Revelation 1:8 - Ohiatonhseratokénti

⁸ “Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

Revelation 1:8 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 43:14

aiá꞉wens ne Roʼshatstenhserowá꞉nen Rawenni꞉io aontahtshition ne kentén꞉rat raohén꞉ton nétho rón꞉kwe, ne naón꞉ton taontahoténniehte nó꞉ia sewatateʼkén꞉ʼa tánon ne Benjamin. Ók ní꞉i, tóka ʼeh naiá꞉wenʼne aonká꞉tonʼse ne kheioʼokón꞉ʼa, eʼthó꞉ne kiʼ kwáh waká꞉tonʼs.”

Genesis 48:3

Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ,

Genesis 49:25

Ne Raoní꞉io ne iaʼníha, ráonha enhiaié꞉nawaʼse, Ne ne Rawenni꞉io Roʼshatstenhserowanenʼkó꞉wa ráonha enhiaiaʼtaté꞉rihste ne ne kaiaʼtateríhtshera nokennoréhsera ne karonhià꞉ke nèntewe, Tánon ne iohnoté꞉sonʼs kahnekonnion ne nà꞉kon nonhwentsà꞉ke, Ne ne kaiaʼtateríhtshera naionatiohkowáhnha ne tiohnhónskwaronʼs ó꞉ni neksaʼokón꞉ʼa.

Exodus 3:14

Ne Rawenni꞉io wahénron, “Í꞉i ne kwáh oriwi:io íken. Óʼnenk tsi enseró꞉ri: ‘Tsi nikáien nétho ronhwáiats Í꞉i tahakató꞉ri tsionhàke.’

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Isaiah 41:4

Rahónha thóh nihohiothénhon tánon thóh kí kén nioiéren, iesakonatón꞉nions ne tsi tahatinekwenhsatátie ne kwáh tsi tiotásawe? Í꞉i, ne Watiá꞉ner tewakatierenhton, tánon kwáh oná꞉ken enwakónhniaʼte.

Isaiah 43:10

Í꞉se nakerihwanirátshera í꞉ken, rá꞉ton ne Roiá꞉ner, tánon nakenhá꞉tsera tsi nikáien rihiatarákwen, né ká꞉ti nahisateriéntaraʼne tánon nahontaskétaʼkwe tánon nahiʼsanikonhraiéntaʼne tsi í꞉i seh ne rahónha í꞉ken. Nohénton ní꞉i iáh ónhka nakóren ne ní꞉io akénhake tehonwahiaʼtónhni, iáh ó꞉ni nón꞉ka nonàken ahonwahiaʼtónhni tsi ní꞉ioht ní꞉i.

Isaiah 44:6

Né kí aoríhwa rá꞉ton ne Roiá꞉ner, né Ronnontí꞉io NʼIsraerʼronónke, tánon né shoiatákwen, né꞉ne Sakoiáner ne ratironhiakeró꞉nons: I꞉i ne tiotierénhton ó꞉ni nonàken í꞉ken; Né tiaták꞉ta kwáh iáh tekaniʼioseráien nó꞉ia Rawenni꞉io akénhake.

Isaiah 48:12

Takwahtahónsatat, Ó Jacob, tánon Israel, ronónha iekhená꞉ton: I꞉i ne Ní꞉io í꞉ken; I꞉i nó꞉henton í꞉ken, tánon I꞉i nonàken í꞉ken.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Numbers 24:4

Né rakwénies nahothóntene tsi nahoténsons ne Rawenni꞉io ratónhnions. Né tshiatewatkharotáhons atetʼtshenhserákon tsi wakatkátho Honhkatashatáhrase ne Roshatstenserowánen Rawenni꞉io.

2 Corinthians 6:18

tánon kwaienʼokón꞉ʼa enskénhake. Kwáh akwé꞉kon ne ronnón꞉kwe tánon ne konnón꞉kwe kheienʼokón꞉ʼa enskenhá꞉ke tsi I꞉ʼi khók Rawenni꞉io wakeʼshatstenhserowá꞉nen.”

Revelation 1:11

watón꞉nions, “Shiá꞉ton thóh kaiaʼtonhserá꞉kon tsi nahó꞉ten waʼsatkáto tánon iaseiateʼniénten ne tsá꞉ta nikanónhsake ionterenhnaientáhkwas, thóh nón꞉we Ephesus, Smyrna, Pergamum, Thyatira, Sardis, Philadelphia, tánon Laodicea.”

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 11:17

teotirihwákwen, “Tekwanonwerá꞉tons, Saiá꞉ner Ní꞉io Shatstenhserowá꞉nen, í꞉se ne sonhnheón꞉we tánon tokonhónwe són꞉nhekwe, Asè꞉ken í꞉se washé꞉neste ne shatstenhserowanenhkó꞉wa tánon tashá꞉tasawen nasát꞉koraste.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 16:14

Ne kí꞉kens ne rontʼkonseráksens í꞉ken, iatékon tehatiieronhnionhátons, tsik nonwéhsons niehonhnétha tsi thathì꞉teronh ne ronhtinontí꞉ios ne tsi ionwenhtsá꞉te, ne nasakotiiataró꞉roke nahonterí꞉io ne thóh entewenhniserá꞉teke ne wenhniserowá꞉nen ne Ní꞉io rawenhní꞉sera né꞉ne Roshatstenhserowanenhkó꞉wa.

Revelation 16:7

Tánon onkahonshón꞉kote thóh nontá꞉we ietsienharáhkwake wá꞉ton, “Hén, O Saiá꞉ner Ní꞉io, sashatstenhserowanenhkó꞉wa, ne sariwenhthá꞉tseras tsi tkariwaié꞉ri ó꞉ni ioiá꞉nere!”

Revelation 19:15

Thóh tsi raʼsakáronhte tkaiá꞉kens iosarotí꞉ie ne enshakoièn꞉te ne ronhnonhontsakeró꞉nons, tánon kwáh rahón꞉ha enshakokʼkoraste ne enráste ne teioteristakwenónhni; kwáh tenharatatséshon ne otsí꞉tsa kanekonhniátha né꞉ne raonakwáhtsera ne raoterhiatitkhóntsera ne Ní꞉io ne Roshatstenhserowanenhkó꞉wa.

Revelation 19:6

Eʼthò꞉ne tsi nonkathón꞉teʼne kwáh né꞉ne iakotsarokwá꞉ton iakotiohkowá꞉nen, kwáh thóh niiót tsi iorá꞉kare kwáh né꞉ne wé꞉so tewasénhtha tánon tsi niiorahkaré꞉ni tsi nateʼiotenonhianíhton iowerenhá꞉ties, tsiateotihenrétha, “Teonwanonwerá꞉ton Ní꞉io! Asè꞉ken ne Roiá꞉ner onkwáh Ní꞉io í꞉ken ne Roshatstenhserohwanenhkó꞉wa ronhnontí꞉io.

Revelation 2:8

“Tánon raonhà꞉ke ne raronhiakeró꞉non ne tsi ionterennaientáhkwa nón꞉we ne Smyrna shiá꞉ton: Ne kí꞉ken ne raowenhnaó꞉kons ne thóh tierénhton tánon ne oná꞉kenkha í꞉ken, raónha ne rawenhé꞉ionhne tánon sahatónhnete:

Revelation 21:22

Iáh othenen tewakát꞉katon nononsatokenti ne kanatowanenhke, asé꞉ken naononsatokenti ne ne Roiá꞉ner Ní꞉io ne Roʼshaststenserowanenkó꞉wa tánon ne teiotinakarontón꞉ha owí꞉ra.

Revelation 21:6

Eʼthó꞉ne wahakénhase, “Ó꞉nen ontè꞉sa! Í꞉i ne tsiotserentá꞉kwen ó꞉ni nonakénkha, né꞉ne tsiotasawáhkwen tánon tsi ieiotót꞉te. Ne rotiniatát꞉tens í꞉i kwáh enkhenená꞉nonte tsi enkhé꞉ion thóh nénhtewe tsi tsió꞉nekote noné꞉kanos natón꞉nhets.

Revelation 22:13

Í꞉ih ne Alpha ó꞉ni ne Omega, ne ne tsiotserentá꞉kwen ó꞉ni noná꞉kenkha, ne ne tsiotá꞉sawahkwen tánon ne tsi ieiotót꞉te.”

Revelation 4:8

Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”