Revelation 17:3 - Ohiatonhseratokénti

³ Káti iahatiaténhawe thóh atonhnhetsherá꞉kon tsi tewahtonhontsá꞉ien ne iahonwenhtsiatʼtenhá꞉ke, tánon wákʼken iónkwe thóh kenskwá꞉here nonekwénhtara nihaʼsó꞉koten katsinonhiowá꞉nen né꞉ne kwáh titkasenhnáhere ne kariwaieshá꞉tsheras, tánon tsá꞉ta nihonontsístonhte tánon oié꞉ri natehonakà꞉ronhte.

Revelation 17:3 ပူးပေါင်းရင်းမြစ်များ

1 Kings 18:12

Onh né nenhiáwenhne tó꞉ka ne Raonikónra ne Rawenni꞉io kák nónhwe ákthe nónhwe niahiaiathénhawe kwáh tsi niʼiosthóre é꞉ren énhkethe ne kénʼen? Ethòne, nónen enhiʼró꞉rihke ne Ahab tsi kénʼen í꞉h꞉ses tánon iáh thahakwéni nahiaoiatatʼtsénhri, kwáh kíʼ enhakenonhwarhiákon. Sehiárak tsi kwáh wakerihwató꞉ken tsi niʼihsénhnaiens ne Roiá꞉ner né꞉ne kwáh shiʼkekʼsáha kènhʼne.

2 Kings 2:16

tánon wahonhníron, “Wísk-niwahsenh nihiátion kénʼen iákwens, iakwahkwekon iakwashástsʼte. Thaʼkwahríhon nasakwahiatisákha ne thitsateró꞉hon. Thokáʼnon ne raoʼshaststénsera ne Roiá꞉ner iohohiathénha tánon thóh nónh꞉we iehotʼkháwen tsi ionónhte khés ne ahonrákwahkon.” “Iáh, iatehiówenhk niahí꞉sewe,” né Elisha watharihwaseráko.

Song of Songs 8:5

Ónka nènhne nètho tsi nonhtahawenonhátse ne iahonwentsathénhake, thóh iakotsaʼtanenhtákon rahonháke ne ronwanorónhkwa? Thóh karonhtókon ne sehiahiówaʼne tsi wakónhiete. Éhʼtho nónhwe ne sanisténha iakoronhiákenhwe nesariwáhke: thóh nónhwe nakahón꞉a niʼiesanakerátston tsi iakoronhiákenʼkwe.

Ezekiel 11:24

Tánon tsi wakatashataráhni ne Raonikonhratokénti ne Ní꞉io hontiatakaráhthaʼte tánon ionhsahatsaténhawe tsi thónnes ne ronhwanahnakerahkwáhton ne Babyloniaró꞉nons. Ethòne ne wakatashataráhni kwáh skenénha éhren sáhwete,

Ezekiel 3:12

Ethòne ne Rawenni꞉io rahoshaststénsehra wahtewahtiáthakwe, tánon onhkatʼthóntene kawenhnowáhnen tsi wahkénronh, “Ronhwahsénnaien ne rohiataneráhkwat ne Roiá꞉ner éneken ne karonhiáke!”

Ezekiel 8:3

Thontahanenhtsháthaʼte tsi shí꞉ken ní꞉ioht notshána akénhake tánon akenonhkwiseráke iahaiéna. Ethòne kí꞉ken tsi onhkatashá꞉tarahse Rawenni꞉io raoshastsʼténsera onhtiatakaráhthate kwáh éneken tsi ioweráhre tánon Jerusalem niahatsaténhawe. Thóh nónhwe niahatsaténhawe ne꞉ne atenʼénrakon nónhwe ne tsi iehiontawehiathákwah ne othoréke nòkwah ne iotenhenrahkáronte ne Ononhsatokentiʼkówa, éhʼtho nónhwe nikahiatonhniseró꞉te né꞉ne ronahkonhniátha ne Rawenni꞉io.

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 7:20

Tánon waʼtewakatonhontsóhse naʼonkaterién꞉taraʼne oh nontié꞉ren tsi oié꞉ri naʼtehoná꞉karonte ne ranontsì꞉ne, tánon shé꞉kon ó꞉ia saiokétohte ó꞉ni wakakwé꞉ni ne áhsen nikanaʼkará꞉ke tón꞉senʼne. Kwáh tekakahratárion ó꞉ni kahshaká꞉ronte ó꞉ni kwáh kaná꞉ie tsi naʼteiotaterénhsaron. Sénha né iotteronʼón꞉we tsi ní꞉ioht notiaʼkéshon.

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Daniel 7:8

Tsi náhe tekkà꞉nere ne onaʼkareʼshón꞉ʼa, waʼkatkátho kenʼnikanaʼkarásaʼ taiotikétohte aktóntie ne otiaʼkéshon tsi teiotinà꞉karonte. Áhsen nikanaʼkará꞉ke wahrotsi né ne kanaʼkarowá꞉nens. Énska ne kaná꞉kare tekakahratárion tsi ní꞉ioht ne ón꞉kwe ó꞉ni kahshaká꞉ronte kwáh í꞉ken tsi kaná꞉ie tsi naʼteiotaterénhsharon.

Matthew 27:28

Nonen sahonȣaseronniasi ne raotseronniat, kane tarhon sahonȣaseronniate!

Acts 8:39

Nónen ne sonsahiateskóh꞉ko, ne Rahonikonratokéntitsera ne Roiá꞉ner ahéren sahohiatenháwiʼte ne Philip. Ne rasennowánen iáh nonwénton tesʼshóken, nók sahatʼthaʼítha, kwáh íken tsi rotʼtsenʼnón꞉ni.

2 Thessalonians 2:4

Kwáh enshakohiotátʼtse tsi nahiotónhake tsi ronwahʼsénnnaiens ne ní꞉io ronwahtinathónkwah tánon rahónha éneken enhatatónni. Kwáh ó꞉ni ienhatáwehiate tánon thóh ienhátien ne Rawenni꞉io raononsatokentíke tánon enhatʼróri rahónha ne Ní꞉io.

Revelation 1:10

Í꞉i akatonhnatserá꞉kon kénhne thóh rawenhniserá꞉kon ne Roiá꞉ner, tánon onkatón꞉teʼne thók shón꞉ne ne ne iowenhnakaré꞉ni kwáh ne ne iehonrawátstha

Revelation 12:14

Ók ne iónkwe ne tkonwá꞉wi tekanerahontsá꞉ke nakwekskó꞉wa raonerá꞉ontsa, ne káti nahón꞉ton taká꞉ten é꞉ren awé꞉te aonhá꞉ke noʼniáre ahonwenhtsaténhake niakátie, thóh nón꞉we tsionát꞉te ne takonwasniéne nikariʼwésa, né꞉ne áhsen niʼioseráke nikarì꞉wes.

Revelation 12:3

Ethò꞉ne ó꞉ia áre ioriwanerákwat sontotá꞉si ne karonhiá꞉ke: rakowá꞉nen teotenhokwentáronhte rononwarontsétha, tsá꞉ta nionontsístonte tánon oié꞉ri naʼteonakáronte, tánon tsá꞉ta naʼteotenonwará꞉nen ne ranontsí꞉ne.

Revelation 12:6

tánon ne iónkwe onté꞉ko thóh niahá꞉he iahonwenhtsiaténhake, thóh nón꞉we nihanaktaseronhnién꞉ni ne Ní꞉io, káti thóh nón꞉we enwá꞉ton takonwasniéne né꞉ne énska teweniaweheʼtsheráhsen tékeni tewenhniáwe iáh-iak niwenhniserá꞉ke.

Revelation 17:18

Ne iónkwe ní꞉se wásken né꞉ne kashenhnowá꞉nen kanatowanénhke né꞉tho tsiakoniarotá꞉ron ne rontinontí꞉ios tsi ionwenhtsá꞉te.”

Revelation 17:4

Ne iónkwe ne iotseronhiá꞉ton arihwaʼkonhné꞉ha tánon onekwénhtara niwashokó꞉tens, tánon ne iorasestánion ne owistanó꞉ron tánon owistanoronshón꞉as tánon onekó꞉ras, ne kahá꞉we ne watsá꞉nake ne owistanó꞉ron teiontʼnekontáhkwa titká꞉here ne kariwástons ó꞉ni ne teiótions né꞉ne ahón꞉ha ahó꞉wenk kentétsera:

Revelation 18:12

natkeronhtá꞉tsheras ne owistanó꞉rons, kawistará꞉kens, owistanoronhshón꞉as, ne wahniatarí꞉ios, ariwakonhnéha, káneks tánon nonekwentá꞉ras, tekontʼtihánion ne kaientakénre, niatekonshón꞉as ne oná꞉kares, niatekonshón꞉ahs ne kaientanó꞉rons, owá꞉sas, karístatsi, tánon ne teionenhiastarát꞉tes

Revelation 18:16

“Iotenhtáhsere, iotenhtáhsere, ne kanatowanénhke, ne iotserón꞉niaton ne kaniatarí꞉ios, ne ne ariwaʼkonhnéha tánon onekwénhtara niwashokó꞉tens, ne iorasestáhkwen nowistanó꞉ron, owistanoronhshón꞉as, ó꞉ni nonekó꞉ras!

Revelation 21:10

Tánon Ní꞉io raoashatsténhsera iahontiatenhá꞉we thóh nón꞉we tsi teiotenonhianì꞉ton, tsotenontá꞉te tánon wakatkáto ne ioiatatokénti Jerusalem taiotsnentonhá꞉tse karonhiá꞉ke thóh nontá꞉we Niió꞉ne.

Revelation 4:2

Kwáh oksaók tsi ní꞉iot tonkasátenhne, tánon thóh karonhiá꞉ke wanitskwaratsérote, saiá꞉ta thóh renskwá꞉here nanitskwárane!