Revelation 15:3 - Ohiatonhseratokénti

³ Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 15:3 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

1 Chronicles 6:49

Né Aaron tánon tsi nihawatsirahtátie né꞉ne wahonhteríhonte tsi nitieiéstha ne kanethanórons tánon nahonteskónhthake né nahontsahatónhake ne ietsienharáhkwahke. Ronónha ronaterihwaiénhni nahonterihwastsʼstérisʼte akwé꞉kon tsi nihionterénhnaiens tsi nón꞉we ne kwáh iothó꞉kenti í꞉ken tánon ne karihwiʼiosehokónhas né Rawenni꞉io seshaʼkonikónhrenhse nʼIsraerʼró꞉nons rahotirihwaʼneraháktsheras. Akwé꞉kon kí꞉ken thóh nahatí꞉iere né tahionanénhaʼwe tsi nishakorihonhniénhni ne Mahís, Rawenni꞉io raonhátshera í꞉ken.

2 Chronicles 24:6

sók kíʼ Jehoiada iahó꞉nonhke, né꞉ne sakohéntenhse í꞉ken, tánon waʼharihwanónhton, “Onh niʼiohtséren tsi iáh teshanikónhrahre nètho Leviró꞉nons nahatiróhroʼke né Judah tánon Jerusalem nón꞉we nowísthas tsi nʼi꞉ioht ne Mahís, ne rohiotenhséhakwe ne Roiá꞉ner, tsi nishakorihwisenhénhni nonhkweʼshón꞉as; nahatikarhiáksheʼke nakonhwaié꞉nawaseh ne tsi Watosehró꞉te tsi nón꞉we nihénhteron ne Roiá꞉ner?” (

Nehemiah 9:14

Tánon ní꞉se wahshenésten ne senhniseratokentí꞉tshera tánon tashé꞉ion natsawenhrá꞉tseras, naterihwasehronhniá꞉tsheras tánon ne kaianerénhseras tsi nitsawè꞉non ne sanhá꞉tshera Mahís.

Job Tánon ne Raoronhiakensera 36:24

“Seiá꞉rak tesherénhsaron ne raoiothénhsera, ne ne tsi nahoʼténhshons nonkweshón꞉a teiakorihwakwá꞉ton.

Job Tánon ne Raoronhiakensera 5:9

Ónhka ne Iorihowá꞉nens tsi nihaieránions tsi nahoʼténhsons iáh tethewakwénes nahionkwaʼnikonhraién꞉taʼne, iorihwanerakwahténions né꞉ne iáh tewaséhtons?

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Psalms 105:5

Sewakwe Abraham nón꞉we niʼtisewatwatsiríhnon ne ne Rawenni꞉io raʼonhatshera kenʼne, Jacob nón꞉we nitisewatwatsiríhnon, rahónʼa ne Rawenni꞉io etʼtsisewaʼiataráhkwen, seweiárak ne iorihwanerahkwahthénions ne Rawenni꞉io tsi nihoieráhnion tánon ne karihwenhthá꞉tsheras tsi nithotkáwen.

Psalms 111:2

Tsi nihiorihowánens ne raoiothénhseras ne Roiá꞉ner, akwékon iakoteweiénston tsi niʼiákon ierihwaʼnorón꞉kwa.

Psalms 111:7

Akwékon tsi nihaiéra iorihwaʼtóken tánon tkarihwaʼiéri í꞉ken; akwékon tsi nihotsawénhron enhiekwéni nahontaiakétaʼkwe.

Psalms 139:14

Tekonhnonwerátons, tsioríhwa tsi nihiorihwaneráhkwat tsi tatsiatíshon. Tsi niʼiorihwanerákwat ne sahiothénseras; nètho kwáh ioiánere tsi wakateriéntare.

Psalms 145:17

Né Roiá꞉ner akwékon tkarihwaiéris ne raoweiénhnas, tánon thorihwaiéri akwékon tsi nihatseránions.

Psalms 145:6

Né naoshaststénhsera ne iorá꞉se kashaststénhseras kwáh enwatroríheke, tánon kwáh enkatróri tsi natesatenonhianíton.

Psalms 18:30

Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

Psalms 78:12

Rahotihéntons ne sakotisotʼthonhkonkénʼen rohioténhen ne iorihwanerákwat thóh tsi ionhontsáien ne Egypt, thóh kahentáke ne Zoan.

Psalms 92:5

Tsi naʼtehiotenonhianítons tsi niseweienhnótens, Saiá꞉ner! Tsi naʼteionótens ne sanontonhnióntsheras!

Psalms 99:4

Roshaststenhserowaʼnenhkówa Ronnontí꞉iokowa, ranorónhkwa nahó꞉ten ne tkarihwaʼiéri í꞉ken, í꞉se thisá꞉ha ne karihwakwaʼrihshióntshera í꞉ken; thóh nisaiéren tsi nahóten ne tkarihwaʼiéri í꞉ken wáʼshenh ne karihwakwarihshiónhtshera Nisraeró꞉nonke nón꞉we

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Isaiah 45:21

Tesewariwát꞉tet tánon tsiotá꞉si né sewarihwasónha; ánion skát꞉ne ratiʼtsiénhaien! Ónhka kí꞉ken iakokʼróri ne wahónhnise tkènhne? Ónhka iakorihotáshion norihwakáion? Iáh kén Í꞉i tèken, né Watiá꞉ner? Iáh kén ónhka né Ní꞉io akénhake tsi nó꞉kwah ní꞉i, né꞉ne roiánere Ní꞉io tánon Sakoiatákwas; iáh ónhka nó꞉ia tekáien ne ók ní꞉i.

Daniel 6:20

Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Zephaniah 3:5

Ne Roiá꞉ner ahotióhkwakon í꞉res kwáh rorihwakwahríhshion; kwáh iáh tahóthen thatahaterientawénhrie. Niatehioronhketsherá꞉ke iáh taorihwanó꞉ron naontahátkawe ne raorihwenhtátshera, Ók ne iáh tehiakoiánere iáh teierihwaienté꞉ri onhní꞉ioht nahiontéhen.

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

Deuteronomy 31:30

Ethò꞉ne ne Mahís tontahatnanétha kwáh akwé꞉kon ne karén꞉na tsi ná꞉he nonhkweshón꞉as Nʼiaraerʼró꞉nonhke iakotahónhsate.

Deuteronomy 32:3

Kwáh eksenhnakaráthate ne raoshén꞉na ne Roiá꞉ner, tánon ne rahonkweʼtashón꞉as kwáh enhontró꞉ri tsi nihoshatstenhserowá꞉nen.

Deuteronomy 34:5

Sók ki ne Mahís, ne Roiá꞉ner rahoná꞉tshera, warenhé꞉ie tsi wathonwenhtsá꞉ien ne Moab, kwáh ki tsi niháwenh ne Roiá꞉ner tsi thóh nenhoiatháwen.

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

Hebrews 3:5

Mahís rorihwahtókenʼne ne Rawenni꞉io raonónskon tsi ranhátsheraʼkwe, tánon né rotarákwen tsi nahorihoténsonsʼkwe ne Rawenni꞉io enhénron tsi niahawenonháti.

Joshua 22:5

Iorihwiióhak sewatewénhnarak ne kaianerénhsera né꞉tho Mahís tsi sewarihwatháti: tsi sewanorónhkwak ne Roiá꞉ner Sewaní꞉io, tatsisewaʼnikonhraié꞉rit, sewatewénhnarak ne rahorihwataʼtsheras, sewarihwatokénhak ne rahonhà꞉ke, tánon tsi sewahiò꞉tens kwáh seweriasakwé꞉kon ó꞉ni sewatonnheʼtsherakwé꞉kon.”

Revelation 1:8

“Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

Revelation 11:17

teotirihwákwen, “Tekwanonwerá꞉tons, Saiá꞉ner Ní꞉io Shatstenhserowá꞉nen, í꞉se ne sonhnheón꞉we tánon tokonhónwe són꞉nhekwe, Asè꞉ken í꞉se washé꞉neste ne shatstenhserowanenhkó꞉wa tánon tashá꞉tasawen nasát꞉koraste.

Revelation 14:3

Tánon wahthatirihwàkwe orenhná꞉se ohén꞉ton tsi wanitskwaratseró꞉te tánon raotihénton ne kaié꞉ri nihá꞉ti ne ronhnonʼnheón꞉we ratironhiakeró꞉nons ó꞉ni raotihén꞉ton ne rotitstonhonkónha. Iáh ónhka thaónton nahieweientè꞉tane né꞉tho karén꞉na ne khók ne énska tewenhniá꞉we kaiéri-niwáhsen kaié꞉ri nateonenhiawehetseráhsen ronónha ne shonwahtiiatákwen ne tsi ionhontsá꞉te.

Revelation 14:8

Eʼthò꞉ne ó꞉ia raroniakeró꞉non, né꞉ne tekenihá꞉ton raroniakeró꞉non, wahononterátse ne thotierénhton, ratón꞉nions, “Tehiohiosheniénhen, tehiohiosheniénhen se ne Babylon ne konwakowá꞉nen! Ahón꞉ha iakahonhnién꞉ni ratikwé꞉kon ne ronhnonhontsakeró꞉nons ratinekí꞉ra notsí꞉tsa ne tsi natehioterhiatitkónskon naón꞉ha tsi nihionhí꞉kon.”

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”

Revelation 4:8

Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”