Revelation 12:2 - Ohiatonhseratokénti

² Kahá꞉we iowiraientáhsere tánon tewaséntʼtos tsi niiorón꞉iake teiowehestá꞉nions tsi iowiraientáhsere, thóh tsi niioroniáken tsi iowiraientáhsere.

Revelation 12:2 ပူးပေါင်းရင်းမြစ်များ

Isaiah 26:17

Kwáh tsi níoht ne tsiothonhwísen ne iowíraien, tsi natewatsiathatahséons tánon tehiohenrétha tsi naʼtehiowehestánions nó꞉nenh ákta í꞉wes niahiohiátiʼwe, èhtho ó꞉ni ní꞉i nihionkwahiátawenhskwe Í꞉se saríhwah, Ó Saiá꞉ner;

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Isaiah 54:1

Tesewaríhwak, Ó tsi nítsion ne iáh tesewahwiraʼientáhon; tiaʼtesewahénret tsi tesewaríwak, í꞉se ne iáh tesewaronhiakénhon nahiʼsewawiraʼiéntane! Asèken nakohiohʼokónhas ne konwatewenhtéton iónkwe kwáh enhionatiokówanenhke tsi ní꞉ioht nakohiohʼokónhas ne ioniá꞉kon, rá꞉ton ne Roiá꞉ner.

Isaiah 66:6

Satahónsatat, tsi nitiorístare né kanatowanénhke! Tkaʼwenhninékens nononsatokentikówaʼne! Né꞉ne raowénhna Roiá꞉ner, né roterihwatsʼteríston karewatátshera tsi nòkwah né ronwáswenhs!

Micah 4:9

Nón꞉wa onhnontié꞉ren tsi nisawénhte tsi teshasénhtos? Iáh ken ne ronnontí꞉io tehèn꞉teron ne shonhà꞉ke? Ne iateʼnikonrá꞉wis wahaiatháton ken, káti watisawehestá꞉nion ne wesaié꞉na tsi ní꞉ioht ne iónkwe iowiraientásehre?

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Matthew 24:8

Akȣa sane neneh neok tsi tiotasaȣakȣen naieronhiakentakȣe.

John 16:21

Tsiniiot ne tsiothonȣisen ioȣiraientasere, ȣattokas eso oni tsi ioronhiaken aseken onen ieiotenniseriheȣi; nok tanon nonen teiotohestston, iah othenon teseȣeiare naoronhiakensera, neok enskat tsi tsiotonnhahere tsi onen are enskat nʼonkȣe saionnakerate.

Galatians 4:19

Nók oh tekanóron kwaienokónha! Kwáh káti shékon ne teskaieróntare tsi ní꞉ioht ne kanisténsera iakowiraientásere, kwáh thóh ní꞉ioht tsi tewakawehéstha ne sewariwáke tsi nióre ienkáhewe níse naʼtsisewanonteratiéseke ne Kerístos.

Galatians 4:27

Tsi niwáton noriwatokénti, “Sewatʼtsennonníhak ne iáh tesewawiraiénton tsi sewatʼthonwísen! Tesewahénret ó꞉ni tesewahséntʼto atʼtsennonniatserákon, í꞉se ne iáh nonwénton tesewaienteráʼon naisewaronhiáken naisewawiraiéntane! Asèken ne iónkwe ne tehiotetʼkháshion shékon wéso entsiowiraiéntane tsi ní꞉ioht ne iónkwe ne iáh nonwénton tatehiotetʼkháshion.”

Revelation 12:4

Ne rentáhsake wahónhewe nasénhaton nieiotsistohkwarónhnions tánon ohontsá꞉ke wahtewatesénhniete. Ethò꞉ne ne rononwahrontsétha waʼthá꞉tane ahohénton ne iónkwe tsi niká꞉ien ne ó꞉nenh thó꞉wa aiowiraién꞉taʼne, ne káti nahón꞉ton ahononwarhià꞉khon ne roiénha kwáh tsi niiostó꞉re enrehnakerá꞉te.