Revelation 10:1 - Ohiatonhseratokénti

¹ Tánon wahí꞉ken nó꞉ia rashátste raronhiakeró꞉non tahosnenhtonhátie karonhiá꞉ke, ne teotwanát꞉tonh notsá꞉ta, ioronró꞉te teioʼkwatá꞉se ne ranontsí꞉ne; ne rakón꞉sake thóh ní꞉iót kwáh né꞉ne karáhkwa, tánon ne rashinakéhsons thóh ní꞉iot kwáh né꞉ne iotón꞉kote.

Revelation 10:1 ပူးပေါင်းရင်းမြစ်များ

Psalms 104:3

waʼtesehrontawenhrahnion ne tsi sanón꞉shote tsi nón꞉we nihiokenhnó꞉res ne tsi iotsikeraʼrónhnions, ne tsi iotsatarónh꞉nions otsiónkwah waʼsatesehretónhniaʼte, ne tsi iahóte né wesahiathénhaʼwe,

Psalms 97:2

Otsátas tánon ne kwáh tetiokaraskówa kwáh ne tehotsatátons; karihwakwarihshón꞉tsheras tánon kaiáneren né kenskwará꞉kwen ne raonitskwáhra.

Exodus 16:10

Ne Aaron tsi nasakothá꞉raʼse ne ratiʼnakeraʼserakwékon, kahenthaʼkekówa nòkwah niahontiérahʼte, tánon thontahiaʼwénstsi ne tehiokarahiákt kaswatʼthétshera né꞉ne Roiá꞉ner wahaʼthotási tsi iotʼtsáthare.

Song of Songs 5:15

Ne raʼshinákes kwáh ne neh kaʼnawahatótons ne kanenhiaʼnóron íken, tsi karahte owistanoron íken. Tsi nihatkatotseró꞉ten kwáh ne neh tekaiestáshion onentahkwentétsera ne Lebanon, Tsi írahte tsi nihotʼkwéniens.

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Isaiah 54:9

Kwáh né꞉ne tsi nihotenhniseraʼténionsʼkwe ne Noah nakerihwá꞉ke: kwáh kí tsi niwakerihwanirá꞉ton nètho raoʼnekaókons ne Noah tsi kwáh iáh shé꞉kon thaʼhonsontnekawénhraʼte ne tsi ionwenhtsáte, ká꞉ti wakerihwaniráton tsi kwáh iáh shé꞉kon tahonsakonnákwahʼse tánon iáh tahonsakoniaʼtewenhnaiéntonʼwe.

Lamentations 3:44

Ne kwáh teiotsikeranónʼiani sóhtsi kátens ne hiataiótkaʼwe non kwaterénnaient.

Ezekiel 1:28

Kwáh tiosaháton ne rahiatakʼtóntie tsi tehioterónhronhte, tsi ní꞉ioht ne iorónhronhte teioswátʼte ne tsi iotsikerahrónhnions. Thóh kíʼ ní꞉ioht ne raohiatanerahkwáhtshera ne Roiá꞉ner tsi wahakathotáshiaʼse. Nónenh shakatkátho, kwáh tiekʼkonhskárahte tsi okenhráhke wahtiataiéntahne, tánon onhkathóntehne ónhkak ionhktharáhni,

Daniel 10:6

Ne raieròn꞉ke éhthoh ʼnaʼteiohstaráthe tsi ní꞉ioht ne kwáh kanenianó꞉ron. Ne rakonhsà꞉ke tho nateiohswáthe tsi ní꞉ioht nó꞉nen tewaniʼneʼkaraʼwánions, tánon ne rakahraʼkéshon tsi ne ní꞉ioht nótsire. Ne ranentshaʼkéshon ó꞉ni ne rahsinaʼkéshon teiohstaráthe tsi ní꞉ioht nó꞉nen tekahstarathé꞉ton ne kwénnis, tánon tsi róhthare ne teskaieróntare tsi shí꞉ken ní꞉ioht ne kwáh iakotiohkowá꞉nen.

Daniel 7:13

Tsi ní꞉ioht tsi waʼkatkahthóseron ne tsi niwahsón꞉tes, kwáh né ne ón꞉kwe teskaieróntare tsi wahíken. Tsi nón꞉we ní꞉keʼs nontahawenonhátie teiotshátare ne raiaʼtákta, tánon eʼtho niaháre tsi niká꞉ien ne wahónnise shihrónnhe tánon waʼthonwatenròseron.

Leviticus 16:2

Wahénron, “Tsró꞉ri ne tiathatekénha Aaron thóh né khók né nó꞉nen kwáh tkariwaiéri tsi nenhkaháwiʼke nonàken tsi ioniatarénhton niá꞉re tsi nónh꞉we ne kwáh iotokénti íken, tsioríhwa tsi éhtho nónhwe tsi iotsíkerare nenhkathotási é꞉neken tsi iotenonhthékon ne Ateriwaseronhniátshera Onerókwah. Tó꞉ka enhatewenhnónhti, kwáh kíʼ enhonwanonhwariákon.

Matthew 17:2

Nok rahotihenton etho ȣathatteni; eh nahakonsotenne tsiniiot ne karakȣa, nok ne raotseronniat eh nakenrakenne tsiniiot noniete.

Luke 21:27

Nok ethone oni onen enhonȣaken nonkȣe Roienha otsikerakesson natenthaȣenonhatie kasastenserakon oni Kaiatanerakȣatserakon.

Acts 26:13

Neh owahakéson ne entié꞉ne síkare, Sanontí꞉io, wakatʼkátho sénha teioswátʼte tsi ní꞉ioht ne karákwa, tsi karonhiáte nontáwe tánon wationkwá꞉wanake neh ronhnónkwe ne skát꞉ke ionkwatʼtahitákene.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.

Revelation 18:1

Shontóhetste kí꞉ken sahí꞉ken ó꞉ia raronhiakeró꞉non tahosnentonhá꞉tie karonhiá꞉ke, kwáh í꞉ken tsi rokweniatserowá꞉nen; tánon ne tsi ionwenhtsá꞉te ne watsoswatéten tsi nihohiatanerákwat.

Revelation 18:21

Eʼthó꞉ne rashatsteʼkó꞉wa raronhiakeró꞉non waʼthanenhiákwe ne teskaieronhtá꞉re ne kaʼthétha onénhia tánon thóh iahonenhiónti kaʼniatarakeʼkowáhne, ratónhnions, “Ne tsi niwahteriioseranónhwe ne Babylon ne kashennowá꞉nen kanatowá꞉nen kwáh kíʼ enkonwariwahtónhte, tánon iáh nonhwénhton shé꞉kon tahonsakonwáhken;

Revelation 20:1

Eʼthó꞉ne waʼhí꞉ken raronhiakeró꞉non tahosnenhtonhátie karonhiáke, ne roʼtiakwenónhni nahonontónkwa ne iáh tekanonwáre iosonwakáronte tánon ne kwáh karonkwashowá꞉nen.

Revelation 4:3

Tánon tsi niká꞉ien ne thóh renskwá꞉here ne teskaierón꞉tare tsi niwahshoʼkó꞉ten natʼthésa nikanenhióten tánon ne hioteherarónhnion, tánon ne tsi wanitskwaratsérote neh teiokwataséhton iorón꞉rote ne teskaieróntare ne teioshó꞉kwatʼte nohón꞉te.

Revelation 5:2

tánon wahí꞉ken ne roshatstenhserowanenhkó꞉wa raronhiakeró꞉non rariwanontónhnions kwáh í꞉ken tsi rowénhte, “Ónhka rorión꞉te ne tahahiatonhseraʼkhási tánon tahanhetsá꞉ke?”

Revelation 8:13

Ethó꞉ne wakʼkatʼkathónhnionwe, tánon wahiwenhnáronhke á꞉kweks rawenhnó꞉te tsi nihawénhna tsi nihá꞉tse ne satekaronhí꞉ien, “Rotitenhtasere, rotitenhtásere, rotitenhtásere ne ratinakeréhnion tsi ionwenhtsá꞉te, tsi nontewenhnó꞉ten nó꞉ia iehonrawátsta né꞉tho áhsen nihá꞉ti ratironhiakeró꞉nons ó꞉nenh thó꞉wa ahatihón꞉rawate!”