí꞉kon.”

Revelation 18:12

natkeronhtá꞉tsheras ne owistanó꞉rons, kawistará꞉kens, owistanoronhshón꞉as, ne wahniatarí꞉ios, ariwakonhnéha, káneks tánon nonekwentá꞉ras, tekontʼtihánion ne kaientakénre, niatekonshón꞉as ne oná꞉kares, niatekonshón꞉ahs ne kaientanó꞉rons, owá꞉sas, karístatsi, tánon ne teionenhiastarát꞉tes

Revelation 18:16

“Iotenhtáhsere, iotenhtáhsere, ne kanatowanénhke, ne iotserón꞉niaton ne kaniatarí꞉ios, ne ne ariwaʼkonhnéha tánon onekwénhtara niwashokó꞉tens, ne iorasestáhkwen nowistanó꞉ron, owistanoronhshón꞉as, ó꞉ni nonekó꞉ras!

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”

Revelation 21:21

Tánon ne iotenhenrá꞉karonhtons iotenhenrentonnions tekeni neh iawenhre níkons onekó꞉ras, ne sewatenhenrát꞉tions skanekó꞉ratʼtions ió꞉ien, tánon ne tsi tekanatokenserons kwáh owistanhó꞉ronhtseroskons í꞉ken, thóh niió꞉kens tsi niiót notsisera.

Revelation 9:21

Tánon iáh teshonatatrewá꞉ton tsi nisakonaséhtons khéks ne raonatenhenhnaráhtsheras khéks tsi nihonahtenakwaiehsá꞉tons khéks tsi nihotinénskwen.