Revelation 10:3 - Ohiatonhseratokénti

³ iorakaré꞉ni tsi wathohénrete, kwáh né꞉ne kénreks rotonhrá꞉ien. Tánon né꞉nenh tehohénrehte, ne tsá꞉ta nihá꞉ti ratiwé꞉ras enká꞉wereh.

Revelation 10:3 ပူးပေါင်းရင်းမြစ်များ

Psalms 29:3

Né Roiá꞉ner raowénhna thóh í꞉wes éhʼneken ne kaniatarakekó꞉wane; ne rohiatanerákwat Rawenni꞉io roweráston, tánon ne raowénhna iatekawenhnaníharas éhʼneken ne kaniatarakhekówahne.

Proverbs 19:12

Ronontí꞉io raonaʼkhwènhsera ne shá꞉ka ne kèn꞉reʼks tsi ratonriá꞉iens, nok ne tókaʼ enhtshateweientón꞉hahse ne táhseren tsi ni iotshennónnia nó꞉nen eniokén꞉nore.

Isaiah 31:4

Asèken ne kí꞉ken aoríwa ne Roiá꞉ner wahakénhase, Kwáh tsi ní꞉ioht ne kènreks khés ne kenʼnithohiónha kénʼreks rotatenakónhni tsi nihotherhiotakéken, tánon—nó꞉nen ne raotiʼtsiókwah ne teiotinakaronhtónha sakotiʼnikónhrare ienhonwatinón꞉ke nahonʼsahonwaseré꞉son— káti ne Sakoiá꞉ner ne ratironhiakeró꞉nons kwáh kí enhtáts꞉nenhte nahaterí꞉io thóh tsi Ionónte Zion tánon thóh tsi ionhniáhere.

Isaiah 42:13

Né Roiá꞉ner iahaténti tsi ní꞉ioht ne raterí꞉ios, tsi ní꞉ioht ne raterí꞉ios tahonakwénhsere; iathohénrete, iorakaréni tsi wathohénrete, teiotenonʼianíton tsi wahathaténesʼte rahotihénton ne ronwáshons.

Isaiah 5:29

Ronatonráien kwáh né꞉ne kénreks, kwáh né꞉ne kén titotihiónsas kénreks tsi ronatonhráien; ronatatenakónhni tánon wahonwaiéna ne raotirió꞉ta, iahatíhawe, tánon iáh ónhka taiekwéni nahonsahonwaniákenʼte.

Jeremiah 25:30

“Ní꞉se, Jeremiah, ónenhk tsi ensatró꞉ri kwáh tsi niatehioriwáhke tsi niwahken. Onenhk tsi kwáh ensehró꞉ri ki onhkwehshón꞉ʼa, ‘Ne Roiá꞉ner kwáh enthatonráien karonhiáke tánon enkawérer è꞉nekens tsi karonhiá꞉ke. Rahónha kwáh ensakotonrá꞉ien ne rahonkweʼtashón꞉as; kwáh tenhohénrete tsi ní꞉iot ne rónhkwe rasrahthátses nonenhará꞉kes. Kwáh onkweʼtakwé꞉kon tsi ionwentsá꞉te enhonwathónhteʼne,

Ezekiel 10:5

Tánon tsi nihioráhkare ne ranerahontsákes ne niʼnikonhrare iotokentis tsi nióre ne ástste nonhtenhenráti iehioronhkàt, tsi ní꞉ioht ne raowénhna ne Ní꞉io Roshaststenserowáhnen nónenh enhatáti.

Hosea 11:10

Kwáh Roiá꞉ner enhonwáhsere, raónha ratonhrá꞉iens kwáh né꞉ne kénreks; né nó꞉nen enhatonhráien, ne sakoioʼokón꞉as kwáh enhotiiatisónkwahne tsi iaʼtewatséntos nentónhne.

Joel 3:16

Tánon ne Roiá꞉ner kwáh enhatonrá꞉ien ne Zion nón꞉we, tánon thethawenhnákare Jerusalem nitewé꞉tha, tánon ne tsi karonhiá꞉te ó꞉ni ne tsi ionhontsá꞉te enhioʼwá꞉ke. Ók kiʼ ne Roiá꞉ner rahónha teshakó꞉nes neʼ rahonkweʼtashón꞉as, rohiataní꞉ron tsi nokwáh nonkweshón꞉as Nisraeró꞉nonke.

Amos 1:2

Tánon ne Amos wahén꞉ron: Ne Roiá꞉ner thawennotátieʼs tsi tionón꞉te ne Zion, tánon thotewennóntieʼs Jerusalem nitewéhtha; tánon ne tsi shakotiʼterontáhkhwah ne teiotinaʼkarontón꞉ʼahs natèn꞉rakon iáh oh thé꞉nen tetsókhware, tánon nonontakèn꞉iate ne Carmel akwé꞉kon nenhné꞉eh ionatekhwí꞉son.

Amos 3:8

Ne kèn꞉reks wahatonrá꞉ien; ónhka ne iáh thaiakóhteronʼne? Ne Roiá꞉ner Rawenni꞉io rotatí꞉ʼon; ónhka aiekwé꞉ni nek khok kíʼ niaierí꞉wake?

Revelation 14:2

Tánon wakewenhná꞉ronhke thóh nontá꞉we karonhiá꞉ke thóh nikawennhó꞉ten kwáh né꞉ne wé꞉so tewaséntha tánon kwáh tsi niiorakáre kwáh né꞉ne iorakaré꞉ni tsi iowé꞉ren; ne owén꞉na onkatontè꞉ne thóh nikawenhnhó꞉ten kwáh né꞉ne onhowakó꞉wa ronaterén꞉note.

Revelation 15:1

Eʼthò꞉ne ó꞉ia sakatkáto tsi niwatieronhníststa ne karonhiá꞉ke, teiotenonhianì꞉ton tánon ioriwanerá꞉kwat tsá꞉ta nihá꞉ti ratironhiakeró꞉nons ne ronatienawáston ne tsá꞉ta ní꞉kons kanratariné꞉tsheras, né꞉tho ne nonakénkha í꞉kens, Asè꞉ken tsi nokwáh ne ronón꞉ha ne raoterhiatitkhóntshera ne Ní꞉io iahontók꞉ten.

Revelation 15:7

Eʼthò꞉ne saiá꞉ta ne kaié꞉ri nihá꞉ti ratironhiakeró꞉nons tashaká꞉wen ne tsá꞉ta nihá꞉ti ratironhiakeró꞉nons tsá꞉ta nikatsá꞉kes nowistanó꞉rons í꞉ken kwáh ne kaná꞉non ne raoterhiatitkhóntsera ne Ní꞉io, tsi raónha ne ronhnhehón꞉we ne tsi nén꞉we tánon tsi nén꞉we enkénhake;

Revelation 4:5

Thóh nontaiawenonhátie tsi wanitskwahratsérote tewaktsiraríhkons tewaninekarawánions, tánon iowerenhá꞉ties tánon iorakaré꞉ni tsi iowéren, tánon thóh ohén꞉ton tsi wanitskwaratseró꞉te iotékha tsá꞉ta ní꞉kons ne iotón꞉kote wathaserothákwas, né꞉tho né꞉ne tsá꞉ta niwatonhnhatserá꞉ke ronwaiò꞉tenhse ne Ní꞉io;

Revelation 8:5

Ethò꞉ne ne raronhiakeró꞉non wátrakwe ne iontsienkwaronhiatáhkwa kát꞉tse tánon thonthahatsirá꞉rate tsi nathatsí꞉rakwe ne ietsienharáhkwake tánon ohontsá꞉ke iahó꞉ti; tánon tsi niiorakaré꞉ni wakawé꞉re, iowerenháties, tewaninekarawá꞉nions, tánon teiahontsisónkwa.