Revelation 17:2 - Ohiatonhseratokénti

² ahón꞉hake ne rontinón꞉tí꞉ios tsi ionwenhtsá꞉te wahón꞉teriwatentsate ne kentetsera í꞉ken, tánon ne ne otsítsa wahá꞉konekanontaon ne ronhnón꞉hontsakeró꞉nons tsi nahó꞉tinonwará꞉tonhseron.”

Revelation 17:2 ပူးပေါင်းရင်းမြစ်များ

Jeremiah 51:7

Ne Babylon thóh nikahiató꞉tenhne tsi ní꞉ioht ne owistanóron kátʼtse ne Roiá꞉ner rahtshanáhke ráhaweh, nètho kátshe ne꞉ne róhson nohontsakwéhkon ahatinekírahthe tánon ienhothinahkónhniaʼthe.

Nahum 3:4

Tiorì꞉wa tsi iáh tewaʼséhton tsi tsatehiorahtiéton ne tsiothakwahkaréni nakahiató꞉ten, tehiorenhkénhniat tánon titʼkáhere ne tewatkónston ne iakorió꞉tha, iakonikonrathénhnis nonkweshón꞉has ne tsi tsatehiorahtiéton, tánon tehiakorenhkénhnies nonkweshón꞉has ne tsi niwatenhénhnaras,

John 2:10

Nok ȣahenron: Neh ens niare taiontierente ȣahenekira ne kanekiio; nok akȣa skenenha entkaiothiiate nonen eso iakohnekiren; nok nise sekon neh nisateȣeienton ne kanekiio.

Revelation 14:8

Eʼthò꞉ne ó꞉ia raroniakeró꞉non, né꞉ne tekenihá꞉ton raroniakeró꞉non, wahononterátse ne thotierénhton, ratón꞉nions, “Tehiohiosheniénhen, tehiohiosheniénhen se ne Babylon ne konwakowá꞉nen! Ahón꞉ha iakahonhnién꞉ni ratikwé꞉kon ne ronhnonhontsakeró꞉nons ratinekí꞉ra notsí꞉tsa ne tsi natehioterhiatitkónskon naón꞉ha tsi nihionhí꞉kon.”

Revelation 17:13

Ne kí꞉ken ne iateonatenikonraiéston tsi wahontiakwaríhsi ne raotishatsténhsera tánon ne raotikweniá꞉tsheras raonhá꞉ke ne katsinonhiowá꞉nen;

Revelation 17:17

Asè꞉ken Ní꞉io iateoriwaientáse ne rawerhiá꞉ne ne thóh nakaiéren tsi nihotenikonrónhni tsi roriwanonwéhon nahontasaká꞉wen ne raotinontiió꞉tsera raonhà꞉ke ne katsinonhiowá꞉nen, tsi niió꞉re ne raowenhnaó꞉kons ne Ní꞉io kwáh iewatésha.

Revelation 17:5

tánon thóh kakenkwahrá꞉ke kahiá꞉ton kashén꞉na, kariwaséhton: “Babylon ne kasenhnowá꞉nen, ne konwaʼnisténha ne konthokótha tánon ne tsi ionwenhtsá꞉tes ne teiótions.”

Revelation 17:8

Ne katsinoniowá꞉nen ne wátsken né꞉ne rónhnekwe, iáh kíʼ ó꞉nen tesrón꞉nhe, tánon ó꞉nen thó꞉wa ahontaharákten tsi nón꞉we ne iáh tetkanón꞉kware iosonwakáronhte tánon thóh nón꞉we nienhénre nahahiatá꞉ton. Ó꞉ni ne ratinákeres ne tsi ionwenhtsá꞉te, né꞉ne ronón꞉ha ne iáh tehatisénhnare ne kaiatonhserá꞉kon ne iónhne ne sonnitskwáren ne tsi ionwenhsá꞉te, kwáh enhotiriwanerá꞉ko nó꞉nen enhón꞉waken ne katsinoniowá꞉nen, tiorì꞉wa tsi nirónhnhekwe tánon iáh ó꞉nen tesrónnhe tánon kíʼ shé꞉kon ensewathó꞉tasi.

Revelation 18:23

tánon ne wathasheranihiontháhkwa kwáh iáh shé꞉kon thatahonsakaswát꞉tete ne satená꞉take tánon ne raotiwenhnaókons ne rotiiákhons ó꞉ni ne iotiniátkhons kwáh iáh shé꞉kon tahonsaonwatiwenhná꞉ronke ne satená꞉take asè꞉ken ne shonkweʼtashón꞉as ne rontkérons ronón꞉ha ne ratisennhowanénskwe ne tsi ionwenhtsá꞉te, tánon ratikwé꞉kon ne ronhnonwenhtsakeró꞉nons né꞉ne satenhennarátseras iakonikonraténhniskwe.

Revelation 18:3

Asè꞉ken ratikwé꞉kon ne ronnonhontsakeró꞉nons rotinonwaratónhon ne rotinekí꞉ren naoné꞉ka otsí꞉tsa né꞉ne aterhiatitkhóntshera nahó꞉wenk kentétshera, tánon ne roʼtinontí꞉ios ne tsi ionwenhtsá꞉te ne wahonteriwathentsiá꞉te kentétshera skátne naón꞉ha, tánon ne ronatenhninonseró꞉tons ne tsi ionwenhtsá꞉te kwáh í꞉ken tsi waotikwahtshéne thóh nontá꞉we ahoshatstenhserá꞉kon naó꞉wenk iorá꞉ses.”

Revelation 18:9

Tánon ne rotinontí꞉ios ne tsi ionwentsá꞉te, ronón꞉ha ne teonatnérenh ne kentéhsera tánon kwáh í꞉ken tsi iókwats tsi thóh rononhetiè꞉ne skátne naón꞉ha, kwáh kíʼ tenhonséntʼto tánon tenkonwasentʼtose nó꞉nen enhontkáto noièn꞉kwahra ne konwatsataʼtsahathákwen;

Revelation 2:22

Thasatenhnikònhraren, thenkenatoién꞉te, tánon tsi nihiá꞉kon ne skátne ronatenakwaiesá꞉ton naónha ienkheiatié꞉ten ne kowá꞉nen tahonhnikòn꞉raren, ne khók tó꞉kaken enshewatatré꞉wate tsi nikaweienhnó꞉tens;

Revelation 3:10

Tiorì꞉wa ní꞉se tsi satienawátston nakewén꞉na ne ioʼnikonhkátste tekawishátste, Ní꞉i kwáh enkonhnónsthate nó꞉nen enwá꞉we ne tsi nikawistá꞉hets né꞉tho taionhnikón꞉raren tsi nontaiawenonhátie ohontsakwé꞉kon ne nahiakoteʼnién꞉ten ne ronhnonhontsakeró꞉nons.

Revelation 9:21

Tánon iáh teshonatatrewá꞉ton tsi nisakonaséhtons khéks ne raonatenhenhnaráhtsheras khéks tsi nihonahtenakwaiehsá꞉tons khéks tsi nihotinénskwen.