Revelation 11:3 - Ohiatonhseratokénti

³ Tánon enkhé꞉ion ne teniiá꞉se ne ionkeriwanirá꞉tis kakweʼniá꞉tshera nianirí꞉waken né꞉ne énskat tewenhniaweheʼtsheráhsen tékeni tewenhniáwe iá꞉iak niwáhsen niwenhniserá꞉ke nenkariwésonke, ne enhonatseronhniáton ká꞉iare.”

Revelation 11:3 ပူးပေါင်းရင်းမြစ်များ

Genesis 37:34

Eʼthó꞉ne kíʼ né Jacob waharatsón꞉ko ne raotsherónnia, tánon ká꞉iare wahatsherónniaʼte, tánon wahatshón꞉nion ne roién꞉ʼa raorihwá꞉ke ne ne wé꞉so wenhniserá꞉ke.

2 Samuel 3:31

Ehʼthóhʼne ne Táwit wahawénhase ne Joab tánon ratikwé꞉kon nonkweʼókons ne raón꞉ha ratikweʼkonhátsiene, “Sewaratiónko ne sewatserónh꞉nia, tánon káiare í꞉sewats, tánon tsi sewatiónhnions ne Abner.” Tánon ne Ronnontí꞉io ó꞉naken í꞉rehne tsi rathirontotserenháwine.

1 Kings 21:27

Nó꞉nen ne Elijah sahá꞉sa tsi nihotháraʼkwe, Né Ahab waharatiónhko ne rahotserónhniat, wahatseronhniáshion, tánon káiare sahatʼtserónhniaʼthe. Iáh tehatʼthóntats tahatskáhon, tshiehotserónhni ne káiare tsi ienhó꞉taʼwe, tánon ronhnátk꞉sen ó꞉ni thonikonhrénhen.

2 Kings 19:1

Kwáh tsi niʼiostóre ne Ronnontí꞉io Hezekiah wahá꞉ronhke tsi nahonhníron, waharátion ne rahotserónhniat kanikonratʼtsenhtserákon, káiare sahatʼtserónhniaʼte, tánon raʼononsatokentiʼkówaʼne ne Roiá꞉ner iahatáweiaʼte.

1 Chronicles 21:16

Né Táwit wahó꞉ken ne raronhiakeró꞉non tsi ioweráhre nón꞉we níreskwe, roienawákon ne raʼosarekówa, rotateweienhnentáhon nahatenaténtʼtho ne Jerusalem. Ethó꞉ne ne Táwit tánon nonkweʼshón꞉as sakotiʼhenténhse—ratiʼkwé꞉kon káiare ronatʼtseronhniáton—ehtàke tsi wathontsákeʼte, kwáh ohontsáke tsehatiʼkónshaʼien.

Nehemiah 9:1

Tánon ne tewáhsen kaié꞉ri siwenhniserá꞉te ne tsi niwenhnitá꞉rakwe, nahonkweʼtashón꞉as Nisrael wahontiaʼtaró꞉roke skátne tsi wahonhnenhtónhtsete tánon kaiá꞉re wahontserón꞉niate tánon ratinontsí꞉ne wahonthatenkenrá꞉ro.

Job Tánon ne Raoronhiakensera 16:15

Ne wakenítkhon ne káiare nahó꞉ten nakenhehónhne, tánon watakenroién꞉ton nakeshatsthénhsera.

Psalms 69:11

Nó꞉nen ne waʼkatakwenónhniate ne káiare, né waʼhonhkónhniate ne thahionkewenhnónhni ne ronnónha.

Isaiah 22:12

Né thóh entewenniseráteke ne Sakoiá꞉ner ne ronterí꞉ios ratironhiakeró꞉nons iasakonónkkon ne teionhséntʼthos tánon ne ronaktiónhnions, ahiʼsewathatenónkare tánon káiare ahisewatʼtserónhniaʼte;

Jeremiah 1:10

Nónhwa wenhnisehráhte tahkónhion ne kashaststénsera tsi nòhkwa nonhkweshón꞉ʼa ó꞉ni tsi kanahkerahsehrahkérons ne tahsatʼthokwahte ó꞉ni nahonthasahsenhte, nasehrihwahthonte tánon sahsehshastsʼtensehrahkénni, nahsónni tánon nahshiéntʼtho.”

Lamentations 2:10

Ne rotistenhokónhas ne Jerusalem owéntsiake rathítskote kwáh thatehonátote, Rohnakénrare ne rathinontsí:nes tánon káiare ronatʼtseronniáton. Ne nitiotihiónsas owentsiake né nón iatehionatʼtiátʼton.

Ezekiel 4:6

Tánon nónenh iatenshóhk꞉ten nètho, shasatiatakarátʼtho ne nónhwa ne sehsenekwáhti nohkwáhti tánon ne nónhwa sasharonhiákent ne Judahró꞉nons raothinítshera ne꞉ne kaiéri-niwáhsen niwenhnisehráhke—ne꞉ne sewenhnísehra ne tiosehrátʼtions ne raothirewahthátshera nikaríwes.

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Daniel 8:14

Onkwathón꞉teʼne ne ó꞉ia raronhiaʼkehró꞉non waʼthorihwaserá꞉kwaʼse, “Eʼtho neniohtónhake tsi niió꞉re ne tékeni tewenʼniaweʼehtsheráhsen tánon áhsen tewenʼniáwe niiokárahtsherá꞉ke ó꞉ni niiorhonʼkehtsherá꞉ke, iáh thaonsahontienʼkwaronniáthake. Eʼthó꞉ne né ononhsahtokénhti enskakwatákwen.”

Joel 1:13

Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.

Jonah 3:5

Ne onkwehshón꞉ʼa tahonnéhtahkwe ne Rawenni꞉io raoterihwahnotáhtshera. Sók kiʼ iaʼthotirihwaién꞉taʼse kwáh onkwehtakwé꞉kon tsi ahonnentóntiehte, kwáh tsi niaʼteionkwè꞉take, aiakonkweʼtowá꞉nen tóka ó꞉ni kenʼk naiehsén꞉nahske, kà꞉iare enhontsherón꞉niaʼte ne naʼhonne nehste tsi sahontatré꞉wahte.

Jonah 3:8

Kwáh onkweʼtakwé꞉kon tánon ne katshé꞉nenʼs ónenk tsi kà꞉iare eniotí꞉rake. Kwáh kátiʼ onkweʼtakwé꞉kon iakoterihwaién꞉ni akawé꞉riane aontaietáhko naʼionterén꞉naien Raonhà꞉ke ne Rawenni꞉io tánon ó꞉nenk tsi enióntkaʼwe tsi niiakorihwané꞉ren ó꞉ni tsi niiewehiennàksens.

Numbers 11:26

Tenihiáse ne tsáta nihatihiatáhsen ne sakotihenténhse, né꞉ne Eldad tánon ne Medad, tót꞉khók ienhíteron tsi nónhwe nihonanahthaiéntakwe tánon iáh tshiehotihiakènʼen ne tsi tewatóhsehrote niahoné꞉nonhke. Thohnónhwe tsi nónhwe nihonanáhtaien Rawenni꞉io raonikónra wahonatsiénhase, tánon tahiatásawenh wathoʼtihénrete tsi ní꞉ioht ne rotitókenhse.

Matthew 11:21

Sententasere Korasin, ise oni Betsaïta! Aseken, Tirne ok neʼsʼenʼsʼ Sidonne etho naioriȣanerakȣatenionke tsi naonkieren, katkaron ahontahonatakenroserhon tsinahonsahonatatreȣaton.

Matthew 18:16

Nok nʼiah tenhiataonsatathe, teionkȣetake satonkȣetaȣentat noriȣiio akenhake, tsi nenhonathonteke ne teniiase, ok nʼesʼnasen.

Luke 10:13

Sententasere Korasin; sententasere Bethsaïda! aseken naiohnatkaton ne Tyr oni ne Sidon tsinikon nise satkattos ne ioriȣanerakȣatenions; katkaron nah nehne tahontaiakotatreȣaton, kaiare aiakokȣason nok okenrake aiontesereseke.

Luke 24:48

Ise ȣahi noriȣakȣekon seȣatkathon; onen kati entkȣatennietase tsini horharastston ne Rakeniha.

John 3:27

Tontahenron ne Saȣatis: iahse othenon tahakȣeni ne ronkȣe neiah Karonhiake tahontahonȣatennietasere.

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

Acts 13:31

Tánon tóhka niwenniseráke sahsakothoʼtháshase tsi niháti ne skátʼke tehonatʼthahákwen ne Galilee tsi nióre ne Jerusalem. Nónwa ronónha ronwariwanirátis tsi nòkwa ne Israerʼró꞉nons.

Acts 2:32

Rawení꞉io kwáh shokétskwen kí꞉ken Ié꞉sos ne kenheʼhiát꞉ne, tánon tewakwékon ionkwatʼkáthon kí꞉ken nahorihóten.

Acts 3:15

Í꞉se sewarihonníʼon tsi warénheie ne tsi nikáien thesakówis natónnhets, nók Rawení꞉io sohkétskwen ne kenheʼiátʼne—tánon í꞉i iakwariwanírats kí꞉ken.

1 Corinthians 12:28

Ne tsi ionterennaientákwah Rawenni꞉io akwékon rokwahtákwen tsi nikentiokoténsons shakorohónton: né thonatierénton ronteriwahnótʼthas, ne tekeníhaton iehatiríwahkens, tánon nasénhaton sakotirihonniénnis; ehʼthóne tsi nikáien ne ioriwahneráhkwat tsi nihatí꞉ierah, ne tionóntere tsi nikáien ne tonwahnáwi ne kasatsténshera nahontétsenthe tóhkaʼ ó꞉ni nashakotiʼiénawaʼse nakorénsons tóhkaʼ ó꞉ni nashakotihéntense tóhkaʼ ó꞉ni thiʼwenhnásathe ahontáti.

2 Corinthians 13:1

Ó꞉nen ne kí꞉ken nahsénhaton nienwaterátste ienskwanatahré꞉nahse. Ne káti tsi niwá꞉ton ne Kahiatonhseratokénhti, “Ne kwáh nitkónha tehniʼiáse tehiotonhontsóha nanirihwaní꞉rate tsi iakohní꞉kon.”

Ephesians 4:11

Rahónha wáhi iatékon tsi ní꞉ioht tsi sakoiatarakwenháton nonkwesónha; ótiakes natiriwakarenieseke, ótiakes niahatiriwakénseke, ótiakhes tahonteriwaré꞉niate, ótiakhes rathitsihénstatsis tánon ó꞉ni sakothiriʼhonniénnis.

Deuteronomy 17:6

Ók ki, onhwáton nahonwatinonhwarià꞉kon tó꞉ka teionkwè꞉take tó꞉ka ó꞉ni sénha iakotiohkowá꞉nen ahieriwahní꞉rate tsi nokwáh ne ronónha; tó꞉sa ki ronhwatinonhwarià꞉kon tó꞉ka tsonkwè꞉ta kók ieriwahní꞉rats.

Deuteronomy 19:15

“Ne saiáta iáh tsiaʼtekaié꞉ri nashakoriwénhte ne sewaterihwatewá꞉ton; ne kwáh nitkónha tehniʼiáse tehiotonhontsóha nanirihwaní꞉rate tsi iakohní꞉kon.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 11:2

ók tó꞉sa sateʼnién꞉ten naotenhenrá꞉kon nononsatokentikó꞉wa; thóh ne niiotónhak, asè꞉ken né꞉ne ronwaná꞉wi ne ronhnonhontsakeró꞉nons, tánon kwáh enhatirathatsésons nhonatatokénti né꞉ne kaié꞉ri niwáhsen tékeni niwenhnì꞉take nikarí꞉wes.

Revelation 11:6

Rothikweniatsherá꞉ien nahninhó꞉ton tsi karonhiá꞉te, ne káti iáh thaiokennhó꞉reh tsi nikarí꞉wes ienhniriwakénsheke, ó꞉ni rotishatstenhserá꞉ien tsi nokwá꞉ti nonekasónhas né꞉ne anón꞉niate oʼnekwénhsha, ó꞉ni nanikarehwá꞉te tsi ionwenhtsá꞉te ne kwák tsík niatekanhrotensons, kwáh tsi niiót꞉kate tsi nenhiaská꞉neke.

Revelation 12:6

tánon ne iónkwe onté꞉ko thóh niahá꞉he iahonwenhtsiaténhake, thóh nón꞉we nihanaktaseronhnién꞉ni ne Ní꞉io, káti thóh nón꞉we enwá꞉ton takonwasniéne né꞉ne énska teweniaweheʼtsheráhsen tékeni tewenhniáwe iáh-iak niwenhniserá꞉ke.

Revelation 13:5

Ne katsinoniowá꞉nen Ní꞉io wahorí꞉hon nahatá꞉ti tánon ne wahatatsáte ne tahataterénhsaron tánon nahonikonrakarewáhte ne Ní꞉io, tánon tsi wahonwarí꞉hon né꞉ne á꞉ratste kakweniá꞉tshera né꞉ne kaiéri niwáhsen-tékeni niwenhní꞉takes nikarí꞉wes.

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Revelation 20:4

Eʼthó꞉ne wakatkáto anitskwáras, tánon tsi niká꞉ien né꞉tho ratitskó꞉tons thonwaná꞉wi ne kakweniá꞉tsera ne tahatiiatórehte. Kwáh ó꞉ni waʼkéken tsi nihá꞉ti ne ronwaʼtiniaʼrhiát꞉khon ne tsi nihonwariwanirá꞉ti ne Ié꞉sos tánon ne raowenhnaó꞉kons ne Ní꞉io. Ne ronón꞉ha iáh ne tekonwashén꞉naien ne kaʼtsi noniowá꞉nen raohiatónhni tánon iáh teotiiená꞉on ne tahonwatikenkwaraiá꞉tonhke khóks ó꞉ni ne rontsá꞉nakes. Sahontonnhéte tánon waontkoráste tsi ní꞉iot ne ronhnontí꞉io skátne ne Kerístos ne énska tewenniawehetseráhsen niioserá꞉ke niká꞉ris.